شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 5 - رەتكى توپتىق ۇيرەنۋىندە بىلاي دەپ باسا دارىپتەدى
وقۋ - اعارتۋدا قۋاتتى ەل قۇرۋدى جەدەلدەتىپ، جۇڭحۋا ۇلتىنىڭ ۇلى گۇلدەنۋى ءۇشىن پارمەندى تىرەك ازىرلەۋ كەرەك
شينحۋا اگەنتتىگىنىڭ 5 - ايدىڭ 29 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 5 - ايدىڭ 29 - كۇنى تۇستەن كەيىن وقۋ - اعارتۋدا قۋاتتى ەل قۇرۋ جونىندە 5 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: وقۋ - اعارتۋ كوركەيسە، مەملەكەت كوركەيەدى، وقۋ - اعارتۋ قۇدىرەتتەنسە، مەملەكەت قۇدىرەتتەنەدى. وقۋ - اعارتۋدا قۋاتتى ەل قۇرۋ − جاپپاي سوتسياليستىك وسىزاماندانعان قۇدىرەتتى ەل قۇرۋدىڭ ستراتەگيالىق جەتەكشىسى، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى جۇزەگە اسىرۋدىڭ ماڭىزدى تىرەگى، جالپى حالىقتىڭ بىرگە بايۋىن جەبەۋدەگى ءونىمدى ءتاسىل، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋدەگى نەگىزدىك ينجەنەريا. پارتيانىڭ وقۋ - اعارتۋ باعىتىن جاپپاي دايەكتىلەندىرىپ، وقۋ - اعارتۋدى حالىقتى وزەك ەتە وتىرىپ دامىتۋعا تاباندى بولىپ، ىرىقتىلىقپەن العا ءوتىپ ورنالاستىرىپ، وزگەرىسكە پارمەندى توتەپ بەرىپ، قۇلشىنا جاڭا جاعداي اشىپ، وقۋ - اعارتۋدى وسىزامانداندىرۋدى جەدەل ىلگەرىلەتىپ، وقۋ - اعارتۋدىڭ كۇشى ارقىلى حالىقتىڭ باقىت نەگىزىن نىعايتىپ، وقۋ - اعارتۋدى قۇدىرەتتەندىرۋ ارقىلى مەملەكەتتى بايىتۋ - قۇدىرەتتەندىرۋ نەگىزىن بەكەمدەپ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ءۇشىن پارمەندى تىرەك ازىرلەۋ كەرەك.
چيڭحۋا داشۋەسى پارتكومىنىڭ شۋجيى، جۇڭگو عىلىم اكادەمياسىنىڭ اكادەميگى چيۋ يۇڭ وسى ماسەلە جونىندە ءتۇسىندىرۋ جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار ءتۇسىندىرۋدى مۇقيات تىڭدادى ءارى تالقى ورىستەتتى.
شي جينپيڭ ءتۇسىندىرۋدى جانە تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: پارتيا 18 - قۇرىلتايىنان بەرى پارتيا ورتالىق كوميتەتى وقۋ - اعارتۋدى مەملەكەتتىڭ ۇلى جوسپارى، پارتيانىڭ ۇلى جوسپارى ەتۋگە تاباندى بولىپ، وقۋ - اعارتۋدى وسىزامانداندىرۋدى جەدەلدەتۋ، وقۋ - اعارتۋدا قۋاتتى ەل قۇرۋ كەلەلى شەشىمىن جاساپ، جاڭا داۋىردەگى وقۋ - اعارتۋ ىستەرىنىڭ تاريحي تابىسقا قول جەتكىزۋىن، جۇيەلىك وزگەرىستەردىڭ تۋىلۋىن ىلگەرىلەتتى. ەلىمىز دۇنيە جۇزىندەگى كولەمى ەڭ ۇلكەن وقۋ - اعارتۋ جۇيەسىن قۇردى، وقۋ - اعارتۋدىڭ وسىزاماندانىپ دامۋ جالپى تۇلعالىق دەڭگەيى دۇنيە جۇزىندەگى ورتاشا جوعارى ەلدەر قاتارىنا ءوتتى. مەجەگە نەگىزدەلگەندە، ەلىمىزدىڭ قازىرگى وقۋ - اعارتۋدا قۋاتتى ەل كورسەتكىشى تۇتاس جەر شارىندا 23 - ورىندا تۇرىپ، 2012 - جىلداعىمەن سالىستىرعاندا، 26 ورىن ورلەگەن، العا باسۋى ەڭ تەز مەملەكەت سانالادى. بۇل جۇڭگوشا سوتسياليستىك وقۋ - اعارتۋدى دامىتۋ جولىنىڭ بۇكىلدەي دۇرىس ەكەندىگىن تولىق دالەلدەيدى.
شي جينپيڭ بىلاي دەپ باسا دارىپتەدى: ءبىز قۇرماقشى بولعان وقۋ - اعارتۋدا قۋاتتى ەل − جۇڭگوشا سوتسياليستىك وقۋ - اعارتۋدا قۋاتتى ەل، ءسوز جوق، پارتيانىڭ وقۋ - اعارتۋ ىستەرىنە جالپى بەتتىك باسشىلىعىنا تاباندى بولۋدى ءتۇبىرلى كەپىل ەتىپ، ونەگە كورسەتىپ ادام تاربيەلەۋدى ءتۇبىرلى مىندەت ەتىپ، پارتيا ءۇشىن ادام تاربيەلەۋدى، مەملەكەت ءۇشىن دارىندى تاربيەلەۋدى ءتۇبىرلى نىسانا ەتىپ، جۇڭحۋا ۇلتىنىڭ ۇلى گۇلدەنۋىنە قىزمەت وتەۋدى ماڭىزدى بورىش ساناپ، وقۋ - اعارتۋ تانىمىن، جۇيەسىن، ءتۇزىمىن، مازمۇنىن، ءادىسىن، باسقارۋدى وسىزامانداندىرۋدى نەگىزگى ءتاسىل ەتىپ، جۇڭگو ۇلگىسىندەگى وسىزامانداندىرۋعا تىرەك بولۋدى، جەتەكشى بولۋدى وزەكتى يقۋات ەتىپ، ەڭ سوڭىندا حالىق رازى بولاتىن وقۋ - اعارتۋدى ويداعىداي جۇرگىزۋ كەرەك.
شي جينپيڭ بىلاي دەپ اتاپ كورسەتتى: قانداي ادام تاربيەلەۋ، ادامدى قالاي تاربيەلەۋ، ادامدى كىم ءۇشىن تاربيەلەۋ − وقۋ - اعارتۋداعى ءتۇبىرلى ماسەلە ءارى وقۋ - اعارتۋدا قۋاتتى ەل قۇرۋداعى وزەكتى تاقىرىپ. ءبىزدىڭ وقۋ - اعارتۋدا قۋاتتى ەل قۇرۋداعى ماقساتىمىز − احىلاق، اقىل - وي، دەنە، ەستەتيكا، ەڭبەك جاعىنان جان - جاقتى دامىعان سوتسياليزمنىڭ ءار ۇرپاق قۇرۋشىلارى مەن ءىزباسارلارىن تاربيەلەپ، سوتسياليستىك وسىزامانداندىرۋ قۇرىلىسىندا ۇلكەن ىسكە جارامدى، اۋىر مىندەت ارقالاي الاتىن ءار ۇرپاق تىرەكتى دارىندىلاردى تاربيەلەپ، پارتيا ىستەرى مەن سوتسياليستىك وسىزاماندانعان قۇدىرەتتى ەل قۇرىلىسىنىڭ مۇراگەرى بار بولۋعا شىنايى كەپىلدىك ەتۋ. جاڭا ءداۋىر جۇڭگوشا سوتسياليزم يدەياسىمەن قاجىماي - تالماي رۋح سومداپ، ادام تاربيەلەۋگە تاباندى بولىپ، سوتسياليستىك وزەكتى قۇن كوزقاراسى تاربيەسىن كۇشەيتۋگە كۇش سالىپ، وقۋشىلاردى بەرىك مۇرات - سەنىم ورناتۋعا جەتەكتەپ، ماڭگى پارتيانىڭ سوزىنە قۇلاق اسىپ، پارتياعا ىلەسىپ، مەملەكەت پەن حالىققا ۇلەس قوسۋدى ماقسات تۇتۋ كەرەك. رەفورما جاساپ، جاڭالىق اشۋعا تاباندى بولىپ، جوعارى، ورتا، باستاۋىش مەكتەپتەردىڭ يدەيا - ساياسي تاربيەنى ءبىر تۇلعالاندىرۋ قۇرىلىسىن ىلگەرىلەتىپ، يدەيا - ساياسي ساباعىنىڭ باعىتتامالىلىعى مەن باۋراۋ قۋاتىن جوعارىلاتۋ كەرەك. جەلىدە ادام تاربيەلەۋ قابىلەتىن جوعارىلاتىپ، ينتەرنەت داۋىرىندەگى مەكتەپتەردىڭ يدەيا - ساياسي قىزمەتى مەن يدەولوگيا قىزمەتىن تىڭعىلىقتى ويداعىداي ىستەۋ كەرەك.
شي جينپيڭ بىلاي دەپ باسا دارىپتەدى: جوعارى ساپالى دامۋدى ءار دارەجەلى، ءار ءتۇرلى وقۋ - اعارتۋدىڭ جان تامىرى ەتۋگە تاباندى بولىپ، جوعارى ساپالى وقۋ - اعارتۋ جۇيەسىن جەدەل قۇرۋ كەرەك. وقۋ - اعارتۋدا قۋاتتى ەل قۇرۋدىڭ تياناعى نەگىزدىك وقۋ - اعارتۋدا. نەگىزدىك وقۋ - اعارتۋ تىڭعىلىقتى جۇرگىزىلگەن سايىن، وقۋ - اعارتۋدا قۋاتتى ەل قۇرۋدىڭ قادامى سولعۇرلىم ورنىقتى، تەبىنى دە سولعۇرلىم كۇشتى بولادى. مەكتەپكە دەيىنگى تاربيەنى جالپىلاستىرىپ، جالپىعا ءتيىمدى، حاۋىپسىز، ساپالى دامىتۋدى ىلگەرىلەتىپ، مىندەتتى وقۋ - اعارتۋدىڭ ساپالى، بىركەلكى دامۋى مەن قالا، اۋىلدىڭ ءبىر تۇلعالانۋىن ىلگەرىلەتۋ كەرەك. نەگىزدىك وقۋ - اعارتۋدا وقۋشىلاردىڭ ءبىلىم نەگىزىن بەكەمدەپ قانا قويماي، وقۋشىلاردىڭ عىلىمدى ارداقتاۋ، بەيمالىم ىستەر جونىندە ىزدەنىس جاساۋ اۋەسىن دە قوزعاپ، ىزدەنىس سيپاتتى، جاڭالىق اشۋ سيپاتتى ويلاۋ ساپاسىن جەتىلدىرۋ كەرەك. تۇتاس قوعامدا عىلمي دارىندى كوزقاراسىن، ماماندانۋ كوزقاراسىن، وقۋ - اعارتۋ كوزقاراسىن ورناتىپ، وقۋ - اعارتۋدى مۇددەلىلەندىرۋ نىسايىن جەدەل وڭاپ، اقاۋسىز وقۋ - اعارتۋ ورتاسى مەن ەكولوگياسىن قالىپتاستىرۋ كەرەك. وقۋ - اعارتۋدا قۋاتتى ەل قۇرۋداعى باستاماشى − جوعارى دارەجەلى وقۋ - اعارتۋ. جۇڭگوشا ەرەكشەلىككە يە، دۇنيە جۇزىندەگى بىرەگەي داشۋەنى جانە باسىمدىققا يە پاندەردى جەدەل قۇرۋدى ايرىقشا ماڭىزدى ورىنعا قويىپ، نەگىزدىك ءپان، جاڭادان گۇلدەنگەن ءپان، ايقاسپالى ءپان قۇرىلىسىن زور كۇشپەن كۇشەيتىپ، دۇنيە ءجۇزى عىلىم - تەحنيكاسىنىڭ الدىڭعى لەگى مەن مەملەكەتتىڭ كەلەلى ستراتەگيالىق قاجەتىن كوزدەي وتىرىپ عىلمي زەرتتەۋدە جاڭالىق اشۋدى ىلگەرىلەتىپ، ءتول جاسامپازدىق قابىلەتى مەن دارىندىلاردى باۋلۋ ساپاسىن ۇزدىكسىز جوعارىلاتۋ كەرەك. تۇتاس حالىق ءومىر بويى ۇيرەنەتىن ۇيرەنۋگە قۇلىقتى قوعام، ۇيرەنۋگە قۇلىقتى ءىرى ەل قۇرىپ، بارلىق ادام تەگىس ۇيرەنۋدى، بارلىق جەردە ۇيرەنە الۋدى، ءار ۋاقىت ۇيرەنە الۋدى جەبەپ، حالىقتىڭ تاربيە قابىلداۋ دەڭگەيىن ۇزدىكسىز جوعارىلاتىپ، ادام كۇشى بايلىعىن اشۋ دەڭگەيىن جاپپاي جوعارىلاتىپ، ادامنىڭ جان - جاقتى دامۋىن جەبەۋ كەرەك.
شي جينپيڭ بىلاي دەپ اتاپ كورسەتتى: جوعارى ساپالى دامۋعا قىزمەت وتەۋدى وقۋ - اعارتۋدا قۋاتتى ەل قۇرۋدىڭ ماڭىزدى مىندەتى ەتۋ كەرەك. وقۋ - اعارتۋدا قۋاتتى ەل، عىلىم - تەحنيكادا قۋاتتى ەل، دارىندىلار جاعىندا قۋاتتى ەل قۇرۋدىڭ ىشكى بىرلىگى جانە ءوزارا تىرەكتىك سيپاتى بار، وسى ۇشەۋىن ورگانيكالى ۇشتاستىرىپ، ءبىر تۇلعادا ءبىر تۇتاس ىلگەرىلەتىپ، جوعارى ساپالى دامۋدى ىلگەرىلەتۋدىڭ ەسەلەپ ارتۋ اسەرىن قالىپتاستىرۋ كەرەك. عىلمي وقۋ - اعارتۋدى، ينجەنەريالىق وقۋ - اعارتۋدى ونان ارى كۇشەيتىپ، جاڭالىق اشاتىن ۇزدىك دارىندىلاردى دەربەس تاربيەلەۋدى كۇشەيتىپ، ەلىمىزدىڭ شەشۋشى، وزەكتى تەحنيكالاردان قامال الۋىن شەشۋگە دارىندىلار جاعىنان تىرەك ازىرلەۋ كەرەك. ەلىمىزدىڭ ءار جاقتاعى دارىندىلاردى دامىتۋ بەتالىسى مەن تاپشى بولۋ جاعدايىنا جۇيەلى تالداۋ جاساپ، عىلىم - تەحنيكانىڭ دامۋ جاعدايىنا نەگىزدەلىپ، نازاردى مەملەكەتتىڭ كەلەلى ستراتەگيالىق قاجەتىنە شوعىرلاندىرىپ، جوعارى دارەجەلى وقۋ - اعارتۋ پاندەرىن ورنالاستىرۋدى يكەمدى رەتتەپ، ساپالىلاندىرىپ، مەملەكەتتىڭ ستراتەگيالىق دارىندىلارى مەن شۇعىل قاجەتتى تاپشى دارىندىلاردى نىسانالى تۇردە جەتىلدىرىپ، وقۋ - اعارتۋدىڭ جوعارى ساپالى دامۋعا تىرەك بولۋ قۋاتىن، ۇلەس قوسۋ قۋاتىن جوعارىلاتۋ كەرەك. كاسىپتىك وقۋ - اعارتۋدى، جوعارى دارەجەلى وقۋ - اعارتۋدى، ۇنەمىلىك وقۋ - اعارتۋدى ءبىر تۇتاس جوسپارلاپ، كاسىپتىك وقۋ - اعارتۋ مەن ادەتتەگى ورتا مەكتەپتەر وقۋ - اعارتۋىنىڭ توعىسۋىن، كاسىپ سالاسى مەن وقىتۋدىڭ توعىسۋىن، عىلىم مەن وقىتۋدىڭ توعىسۋىن ىلگەرىلەتىپ، جوعارى ساپالى تەحنيكالىق شەبەر دارىندىلاردى، ءىرى ەل ۇستالارىن، شەبەرلەردى ۇزدىكسىز جەتىلدىرۋ كەرەك.
شي جينپيڭ بىلاي دەپ باسا دارىپتەدى: وقۋ - اعارتۋدا ءىرى ەلدەن وقۋ - اعارتۋدا قۋاتتى ەلگە ءوتۋ − جۇيەلىك سەكىرۋ جانە ساپالىق وزگەرىس، ءسوز جوق، رەفورما جاساۋدى، جاڭالىق اشۋدى قوزعاۋشى كۇش ەتۋ كەرەك. جۇيە كوزقاراسىنا تاباندى بولىپ، ادام تاربيەلەۋ ءتاسىلى، وقىتۋ ۇلگىسى، باسقارۋ ءتۇزىلىسى، قامتاماسىزداندىرۋ مەحانيزمى رەفورماسىن ىلگەرىلەتۋدى ءبىر تۇتاس جوسپارلاپ، وقۋ - اعارتۋدىڭ جوعارى ساپالى دامۋىنا تۇساۋ بولاتىن بارلىق يدەيالىق كوزقاراستاردىڭ بۇعاۋىن جانە ءتۇزىلىس - مەحانيزم كىناراتتارىن باتىل الاستاپ، وقۋ - اعارتۋدى باسقارۋ جۇيەسى مەن باسقارۋ قابىلەتىنىڭ وسىزاماندانۋ دەڭگەيىن جاپپاي جوعارىلاتۋ كەرەك. وقۋ - اعارتۋداعى ادىلدىكتى جەبەۋدى وقۋ - اعارتۋ سالاسىنداعى كەشەندى رەفورمانى تەرەڭدەتۋدىڭ ءار جاعىمەن، ءار بۋىنىمەن توعىستىرىپ، وقۋ - اعارتۋدىڭ قالا، اۋىل، ءوڭىر، مەكتەپ ارا، توپتار ارا پارقىن ازايتىپ، ءاربىر بالانى ءادىل دە ساپالى وقۋ - اعارتۋدان يگىلىكتەندىرۋگە قۇلشىنىپ، بۇقارانىڭ ”جاقسى مەكتەپتە وقي الۋ“ قاجەتىن اناعۇرلىم ويداعىداي قاناعاتتاندىرۋ كەرەك. جاڭا داۋىردەگى وقۋ - اعارتۋدى باعالاۋ رەفورماسىن تەرەڭدەتىپ، كوپ نەگىزدى تۇلعالار ات سالىساتىن، جۇڭگونىڭ ءىس جۇزىندىگىنە ۇيلەسەتىن، دۇنيە جۇزىلىك ورەگە يە وقۋ - اعارتۋدى باعالاۋ جۇيەسىن ورناتۋ كەرەك. وقۋلىق قۇرىلىسى مەن باسقارۋدى كۇشەيتىپ، دۇرىس ساياسي بەتالىس پەن قۇن بەتالىسىن مىقتى يگەرىپ، نەگىز قالاپ، رۋحتى سومدايتىن، اقىلدىڭ كوزىن اشىپ، پاراساتتى جەتىلدىرەتىن تاڭداۋلى وقۋلىقتاردى دەن قويا شىعارۋ كەرەك. وقۋ - اعارتۋدى سيفرلاندىرۋ − ەلىمىزدىڭ وقۋ - اعارتۋدى دامىتۋىنىڭ جاڭا جارىس جولىن اشۋداعى جانە وقۋ - اعارتۋدى دامىتۋدىڭ جاڭا ابزالدىلىعىن سومداۋداعى ماڭىزدى قامال الۋ ءتۇيىنى. سيفرلى وقۋ - اعارتۋدى ونان ارى ىلگەرىلەتىپ، دارالىق ۇيرەنۋگە، ءومىر بويى ۇيرەنۋگە، ساپالى وقۋ - اعارتۋ بايلىعىنىڭ قامتىمىن جانە وقۋ - اعارتۋدىڭ وسىزاماندانۋىن كەڭەيتۋگە ءونىمدى تىرەك ازىرلەۋ كەرەك.
شي جينپيڭ بىلاي دەپ اتاپ كورسەتتى: وقۋ - اعارتۋدا سىرتقا ەسىك اشۋ ستراتەگياسىن، تاكتيكاسىن كەمەلدەندىرىپ، ”سىرتتان ەنگىزۋ“ جانە ”سىرتقا شىعارۋ“ سىندى ەكى ۇلكەن ءىستى ويداعىداي ىستەۋدى ءبىر تۇتاس جوسپارلاپ، دۇنيە جۇزىندەگى بىرەگەي وقۋ - اعارتۋ بايلىعى مەن جاڭالىق اشۋ فاكتورلارىنان ءونىمدى پايدالانىپ، ەلىمىزدى دۇنيە جۇزىندەگى ىقپالى كۇشتى ماڭىزدى وقۋ - اعارتۋ ورتالىعىنا اينالدىرۋ كەرەك. الەمدىك وقۋ - اعارتۋدى باسقارۋعا بەلسەنە ات سالىسىپ، ”جۇڭگودا وقۋ“ ايگىلى ماركاسى قۇرىلىسىن بار كۇشپەن ىلگەرىلەتىپ، جۇڭگو حيكاياسىن ويداعىداي بايانداپ، جۇڭگو تاجىريبەسىن تاراتىپ، جۇڭگو ءۇنىن اۋەلەتىپ، ەلىمىز وقۋ - اعارتۋىنىڭ حالىقاراداعى ىقپالى مەن سويلەۋ ۇقىعىن كۇشەيتۋ كەرەك.
شي جينپيڭ بىلاي دەپ باسا دارىپتەدى: وقۋ - اعارتۋدى كۇشەيتۋدە، ءسوز جوق، الدىمەن وقىتۋشىلار قوسىنىن كۇشەيتۋ كەرەك. وقىتۋشىلار قوسىنى قۇرىلىسىن كۇشەيتۋدى وقۋ - اعارتۋدا قۋاتتى ەل قۇرۋداعى ەڭ ماڭىزدى نەگىزدىك قىزمەت رەتىندە يگەرىپ، جۇڭگوشا ەرەكشەلىككە يە وقىتۋشى تاربيەلەۋ جۇيەسىن اقاۋسىزداندىرىپ، وقىتۋشىلىق ءمورالى وسكەلەڭ، كاسىپكە جەتىك، قۇرىلىمى ۇيلەسىمدى، ومىرشەڭدىككە تولى جوعارى ساپالى ماماندانعان وقىتۋشىلار قوسىنىن كۇش سالا جەتىلدىرۋ، تۇلعالاۋ كەرەك. وقىتۋشىلاردى قۇرمەتتەپ، وقۋ - اعارتۋعا ءمان بەرەتىن قوعامدىق سالتتى اسقاقتاتىپ، وقىتۋشىلاردىڭ ساياسي ورنىن، قوعامدىق ورنىن، كاسىپتىك ورنىن جوعارىلاتىپ، وقىتۋشىلىقتى قوعامنىڭ ەڭ قۇرمەتىنە بولەنگەن كاسىپتەردىڭ بىرىنە اينالدىرىپ، ۇزدىك دارىندىلاردىڭ وقىتۋشىلىقپەن ىنتالى شۇعىلدانۋىن، وقىتۋشىلىقپەن زەر سالا شۇعىلدانۋىن، وقىتۋشىلىقپەن ۇزاق ۋاقىت شۇعىلدانۋىن، وقىتۋشىلىقپەن ءومىر بويى شۇعىلدانۋىن قولداۋ جانە وعان باۋراۋ كەرەك. وقىتۋشىلىق ءمورال، ۇستازدىق ستيل قۇرىلىسىن كۇشەيتىپ، قالىڭ وقىتۋشىلاردى مۇرات - سەنىمدى بەكەمدەۋگە، ءمورالدىق قاسيەتتى باۋلۋعا، مىعىم ءبىلىم قابىلەتتى جەتىلدىرۋگە، قۇنتتىلىقپەن مەيىرىمدىلىكتى جەتىلدىرۋگە، ”وقىتۋشىلىقپەن تاباندى اينالىسامىن، مەملەكەتتى قۇدىرەتتەندىرۋدە مەن بارمىن“ دەيتىن مۇرات جانە ارمان ورناتۋعا، ساباق مىنبەسىنەن تاپجىلماي، زەر سالا ءبىلىم بەرىپ، ادام تاربيەلەۋگە جەتەكتەۋ كەرەك.
شي جينپيڭ سوڭىندا بىلاي دەپ باسا دارىپتەدى: وقۋ - اعارتۋدا قۋاتتى ەل قۇرۋ − بۇكىل پارتيانىڭ، بۇكىل قوعامنىڭ ورتاق مىندەتى. پارتيانىڭ وقۋ - اعارتۋ قىزمەتىنە جالپى بەتتىك باسشىلىعىنا تاباندى بولىپ جانە ونى كۇشەيتىپ، پارتكوم ءبىر تۇتاس باسشىلىق ەتەتىن، پارتيا مەن ۇكىمەت تەڭ يگەرىپ، بىرگە باسقاراتىن، تاراۋلار ءوز جاۋاپكەرشىلىگىن ارقالايتىن وقۋ - اعارتۋ باسشىلىق ءتۇزىلىسىن ۇزدىكسىز كەمەلدەندىرۋ كەرەك. ءار دارەجەلى پارتكومدار مەن ۇكىمەتتەر وقۋ - اعارتۋدى الدىمەن دامىتۋعا باستان - اياق تاباندى بولىپ، ۇيىمدىق باسشىلىق، دامۋ جوباسى، بايلىق قامتاماسىزدىعى، قاراجات ۇسىنىلىمى جاعىندا سەرپىندى ارتتىرۋى كەرەك. مەكتەپ، وتباسى، قوعام تىعىز سەلبەسىپ، ءبىر باعىتتا كۇش سالىپ، وقۋ - اعارتۋدا قۋاتتى ەل امالياتىنا بەلسەنە ات سالىسىپ، وقۋ - اعارتۋدا قۋاتتى ەل بولۋ ىستەرىن بىرگە ويداعىداي ىستەۋى كەرەك. بۇكىل پارتيا، بۇكىل ەل حالقى سەنىمدى بەكەمدەپ، ۇزدىكسىز قاجىماي كۇش سالىپ، وقۋ - اعارتۋدا قۋاتتى ەل بولۋ نىساناسىن ەرتەرەك جۇزەگە اسىرۋ جولىندا بىرگە قۇلشىنۋى كەرەك.
