1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

دۇنيە ءجۇزىنىڭ نازارىن اۋدارعان ءبىر رەتكى دوستىق، سەلبەستىك، بەيبىتشىلىك ساپارى

日期:2023年03月24日
来源:新疆日报
【字体:

− مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترلىگىنىڭ مينيسترى چين گاڭ ءتوراعا شي جينپيڭنىڭ رەسەيدەگى مەملەكەتتىك ساپارىنا ايالدادى

  شينحۋا اگەنتتىگىنىڭ 3 - ايدىڭ 22 - كۇنى بەيجيڭنەن بەرگەن حابارى. 2023 - جىلى 3 - ايدىڭ 20 - كۇنىنەن 22 - كۇنىنە دەيىن مەملەكەت ءتوراعاسى شي جينپيڭ رەسەي زۇڭتۇڭى پۋتيننىڭ ۇسىنىسىمەن رەسەيدە مەملەكەتتىك ساپاردا بولدى. ساپار اياقتالۋ قارساڭىندا مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترلىگىنىڭ مينيسترى چين گاڭ بىرگە جۇرگەن تىلشىلەرگە وسى رەتكى ساپاردىڭ جاعدايىن تانىستىردى.

  چين گاڭ بىلاي دەدى: مەملەكەتتىك ەكى ءماجىلىس جەڭىسپەن اياقتالىسىمەن، ءتوراعا شي جينپيڭ رەسەيدە مەملەكەتتىك ساپاردا بولىپ، جۇڭگونىڭ بيىلعى مەملەكەت باسشىسى ديپلوماتياسىنىڭ جاڭا شىمىلدىعىن اشتى. وسى رەتكى ساپاردىڭ ورايى وزگەشە، استارى كۇردەلى، ماعىناسى باي، تابىسى مول، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەل ىشىندەگى دامۋ كەلەلى جاعدايى مەن ديپلوماتياداعى ستراتەگيالىق جالپى جاعدايدى كوزدەي وتىرىپ جاساعان كەلەلى شەشىمى، بۇل جۇڭگونىڭ دەربەس، ءوز - وزىنە قوجايىن بولۋ سىندى بەيبىت ديپلوماتيالىق ساياساتىنا تاباندى بولاتىن اسقاق جىگەرىن جانە دۇنيە ءجۇزىنىڭ بەيبىتشىلىگىن جەبەيتىن كەڭ پەيىلىن ايگىلەدى. حالىقارالىق قوعامدىق پىكىر ايرىقشا نازار اۋدارىپ، جاپپاي بىلاي دەپ قارادى: ءتوراعا شي جينپيڭنىڭ وسى رەتكى رەسەيدەگى ساپارى بۇكىل الەمنىڭ وڭىرلىك ساياسيىنداعى ىقپالى تەرەڭ كەلەلى ءىس، جۇڭگونىڭ ”بەيبىتشىلىك قۇرۋشى“ بولۋ سىندى حالىقارالىق وبرازىن بەينەلەپ، جۇڭگونىڭ ءىرى ەلدىك رولى مەن جاۋاپكەرشىلىگىن ايگىلەپ، قىم - قۋىت، كۇردەلى حالىقارالىق جاعدايعا ءتىپتى دە كوپ ورنىقتىلىق اكەلەدى، بۇل دۇنيە ءجۇزىنىڭ كوپ ۇيەكتەنۋى مەن حالىقارالىق قارىم - قاتىناستىڭ دەموكراتيالانۋىن ىلگەرىلەتۋگە ءتيىمدى.

ءبىرىنشى، دەربەس، ءوز - وزىنە قوجايىن بولۋعا تاباندى بولىپ، حالىقارالىق ادىلدىك پەن ادىلەتتىلىكتى قورعادى

  چين گاڭ بىلاي دەدى: قازىر 100 جىلدىق وزگەرىس جەدەل قۇبىلىپ، حالىقارالىق كۇشتەردىڭ سالىستىرماسى ىشكەرىلەي رەتتەلدى. بەيبىتشىلىك، دامۋ، سەلبەستىك، تەڭ يگىلىكتەنۋ سىندى تاريح اعىمىن بوگەۋ مۇمكىن ەمەس، سونىمەن بىرگە زورەكەرلىك، سىڭار جاقتىلىق، قورعامپازدىق ءالى دە وكتەمدىك ەتىپ، قىرعي قاباقتىق وي مەن توپشىلدىق ساياسيدىڭ سارقىنشاعى قاپتاپ، ەكى ءتۇرلى اعىم، ەكى ءتۇرلى جول اراسىنداعى بەلدەسۋ ءتىپتى دە شيەلەنىسىپ، دۇنيە ءجۇزى جاڭا اۋمالى - توكپەلى وزگەرىس كەزەڭىنە ءوتتى. دۇنيە جۇزىندەگى نەگىزگى ءىرى ەلدەر جانە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى بولعان جۇڭگو مەن رەسەي قارىم - قاتىناسىنىڭ قالاي دامۋى بۇكىل الەمنىڭ ستراتەگيالىق ورنىقتىلىعى مەن حاۋىپسىزدىگىنە، بولاشاقتاعى دۇنيە ءجۇزى جاعدايىنىڭ وزگەرىسىنە سايادى. حالىقارالىق جاعداي نەعۇرلىم كۇردەلى بولعان سايىن، جۇڭگو مەن رەسەيدىڭ تىلدەسۋدى، ىستەستىكتى كۇشەيتۋىنىڭ قاجەتتىلىگى سولعۇرلىم كورنەكتىلەنە تۇسەدى.

  ساپار قارساڭىندا، ءتوراعا شي جينپيڭ مەن پۋتين زۇڭتۇڭ جەكە - جەكە اۆتورلى ماقالا جاريالاپ، اقىلداسىپ العانداي جۇڭگو مەن رەسەيدىڭ ستراتەگيالىق ىستەستىگىن حالىقارالىق بەيبىتشىلىك پەن حاۋىپسىزدىكتى قورعاۋدىڭ ”مىزعىماس تىرەگى“ دەپ اتادى، ساپار كەزىندە ەكى ەلدىڭ مەملەكەت باسشىلارى تاعى قاتىستى كەلەلى ماسەلەلەر جونىندە ۇزاق ۋاقىت تەرەڭ ستراتەگيالىق تىلدەسۋ وتكىزدى. ءتوراعا شي جينپيڭ بىلاي دەپ باسا دارىپتەدى: جۇڭگو دەربەس، ءوز - وزىنە قوجايىن بولۋ سىندى بەيبىت ديپلوماتيالىق ساياسات اتقارادى، ەجەلدەن بەرى، ءىستىڭ دۇرىس - بۇرىستىعىنا، ورىندى - ورىنسىزدىعىنا قاراي ءوز تۇجىرىمىن دەربەس جاساپ كەلەدى. ءار ەلدىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋ ۇقىعى بار، دۇنيە جۇزىندە باسقالاردان جوعارى تۇراتىن ەل جوق، بارلىعىنا باپ كەلەتىن ەل باسقارۋ ۇلگىسى جوق، بەلگىلى ءبىر ەلدىڭ ايتقانى ەسەپ بولاتىن حالىقارالىق ءتارتىپ جوق، ىنتىماقتى بولعان، بولشەكتەنبەگەن، بەيبىت بولعان، الاساپىراندىق جوق دۇنيە ءجۇزى كۇللى ادامزاتتىڭ ورتاق مۇددەسىنە ۇيلەسەدى. جۇڭگو مەن رەسەي بىرگە قۇلشىنىپ، الەمدىك باسقارۋدىڭ حالىقارالىق قوعامنىڭ ۇمىتىنە ۇيلەسەتىن بەتالىسقا قاراي ىلگەرىلەۋىنە جەتەكشىلىك ەتىپ جانە ونى جەدەلدەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. ەكى جاق ءبىر اۋىزدان بىلاي دەپ قارادى: ءار ەل بەيبىتشىلىك، دامۋ، ادىلدىك، ادىلەتتىلىك، دەموكراتيا، ەركىندىك سىندى بۇكىل ادامزاتتىڭ ورتاق قۇنىن اسقاقتاتىپ، قارسىلاسپاي تىلدەسۋ، قاقپايلاماي سيىسىمدى بولۋ، تاتۋ - ءتاتتى قاتار ءومىر ءسۇرۋ، سەلبەسىپ تەڭ يگىلىككە كەنەلۋ، دۇنيە ءجۇزىنىڭ بەيبىت دامۋىن جەبەۋ كەرەك. ەكى جاق جۇڭگو − رەسەي قارىم - قاتىناسىنا كەڭ كوز ايامەن، ۇزاق بولاشاقتىق تۇرعىدان مامىلە جاساپ جانە ونى يگەرىپ، بىرلەسكەن مەملەكەتتەر ۇيىمىن ۇيتقى ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبىن نەگىز ەتكەن حالىقارالىق قارىم - قاتىناستىڭ نەگىزگى ولشەمىن باتىل قورعاپ، ناعىز كوپ جاقتىلىققا تاباندى بولىپ، دۇنيە ءجۇزىنىڭ كوپ ۇيەكتەنۋى مەن حالىقارالىق قارىم - قاتىناستىڭ دەموكراتيالانۋىن ىلگەرىلەتەدى.

  چين گاڭ بىلاي دەدى: 10 جىلدىڭ الدىندا ءتوراعا شي جينپيڭ ماسكەۋ حالىقارالىق قارىم - قاتىناس شۋەيۋانىندا لەكسيا جاساعاندا ادامزاتتىڭ تاعدىرلاس ورتاق تۇلعاسىن قۇرۋ ۇستانىمىن تۇڭعىش رەت العا قويدى. 10 جىلدان بەرى، بۇل ۇستانىم اناعۇرلىم كوپ ەلدىڭ ءۇن قوسۋىنا جانە قولداۋىنا يە بولدى. حالىقارالىق جاعدايدىڭ وزگەرىسى ءار ەل تەك تاعدىرلاس بولىپ، ىنتىماقتاسا ىستەستىك جاساعاندا عانا، ادامزات بىرگە ءدوپ كەلىپ وتىرعان الەمدىك سايىستاردى شەشۋگە بولاتىندىعىن قايتا - قايتا دالەلدەدى. بۇگىنگى تاڭداعى دۇنيە جۇزىندەگى باستى قايشىلىق استە ءىشىنارا ەلدەر اسىرەلەپ وتىرعان ايتىلمىس ”دەموكراتيا ارقىلى ىقپال مەن ۇقىققا قارسى تۇرۋ“ ەمەس، قايتا دامۋ مەن دامۋدى تەجەۋ، ادىلدىك پەن وكتەمدىك اراسىنداعى كۇرەس. الاسۇرعان سىڭار جاقتىلىق پەن زورەكەرلىك الدىندا، جۇڭگو مەن رەسەيدىڭ ستراتەگيالىق ىستەستىكتى بەكەمدەۋى جانە كۇشەيتۋى اناعۇرلىم باعالى سانالادى. جۇڭگو مەن رەسەي دۇنيە ءجۇزىنىڭ كوپ ۇيەكتەنۋى مەن حالىقارالىق قارىم - قاتىناستىڭ دەموكراتيالانۋىن بۇلجىماي ىلگەرىلەتەدى، بۇل حالىقارالىق ادىلدىكتى، تۋراشىلدىقتى قورعاۋدىڭ قاجەتى، ادامزاتتىڭ تاعدىرلاس ورتاق تۇلعاسىن قۇرۋدىڭ قاجەتتى ءمانى، ءداۋىردىڭ العا باسۋى مەن تاريحتىڭ دامۋىنىڭ دۇرىس بەتالىسىنا ۋاكىلدىك ەتەدى، ەكى جاقتى قارىم - قاتىناستىڭ كولەمىنەن اسىپ تۇسەتىن دۇنيە جۇزىلىك مانگە يە.

ەكىنشى، تاتۋ كورشىلىككە، ءوزارا سەنىمدىلىككە تاباندى بولىپ، جۇڭگو − رەسەي قارىم - قاتىناسىنىڭ جوباسىن كەسكىندەدى

  چين گاڭ بىلاي دەدى: 2013 - جىلى ءتوراعا شي جينپيڭ جۇڭگونىڭ مەملەكەت ءتوراعاسى بولعاننان كەيىنگى تۇڭعىش رەتكى ساپارىندا ماسكەۋگە كەلدى. ارادا 10 جىل وتكەننەن كەيىن، ءتوراعا شي جينپيڭ رەسەيدى تاعى دا جاڭا مىندەت وتەۋ مەرزىمىندەگى ساپارىنىڭ العاشقى بەكەتى ەتتى، بۇل استە كەزدەيسوقتىق ەمەس، قايتا تەرەڭ تولعانعاننان كەيىن جاسالعان ساياسي شەشىم بولدى. جۇڭگو − رەسەي قارىم - قاتىناسىنىڭ دامىپ بۇگىنگى كۇنگە جەتۋىندە تەرەڭ تاريحي لوگيكا بار. جۇڭگو مەن رەسەي ءوزارا ەڭ ۇلكەن كورشى ەل، جۇڭگو − رەسەي قارىم - قاتىناسى وداقتاسپاۋعا، قارسىلاسپاۋعا، ءۇشىنشى جاققا باعىتتاماۋعا تاباندى بولىپ، ءوزارا قۇرمەت ەتۋگە، ءوزارا سەنىم ارتۋعا تاباندى بولىپ، وزدەرىنىڭ دامۋىن، گۇلدەنۋىن جەبەۋمەن بىرگە، حالىقارالىق ادىلدىك پەن ادىلەتتىلىكتى دە قۇلشىنا قورعاپ، جاڭاشا ءىرى ەل قارىم - قاتىناسىنىڭ ۇلگىسىن ورناتتى. 10 جىلدان بەرى، ءتوراعا شي جينپيڭ پۋتين زۇڭتۇڭمەن تىعىز بايلانىستى ساقتاپ، ءبىرىن - ءبىرى تاباندىلىقپەن قولدادى. ءتوراعا شي جينپيڭ پارتيانىڭ 20 - قۇرىلتايىندا جانە مەملەكەتتىك ەكى ماجىلىستە جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى بولىپ جالعاستى سايلانعاننان كەيىن، پۋتين زۇڭتۇڭ دەر كەزىندە تەلەگرامما جولداپ قۇتتىقتادى؛ جۇڭگو جاق ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى مەن بەيجيڭ قىسقى وليمپيادا سپورت جارىسىنىڭ اشىلۋ سالتىن وتكىزگەندە پۋتين زۇڭتۇڭ قالىپ كورمەدى. وسى رەتكى ساپار كەزىندە ءتوراعا شي جينپيڭ مىنالاردى ءبىلدىردى: رەسەي كەلەر جىلى زۇڭتۇڭ سايلاۋىن وتكىزەدى، پۋتين زۇڭتۇڭنىڭ پارمەندى باسشىلىعىندا، رەسەيدىڭ دامۋى، گۇلدەنۋى ارشىندى قاداممەن ىلگەرىلەدى، مەن رەسەي حالقىنىڭ، ءسوز جوق، پۋتين زۇڭتۇڭدى باتىل قولدايتىندىعىنا كامىل سەنەمىن. ەكى ەلدىڭ مەملەكەت باسشىلارى اراسىنداعى ايرىقشا ءوزارا سەنىمدىلىك جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىنا ستراتەگيالىق جەتەكشىلىك جانە پارمەندى ساياسي كەپىلدىك ازىرلەدى.

  ساپار كەزىندە پۋتين زۇڭتۇڭ ءتوراعا شي جينپيڭمەن ۇزاق ۋاقىت رياسىز دوستىق، ناتيجەلى كەڭەس وتكىزدى، پىكىر اۋىستىردى، رەسەي فەدەراتسياسىنىڭ زۇڭليى، ورىنباسار زۇڭليى جانە بيلىك كەڭسەسىنىڭ بارلىق مۇشەسى دەرلىك قاتىستى قيمىلدارعا قاتىناستى. رەسەي جاق قايتا - قايتا مىنالاردى ءبىلدىردى: ءتوراعا شي جينپيڭنىڭ رەسەيدى جالعاستى مىندەتكە وتىرعاننان كەيىنگى ساپارىنىڭ العاشقى بەكەتى ەتۋى جاڭا داۋىردەگى رەسەي − جۇڭگو قارىم - قاتىناسىنىڭ ەرەكشە سيپاتىن تولىق ايگىلەدى، بولاشاقتاعى رەسەي مەن جۇڭگو قارىم - قاتىناسىنىڭ دامۋى جونىنەن تاريحي مانگە يە. رەسەي جاق جۇڭگونىڭ جاڭا كەزەكتى ۇكىمەتىمەن تىعىز سايكەسىپ، سەلبەسىپ، ءار سالاداعى، ءار جىكتەگى بارىس - كەلىستى كۇشەيتىپ، ەكى ەلدىڭ ساۋدا، قارجى قوسۋ، ەنەرگيا، شەكارا اتتاعان قاتىناس سياقتى سالالارداعى ناقتى ىستەر سەلبەستىگىنىڭ جانە گۋمانيتارلىق اۋىس - كۇيىسىنىڭ تىڭ دا اناعۇرلىم زور دامۋشىلىقتارعا قول جەتكىزۋىن ىلگەرىلەتۋدى ءۇمىت ەتەدى. ەكى ەلدىڭ مەملەكەت باسشىلارى «جۇڭگو مەن رەسەيدىڭ جاڭا داۋىردەگى جان - جاقتى ستراتەگيالىق ىستەستىك سەرىكتەستىك قارىم - قاتىناسىن تەرەڭدەتۋ جونىندەگى بىرلەسكەن مالىمدەمەسىنە» جانە «2030 - جىلدان بۇرىن جۇڭگو − رەسەي ەكونوميكالىق سەلبەستىگىن ءتۇيىندى بەتالىسقا قاراي دامۋ جوباسى جونىندەگى بىرلەسكەن مالىمدەمەسىنە» بىرگە قول قويىپ، كەلەسى ساتىداعى ەكى ەلدىڭ قارىم - قاتىناسىنىڭ دامۋى مەن ءار سالاداعى سەلبەستىگىن جوبالادى جانە ورنالاستىردى، ەكى جاق تاعى اۋىل شارۋاشىلىعى، ورمان شارۋاشىلىعى، نەگىزدىك ءپان، بازار باقىلاۋ - باسقارۋ، مەديا سياقتى سالالارداعى كوپ ءتۇرلى ەكى جاقتى سەلبەستىك حۇجاتتارىنا قول قويدى. ەكى جاق ءبىر - ءبىرىنىڭ وزەكتى مۇددەسىنە ساياتىن ماسەلەلەردە جالعاستى ءوزارا قولداۋ كورسەتەتىندىكتەرىن، سىرتقى كۇشتەردىڭ ىشكى ىسىنە كيلىگۋ قاسكۇنەمدىگىنە بىرگە قارسى تۇراتىندىقتارىن قايتالاي دارىپتەدى. رەسەي جاق ءارقانداي فورماداعى ”تايۋان تاۋەلسىزدىگىنە“ قارسى تۇرىپ، جۇڭگو جاقتىڭ ءوز ەلىنىڭ يەلىك ۇقىعى مەن تەرريتوريا تۇتاستىعىن قورعاۋ شاراسىن باتىل قولدايتىندىعىن ءبىلدىردى.

  چين گاڭ بىلاي دەدى: جۇڭگو − رەسەي قارىم - قاتىناسىنىڭ دامۋىنىڭ بەرىك ساياسي نەگىزى جانە قۋاتتى ىشكى قوزعاۋشى كۇشى بار، ءداۋىردىڭ سىنىنان وتەتىن سەرگەكتىك پەن ەرلىك بار. ءتوراعا شي جينپيڭ باسا دارىپتەگەندەي، جۇڭگو − رەسەي قارىم قاتىناسىن ويداعىداي بەكەمدەۋ، ويداعىداي دامىتۋ − جۇڭگو جاقتىڭ ءوزىنىڭ ءتۇبىرلى مۇددەسى مەن دۇنيە ءجۇزىنىڭ دامۋ ۇلكەن اۋقىمىنا نەگىزدەلىپ جاساعان ستراتەگيالىق تالعامى، ءبىر مەزەتتىك بىرەر ىسكە بولا وزگەرمەيدى نەمەسە اۋىتقىمايدى. تاريح مىنانى دالەلدەدى: جۇڭگو − رەسەي قارىم - قاتىناسىنىڭ حالىقارالىق اۋمالى - توكپەلى وزگەرىستەردىڭ سىنىنان وتە الۋىنىڭ تەتىگى − مەملەكەت پەن مەملەكەتتىڭ دۇرىس بىرگە جاساسۋ جولىن تاپقاندىعىندا. جۇڭگو − رەسەي قارىم - قاتىناسى اشىق - جارقىن، بۇكپەسىز ارداگەرلەر قاتىناسى، اناۋ توماعا - تۇيىق وزگەلەردى قاقپايلايتىن، ءوزىمشىل، تار ءورىستى توپشىلدىق ساياسيمەن ايقىن سالىستىرما قالىپتاستىرادى. جاڭا جاعدايدا جۇڭگو − رەسەي ەكى جاق جان - جاقتى ستراتەگيالىق ىستەستىك سەرىكتەستىك قارىم - قاتىناسىن ىلگەرىلەتۋگە كۇش سالىپ، ەكى ەل حالقىنا باقىت جاراتىپ قالماستان، ادامزات دامۋىنىڭ العا باسۋىنا دا تىڭ ۇلەس قوسادى.

ءۇشىنشى، بەيبىتشىلىككە ءناسيحاتتاپ، كەلىسسوزدى جەبەۋگە تاباندى بولىپ، ءىرى ەلدىڭ جاۋاپكەرشىلىك ارقالاۋىن ايگىلەدى

  چين گاڭ بىلاي دەدى: وسى رەتكى ساپار ۋكراينا داعدارىسى اۋمالى - توكپەلى بولىپ ۋشىققان، سىرتقا كەڭەيۋ اسەرى ۇزدىكسىز كورنەكتىلەنگەن مەزگىلگە تۋرا كەلدى، كوپتەگەن ەلدەر قاتتى الاڭداپ، شيلەنىستى جاعدايدى باسەڭدەتۋگە ۇندەدى، ۇرىستى توقتاتىپ، سوعىستى اياقتاتىپ، بەيبىتشىلىكتى، ۇستامدى بولۋدى قۋاتتاعان ۇندەر تولاسسىز جينالدى. تاياۋدا جۇڭگونىڭ ىلگەرىلەتۋى مەن قولداۋىندا ساۋد ارابياسى مەن يران بەيجيڭدە ءساتتى كەڭەسىپ، سوعىستى توقتاتىپ بەيبىتشىلىككە كەلۋدى، ەكى ەلدىڭ ديپلوماتيالىق قارىم - قاتىناسىن قالپىنا كەلتىرۋدى ۇيعاردى. حالىقارالىق قوعام مۇنى جوعارى باعالاپ، ساۋد ارابياسى مەن يراننىڭ بەيجيڭدەگى كەڭەسى جۇڭگونىڭ ءادىل، ادىلەتتى، سەنىم ارتۋعا تاتيتىن جاۋاپكەرشىلىك ارقالايتىن ءىرى ەل ەكەندىگىن تولىق كورسەتتى، جۇڭگونىڭ وڭىرلىك تولعاقتى ماسەلەلەردى شەشۋدە اناعۇرلىم زور رول ساۋلەلەندىرۋىن ءۇمىت ەتەمىز دەستى. ۋكراينا داعدارىسى تۋىلعاننان بەرى، جۇڭگو جاق باستان - اياق وبيەكتيۆ، ءادىل تۇرعى ۇستانىپ، بەلسەندى تۇردە بەيبىتشىلىككە ءناسيحاتتاپ، كەلىسسوزدى جەبەپ كەلەدى. جۇڭگو جاق تاياۋدا «ۋكراينا داعدارىسىن ساياسي جولمەن شەشۋ جونىندەگى جۇڭگو تۇرعىسى» حۇجاتىن جاريالادى، ءتوراعا شي جينپيڭ العا قويعان ”ءتورت ورتاق بولۋ“، ”ءتورت ءتيىستى“، ”ءۇش وي“ سياقتى وزەكتى يدەيالاردى قامتىپ، ءارقايسى جاقتاردىڭ ۇيلەسىمدى كوڭىل ءبولىپ وتىرعان ماسەلەلەرىن قابىلداپ، حالىقارالىق قوعامنىڭ كەڭ كولەمدى ءتۇسىنۋى مەن مويىنداۋىنا يە بولدى. ۋكراينا جاق تا جۇڭگو جاقتىڭ ۇرىستى توقتاتىپ، سوعىستى اياقتاتۋ جونىندەگى قۇلشىنىسىن بەلسەنە باعالاپ، جۇڭگو − ۋكراينا دوستىق قارىم - قاتىناسىنا ءمان بەرەتىندىگىن ءبىلدىردى، جۇڭگو جاقپەن بايلانىستى ساقتاۋدى ءۇمىت ەتتى.

  وسى جولعى ساپار كەزىندە ءتوراعا شي جينپيڭ پۋتين زۇڭتۇڭمەن ۋكراينا داعدارىسى جونىندە بۇكپەسىز، ىشكەرىلەي اۋىس - كۇيىس جاسادى. ءتوراعا شي جينپيڭ بىلاي دەپ اتاپ كورسەتتى: تاريحتان قاراساق، قاقتىعىس ەڭ سوڭىندا تۇگەلدەي تىلدەسۋ جانە كەلىسسوز وتكىزۋ ارقىلى شەشۋدى قاجەت ەتەدى. قيىنشىلىق قانشالىق كوپ بولعان سايىن، بەيبىتشىلىككە سولعۇرلىم مۇمكىندىك قالدىرۋ، قايشىلىق قانشالىقتى شيلەنىسكەن سايىن، تىلدەسۋ قۇلشىنىسىنان سولعۇرلىم كەشپەۋ كەرەك. تەك ءارقايسى جاقتار ورتاق، كەشەندى، سەلبەسەتىن، باياندى حاۋىپسىزدىك كوزقاراسىن ۇستانىپ، تەپە - تەڭ، بايىپتى، ناقتى تىلدەسۋگە، كەڭەسۋگە تاباندى بولسا، ۋكراينا داعدارىسىن شەشۋدىڭ ۇيلەسىمدى جولىن، ءسوزسىز، تابا الادى. رەسەي جاقتىڭ جۇڭگو جاقتىڭ وبيەكتيۆ، ءادىل جانە تەپە - تەڭ تۇرعىدان جازباعاندىعىن جوعارى باعالادى، رەسەي جاقتىڭ جۇڭگو جاقتىڭ تۇرعى حۇجاتىن مۇقيات زەرتتەگەندىگىن، بەيبىتشىلىك كەلىسسوزىنە اشىق پوزيتسيا ۇستاناتىندىعىن، جۇڭگو جاقتىڭ مۇندا سىندارلى رول اتقارۋىن قارسى الاتىندىعىن ءبىلدىردى. ەكى ەلدىڭ مەملەكەت باسشىلارى كەڭەستەن كەيىن بىرلەسكەن مالىمدەمەگە قول قويىپ، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبىنە، ءسوز جوق، بويسۇنۋ، حالىقارالىق زاڭعا، ءسوز جوق، قۇرمەت ەتۋ كەرەكتىگىن تاعى دا باسا دارىپتەدى. رەسەي جاق بەيبىتشىلىك كەلىسسوزىن تەز ارادا قايتا باستاۋعا كۇش سالىپ، جۇڭگو جاقتىڭ ساياسي ديپلوماتيالىق جول ارقىلى ۋكراينا داعدارىسىن شەشۋدە بەلسەندى رول ساۋلەلەندىرۋىن قارسى الاتىندىعىن قايتالاي دارىپتەدى.

  چين گاڭ مىنالاردى ءبىلدىردى: جۇڭگو ۋكراينا داعدارىسىن تۋدىرۋشى ەمەس، داعدارىستىڭ دا ىلىكتى جاعى ەمەس، قايتا داعدارىستى ساياسي جولمەن شەشۋدىڭ دارىپتەۋشىسى، بەيبىتشىلىككە ءناسيحاتتاپ، كەلىسسوزدى جەبەۋدى ىلگەرىلەتۋشى. ءىشىنارا ەلدەر وڭىرلىك ساياسيدىڭ باس پايداسىنا سالىنىپ، بەيبىتشىلىك كەلىسسوزىنە بارىن سالا بوگەت بولۋعا ۇرىندى، اۋەلى، ءار ءتۇرلى وسەك - اياڭ، ساندىراقتار تاراتىپ، جۇڭگوعا سوقتىقتى، كۇيە جاقتى. الايدا ادىلدىك جۇرت جۇرەگىندە. كىم وتقا ماي قۇيىپ، قايشىلىقتى ۋشىقتىرىپ وتىر، كىم بەيبىتشىلىككە ءناسيحاتتاپ، كەلىسسوزدى جەبەپ وتىر، مۇنى جۇرتتىڭ ءبارى بىلەدى. جۇڭگو جاقتىڭ دارىپتەمەسىنىڭ تۋى ايقىن، دايەكتى، بەيبىتشىلىك پەن سوعىس اراسىندا بەيبىتشىلىكتى تاڭدادى؛ كەڭەسۋ مەن جازالاۋ اراسىندا كەڭەسۋدى تاڭدادى؛ باسەيتۋ مەن ۋشىقتىرۋ اراسىندا باسەيتۋدى تاڭدادى. جۇڭگونىڭ ساياسي باس پايداسى جوق، وڭىرلىك ويىن قويمايدى، شىن نيەتپەن، ادالدىقپەن بەيبىتشىلىككە ءناسيحاتتاپ، كەلىسسوزدى جەبەۋگە كۇش سالىپ، ۇرىستى توقتاتىپ، سوعىستى اياقتاتۋدى ىلگەرىلەتۋى جۇڭگونىڭ جاۋاپكەرشىلىك ارقالايتىن ءىرى ەلدىك جاۋاپكەرشىلىگىن ايگىلەدى، جاڭا داۋىردەگى جۇڭگوشا ءىرى ەل ديپلوماتياسىنىڭ حالىقارالىق قولامتالى ماسەلەلەردى شەشۋدەگى بەينەلەنۋى، رەسەي مەن ۋكراينانى قامتىعان دۇنيە جۇزىندەگى باسىم كوپ ساندى ەل حالىقتارىنىڭ مۇددەسى مەن ۇمىتىنە ۇيلەسەدى.

  چين گاڭ سوڭىندا بىلاي دەدى: ءتوراعا شي جينپيڭنىڭ وسى جولعى ساپارى − ءبىر رەتكى تاريحي مانگە يە دوستىق ساپار، سەلبەستىك ساپارى، بەيبىتشىلىك ساپارى، شي جينپيڭنىڭ ديپلوماتيا يدەياسىنىڭ تاعى ءبىر رەتكى ءساتتى امالياتى. قانشالىق قيان - كەسكى بولسا دا سابىرلىقتان جازبادى. حالىقارالىق قوعام تورىققان، تىقىرشىعان شەشۋشى ساتتە ءتوراعا شي جينپيڭ تاعى دا جالپى جاعدايدى باعامداپ، تۋ ۇستاپ، باعدار بەلگىلەپ، بەرىك تىرەك بولىپ، جۇڭگونىڭ ديپلوماتيا ساياساتىنىڭ ايقىندىعى ارقىلى بىلىقپالىق ارالاسقان حالىقارالىق جاعدايعا قىمباتتى ورنىقتىلىق سيلاپ، الەمدىك ءىرى ەل كوسەمىنىڭ وزگەشە ستراتەگيالىق تاباندىلىعىن، ساياسي پاراساتتىلىعىن جانە تەبىندى جاۋاپكەرشىلىك ارقالاۋىن ايگىلەدى. بيىل − پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ باستاما جىلى. ەل ىشىندەگى جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ شارالارىنىڭ ۇزدىكسىز ساپالىلانۋىنا، رەتتەلۋىنە بايلانىستى، جۇڭگونىڭ شەتەلدەرمەن بارىس - كەلىسى تارتىپپەن قالپىنا كەلدى، جۇڭگو ديپلوماتياسى ”قارقىن ۇدەتكىش كنۋپكاسىن“ باستى، ”اتتانۋ“ دابىلىن قاقتى، بيىل مەملەكەت باسشىسىنىڭ ديپلوماتياسىندا تاماشا باستامالار، تارتىمدى تابىستار ىركەس - تىركەس ايگىلەنەدى، ءبىز شي جينپيڭنىڭ ديپلوماتيا يدەياسىنىڭ مايەكتى ءمانىن ىشكەرىلەي ءتۇسىنىپ، ”ەكىنى تۇراقتاندىرۋدىڭ“ شەشۋشى ءمانىن ىشكەرىلەي ۇعىنىپ، ”ءتورت سەنىمدى“ كۇشەيتىپ، ”ەكىنى قورعاۋدى“ ورىنداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جىگەرلەنە العا باسىپ، جاۋاپكەرشىلىك ارقالاپ، ىسكەرلىك كورسەتىپ، وزگەرىس جاعدايىنا توتەپ بەرىپ، جاڭا جاعداي اشىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، ەل ءىشىنىڭ جوعارى ساپالى دامۋىنا بەلسەنە قىزمەت وتەپ، دۇنيە ءجۇزىنىڭ بەيبىتشىلىگىن باتىل قورعاپ، بىرگە داميتىن ديپلوماتيالىق ساياساتتىڭ باس ماقساتىن جەبەپ، جاپپاي سوتسياليستىك وسىزاماندانعان مەملەكەت قۇرۋعا تاماشا سىرتقى ورتا ازىرلەپ، جاڭا داۋىردەگى جۇڭگوشا ءىرى ەل ديپلوماتياسىنىڭ جاڭا تاراۋىن جازۋىمىز كەرەك.