جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى
«چاڭجياڭ ەكونوميكالىق بەلدەۋىنىڭ جوعارى ساپالى دامۋىن اناعۇرلىم ىلگەرىلەتۋ جونىندەگى ءبىرقانشا ساياسات - شارا تۋرالى پىكىردى»، «جۇڭگو كوممۋنيستىك پارتياسىنىڭ سىرتقى ىستەر قىزمەتىنە باسشىلىق ەتۋ ەرەجەسىن» قارادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 11 - ايدىڭ 27 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 11 - ايدىڭ 27 - كۇنى ءماجىلىس اشىپ، «چاڭجياڭ ەكونوميكالىق بەلدەۋىنىڭ جوعارى ساپالى دامۋىن اناعۇرلىم ىلگەرىلەتۋ جونىندەگى ءبىرقانشا ساياسات - شارا تۋرالى پىكىردى»، «جۇڭگو كوممۋنيستىك پارتياسىنىڭ سىرتقى ىستەر قىزمەتىنە باسشىلىق ەتۋ ەرەجەسىن» قارادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.
ءماجىلىس مىنالاردى اتاپ كورسەتتى: چاڭجياڭ ەكونوميكالىق بەلدەۋىن دامىتۋ ستراتەگياسى − شي جينپيڭ جولداستى ۇيتقى ەتكەن پارتيا ورتالىق كوميتەتى جاساعان كەلەلى ستراتەگيالىق شەشىم. ستراتەگيا اتقارىلعاننان بەرى يدەيالىق تانىم، ەكولوگيالىق ورتا، دامۋ ءتاسىلى، وڭىرلىك توعىسۋ، رەفورما جاساۋ، ەسىك اشۋ سياقتى جاقتاردا كەلەلى وزگەرىستەر تۋىلىپ، دامۋ ساپاسى ورنىقتى جوعارىلاپ، دامۋ جاعدايى كۇن سايىن جاقساردى.
ءماجىلىس مىنالاردى باسا دارىپتەدى: چاڭجياڭ ەكونوميكالىق بەلدەۋىنىڭ جوعارى ساپالى دامۋىن ىلگەرىلەتۋ، تۇپتەپ كەلگەندە، چاڭجياڭ الابىنىڭ جوعارى ساپالى ەكولوگيالىق ورتاسىنا سۇيەنەدى. قاۋىرت قورعاۋدى بىرگە يگەرۋگە، قاۋىرت اشپاۋعا تيتتەي دە بۇلجىماي تاباندى بولىپ، جوعارى دەڭگەيدە قورعاۋعا اناعۇرلىم زور كۇش سالىپ، ەكولوگيالىق قىزىل سىزىقتى ساقتاپ، مەڭگەرىپ، كومىر قىشقىل گازىنىڭ شىعارىلۋىن تومەندەتۋدى، لاستانۋدى ازايتۋدى، جاسىلدىقتى كەڭەيتۋدى، ارتۋدى سايكەستى ىلگەرىلەتۋ كەرەك. عىلىم - تەحنيكادا جاڭالىق اشۋدى نەگىزگى قوزعاۋشى كۇش ەتۋگە تاباندى بولىپ، دامۋدىڭ جاڭا سالاسىن، جاڭا جارىس جولىن بەلسەنە اشىپ، وڭىرلىك جاڭالىق اشۋ تىزبەگىنىڭ توعىسۋىن كۇشەيتىپ، كاسىپ سالاسى تىزبەگىنىڭ، قامداۋ تىزبەگىنىڭ وسىزاماندانۋىن كۇش سالا ىلگەرىلەتۋ كەرەك. وزەن جاعالاۋىنداعى كاسىپ سالالارىنىڭ ورنالاسۋى مەن كوشىرىلۋىن ءبىر تۇتاس ويداعىداي يگەرىپ، ەل ءىشى مەن حالىقارا سىندى ەكى بازاردى اناعۇرلىم ويداعىداي تۇتاستىرىپ، ەكى ءتۇرلى بايلىقتان ويداعىداي پايدالانىپ، ەل ىشىندەگى ۇلكەن اينالىمنىڭ ىشكى قوزعاۋشى كۇشى مەن سەنىمدىلىگىن جوعارىلاتىپ، حالىقارالىق اينالىمنىڭ باۋراۋ قۋاتىن، ىلگەرىلەتۋ قۋاتىن ارتتىرۋ كەرەك. ولكەلەر ارا بىرگە اقىلداسۋعا، ەكولوگيانى بىرگە وڭاۋعا، جالپى ءوڭىر بويىنشا بىرگە قۇرۋعا، دامۋدان بىرگە يگىلىكتەنۋگە تاباندى بولىپ، وڭىرلىك قاتىناستىڭ ءبىر تۇلعالانۋ دەڭگەيىن جوعارىلاتىپ، فاكتورلاردى بازارلاندىرۋ رەفورماسىن تەرەڭدەتىپ، وڭىرلەردىڭ سايكەستى دامۋىن جەبەۋ كەرەك. دامۋ مەن حاۋىپسىزدىكتى ءبىر تۇتاس ويداعىداي جوسپارلاپ، مەملەكەتتىڭ ماڭىزدى كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگى مەن ورنىقتىلىعىن قورعاپ، الاپتىڭ اپاتتان ساقتانۋ، اپات زيانىن ازايتۋ قابىلەتىن جوعارىلاتىپ، ءبىر ءوڭىردىڭ ورنىقتىلىعى ارقىلى جالپى جاعدايدىڭ تىنىشتىعىنا ۇلەس قوسۋ كەرەك. ورتالىق ءبىر تۇتاس جوسپارلايتىن، ولكە جالپى جاۋاپتى بولاتىن، قالا، اۋداندار تياناقتاندىرۋدى يگەرەتىن قىزمەت مەحانيزمىنە تاباندى بولىپ، ءبىر تۇتاس جوسپارلاپ سايكەستىرۋدى جانە قۋزاۋ - تەكسەرۋدى كۇشەيتىپ، ساياساتتىق قولداۋ سەرپىنىن ارتتىرىپ، ءتۇيىندى سالالاردا ءبىر توپ كەلەلى رەفورمالاردى ىلگەرىلەتۋ كەرەك. داريا بويىنداعى ولكە، قالالارداعى ءار دارەجەلى پارتكومدار مەن ۇكىمەتتەر تۇلعالىق جاۋاپكەرشىلىكتى شىنايى اتقارىپ، قىزمەتتى تياناقتاندىرۋدى كۇشەيتىپ، قادام سايىن قامال الىپ، تىڭعىلىقتى ىلگەرىلەتىپ، ۇزاق ۋاقىت ۇلەس قوسىپ، چاڭجياڭ ەكونوميكالىق بەلدەۋىنىڭ جوعارى ساپالى دامۋىن ىلگەرىلەتۋدە ۇزدىكسىز تىڭ ىلگەرىلەۋشىلىككە قول جەتكىزۋى كەرەك.
ءماجىلىس مىنالاردى اتاپ كورسەتتى: «جۇڭگو كوممۋنيستىك پارتياسىنىڭ سىرتقى ىستەر قىزمەتىنە باسشىلىق ەتۋ ەرەجەسىندە» پارتيانىڭ سىرتقى ىستەر قىزمەتىنە باسشىلىق ەتۋى جونىندە بەلگىلەمە جاسالىپ، پارتيانىڭ ۇزاق ۋاقىتتان بەرگى سىرتقى ىستەر قىزمەتىنە باسشىلىق ەتۋدەگى وي جەلىسى، ۇستانىمى، ءتۇزىلىس - مەحانيزمى جانە تابىستى امالياتى تۇزىمدىك جەتىستىككە اينالدىرىلعان، بۇل پارتيا ورتالىق كوميتەتىنىڭ سىرتقا باعىتتالعان كەلەلى باعىت - ساياساتتارى مەن ستراتەگيالىق ورنالاستىرۋلارىنىڭ پارمەندى دايەكتىلەنۋىنە، اتقارىلۋىنا شىنايى كەپىلدىك ەتۋدە ماڭىزدى مانگە يە.
ءماجىلىس مىنالاردى باسا دارىپتەدى: پارتيا ورتالىق كوميتەتىنىڭ سىرتقى ىستەر قىزمەتىنە ورتالىقتانعان ءبىر تۇتاس باسشىلىعىن ونان ارى كۇشەيتۋ كەرەك. شەتەلگە ساياتىن جۇيەلى، كەمەلدى زاڭدار، زاڭ - ەرەجەلەر جۇيەسىن جەدەل قالىپتاستىرىپ، سىرتقى ىستەر قىزمەتىنىڭ تۇزىمدەنۋ، جۇيەلىلەنۋ، عىلميلانۋ دەڭگەيىن ۇزدىكسىز جوعارىلاتۋ كەرەك. جاڭا جورىقتا پارتيانىڭ سىرتقى ىستەر قىزمەتىنىڭ بورىشى مەن مىندەتىن جەتە تانىپ، شي جينپيڭ ديپلوماتيا يدەياسىن سىرتقى ىستەر قىزمەتىنىڭ تۇتاس بارىسىندا، ءار جاعىندا دايەكتىلەندىرىپ، تياناقتاندىرىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋگە ءتيىمدى شارت - جاعداي ازىرلەپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋ كەرەك.
ءماجىلىس باسقا دا ىستەردى اقىلداستى.
