جاڭا مادەنيەت بورىشىن اناعۇرلىم ويداعىداي ارقالاپ، قۋاتتى ەل قۇرىلىسىنا، ۇلتتىڭ گۇلدەنۋىنە قۋاتتى رۋحاني كۇش قوسۋ كەرەك

شي جينپيڭ حات جولداپ، تۇڭعىش كەزەكتى مادەنيەتتە قۋاتتى ەل قۇرىلىسى جوعارى دارەجەلىلەر تالقى مىنبەرىنىڭ اشىلعاندىعىن قۇتتىقتاپ، بىلاي دەپ باسا دارىپتەدى

جاڭا مادەنيەت بورىشىن اناعۇرلىم ويداعىداي ارقالاپ، قۋاتتى ەل قۇرىلىسىنا، ۇلتتىڭ گۇلدەنۋىنە قۋاتتى رۋحاني كۇش قوسۋ كەرەك

قۇتتىقتاۋ حاتى

　　تۇڭعىش كەزەكتى مادەنيەتتە قۋاتتى ەل قۇرىلىسى جوعارى دارەجەلىلەر تالقى مىنبەرىنىڭ اشىلۋىنا وراي، مەن پارتيا ورتالىق كوميتەتى اتىنان قىزۋ قۇتتىقتايمىن!

　　پارتيامىز سوتسياليستىك مادەنيەتتىڭ تىڭ شۇعىلاسىن جاراتۋعا كۇش سالادى. پارتيا 18 - قۇرىلتايىنان بەرى ءبىز مادەنيەت قۇرىلىسىن ەل باسقارۋدىڭ كورنەكتى ورنىنا قويىپ، مادەنيەت قۇرىلىسىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، مادەنيەتتى جالعاستىرۋدى، دامىتۋدى ىلگەرىلەتىپ، سوتسياليستىك مادەنيەتتە قۋاتتى ەل قۇرىلىسىنا نىق قادام تاستادىق.

　　ءبىز جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا مادەنيەت بورىشىن اناعۇرلىم ويداعىداي ارقالاپ، مادەنيەت سەنىمىن بەكەمدەپ، اشىق، سيىسىمدى بولىپ، تۋراشىلدىقتان اينىماي جاڭالىق اشۋعا تاباندى بولىپ، تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن قاۋلاتىپ، جاڭا تاريحي باستامادا مادەنيەتتىڭ گۇلدەنۋىن ۇزدىكسىز ىلگەرىلەتىپ، مادەنيەتتە قۋاتتى ەل قۇرىپ، جۇڭحۋا ۇلتىنىڭ وسى زامانعى وركەنيەتىن كوركەيتىپ، ادامزات وركەنيەتىنىڭ اۋىس - كۇيىسىن، ءوزارا ۇلگى الۋىن ۇزدىكسىز جەبەپ، قۋاتتى ەل قۇرىلىسىنا، ۇلتتىڭ گۇلدەنۋىنە قۋاتتى رۋحاني كۇش قوسۋ كەرەك.

شي جينپيڭ

2023 - جىلى 6 - ايدىڭ 7 - كۇنى

(شينحۋا اگەنتتىگىنىڭ 6 - ايدىڭ 7 - كۇنى بەيجيڭنەن بەرگەن حابارى)

　　شينحۋا اگەنتتىگىنىڭ 6 - ايدىڭ 7 - كۇنى شىنجىننان بەرگەن حابارى. تۇڭعىش كەزەكتى مادەنيەتتە قۋاتتى ەل قۇرىلىسى جوعارى دارەجەلىلەر تالقى مىنبەرى 6 - ايدىڭ 7 - كۇنى تۇستەن كەيىن شىنجىندا اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قۇتتىقتاۋ حاتىن جولداپ، پارتيا ورتالىق كوميتەتى اتىنان قىزۋ قۇتتىقتادى.

　　شي جينپيڭ قۇتتىقتاۋ حاتىندا بىلاي دەپ اتاپ كورسەتتى: پارتيامىز سوتسياليستىك مادەنيەتتىڭ تىڭ شۇعىلاسىن جاراتۋعا كۇش سالادى. پارتيا 18 - قۇرىلتايىنان بەرى ءبىز مادەنيەت قۇرىلىسىن ەل باسقارۋدىڭ كورنەكتى ورنىنا قويىپ، مادەنيەت قۇرىلىسىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، مادەنيەتتى جالعاستىرۋدى، دامىتۋدى ىلگەرىلەتىپ، سوتسياليستىك مادەنيەتتە قۋاتتى ەل قۇرىلىسىنا نىق قادام تاستادىق.

　　شي جينپيڭ بىلاي دەپ باسا دارىپتەدى: ءبىز جاڭا ءداۋىر جۇڭگوشا سوتسياليزم يدەياسىن جانە پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، جاڭا مادەنيەت بورىشىن اناعۇرلىم ويداعىداي ارقالاپ، مادەنيەت سەنىمىن بەكەمدەپ، اشىق، سيىسىمدى بولىپ، تۋراشىلدىقتان اينىماي جاڭالىق اشۋعا تاباندى بولىپ، تۇتاس ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىگىن قاۋلاتىپ، جاڭا تاريحي باستامادا مادەنيەتتىڭ گۇلدەنۋىن ۇزدىكسىز ىلگەرىلەتىپ، مادەنيەتتە قۋاتتى ەل قۇرىپ، جۇڭحۋا ۇلتىنىڭ وسى زامانعى وركەنيەتىن كوركەيتىپ، ادامزات وركەنيەتىنىڭ اۋىس - كۇيىسىن، ءوزارا ۇلگى الۋىن ۇزدىكسىز جەبەپ، قۋاتتى ەل قۇرىلىسىنا، ۇلتتىڭ گۇلدەنۋىنە قۋاتتى رۋحاني كۇش قوسۋ كەرەك.

　　نەگىزگى تالقى مىنبەرىندە جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت ۇگىت ءبولىمىنىڭ باستىعى لي شۋلەي شي جينپيڭنىڭ قۇتتىقتاۋ حاتىن وقىدى ءارى ارقاۋ ءسوز سويلەدى. ول بىلاي دەدى: باس شۋجي شي جينپيڭنىڭ قۇتتىقتاۋ حاتى بەرىك مادەنيەت سەنىمىن، وسكەلەڭ مادەنيەت سانالىلىعىن ايگىلەپ، جاڭا مادەنيەت بورىشىن ارقالاۋعا، جۇڭحۋا ۇلتىنىڭ وسى زامانعى وركەنيەتىن كوركەيتۋگە ايقىن بەتالىس كورسەتتى. باس شۋجي شي جينپيڭنىڭ مادەنيەتتى جالعاستىرۋ، دامىتۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن جانە وسى رەتكى قۇتتىقتاۋ حاتىنداعى ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، بورىشتى ارقالاپ، قايراتتانا ءىس تىندىرىپ، يدەيا تۋىن بيىك ۇستاپ، رۋحاني كۇشتى ارتتىرىپ، مادەنيەت تامىرىن تەرەڭگە بويلاتىپ، گۇلدەنۋدى، دامۋدى ىلگەرىلەتىپ، اۋىس - كۇيىستى، ءوزارا ۇلگى الۋدى جەبەۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى حۋاڭ كۇنميڭ ماجىلىسكە قاتىناستى ءارى ارناۋ ءسوز سويلەدى. مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى تيە نيڭ ماجىلىسكە قاتىناستى ءارى لەكسيا سويلەدى.

　　تۇڭعىش كەزەكتى مادەنيەتتە قۋاتتى ەل قۇرىلىسى جوعارى دارەجەلىلەر تالقى مىنبەرىنىڭ نەگىزگى تاقىرىبى − ”مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتۋ، وركەنيەتتەردىڭ اۋىس - كۇيىسىن، ءوزارا ۇلگى الۋىن جەبەۋ“، ورتالىق كوميتەت ۇگىت ءبولىمى ۇيىمداستىردى. ورتالىقتىڭ ۇگىت، مادەنيەت ورىندارىنداعى، ءارقايسى ولكەلىك، اۆتونوميالى رايوندىق، توتە قاراستى قالالىق پارتكومداردىڭ ۇگىت بولىمدەرىندەگى، ءىشىنارا مادەنيەت كاسىپورىندارىنداعى، ءىسورىندارىنداعى قاتىستى جاۋاپتى جولداستار جانە قاتىستى اقىلماندار قويماسىنداعى مامان - وقىمىستىلار تالقى مىنبەرىنە قاتىناستى.