شي جينپيڭ ورتالىق كوميتەت رەفورمانى جاپپاي تەرەڭدەتۋ كوميتەتىنىڭ 2 - رەتكى ءماجىلىسىن باسقارىپ اشىپ، بىلاي دەپ باسا دارىپتەدى
اناعۇرلىم جوعارى دەڭگەيدەگى اشىق ەكونوميكا جاڭا ءتۇزىلىسىن قۇرىپ، ەنەرگيا سارىپ ەتۋدەگى قوس تىزگىندەۋدىڭ كومىر قىشقىل گازىنىڭ شىعارىلۋىنداعى قوس تىزگىندەۋگە بىرتىندەپ ويىسۋىن ىلگەرىلەتۋ كەرەك
لي چياڭ، ۋاڭ حۋنيڭ، ساي چي قاتىناستى
شينحۋا اگەنتتىگىنىڭ 7 - ايدىڭ 11 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى شي جينپيڭ 7 - ايدىڭ 11 - كۇنى تۇستەن كەيىن ورتالىق رەفورمانى جاپپاي تەرەڭدەتۋ كوميتەتىنىڭ 2 - رەتكى ءماجىلىسىن باسقارىپ اشتى، ءماجىلىس «اناعۇرلىم جوعارى دەڭگەيدەگى اشىق ەكونوميكا جاڭا ءتۇزىلىسىن قۇرىپ، جاڭا دامۋ ارناسىن قالىپتاستىرۋدى جەبەۋ جونىندەگى پىكىردى»، «اۋىل - قىستاق رەفورماسىن تەرەڭدەتۋدى اتقارۋ جوباسىن»، «ەنەرگيا سارىپ ەتۋدەگى قوس تىزگىندەۋدەن كومىر قىشقىل گازىنىڭ شىعارىلۋىنداعى قوس تىزگىندەۋگە بىرتىندەپ ويىسۋدى ىلگەرىلەتۋ جونىندەگى پىكىردى»، «جوعارى مەكتەپتەردىڭ، عىلمي زەرتتەۋ مەكەمە - ورىندارىنىڭ ەڭبەكاقى ءتۇزىمى رەفورماسىن تۇيىندە سىناق ەتۋ جونىندەگى پىكىردى»، «مۇناي - تابيعي گاز بازارى جۇيەسى رەفورماسىن ونان ارى تەرەڭدەتىپ، مەملەكەتتىڭ مۇناي - تابيعي گاز حاۋىپسىزدىگىن قامتاماسىز ەتۋ قۋاتىن جوعارىلاۋ جونىندەگى اتقارۋ پىكىرىن»، «ەلەكتر قۋاتى ءتۇزىلىس رەفورماسىن تەرەڭدەتىپ، جاڭاشا ەلەكتر قۋاتى جۇيەسىن جەدەل قالىپتاستىرۋ جونىندەگى جەتەكشى پىكىردى» قاراپ ماقۇلدادى.
شي جينپيڭ ءماجىلىستى باسقارعاندا بىلاي دەپ باسا دارىپتەدى: اناعۇرلىم جوعارى دەڭگەيدەگى اشىق ەكونوميكا جاڭا ءتۇزىلىسىن قۇرۋ − ءبىزدىڭ ىرىقتىلىقپەن ىسكەرلىك كورسەتىپ، ەسىك اشۋ ارقىلى رەفورمانى جەبەۋدەگى، دامۋدى جەبەۋدەگى ستراتەگيالىق شارامىز. جاڭا دامۋ ارناسىن قالىپتاستىرۋعا قىزمەت وتەۋدى ارقاۋ ەتىپ، تۇزىمدىك ەسىك اشۋدى ماڭىزدى ءتۇيىن ەتىپ، نازاردى قارجى قوسۋ، ساۋدا، فينانس، جاڭالىق اشۋ سياقتى سىرتقا باعىتتالعان اۋىس - كۇيىستىڭ، سەلبەستىكتىڭ ءتۇيىندى سالالارىنداعى ءتۇزىلىس - مەحانيزم رەفورماسىن تەرەڭدەتۋگە شوعىرلاندىرىپ، سايكەستى ساياسات، شارالاردى كەمەلدەندىرىپ، ەلىمىزدىڭ سىرتقا ەسىك اشۋىن بەلسەندىلىكپەن، ىرىقتىلىقپەن جاڭا دەڭگەيگە كوتەرۋىمىز كەرەك. اۋىل شارۋاشىلىعىن، اۋىل - قىستاقتى وسىزامانداندىرۋدى جۇزەگە اسىرۋ، اۋىل شارۋاشىلىعىندا قۋاتتى ەل قۇرۋ ستراتەگيالىق نىساناسىن كوزدەپ، شارۋالار مەن جەردىڭ قاتىناسىن ويداعىداي ءبىر جايلى ەتۋدى نەگىزگى جەلى ەتىپ، اۋىل شارۋاشىلىعىنىڭ، اۋىل - قىستاقتىڭ دامۋىنداعى ولقىلىقتاردى جەدەل تولىقتاپ، جاپپاي سوتسياليستىك وسىزاماندانعان مەملەكەت قۇرۋعا بەرىك نەگىز قالاۋ كەرەك. ەلىمىز ەكولوگيالىق وركەنيەت قۇرىلىسىنىڭ كومىر قىشقىل گازىن تومەندەتۋدى ءتۇيىن ەتكەن ستراتەگيالىق باعىتقا ويىسقان شەشۋشى مەزگىلىن تياناق ەتىپ، ەنەرگيا سارىپ ەتۋ جالپى مولشەرى مەن كۇشەمەلىلىگىن رەتتەۋ - تىزگىندەۋدى كومىر قىشقىل گازىنىڭ شىعارىلۋ جالپى مولشەرى مەن كۇشەمەلىلىگىن قوس تىزگىندەۋگە بىرتىندەپ ويىستىرۋ ءتۇزىمىن كەمەلدەندىرۋ كەرەك. جوعارى مەكتەپ وقىتۋشىلارىنىڭ، عىلمي زەرتتەۋ قىزمەتكەرلەرىنىڭ ەڭبەكاقى ءبولىسى ءتۇزىمى رەفورماسىن وقۋ - اعارتۋ، عىلىم - تەحنيكا، دارىندىلار ىستەرىنىڭ دامۋىن ءبىر تۇتاس جوسپارلاپ ىلگەرىلەتۋدىڭ ماڭىزدى تۇتقاسى ەتىپ، جاڭالىق اشۋ ومىرشەڭدىك كۇشىن قاۋلاتاتىن، ءبىلىم قۇنىن باعدار ەتەتىن، باسقارۋى جۇيەلى دە ءونىمدى، قامتاماسىز ەتۋ مەن شابىتتاندىرۋعا بىردەي ءمان بەرەتىن ەڭبەكاقى ءتۇزىمىن بىرتىندەپ ورناتىپ، جوعارى مەكتەپتەردىڭ، عىلمي زەرتتەۋ مەكەمە - ورىندارىنىڭ جاڭالىق اشۋ، جاسامپازدىق جاراتۋ ومىرشەڭدىك كۇشىن ونان ارى قاۋلاتۋ كەرەك. مەملەكەتتىڭ مۇناي - تابيعي گاز حاۋىپسىزدىگىن قامتاماسىز ەتۋ قۋاتىن جوعارىلاتۋ نىساناسىن ارقاۋ ەتىپ، مۇناي - تابيعي گاز تۇزىلىسىندە ورىن تەۋىپ وتىرعان كورنەكتى ماسەلەلەرگە مەڭزەس، مۇناي - تابيعي گاز كاسىبىنىڭ جوعارى، ورتا، تومەن بۋىندارىنىڭ ءتۇزىلىس - مەحانيزم رەفورماسىن بەلسەندىلىكپەن، ۇيلەسىمدى ىلگەرىلەتىپ، ورنىقتى، سەنىمدى قامداۋعا شىنايى كەپىلدىك ەتۋ كەرەك. ەلەكتر قۋاتى ءتۇزىلىس رەفورماسىن تەرەڭدەتىپ، تازا ءارى تومەن كومىر قىشقىل گازدى، حاۋىپسىز ءارى جەتكىلىكتى، ارزان ءارى جوعارى ءونىمدى، قامداۋ مەن قاجەتسىنۋ سايكەسكەن، يكەمدى ءارى زەردەلى جاڭاشا ەلەكتر قۋاتى جۇيەسىن جەدەل قۇرىپ، ەنەرگيا ءوندىرىسى جانە تۇتىنۋ توڭكەرىسىن اناعۇرلىم ويداعىداي ىلگەرىلەتىپ، مەملەكەتتىڭ ەنەرگيا حاۋىپسىزدىگىن قامتاماسىز ەتۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق رەفورمانى جاپپاي تەرەڭدەتۋ كوميتەتىنىڭ ورىنباسار مەڭگەرۋشىلەرى لي چياڭ، ۋاڭ حۋنيڭ، ساي چي ماجىلىسكە قاتىناستى.
ءماجىلىس مىنالاردى اتاپ كورسەتتى: قازىر ەلىمىزدىڭ دامۋى كۇردەلى دە قاتاڭ حالىقارالىق جاعدايعا ءدوپ كەلىپ وتىر. اشىق ەكونوميكا جاڭا ءتۇزىلىسىنىڭ جوعارى دەڭگەيلى جوباسىن كەمەلدەندىرىپ، ساۋدا، قارجى قوسۋ سالاسىنداعى ءتۇزىلىس - مەحانيزم رەفورماسىن تەرەڭدەتىپ، بازارعا كىرۋگە رۇقسات ەتۋدى كەڭەيتىپ، شارۋاشىلىق - ساۋدا ورتاسىن جاپپاي ساپالىلاندىرىپ، قىزمەت وتەۋ قامتاماسىزدىعى جۇيەسىن كەمەلدەندىرىپ، ەلىمىزدىڭ جالپىلىق باسىمدىعىن تولىق ساۋلەلەندىرىپ، ەل ءىشى ۇلكەن اينالىمى ارقىلى دۇنيە ءجۇزى بايلىق فاكتورىن باۋراپ، ساۋدا، قارجى قوسۋ سەلبەستىگىنىڭ ساپاسى مەن دەڭگەيىن جوعارىلاتۋ كەرەك. تومەنگى شەكتە ويلاۋعا، جوعارى شەكتە ويلاۋعا تاباندى بولىپ، مەملەكەتتىڭ حاۋىپسىزدىگىن قامتاماسىز ەتۋ ءتۇزىلىس - مەحانيزمىن اقاۋسىزداندىرۋدى مىقتى يگەرىپ، ەسىك اشۋدى باقىلاۋ - باسقارۋ قابىلەتى مەن دەڭگەيىن كۇش سالا جوعارىلاتۋ كەرەك. اناعۇرلىم جوعارى دەڭگەيدەگى اشىق ەكونوميكالىق جاڭا ءتۇزىلىس قۇرۋدى ”ءبىر بەلدەۋ، ءبىر جولدى“ جوعارى ساپادا بىرگە قۇرۋ سياقتى مەملەكەت ستراتەگياسىمەن تىعىز ءتۇيىلىستىرىپ، الەمدىك باسقارۋ جۇيەسى رەفورماسى مەن قۇرىلىسىنا بەلسەنە ات سالىسۋ كەرەك.
ءماجىلىس مىنالاردى باسا دارىپتەدى: پارتيا 20 - قۇرىلتايىنىڭ اۋىل - قىستاق رەفورماسىن تەرەڭدەتۋ جونىندەگى ورنالاستىرۋىن دايەكتىلەندىرىپ، تياناقتاندىرىپ، اۋىل - قىستاقتىڭ نەگىزگى باسقارۋ ءتۇزىمىن كۇش سالا بەكەمدەپ جانە كەمەلدەندىرىپ، استىق حاۋىپسىزدىگىن قامتاماسىز ەتۋ ءتۇزىمىن اقاۋسىزداندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋ ءتۇزىلىس - مەحانيزمىن كەمەلدەندىرىپ، قالا، اۋىلدى توعىستىرا دامىتۋ ساياسات جۇيەسىن اقاۋسىزداندىرىپ، ءتۇيىندى سالالار مەن شەشۋشى بۋىندارداعى رەفورمادا قامال الىپ ناتيجە شىعارۋدى، تياناقتاندىرىپ ونىمدىلىك كورسەتۋدى جەدەل ىلگەرىلەتىپ، قالىڭ شارۋالاردىڭ رەفورمادان اناعۇرلىم كوپ تابىس سەزىمىنە يە بولۋىنا مۇمكىندىك جاساۋ كەرەك. جوعارى دەڭگەيدە جوبالاۋدى نەگىزگى ساتىدا ىزدەنىس جاساۋمەن ورگانيكالى ۇشتاستىرىپ، ءتۇرلى وڭىرلەردىڭ جەرگىلىكتى جاعدايعا قاراي ىزدەنىس جاساۋىنا جول قويىپ جانە دەم بەرىپ، نەگىزگى ساتىنىڭ امالياتتىق جاسامپازدىعىن بايقاۋعا جانە قورىتىندىلاۋعا شەبەر بولىپ، ىزدەنىس جاساۋ، جاڭالىق اشۋ بارىسىندا قيىنشىلىققا جولىققاندارىنا دەر كەزىندە قولداۋ كورسەتۋ كەرەك.
ءماجىلىس مىنالاردى اتاپ كورسەتتى: پارتيا 18 - قۇرىلتايىنان بەرى ءبىز جاسىل، تومەن كومىر قىشقىل گازدى بولۋدى جانە ەنەرگيا ۇنەمدەپ، لاس زاتتاردىڭ شىعارىلۋىن ازايتۋدى كورنەكتى ورىنعا قويىپ، ەنەرگيا سارىپ ەتۋ جالپى مولشەرى مەن كۇشەمەلىلىگىن قوس تىزگىندەۋ ءتۇزىمىن ورناتىپ ءارى اتقارىپ، ەلىمىزدىڭ ەنەرگيادان پايدالانۋ ونىمدىلىگىن زور كولەمدە جوعارىلاتۋدى جانە كومىر قىشقىل گازىنىڭ شىعارىلۋ كۇشەمەلىلىگىن ۇزدىكسىز تومەندەتۋدى پارمەندى جەبەدىك. ەنەرگيا سارىپ ەتۋدەگى قوس تىزگىندەۋدەن كومىر قىشقىل گازىنىڭ شىعارىلۋىنداعى قوس تىزگىندەۋگە بىرتىندەپ ويىسۋدا الدىمەن قۇرىپ، ودان كەيىن كۇشىنەن قالدىرۋعا تاباندى بولىپ، ەنەرگيا سارىپ ەتۋدەگى قوس تىزگىندەۋ ءتۇزىمىن كەمەلدەندىرىپ، رەتتەۋ - تىزگىندەۋ ءادىسىن ساپالىلاندىرىپ، كەمەلدەندىرىپ، كومىر قىشقىل گازىنىڭ شىعارىلۋىنداعى قوس تىزگىندەۋ نەگىزدىك قابىلەت قۇرىلىسىن كۇشەيتىپ، كومىر قىشقىل گازىنىڭ شىعارىلۋىنداعى قوس تىزگىندەۋدىڭ ءتۇرلى سايكەستى ءتۇزىمىن اقاۋسىزداندىرىپ، كومىر قىشقىل گازىنىڭ شىعارىلۋىنداعى قوس تىزگىندەۋ ءتۇزىمىن ورناتۋعا جانە اتقارۋعا بەلسەنە شارت - جاعداي ازىرلەۋ كەرەك. ۇنەمدەۋدى الدىڭعى ورىنعا قويۋ باعىتىنا بۇلجىماي تاباندى بولىپ، ەنەرگيا ۇنەمدەۋ قىزمەتىن اناعۇرلىم جوعارى دەڭگەيدە، اناعۇرلىم جوعارى ساپادا ويداعىداي ىستەپ، ەڭ از وزىندىك قۇنمەن ەڭ ۇلكەن پايدانى جۇزەگە اسىرۋ كەرەك. قىزمەت ريتىمىن ورنىقتى يگەرىپ، دامۋ مەن لاس زاتتاردىڭ شىعارىلۋ قاتىناسىن ويداعىداي ءبىر تۇتاس جوسپارلاپ، شىندىقتى ءىس جۇزىنەن ىزدەپ، شاماعا قاراي ىستەپ، ساياسات، شارالاردى عىلمي رەتتەۋ، ساپالىلاندىرۋ كەرەك.
ءماجىلىس مىنالاردى باسا دارىپتەدى: جوعارى مەكتەپتەردىڭ، عىلىمي زەرتتەۋ مەكەمە - ورىندارىنىڭ ەڭبەكاقى ءتۇزىمى رەفورماسىن تۇيىندە سىناق ەتىپ، ەڭبەكاقى باسقارۋ قاجەتىنە جانە ءىس جۇزىندىك جاعدايىنا نەگىزدەلىپ، ءبولىس ءتۇزىمىن ساپالىلاندىرىپ جانە جۇيەگە ءتۇسىرىپ، دۇرىس ءبولىس بەتالىسىن ورناتىپ، دارىندىلاردى نەگىز ەتۋگە تاباندى بولىپ، جاڭالىق اشۋدى الدىڭعى ورىنعا قويۋدى كورنەكتىلەندىرىپ، ەڭبەكاقى ءبولىسىن ونىممەن تىعىز بايلانىستىرۋعا تاباندى بولىپ، وقىتۋدىڭ، عىلمي زەرتتەۋدىڭ ءبىرىنشى شەبىنە تامىر تارتقان، شۇعىل، قيىن، حاۋىپتى، ماڭىزدى مىندەت ارقالاعان، كورنەكتى ۇلەس قوسقان ادامدارعا بەيىمدەلۋ، نەگىزدىك ءپان وقىتۋىمەن جانە نەگىزدىك الدىڭعى لەكتەگى زەرتتەۋمەن شۇعىلدانعان، مەملەكەتتىڭ شەشۋشى، وزەكتى تەحنيكاسىنان قامال الۋ مىندەتىن ارقالاعان، كەلەلى جاڭالىق اشۋ جەتىستىگىنە قول جەتكىزگەن ادامدارعا بەيىمدەلۋ كەرەك. ەڭبەكاقىنى باسقارۋ - باقىلاۋدى كۇشەيتىپ، مەملەكەتتىڭ اقشاسىن دارىندىلاردى شابىتتاندىرۋعا جانە ىستەردى دامىتۋعا ەڭ قاجەتتى ورىنعا ىستەتۋگە شىنايى كەپىلدىك ەتۋ كەرەك.
ءماجىلىس مىنالاردى اتاپ كورسەتتى: مۇناي - تابيعي گاز بازارى جۇيەسى رەفورماسىن ونان ارى تەرەڭدەتىپ، ءوندىرۋ، قامداۋ، ساقتاۋ، ساتۋ جۇيەسى قۇرىلىسىن كۇشەيتۋ كەرەك. بازاردى باقىلاۋ - باسقارۋ سەرپىنىن كۇشەيتىپ، سالالارعا ءبولىپ باقىلاۋ - باسقارۋ مەن سالا اتتاپ سايكەسە باقىلاۋ - باسقارۋدى كۇشەيتىپ، مۇناي - تابيعي گاز بازارى ءتارتىبىن جۇيەگە ءتۇسىرىپ، ءادىل باسەكەنى جەبەۋ كەرەك. مۇناي - تابيعي گاز زاپاس ساقتاۋ ءتۇزىلىس رەفورماسىن تەرەڭدەتىپ، زاپاس ساقتاۋدىڭ شۇعىل جاعدايعا توتەپ بەرۋ جانە رەتتەۋ قۋاتىن ويداعىداي ساۋلەلەندىرۋ كەرەك.
ءماجىلىس مىنالاردى باسا دارىپتەدى: جاڭاشا ەلەكتر قۋاتى جۇيەسى قۇرىلىسى جولىن عىلمي، ۇيلەسىمدى جوبالاپ، جاڭا ەنەرگيامەن حاۋىپسىز، سەنىمدى ورنىن باستىرۋ نەگىزىندە، ءداستۇرلى ەنەرگيانىڭ ارا سالماعىن جوسپارلى تۇردە ساتىلى تۇردە بىرتىندەپ تومەندەتۋ كەرەك. جاڭاشا ەلەكتر قۋاتى جۇيەسىنە ۇيلەسەتىن ءتۇزىلىس - مەحانيزمدى اقاۋسىزداندىرىپ، ەلەكتر قۋاتى تەحنيكاسىندا جاڭالىق اشۋدىڭ، بازار مەحانيزمىندە جاڭالىق اشۋدىڭ، ساۋدا ۇلگىسىندە جاڭالىق اشۋدىڭ كۇشەيۋىن ىلگەرىلەتۋ كەرەك. ءونىمدى بازاردىڭ ىسكەر ۇكىمەتپەن اناعۇرلىم ويداعىداي ۇشتاسۋىن ىلگەرىلەتىپ، ساياسات جۇيەسىن تىنباي كەمەلدەندىرىپ، ەلەكتر قۋاتى جاعىندا نەگىزگى الەۋمەتتىك قىزمەت وتەۋ مەن قامداۋدى ويداعىداي ىستەۋ كەرەك.
ورتالىق رەفورمانى جاپپاي تەرەڭدەتۋ كوميتەتىنىڭ مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.
