شينحۋا اگەنتتىگىنىڭ 3 - ايدىڭ 26 - كۇنى بەيجيڭنەن بەرگەن حابارى. 3 - ايدىڭ 26 - كۇنى مەملەكەت ءتوراعاسى شي جينپيڭ جۇڭگو دامۋ جوعارى دارەجەلىلەر تالقى مىنبەرىنىڭ 2023 - جىلعى جىلدىق جينالىسىنا قۇتتىقتاۋ حاتىن جولدادى.
شي جينپيڭ بىلاي دەپ اتاپ كورسەتتى: كەزەكتە دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، ءىشىنارالىق قاقتىعىس پەن الاساپىراندىق ءجيى تۋىلىپ، دۇنيە ءجۇزى ەكونوميكاسىنىڭ قالپىنا كەلۋ قوزعاۋشى كۇشى جەتكىلىكسىز بولىپ وتىر. قالپىنا كەلۋدى جەبەۋ ورتاق تانىم مەن سەلبەستىكتى قاجەت ەتەدى. جۇڭگو الەمدىك دامۋ باستاماسىن العا قويىپ، حالىقارالىق قوعامنىڭ كەڭ كولەمدە قولداۋىنا جانە بەلسەنە ءۇن قوسۋىنا يە بولدى. جۇڭگو سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، ءوزارا تيىمدىلىك جاساۋ، تەڭ يگىلىكتەنۋ سىندى ەسىك اشۋ ستراتەگياسىن باتىل اتقارىپ، جۇڭگونىڭ تىڭ دامۋى ارقىلى دۇنيە جۇزىنە تىڭ ورايلاردى ۇزدىكسىز ازىرلەيدى. جۇڭگو ەرەجە، ءتۇزىم، باسقارۋ، ولشەم سياقتى تۇزىمدىك ەسىك اشۋدى ورنىقتى كەڭەيتىپ، ءار ەلدىڭ، ءار جاقتىڭ تۇزىمدىك ەسىك اشۋ ورايىنان بىرگە يگىلىكتەنۋىن ىلگەرىلەتەدى.
جۇڭگو دامۋ جوعارى دارەجەلىلەر تالقى مىنبەرىنىڭ 2023 - جىلعى جىلدىق جينالىسى سول كۇنى بەيجيڭدە اشىلدى، نەگىزگى تاقىرىبى ”ەكونوميكانىڭ قالپىنا كەلۋى: وراي جانە سەلبەستىك“، مەملەكەتتىك كەڭەستىڭ دامۋدى زەرتتەۋ ورتالىعى باس بولىپ وتكىزدى.
