باس شۋجي شي جينپيڭنىڭ مۇگەدەكتەرگە قامقورلىق جاساعاندىعى جونىندەگى حيكايا
شينحۋا اگەنتتىگىنىڭ تىلشىلەرى
باس شۋجي شي جينپيڭنىڭ كوڭىلىندە مۇگەدەكتەر ىستەرى ”شۋاقتى ءىس“ .
مەيىرگە تولى لەبىزدەر، ىقىلاستى شابىتتاندىرۋ كوكتەم سامالى وپكەندەي جىلى سەزىلەدى؛ جۇرەكتى جىلىتاتىن ارەكەتتەر، كومەكتەسۋ، سۇيەمەلدەۋ شارالارى سەبەزگىلەگەن كوكتەم جاڭبىرىنداي قالىڭ مۇگەدەك جانداردىڭ كوڭىلىن جادىراتىپ، ۇمىتكە بولەدى.
كوكتەم سامالى بەتتى وپكەندەي جىلى مەيىر: ”مۇگەدەكتەرگە ەرەكشە قامقورلىق جاساۋ، ايرىقشا نازار اۋدارۋ كەرەك“
2019 - جىلى 5 - ايدىڭ 16 - كۇنى حالىق سارايىندا 6 - رەتكى مەملەكەتتىك ءوزىن الۋەتتەندىرۋدىڭ ۇلگىلەرىن جانە مۇگەدەكتەرگە كومەكتەسۋدىڭ وزاتتارىن ماداقتاۋ - سيلاۋ جينالىسى اشىلدى. باس شۋجي شي جينپيڭ جينالىسقا قاتىناسقان ۋاكىلدەرمەن كەزدەستى ءارى ەستەلىك سۋرەتكە ءتۇستى.
قوسىننىڭ الدىڭعى قاتارىندا ۇستىنە اسكەري كيىم كيگەن، كوزىنە قالىڭ داكى وراعان ءبىر جاس جىگىت ءتىپ - تىك تۇردى. ونىڭ ەسىمى دۋ فۋگو، 2018 - جىلى 10 - ايدا ءبىر جولعى مينا تازالاۋ مىندەتىندە باقىتقا قارسى قوس قولىنان، ەكى كوزىنەن ايرىلعان ەدى.
دۋ فۋگونىڭ كوز الدى تاستاي قاراڭعى بولسا دا، باس شۋجيدىڭ قاسىنا تاياپ كەلگەنىن انىق سەزىنە الدى.
”ءتوراعا سالەمەتسىز بە“! دۋ فۋگو جارقىن داۋىستاپ، مۇگەدەك وڭ بىلەگىن كوتەرىپ ەرەكشە ءبىر اسكەري سالەم جاسادى. باس شۋجي سول قولىمەن دۋ فۋگونىڭ وڭ جاق شىنتاعىنان دەمەپ تۇرىپ، وڭ قولىمەن ونىڭ يىعىنان اقىرىن قاقتى.
جىلى لەپ كەرنەپ، سۇيىسپەنشىلىك ءۇنسىز ءتىل تابىستى.
ەكى ايدان استام ۋاقىتتان كەيىن دۋ فۋگوعا ”مينا تازالاۋشى قاھارمان جاۋىنگەر“ داڭقتى اتاعى بەرىلدى. ورتالىق اسكەري ىستەر كوميتەتىندە وتكىزىلگەن داڭقتى اتاق بەرۋ سالتىندا، باس شۋجي شي جينپيڭ قاھارمان ۇلگى وردەنىن سالتاناتپەن دۋ فۋگونىڭ كەۋدەسىنە تاعىپ، مۇقياتتىلىقپەن زەرلى باۋدى تۇزەپ قويدى. ”دەنساۋلىعىڭدى جاقسى كۇت“، - دەپ تابىستادى باس شۋجي.
وسىلاي ەكى رەت كەزدەسكەنگە دەيىن دۋ فۋگونىڭ مۇگەدەك بولىپ قالعانىنا جارتى جىلداي عانا بولعان ەدى. باس شۋجيدىڭ جىلى مەيىرىمى ونىڭ ومىرىندەگى ەڭ قيىن ساتتەردەن وتۋىنە تىرەك بولدى.
ەلەۋسىز ىستەردەن شىنايى سۇيىسپەنشىلىكتى بايقاۋعا بولادى. مۇنداي شىنايى سۇيىسپەنشىلىك ءاردايىم جالعاسىپ كەلەدى.
سول جىلى لياڭجياحىدا ليڭ ۋا ەسىمدى ءبىر بالا بولاتىن، اقىلىندا ءبىراز كەمىستىك بار بولعاندىقتان، كەيدە قىستاق تۇرعىندارىمەن ەرەگەسىپ قالعاندا، ءجابىر كورىپ قالۋشى ەدى.
ليڭ ۋانىڭ شەشەسى ۇنەمى بالاسىنىڭ اۋرەشىلىك تاۋىپ الۋىنان الاڭداپ وتىراتىن. ويلاماعان جەردەن بەيجيڭنەن كەلگەن زيالى جاس شي جينپيڭ ۇنەمى ليڭ ۋاعا جىلى ءجۇز تانىتىپ، قاشاندا وسى بالاعا مەيىرىممەن مامىلە جاسايتىن. كەيدە ليڭ ۋا ونىڭ نارسەلەرىن تارتىپ السا دا، مۇلدەم قاباق شىتپاۋشى ەدى.
”بۇل ارادا جينپيڭ بولادى ەكەن، ليڭ ۋا جابىرگە ۇشىرامايدى، ەمىن - ەركىن، كوڭىلدى جۇرەدى“، - دەدى اۋىلعا بىرگە تۇسكەن زيالى جاس ەسكە الىپ، شي جينپيڭ جولداس بەيجيڭگە قايتىپ داشۋە وقىعاندا، ليڭ ۋانىڭ اكە - شەشەسى ”مۇڭايىپ كوپ جىلاعان ەدى“، ”بەينە وزدەرىنىڭ ءبىر ەت جاقىنى الىسقا كەتىپ بارا جاتقانداي جابىرقادى“.
1993 - جىلى شي جينپيڭ جولداس تۇڭعىش رەت فۋجياننان لياڭجياحىعا قايتىپ، اۋىلداستارعا امانداسا بارعاندا، ليڭ ۋانىڭ تۇرمىسىندا قيىنشىلىعى بار ەكەنىن ەستىپ، وعان ارنايى اقشا قالدىرىپ كەتتى.
شىن ىقىلاس شىنايى سۇيىسپەنشىلىككە اينالدى.
1975 - جىلى 10 - ايدا شي جينپيڭ جولداس لياڭجياحىدان اتتانعان كۇنى ءجۇرىس - تۇرىسى قولايسىز مۇگەدەك قىستاق تۇرعىنى شى يۇيبيڭ ەكى بالداعىن تايانىپ، سۇيرەتىلە باسىپ قوشتاسۋعا كەلدى. شي جينپيڭ جولداس جۇرتتىڭ اراسىنان شى يۇيبيڭدى بىردەن بايقاپ، دەرەۋ الدىنان شىعىپ، ونىڭ قولىنان ۇستادى، كوز شاناعىنا جاس تولدى.
سارى توپىراقتى ۇستىرتتە باسىپ وتكەن ءاربىر قادامىندا مۇگەدەك بۇقاراعا دەگەن قامقورلىعى تەرەڭنەن ءوربىدى.
شي جينپيڭ جولداس فۋجوۋدا قىزمەت ىستەگەن كەزىندە ساڭسان رايونى شاڭدۋ مالىسىندە ناۋقاس سەبەبىنەن قىزمەتتەن بوساعان مۇگەدەك قىزمەتكەر لين كۇڭشياڭنىڭ تۇراتىنىن، ايەلىنىڭ ناۋقاستان مۇگەدەك بولىپ قالعاندىعىن، 18 جاستاعى قىزدارىنىڭ اقىل - ەسى كەمدەۋ بولىپ، ءبىر ءۇيلى جاننىڭ تۇرمىسى وتە قيىن ەكەندىگىنەن حابارلى بولعاننان كەيىن، رايونداعى قاتىستى جاۋاپتى ادامدارمەن اقىلداسىپ، حالىق ىستەرى تاراۋىمەن سايكەسىپ، ءبىر بولمەلى دۇكەندى لي كۇڭشياڭعا جالعا الىپ بەرىپ، وعان ازىق - تۇلىك، ۇساق - تۇيەك ساتاتىن دۇكەن اشقىزدى ءارى وعان قاتىستى جاردەماقى ءبىتىرىپ بەردى.
”مۇنداي ەرەكشە قيىنشىلىعى بار ادامدارعا ۇكىمەت ايرىقشا كوڭىل ءبولۋى كەرەك، ولارعا كوبىرەك ’قينالعاندا قول ۇشىن بەرۋ كەرەك‘“، - دەدى شي جينپيڭ جولداس.
مۇنداي ”ەرەكشە قامقورلىق“ پەن ”قينالعاندا قول ۇشىن بەرۋ“ شي جينپيڭ جولداستىڭ ساياساتپەن اينالىسۋ جولىندا ءجيى كەزدەسەدى.
فۋجوۋدا اكىمشىلىك جۇرگىزگەندە شي جينپيڭ جولداس ”دەرەۋ بىتىرۋدەي“ قىزمەت ستيلىمەن جۇمىستى سول جەردىڭ وزىندە ءبىتىرىپ، ارىز - ارمان قابىلداۋ قىزمەتىن ىستەدى. كومەك سۇراپ كەلگەن 70 جاستاعى ءبىر قارتتىڭ تۇرمىستىق قوسىمشا قاراجاتىن سايكەستىرىپ بەردى ءارى يگىلىك ورنىن ونىڭ كوزى مۇگەدەك ەكى بالاسىن تىڭعىلىقتى ورنالاستىرۋعا تابىستادى؛
جىجياڭ ولكەلىك پارتكومنىڭ شۋجيى مىندەتىن وتەگەن كەزىندە، ءبىر جىلى كوكتەم مەرەكەسى قارساڭىندا، شي جينپيڭ جولداس چۇيجوۋعا قيىنشىلىعى بار بۇقاراعا امانداسا بارعاندا، كۇندەلىك جۇمىس ءتارتىبى سونشا تىعىز ورنالاستىرىلسا دا، ساپاردى بارىنشا قىسقارتۋ قاجەت بولسا دا، ”مۇگەدەكتەردىڭ وتباسى قالىپ قالماسىن“ دەپ ەرەكشە العا قويدى؛
شاڭحايدا قىزمەت ىستەگەن كەزىندە، شي جينپيڭ جولداس قالالىق بالالار يگىلىك ورنىنا بارىپ مۇگەدەك جەتىم بالالارعا امانداستى، بالالاردىڭ قيمىلىنىڭ قولايسىز ەكەندىگىن بىلگەننەن كەيىن، كوپ رەت تىزەرلەي وتىرىپ بالالارمەن اڭگىمەلەستى، ولاردىڭ سىزعان سۋرەتتەرىن، ءان ايتىپ، ءبي بيلەگەنىن، ۇستەل دوپ ويناعانىن ىجداعاتپەن كوردى؛
پارتيا 18 - قۇرىلتايىنان كەيىن باس شۋجي شي جينپيڭ تەكسەرۋ - زەرتتەۋ بارىسىندا ءيىر - قيىر تاۋ جولىن بويلاپ، شانشيدىڭ لۇيلياڭشان تاۋىنىڭ قويناۋىنداعى جاۋجياۋا قىستاعىنا كەلدى. مۇگەدەك نەمەرە ۇل - قىزىن جالعىز اسىراپ وتىرعان ۋاڭ ساننۇيگە كۇرىش، ۇن، ماي جەتكىزىپ، جەرگىلىكتى كادرلارعا بالالاردىڭ ەرەكشە تاربيەسىن ويداعىداي ورنالاستىرۋدى تابىستادى...
”مۇگەدەكتەر ەرەكشە قيىنشىلىعى بار قاۋىم، ايرىقشا قامقورلىقتى، ەرەكشە نازار اۋدارۋدى قاجەت ەتەدى“. وسى ءبىر ”ەرەكشە“ سۇيىسپەنشىلىك باس شۋجي شي جينپيڭنىڭ جۇرەگىندە وتە سالماقتى ورىندا.
سەبەزگىلەگەن كوكتەم جاڭبىرىنداي ءنار: ”مۇگەدەكتەردىڭ نامىسىن قورعاپ، مۇگەدەكتەردىڭ ۇقىعىن قامتاماسىزداندىرىپ، مۇگەدەكتەردىڭ قۇت - ىرىسىن كۇشەيتۋ كەرەك“
ارادا 30 نەشە جىلدان كەيىن، فۋجيان ولكەسى مينچيڭ اۋدانى مۇگەدەكتەر بىرلەستىگىنىڭ ورىنباسار باس جوراسى حۋاڭ داۋلياڭ مەكتەپ باستىعى شي جينپيڭنىڭ وزىنە دەگەن قامقورلىعىن ەسكە العاندا، ءالى دە ايرىقشا تەبىرەندى.
حۋاڭ داۋلياڭ بالا كۇنىندە ءبىر رەتكى شىرعالاڭ سەبەبىنەن قوس بىلەگىنەن ايرىلعان، ايتسە دە ول قايتا سەرپىلىپ، اياعىمەن جازۋ جازۋدى ۇيرەنىپ، باستاۋىش مەكتەپتى، ورتالاۋ مەكتەپتى، ورتا مەكتەپتى وقىپ تاۋىستى. دەگەنمەن ءۇرتىس 2 رەتكى جوعارى مەكتەپ ەمتيحان ناتيجەسى دەرلىك جوعارى تەحنيكۋم ءنومىر شەگىنە جەتسە دە، ونى قابىلداعان مەكتەپ بولمادى.
1990 - جىلى حۋاڭ داۋلياڭ 3 - رەت جوعارى مەكتەپ ەمتيحانىنا قاتىناستى. ايتسە دە بالاسىنىڭ ءۇمىتىنىڭ تاعى دا سەلگە كەتۋىنەن الاڭداعان اكەسى مينجياڭ كاسىپتىك داشۋەسىنە حات جازىپ، بالاسىنىڭ ءبىلىم قۋۋ حيكاياسىن اڭگىمەلەدى. سول كەزدە فۋجوۋ قالالىق پارتكومنىڭ شۋجيى مىندەتىن وتەيتىن شي جينپيڭ مينجياڭ كاسىپتىك داشۋەسىنىڭ مەكتەپ باستىعى مىندەتىن قوسىمشا وتەيتىن. ونىڭ قامقورلىقپەن سايكەستىرۋىندە، حۋاڭ داۋلياڭ اقىرى مەكتەپ تابالدىرىعىن اتتاپ، فۋجيان ولكەسىندەگى تۇڭعىش بىلەگى جوق داشۋە وقۋشىسى بولدى.
”سول جىلدارى مەكتەپتىڭ مەنى قابىلداپ، ماعان اسا قىمباتتى داشۋە تۇرمىسىن بەرىپ، جاڭا ءومىر سيلاعانىنا العىس ايتامىن“، - دەدى حۋاڭ داۋلياڭ.
العىس نەشە ونداعان جىلدى ءبىر كۇندەي وتكىزىپ، كۇرەس جۇرگىزۋگە اينالدى. داشۋەدەن وقۋ تاۋىسقاننان كەيىن، حۋاڭ داۋلياڭ مينچيڭ اۋدانىنا قايتىپ، مۇگەدەكتەر بىرلەستىگىنىڭ ءبىر قىزمەتكەرى بولىپ، ءبىرىنشى شەپتە جۇمىس ىستەپ، وتباسىلارىن ارالاپ مۇگەدەكتەرگە قىزمەت وتەۋگە تاباندى بولىپ، ءتۇرلى ءتاسىل ارقىلى تۇتاس قوعامدى مۇگەدەكتەرگە كوڭىل بولۋگە، كومەكتەسۋگە، سۇيەمەلدەۋگە ۇندەدى.
”مۇگەدەكتەر − قوعام سىندى ۇلكەن وتباسىنىڭ تەپە - تەڭ مۇشەسى“. باس شۋجي شي جينپيڭنىڭ كوڭىلىندە مۇگەدەكتەر اقاۋسىز ادامدارمەن بىردەي ەكونوميكالىق، قوعامدىق دامۋدىڭ جەتىستىكتەرىنەن تولىق يگىلىكتەنىپ، ۇقساس اسپان استىندا باقىتتى تۇرمىس وتكىزۋ كەرەك.
كەدەرگىسىز ورتا قۇرىلىسى − مۇگەدەكتەردىڭ قوعامدىق تۇرمىسقا تەپە - تەڭ، تولىق، قولايلى ارالاسۋىنداعى جانە توعىسۋىنداعى ماڭىزدى قامتاماسىزدىق.
2020 - جىلى 9 - ايدىڭ 17 - كۇنى باس شۋجي شي جينپيڭ حۋنان چاڭشادا نەگىزگى ساتى ۋاكىلدەرىنىڭ اڭگىمە ءماجىلىسىن باسقارىپ اشىپ، نەگىزگى ساتى كادرلارى مەن بۇقاراسى ۋاكىلدەرىنىڭ ”14 - بەسجىلدىق“ جوبانىڭ جاسالۋى جونىندەگى پىكىرى مەن ۇسىنىسىن تىڭدادى. ماجىلىستە ياڭ شۋتيڭ مۇگەدەك شارۋاشىلىق قۇرۋشىلاردىڭ ۋاكىلى رەتىندە لەبىز ءبىلدىرىپ، مۇگەدەكتەرگە قىزمەت وتەۋدى قامتاماسىزداندىرۋ جۇيەسىن كەمەلدەندىرۋ سياقتى ۇسىنىستاردى العا قويدى.
ياڭ شۋتيڭ ءوزى لەبىز بىلدىرگەندە باس شۋجي شي جينپيڭنىڭ ەرەكشە مۇقيات تىڭداعاندىعىن، ءالسىن - ءالى داپتەرىنە ەستەلىككە العاندىعىن كۇنى بۇگىنگە دەيىن ەسىندە انىق ساقتاپ كەلەدى. ”ءسىز ورتاعا قويعان كەدەرگىسىز قۇرىلعى قۇرىلىسى ماسەلەسى ءبىر ەلدىڭ جانە قوعامنىڭ وركەنيەتىنىڭ بەلگىسى، ءبىز ايرىقشا ءمان بەرەمىز“، - دەدى باس شۋجي شي جينپيڭ ياڭ شۋتيڭگە.
وسى رەتكى كەشىرمەسى سەبەپتى ياڭ شۋتيڭ كەدەرگىسىز ورتا قۇرىلىسىنا اناعۇرلىم كوبىرەك نازار اۋداردى. ول مەكەنىندەگى كەدەرگىسىز بولۋدى باستان وتكىزۋشى بولىپ، كەدەرگىسىز قۇرىلعىلاردى وزگەرتۋگە، جاقسارتۋعا، قورعاۋعا ءوز پىكىرىن، ۇسىنىسىن ءبىلدىردى.
2023 - جىلى 6 - ايدا ەلىمىز كەدەرگىسىز ورتا قۇرىلىسى جونىندە تۇڭعىش رەت ارناۋلى سيپاتتى زاڭ شىعاردى − كەدەرگىسىز ورتا قۇرىلىسى زاڭى مەملەكەتتىك حالىق قۇرىلتايى تۇراقتى كوميتەتىندە داۋىسقا سالىنىپ ماقۇلدانىپ، مەملەكەت ءتوراعاسى شي جينپيڭنىڭ ءتوراعا بۇيرىعىنا قول قويۋىمەن جاريالاندى.
”بۇل زاڭداعى ءاربىر ءسوز - سويلەمگە دەيىن باس شۋجي مەن پارتيا ورتالىق كوميتەتىنىڭ مۇگەدەكتەرگە دەگەن قالتقىسىز قامقورلىعى، سۇيىسپەنشىلىگى قامتىلعان. مەن كەدەرگىسىز ورتا قۇرىلىسىنىڭ ۇزدىكسىز دامۋىنا ساي، اناعۇرلىم كوپ ادام دەنە جاعىنداعى مۇگەدەكتىك بۇعاۋىنان قۇتىلىپ، اناعۇرلىم حاۋىپسىز، قولايلى تۇردە ۇيىنەن سىرتقا شىعىپ، قوعاممەن توعىساتىندىعىنا سەنەمىن“، - دەدى ياڭ شۋتيڭ.
مۇگەدەكتەردىڭ رۋحاني مادەنيەت تۇرمىسىن بايىتۋ − مۇگەدەكتەردىڭ ۇقىعىن قامتاماسىزداندىرۋ تاقىرىبىنىڭ ءمانى.
كينو تۇسىندىرمەسىنىڭ تاعى ءبىر ابزاتسىن جازىپ بولعاندا ءتۇن جارىمى 12دەن استى، دۋ چىڭچىڭ وسى كەزدە ۇستەلىن رەتتەپ، ءبىر كۇندىك قىزمەتىنە نۇكتە قويدى.
بيىل 37 جاستاعى دۋ چىڭچىڭ ۋحان قالاسى چيڭشان رايونىنداعى ”سوقىرلار كينو ارناۋلى قويىلىمىنىڭ“ تۇسىندىرمەشىسى، سونداي - اق قول - اياعى اۋىر دارەجەدە مۇگەدەك قايراتكەر.
كينونى ”ايتۋ“ استە ءبىر وڭاي - وسپاق شارۋا ەمەس. ءبىر كينونى ءتۇسىندىرۋ ءسوزىن دايىنداۋعا ەكىنىڭ بىرىندە ءبىر دە 3 اي ۋاقىت جۇمسالادى. كوپ وتىرۋىنا بولمايتىن دۋ چىڭچىڭ ۇنەمى توسەكتە ەكبەتتەپ جاتىپ جازادى، شارشاعاندا قوزعالىپ قويادى، ايتسە دە اڭسارى اۋعان ول بۇدان جالىقپايدى.
2018 - جىلى 4 - ايدا باس شۋجي شي جينپيڭ ۋحان قالاسى چيڭشان رايونى چيڭحىجۇي الەۋمەتتىك اۋماعىندا قىزمەت تەكسەرگەندە دۋ چىڭچىڭعا جولىقتى. دوڭگەلەكتى اربادا وتىرعان دۋ چىڭچىڭدى كورگەندە، باس شۋجي الدىعا كەلىپ ەڭكەيىپ، ونىمەن ىقىلاستى قول الىسىپ، ونىڭ قىزمەتىنىڭ ”ەرەكشە ماعىنالى قىزمەت ەكەندىگىن“ القادى.
”كەتەرىندە باس شۋجي ماعان تاعى ’راقىمەت‘ دەدى، سول كەزدە كوز جاسىم توگىلىپ كەتتى“، - دەدى دۋ چىڭچىڭ، - ”باس شۋجي مەنىڭ قىزمەتىمدى ماعىنالى دەپ قارادى، ويتكەنى ول مۇگەدەكتەردىڭ سۇرانىسىن ەرەكشە تۇسىنەدى“.
”ءتۇرلى قۇرىلىس ىستەرىنىڭ ءبارى مۇگەدەكتەر ىستەرىن قامتىپ، مۇگەدەكتەردىڭ ۇقىق - مۇددەسىن قامتاماسىزداندىرۋ ءتۇزىمىن ۇزدىكسىز اقاۋسىزداندىرۋ كەرەك“، - دەپ باس شۋجي شي جينپيڭ ۇنەمى باسا دارىپتەيدى.
باس شۋجيدىڭ ”بالالارعا، اسىرەسە، جەتىم بالالار مەن مۇگەدەك بالالارعا بۇكىل قوعام مەيىرىمىن ارناپ، قامقورلىق جاساۋ كەرەك“ دەگەن ۇندەۋى امالياتتا ايگىلەنىپ، اناعۇرلىم كوپ ىزگىلىك، مەيىرىم توعىسىپ، مۇگەدەك بالالاردى قامتىعان ەرەكشە قيىنشىلىعى بار بالالارعا اشىق اسپان سيلادى؛
باس شۋجي العا قويعان ”رۋحاني اقاۋى بار ادامدارعا كوڭىل ءبولۋ، قامقورلىق جاساۋ“ نۇسقاۋى تياناقتاندىرىلىپ، جەر - جەردە رۋحاني اقاۋى بار ادامداردى الەۋمەتتىك اۋماقتا ساۋىقتىرۋعا قىزمەت وتەۋ توعىسپالى ارەكەتى ۇزدىكسىز ورىستەتىلدى؛
باس شۋجيدىڭ جۇڭگو مۇگەدەك سپورتشىلارىنىڭ ”ەگەي ەرلىگىن“ القاعاندىعىن ەستە بەرىك ساقتاپ، اناعۇرلىم كوپ مۇگەدەك باتىلدىقپەن تابىسقا جەتىپ، وزىنە سايىس جاريالاپ، سپورتتىڭ شاتتىعىنان تولىق ءلاززاتتاندى...
”مۇگەدەكتەر قوعامدىق قامتاماسىزداندىرۋ ءتۇزىمى مەن قامقورلىق جاساۋ، قىزمەت وتەۋ جۇيەسىن ونان ارى كەمەلدەندىرىپ، مۇگەدەكتەر ىستەرىنىڭ جان - جاقتى دامۋىن ىلگەرىلەتۋ كەرەك“. پارتيا 20 - قۇرىلتايىندا كەسكىندەلگەن جۇڭگو ۇلگىسىندەگى وسىزامانداندىرۋدىڭ باقىتتى كارتيناسىندا مۇگەدەكتەر ىستەرى ايرىقشا اتاپ ءوتىلدى.
كوكتەم شۋاعىنداي ءۇمىت: ”ءداۋىردىڭ ءۇمىتىن اقتايتىن تاماشا ءومىردى قۇلشىنا جاراتۋ كەرەك“
”ءانىمدى پارتياعا ارنايمىن، پارتيانى انامعا بالايمىن...“ قول تەلەفونداعى ءان ايتۋ جۇمساق بولشەگىن جاتىق اشىپ، حىبەي ولكەسى تاڭشان قالالىق سالدانعاندار ساناتورياسىنداعى سالدانعان كۇتىمدەلۋشى ياۋ سۇيچين ءوزىنىڭ ەڭ جاقسى كورەتىن ءانىن تاعى ءبىر رەت شىرقادى.
2016 - جىلى 7 - ايدا باس شۋجي شي جينپيڭ حىبەيدىڭ تاڭشانىندا قىزمەت تەكسەرگەن كەزدە، تاڭشان قالالىق سالدانعاندار ساناتورياسىنا ارنايى كەلدى. ساناتورياداعى ياڭگۋاڭ ۇيىندە ىرحۋ مۋزيكاسىنىڭ سۇيەمەلدەۋىندە ياۋ سۇيچين «ءانىمدى پارتياعا ارنايمىن» ءانىن شىرقادى. ءاننىڭ ىرعاعىنا ىلەسە، باس شۋجي باس بولىپ شاپالاق سوقتى.
ءدال وسى رەتكى تەكسەرۋ بارىسىندا باس شۋجي شي جينپيڭ تەرەڭ سۇيىسپەنشىلىكپەن: ”دەنى ساۋ ادامدار تاماشا ءومىر كەشىرسە، مۇگەدەكتەر دە تاماشا ءومىر كەشىرە الادى“ دەپ جىگەرلەندىردى.
باس شۋجيدىڭ تاپسىرماسىن ەستە بەرىك ساقتاعان ياۋ سۇيچين مەن باسقا دا سالدانعان كۇتىمدەلۋشىلەر بار قايراتپەن تۇرمىستارىن ءماندى دە ءساندى وتكىزۋدە.
بۇرىن باس شۋجي شي جينپيڭگە ءوزى جازعان ولەڭىن وقىعان ياڭ يۇيفاڭ وزدىگىنەن ۇيرەنىپ كىلت جاساۋ ونەرىن يگەرىپ، ماڭىنداعى الەۋمەتتىك اۋماق تۇرعىندارىنا قولايلىلىق جاساپ بەردى، قولى بوساعاندا ولەڭ جاسامپازدىعىن جالعاستىردى؛ سول جەردىڭ وزىندە باس شۋجيدىڭ شابىتتاندىرۋىن ەستىگەن لي دۇڭمەي دە جاس كەزىندەگى باسەكەگە ءتۇسۋ ارمانىن قايتا ەسكە الىپ، حىبەي ولكەلىك مۇگەدەكتەر سپورت جارىسىنىڭ 3 التىن مەدالىنا باتىلدىقپەن قول جەتكىزدى...
كەم - كەتىك دەنە عانا بار، كەم - كەتىك ءومىر جوق.
بۇل ءبىر دۋماندى ءارى تىنىش ساباقحانا −
ىشكى موڭعۇلدىڭ كوكحوت قالاسىنداعى ەرەكشە وقىتۋ مەكتەبىنىڭ ساباق مىنبەسىندە اجارلاندىرۋ، شاش اسەمدەۋ وقىتۋشىسى ۋاڭ ياني وقۋشىلارعا سابىرلىلىقپەن تۇسىنىك جاسادى، وقۋشىلار ءالسىن - ءالى قول كوتەرىپ سۇراۋ قويدى. ادەتتەگى ساباقحانالارعا ۇقسامايتىنى، وقىتۋشى - وقۋشىلار ارا قارىم - قاتىناس تۇگەلدەي يشارات ءتىلى ارقىلى جۇرىلەدى.
وقىتۋشى بولۋ ۋاڭ يانيدىڭ قارشادايىنان بەرگى ارمانى ەدى، وسى ارمانعا شابىت الۋ بىرنەشە جىلدىڭ الدىندا باس شۋجي شي جينپيڭ ونىمەن جۇزدەسكەن ساتتەن باستالدى.
2014 - جىلى كوكتەم مەرەكەسى قارساڭىندا، باس شۋجي شي جينپيڭ كوكحوت قالالىق بالالار يگىلىك ورنىنا بارىپ، وسىندا تۇراتىن بالالاردان حال سۇرادى. ۋاڭ ياني سولاردىڭ ءبىرى ەدى.
باس شۋجي ۋاڭ يانيدى جاقسى ۇيرەنىپ، وقۋدا تابىسقا جەتۋگە شابىتتاندىردى. كىشكەنە ياني تەبىرەنىپ، وڭ قولىن سوزىپ باس بارماعىن بۇگىپ، باس شۋجيگە راقىمەت ايتادى. باس شۋجي دە قولىن سوزىپ وسىنداي ارەكەت جاسادى، جۇزىنەن مەيىرلى كۇلكى ەستى.
شي جينپيڭ اتالارىنىڭ شابىتتاندىرۋى ۋاڭ يانيدى تاباندىلىقپەن ۇيرەنۋدىڭ سارقىلماس قوزعاۋشى كۇشىنە يە ەتتى. بۇگىنگى تاڭدا، مىنبەگە شىققان ۋاڭ ياني اناعۇرلىم كوپ مۇگەدەك بالانىڭ تاعدىرىن وزگەرتۋىنە كومەكتەسە باستادى. ”قازىر ’جاقسى ۇيرەنىپ، وقۋدا تابىسقا جەتۋ كەرەك‘ دەگەن ءسوز وقۋشىلارعا ەڭ كوپ ’ايتقان‘ سوزىمە اينالدى، شي جينپيڭ اتامىزدىڭ سول كەزدەگى ءۇمىتى دە بۇگىنگى قىزمەتىمدەگى تالپىنىسىما اينالدى“.
ارمان قۋۋ كۇشىن ۇيىستىرىپ، ەكپىندەي ىلگەرىلەۋ رۋحىن تاسقىنداتتى.
2022 - جىلى 4 - ايدىڭ 8 - كۇنى بەيجيڭ قىسقى وليمپيادا سپورت جارىسىن، مۇگەدەكتەر قىسقى وليمپيادا سپورت جارىسىن قورىتىندىلاۋ، ماداقتاۋ - سيلاۋ جينالىسىندا باس شۋجي شي جينپيڭ وزىنە تەرەڭ اسەر قالدىرعان ءبىر اۋىز ءسوزدى ارنايى اۋىزعا الدى: ”بەينە كورۋ تۇيسىگى شەكتەۋلى سپورتشىنىڭ جارىس الاڭىندا ايتقانىنداي: ’دۇنيە جۇزىن انىق كورە المايمىن، ءبىراق دۇنيە جۇزىنە ءوزىمدى كورسەتكىم كەلەدى‘“.
سول جەردە باس شۋجيدىڭ ءسوزىن تىڭداعان جۇڭگونىڭ مۇگەدەكتەر وليمپيادا سپورت جارىسىندا دالالىق شاڭعى تەبۋدىڭ جانە قىسقى ەكى ءتۇردىڭ سپورتشىسى ۋاڭ يۋە ىشتەي قاتتى تەبىرەندى، بۇل ءسوزدى ۋاڭ يۋە ءتىلشىنىڭ سۇحباتىن قابىلداعاندا ايتقان بولاتىن.
بەيجيڭ مۇگەدەكتەر قىسقى وليمپيادا سپورت جارىسى اياقتاعاننان كەيىن، ۋاڭ يۋە ءسال تىنىعىپ - رەتتەلگەننەن كەيىن، جاڭا كەزەكتى جارىسقا تاعى دايىندىق جاساي باستادى: ”مەن ءوزىمنىڭ تىرىسۋىم مەن قۇلشىنىسىم ارقىلى باسەكەلىك دەڭگەيىمدى ۇزدىكسىز جوعارىلاتىپ، دۇنيە جۇزىنە جاڭا داۋىردەگى جۇڭگو مۇگەدەكتەرىنىڭ كەلبەتىن كورسەتۋىم كەرەك“، - دەدى.
جۇڭگو ارمانى − ۇلت ارمانى، مەملەكەت ارمانى ءارى مۇگەدەكتەردى قامتىعان ءاربىر جۇڭگولىقتىڭ ارمانى.
يۇننان ولكەسى كۇنميڭ قالاسى دۇڭچۋان رايونى ۋلۇڭ قالاشىعى پيڭزى قىستاعىنىڭ تۇرعىنى جاڭ شۇندۇڭ مەن لي گوشيۋ ەرلى - زايىپتى ەكەۋىندە تەك ءبىر قول، ەكى اياق عانا بار. ءبىراق ەكەۋى كۇتىپ وتىرماي، سۇيەنبەي، تىلەنبەي، ءبىر - بىرىنە سۇيەنىپ العا ىلگەرىلەپ، كەدەيلىك قالپاعىن لاقتىرىپ تاستادى.
”ءبىز مۇگەدەك بولعانىمىزبەن، رۋحاني جاقتان مۇگەدەك ەمەسپىز، ءبىزدىڭ تاعى ميىمىز، قولىمىز بار، ويلاي الامىز، ىستەي الامىز“. مەملەكەتتىك كەدەيلىكتەن ارىلتۋدان قامال الۋ جونىندەگى قورىتىندىلاۋ، ماداقتاۋ - سيلاۋ جينالىسىندا باس شۋجي شي جينپيڭ جاڭ شۇندۇڭنىڭ وسى ءسوزىن ەرەكشە اۋىزعا الىپ، كەدەيلىكتەن ارىلعان قالىڭ بۇقارانىڭ ءوز كۇشىنە سۇيەنىپ ءوزىن الۋەتتەندىرۋ سەنىمى مەن باتىلدىعىن القادى.
بۇگىنگى كۇندەرى كەدەيلىكتەن ارىلۋ جولىنداعى وسى كۇرەسكەرلەر اۋىل - قىستاقتى گۇلدەندىرۋدىڭ ”باستاماشىسىنا“ اينالدى. ەرلى - زايىپتى ەكەۋى استىق ەگۋ، باعىمشىلىق ىستەرىن تۇگەلدەي شالقىتىپ قانا قويماي، جاڭ شۇندۇڭ قىستاقتاعى مۇگەدەكتەردىڭ بايلانىسشىسىنا اينالىپ، ءاربىر وتباسىنا بارىپ، كوپشىلىك ءۇشىن بايۋ جولىن قاراستىرۋمەن قاربالاستادى.
جاڭ شۇندۇڭ مەن لي گوشيۋدىڭ ۇيىندە ”پارتياعا ماڭگى ىلەسەيىك“ دەگەن ۇلكەن جازۋ جازىلعان قىزىل تۋ بار. بۇنى قوس قولى جوق لي گوشيۋ ءبىر اي ۋاقىت جۇمساپ اياعىمەن كەستەلەگەن ەدى.
مۇندا ءبىر ينە، ءبىر ساباق جىپپەن وسى ”ەتەنە ەرلى - زايىپتىلاردىڭ“ باس شۋجي شي جينپيڭگە دەگەن شىنايى جۇرەك ءۇنى كەستەلەندى، ونان دا ماڭىزدىسى، ول جاڭا داۋىردەگى جاڭا جورىقتا ەلىمىزدەگى شامامەن 85 ميلليون مۇگەدەكتىڭ اناعۇرلىم تاماشا تۇرمىسقا دەگەن كوكەي تەستى تىلەگىنە ۋاكىلدىك ەتتى.
(تىلشىلەر جۋ جيچاي، گاۋ لەي، سۇن شاۋلۇڭ، دۇڭ بوتيڭ، يىن سىيۋان)
(شينحۋا اگەنتتىگىنىڭ 9 - ايدىڭ 17 - كۇنى بەيجيڭنەن بەرگەن حابارى)
