مەملەكەت حاۋىپسىزدىگى جۇيەسىن جانە قابىلەتىن وسىزامانداندىرۋدى جەدەل ىلگەرىلەتىپ، جاڭا دامۋ ارناسىن جاڭا حاۋىپسىزدىك ارناسىمەن قامتاماسىز ەتۋ كەرەك

شي جينپيڭ 20 - كەزەكتى ورتالىق كوميتەت مەملەكەت حاۋىپسىزدىگى كوميتەتىنىڭ 1 - رەتكى ءماجىلىسىن باسقارىپ اشقاندا بىلاي دەپ باسا دارىپتەدى

مەملەكەت حاۋىپسىزدىگى جۇيەسىن جانە قابىلەتىن وسىزامانداندىرۋدى جەدەل ىلگەرىلەتىپ، جاڭا دامۋ ارناسىن جاڭا حاۋىپسىزدىك ارناسىمەن قامتاماسىز ەتۋ كەرەك

لي چياڭ، جاۋ لىجي، ساي چي قاتىناستى

　　شينحۋا اگەنتتىگىنىڭ 5 - ايدىڭ 30 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىق كوميتەت مەملەكەت حاۋىپسىزدىگى كوميتەتىنىڭ ءتوراعاسى شي جينپيڭ 5 - ايدىڭ 30 - كۇنى تۇستەن كەيىن 20 - كەزەكتى ورتالىق كوميتەت مەملەكەت حاۋىپسىزدىگى كوميتەتىنىڭ 1 - رەتكى ءماجىلىسىن باسقارىپ اشتى. شي جينپيڭ ماجىلىستە ماڭىزدى ءسوز سويلەپ، بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، مەملەكەت حاۋىپسىزدىگى ءدوپ كەلگەن كۇردەلى دە قيىن جاعدايدى جەتە تانىپ، كەلەلى مەملەكەت حاۋىپسىزدىگى ماسەلەلەرىن دۇرىس يگەرىپ، مەملەكەت حاۋىپسىزدىگى جۇيەسىن جانە قابىلەتىن وسىزامانداندىرۋدى جەدەل ىلگەرىلەتىپ، جاڭا دامۋ ارناسىن جاڭا حاۋىپسىزدىك ارناسىمەن قامتاماسىز ەتىپ، مەملەكەت حاۋىپسىزدىگى قىزمەتىنىڭ جاڭا جاعدايىن قۇلشىنا اشۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى، ورتالىق كوميتەت مەملەكەت حاۋىپسىزدىگى كوميتەتىنىڭ ورىنباسار مەڭگەرۋشىلەرى لي چياڭ، جاۋ لىجي، ساي چي ماجىلىسكە قاتىناستى.

　　ءماجىلىس مىنانى اتاپ كورسەتتى: ورتالىق كوميتەت مەملەكەت حاۋىپسىزدىگى كوميتەتى كۇرەسكەرلىك رۋحتى ساۋلەلەندىرۋگە تاباندى بولىپ، جالپى تۇلعالىق مەملەكەت حاۋىپسىزدىگى كوزقاراسىنا تاباندى بولىپ ءارى ونى ۇزدىكسىز دامىتىپ، مەملەكەت حاۋىپسىزدىگى باسشىلىق ءتۇزىلىسىنىڭ جانە زاڭمەن باسقارۋ جۇيەسىنىڭ، ستراتەگيا جۇيەسىنىڭ، ساياسات جۇيەسىنىڭ ۇزدىكسىز كەمەلدەنۋىن ىلگەرىلەتىپ، مەملەكەت حاۋىپسىزدىگى قىزمەتىن سايكەستىرۋ مەحانيزمىنىڭ ءونىمدى اينالىمىن، جەرگىلىكتى پارتكومدار مەملەكەت حاۋىپسىزدىگى جۇيەسىنىڭ بۇكىل ەلدە نەگىزىنەن جالپىلاسۋىن جۇزەگە اسىرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعادى، مەملەكەت حاۋىپسىزدىگى جاپپاي كۇشەيتىلدى.

　　ءماجىلىس مىنانى باسا دارىپتەدى: قازىر ءبىز ءدوپ كەلگەن مەملەكەت حاۋىپسىزدىگى ماسەلەسىنىڭ كۇردەلىلىك دارەجەسى، قيىندىق دارەجەسى كورنەكتى كۇشەيدى. مەملەكەت حاۋىپسىزدىگى شەبى ستراتەگيالىق سەنىم ورناتىپ، ءسوزسىز جەڭىسكە جەتۋ سەنىمىن بەكەمدەپ، وزىندىك باسىمدىق پەن ءتيىمدى شارت - جاعدايدى تولىق بايقاي ءبىلۋى كەرەك. تومەنگى شەكتە ويلاۋعا جانە جوعارى شەكتە ويلاۋعا تاباندى بولىپ، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان سۇرىنبەي وتۋگە دايىن تۇرۋى كەرەك. مەملەكەت حاۋىپسىزدىگى جۇيەسىن جانە قابىلەتىن وسىزامانداندىرۋدى جەدەل ىلگەرىلەتىپ، ناقتى شايقاس، ناقتى قولدانىلمالىلىق ايقىن باعدارىن كورنەكتىلەندىرىپ، سايكەستى، جوعارى ءونىمدى بولۋعا، زاڭمەن باسقارۋ ويىنا، عىلىم - تەحنيكامەن قۋات ۇستەۋگە، نەگىزگى ساتىنىڭ نەگىزىنە اناعۇرلىم باسا ءمان بەرىپ، ءار جاقتاعى قۇرىلىستاردىڭ جاندى ۇشتاسۋىن، بىرگە ارەكەتتەنىپ شوعىرلانۋىن ىلگەرىلەتۋ كەرەك.

　　ءماجىلىس مىنانى اتاپ كورسەتتى: جاڭا دامۋ ارناسىن جاڭا حاۋىپسىزدىك ارناسىمەن قامتاماسىز ەتىپ، وزىمىزگە ءتيىمدى سىرتقى حاۋىپسىزدىك ورتاسىن ىرىقتىلىقپەن سومداپ، ەسىك اشۋ حاۋىپسىزدىگىن اناعۇرلىم ويداعىداي قورعاپ، دامۋ مەن حاۋىپسىزدىكتىڭ تەرەڭدەي توعىسۋىن ىلگەرىلەتۋ كەرەك. مەملەكەت حاۋىپسىزدىگىن قورعايتىن جانە سومدايتىن امال - تاسىلدەرگە وزگەرىس جاساۋدى ىلگەرىلەتىپ، نازاريالىق جەتەكشىلىكتە جاڭالىق اشىپ، كۇش ورنالاسىمىن كەمەلدەندىرىپ، عىلىم - تەحنيكامەن قۋات ۇستەۋدى ىلگەرىلەتۋ كەرەك. مەملەكەت حاۋىپسىزدىگى حاۋىپ - قاتەرىنە توتەپ بەرۋ كەشەندى تۇلعاسىن كەمەلدەندىرىپ، ءدال ۋاقىتىندا باقىلاپ، دەر كەزىندە ساقتاندىرىپ، كەشەندى شارانى ويداعىداي قولدانۋ كەرەك.

　　ءماجىلىس مىنانى باسا دارىپتەدى: مەملەكەت حاۋىپسىزدىگى قىزمەتىندە پارتيا 20 - قۇرىلتايىنىڭ شەشىمدەرىن، ورنالاستىرۋلارىن دايەكتىلەندىرىپ، تياناقتاندىرىپ، ساياسي حاۋىپسىزدىكتى قورعاۋ، ينتەرنەت ساندى مالىمەتى، جاساندى زەردە حاۋىپسىزدىگىن باسقارۋ دەڭگەيىن جوعارىلاتۋ، مەملەكەت حاۋىپسىزدىگى حاۋىپ - قاتەرىن باقىلاۋ - تەكسەرۋ، ساقتاندىرۋ جۇيەسىن قۇرۋدى جەدەلدەتۋ، مەملەكەت حاۋىپسىزدىگىن زاڭمەن باسقارۋ قۇرىلىسىن ىلگەرىلەتۋ، مەملەكەت حاۋىپسىزدىگى تاربيەسىن كۇشەيتۋ سياقتى جاقتارداعى قىزمەتتى شىنايى ويداعىداي ىستەۋ كەرەك.

　　ءماجىلىس «مەملەكەت حاۋىپسىزدىگى حاۋىپ - قاتەرىن باقىلاۋ - تەكسەرۋ، ساقتاندىرۋ جۇيەسىن قۇرۋدى جەدەلدەتۋ جونىندەگى پىكىر»، «مەملەكەت حاۋىپسىزدىگى تاربيەسىن جاپپاي كۇشەيتۋ جونىندەگى پىكىر» قاتارلى حۇجاتتاردى قاراپ ماقۇلدادى.

　　ورتالىق كوميتەت مەملەكەت حاۋىپسىزدىگى كوميتەتىنىڭ تۇراقتى مۇشەلەرى، مۇشەلەرى ماجىلىسكە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار ماجىلىسكە سىرتتاي قاتىناستى.