جاۋاپ حات
نانجيڭ قازىنالىق باقىلاۋ داشۋەسى قازىنالىق باقىلاۋ ماماندىعى بويىنشا ماگيسترلار حالىقارالىق كلاسىنداعى شەتەلدىك وقۋشىلارعا:
سالەمەتسىزدەر مە! حاتتارىڭىزدى تاپسىرىپ الدىم، سىزدەردىڭ جۇڭگوعا كەلىپ وقىعاننان بەرى ساباقحانادا ۇيرەنۋ جانە ناقتى جەرلەردى ارالاپ ۇعىسۋ ارقىلى كاسىپتىك دەڭگەيدى جوعارىلاتىپ، جۇڭگونىڭ قازىنالىق باقىلاۋ ءتۇزىمى جونىندەگى، جۇڭگوشا سوتسياليزم جانە جۇڭگو كوممۋنيستىك پارتياسى جونىندەگى تانىمدارىڭىزدى تەرەڭدەتكەندىكتەرىڭىزدى ءبىلىپ، ۇيرەنۋدە ناتيجەگە قول جەتكىزگەندىكتەرىڭىزگە قۋاندىم.
جۇڭگو قازىنالىق باقىلاۋدىڭ مەملەكەتتى باسقارۋداعى ماڭىزدى رولىن ساۋلەلەندىرۋگە ەجەلدەن باسا ءمان بەرىپ كەلدى، تالاي جىل ىزدەنىس جاساۋ ارقىلى جۇڭگوشا سوتسياليستىك قازىنالىق باقىلاۋ ءتۇزىمىن ورناتىپ، ورتالىقتانعان، ءبىر تۇتاس، جاپپاي قامتيتىن، بەدەلدى، جوعارى ءونىمدى قازىنالىق باقىلاۋ جۇيەسىن باستاپقى قادامدا قالىپتاستىردى. سىزدەردىڭ جۇڭگوداعى كاسىپتەستەرىڭىزبەن اۋىس - كۇيىستى، ءوزارا ۇيرەنىپ، ۇلگى الۋدى كۇشەيتىپ، قازىنالىق باقىلاۋ سىندى وسى تەرەزە ارقىلى جۇڭگونى تانۋلارىڭىزدى، جۇڭگونى تۇسىنۋلەرىڭىزدى، مەملەكەتتەر ارا دوستىق پەن سەلبەستىكتى تەرەڭدەتۋگە بەلسەندى ۇلەس قوسۋلارىڭىزدى ءۇمىت ەتەمىن.
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى
جۇڭحۋا حالىق رەسپۋبليكاسىنىڭ ءتوراعاسى
شي جينپيڭ
2023 - جىلى 7 - ايدىڭ 4 - كۇنى
(شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى)
شينحۋا اگەنتتىگىنىڭ 7 - ايدىڭ 5 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 7 - ايدىڭ 4 - كۇنى نانجيڭ قازىنالىق باقىلاۋ داشۋەسى قازىنالىق باقىلاۋ ماماندىعى بويىنشا ماگيسترلار حالىقارالىق كلاسىندا وقىپ جاتقان شەتەلدىك وقۋشىلارعا جاۋاپ حات قايتارىپ، ولاردى مەملەكەتتەر اراسىنداعى دوستىق پەن سەلبەستىكتى تەرەڭدەتۋگە بەلسەندى ۇلەس قوسۋعا ىنتالاندىردى.
شي جينپيڭ جاۋاپ حاتىندا بىلاي دەدى: سىزدەردىڭ جۇڭگوعا كەلىپ وقىعاننان بەرى ساباقحانادا ۇيرەنۋ جانە ناقتى جەرلەردى ارالاپ ۇعىسۋ ارقىلى كاسىپتىك دەڭگەيدى جوعارىلاتىپ، جۇڭگونىڭ قازىنالىق باقىلاۋ ءتۇزىمى جونىندەگى، جۇڭگوشا سوتسياليزم جانە جۇڭگو كوممۋنيستىك پارتياسى جونىندەگى تانىمدارىڭىزدى تەرەڭدەتكەندىكتەرىڭىزدى ءبىلىپ، ۇيرەنۋدە ناتيجەگە قول جەتكىزگەندىكتەرىڭىزگە قۋاندىم.
شي جينپيڭ بىلاي دەپ اتاپ كورسەتتى: جۇڭگو قازىنالىق باقىلاۋدىڭ مەملەكەتتى باسقارۋداعى ماڭىزدى رولىن ساۋلەلەندىرۋگە ەجەلدەن باسا ءمان بەرىپ كەلدى، تالاي جىل ىزدەنىس جاساۋ ارقىلى جۇڭگوشا سوتسياليستىك قازىنالىق باقىلاۋ ءتۇزىمىن ورناتىپ، ورتالىقتانعان، ءبىر تۇتاس، جاپپاي قامتيتىن، بەدەلدى، جوعارى ءونىمدى قازىنالىق باقىلاۋ جۇيەسىن باستاپقى قادامدا قالىپتاستىردى. سىزدەردىڭ جۇڭگوداعى كاسىپتەستەرىڭىزبەن اۋىس - كۇيىستى، ءوزارا ۇيرەنىپ، ۇلگى الۋدى كۇشەيتىپ، قازىنالىق باقىلاۋ سىندى وسى تەرەزە ارقىلى جۇڭگونى تانۋلارىڭىزدى، جۇڭگونى تۇسىنۋلەرىڭىزدى، مەملەكەتتەر ارا دوستىق پەن سەلبەستىكتى تەرەڭدەتۋگە بەلسەندى ۇلەس قوسۋلارىڭىزدى ءۇمىت ەتەمىن.
نانجيڭ قازىنالىق باقىلاۋ داشۋەسى قازىنالىق باقىلاۋ ماماندىعى بويىنشا ماگيسترلەر حالىقارالىق كلاسى 2016 - جىلى قۇرىلىپ، ”ءبىر بەلدەۋ، ءبىر جولدىڭ“ بويىنداعى 76 مەملەكەتتىڭ قازىنالىق باقىلاۋ ورگاندارىنا 280 نەشە كاسىپتىك دارىندى تاربيەلەپ بەردى. جۋىقتا وسى كلاستاعى شەتەلدەن كەلىپ وقىپ جاتقان 37 وقۋشى شي جينپيڭگە حات جازىپ، وزدەرىنىڭ جۇڭگوداعى ۇيرەنۋ، ءبىلىم اسىرۋ اسەرلەرىن اڭگىمەلەپ، جۇڭگوداعى كەشىرمەلەرىن ماڭگى ەستەن شىعارمايتىندىقتارىن، جۇڭگو جونىندەگى سۇيىسپەنشىلىكتەرىن ماڭگى قادىرلەپ ساقتايتىندىقتارىن، جۇڭگو مەن ءوز ەلدەرىنىڭ دوستىعىن نىعايتۋدىڭ ەلشىسى بولۋعا قۇلشىناتىندىقتارىن بىلدىرگەن ەدى.
