1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

پارتيا مەكتەبىنىڭ اۋەلگى ماقساتىنان جازباي، پارتيا ءۇشىن دارىندى تاربيەلەۋگە، پارتيا ءۇشىن اقىل - كەڭەس بەرۋگە قۇلشىنۋ كەرەك

日期:2023年03月03日
来源:新疆日报
【字体:

شي جينپيڭ ورتالىق كوميتەت پارتيا مەكتەبى قۇرىلعاندىعىنىڭ 90 جىلدىعىن قۇتتىقتاۋ ماجىلىسىندە جانە 2023 - جىلعى كوكتەمگى وقۋ ماۋسىمىنداعى وقۋ باستاۋ سالتىندا ماڭىزدى ءسوز سويلەپ، بىلاي دەپ باسا دارىپتەدى

  پارتيا مەكتەبىنىڭ اۋەلگى ماقساتىنان جازباي، پارتيا ءۇشىن دارىندى تاربيەلەۋگە، پارتيا ءۇشىن اقىل - كەڭەس بەرۋگە قۇلشىنۋ كەرەك

  ساي چي، ديڭ شۋەشياڭ قاتىناستى


  3 - ايدىڭ 1 - كۇنى جۇڭگو كوممۋنيستىك پارتياسى ورتالىق كوميتەتى پارتيا مەكتەبى قۇرىلعاندىعىنىڭ 90 جىلدىعىن قۇتتىقتاۋ ءماجىلىسى جانە 2023 - جىلعى كوكتەمگى وقۋ ماۋسىمىنداعى وقۋ باستاۋ سالتى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى.

  □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

  شينحۋا اگەنتتىگىنىڭ 3 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا مەكتەبى 3 - ايدىڭ 1 - كۇنى مەكتەپ قۇرىلعاندىعىنىڭ 90 جىلدىعىن قۇتتىقتاۋ ءماجىلىسىن جانە 2023 - جىلعى كوكتەمگى وقۋ ماۋسىمىنداعى وقۋ باستاۋ سالتىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: پارتيا مەكتەبىنىڭ قاي - قاشان دا وزگەرمەيتىن اۋەلگى ماقساتى پارتيا ءۇشىن دارىندى تاربيەلەۋ، پارتيا ءۇشىن اقىل - كەڭەس بەرۋ. ءار دارەجەلى پارتيا مەكتەپتەرى وسى اۋەلگى ماقساتتان جازباي، جىگەرلەنە العا باسىپ، قايراتتانا ءىس تىندىرىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا تىڭ ۇلەس قوسۋى كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى ساي چي، ديڭ شۋەشياڭ قاتىناستى.

  تۇستەن بۇرىن ساعات 10 دا ءماجىلىس باستالدى. بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.

  قىزۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: وزەكتى ارقاۋ ەتۋ، كەلەلى جاعدايعا قىزمەت وتەۋ − پارتيا مەكتەبى ىستەرىندە، ءسوز جوق، قاي - قاشان دا تاباندى بولاتىن ساياسي دەڭگەي، پارتيا مەكتەبىنىڭ اۋەلگى ماقساتىن امالياتتا ايگىلەۋدىڭ قاجەتتى تالابى. ءسوز جوق، پارتيانىڭ تۋىن تۋ ەتۋگە، پارتيانىڭ ەرىك - جىگەرىن ەرىك - جىگەر ەتۋگە، پارتيانىڭ بورىشىن بورىش ەتۋگە باستان - اياق تاباندى بولىپ، سانالىلىقپەن پارتيانىڭ جاڭا ۇلى ىستەرىندە جانە پارتيا قۇرىلىسىنىڭ جاڭا ۇلى ينجەنەريالارىندا دالمە - ءدال ورىن تۇراقتاندىرىپ، سانالىلىقپەن پارتيا مەن مەملەكەت قىزمەتىنىڭ كەلەلى جاعدايىنا قىزمەت وتەۋ كەرەك. ءسوز جوق، دۇرىس وقىتۋ جۇرگىزۋ بەتالىسىنا تاباندى بولىپ، باستان - اياق پارتيا مەكتەبى پارتيانىكى دەگەنگە تاباندى بولىپ، پارتيالىلىق پرينسيبىنە تاباندى بولىپ، سانالىلىقپەن پارتيانىڭ ساياسي لۋشيانىنا بويسۇنىپ، قىزمەت وتەپ، پارتيانىڭ ساياسي ءتارتىبى مەن ساياسي قاعيداسىن قاتاڭ ساقتاپ، پارتيادا پارتيانى سۇيۋگە، پارتيادا پارتيانىڭ ءسوزىن سويلەۋگە، پارتيادا پارتيانىڭ قامىن جەۋگە، پارتيادا پارتيا ءۇشىن قىزمەت وتەۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە سانالىلىقپەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاۋ كەرەك. ءسوز جوق، پارتيا مەكتەبى قىزمەتى مەن پارتيانىڭ وزەكتى مىندەتىنىڭ ۇشتاسۋ ءتۇيىنىن، كىرىسۋ ءتۇيىنىن، كۇش سالۋ ءتۇيىنىن ءدال تاۋىپ، پارتيانىڭ قاجەتىمەن تىعىز بايلانىستىرىپ، وزىندىك باسىمدىقتى ساۋلەلەندىرىپ، پارتيا قانداي كادر قاجەت ەتسە، پارتيا مەكتەبى سونداي كادر باۋلۋعا؛ پارتيا قانداي كەلەلى ماسەلەلەردى اقىلداسىپ شەشۋدى قاجەت ەتسە، پارتيا مەكتەبى سول جاقتاردا ۇسىنىس قويىپ، اقىل - كەڭەس بەرۋگە قۇلشىنۋ كەرەك.

  شي جينپيڭ بىلاي دەپ باسا دارىپتەدى: پارتيا ءۇشىن دارىندى تاربيەلەۋ − پارتيا مەكتەبىنىڭ وزگەشە قۇندىلىعى. پارتيا مەكتەبى − كادرلاردى تاربيەلەۋدىڭ، باۋلۋدىڭ نەگىزگى شەبى، ءسوز جوق، ۇلتتى گۇلدەندىرۋ اۋىر مىندەتىن ارقالاي الاتىن بيلىك جۇرگىزۋ تىرەكتى قوسىنىن تاربيەلەۋ، جەتىلدىرۋ جاعىندا بەلسەنە ىسكەرلىك كورسەتىپ، جاڭا داۋىردەگى جول - جوسىن كورسەتۋ، وقۋ - ءبىلىم ۇيرەتۋ، كۇدىك - كۇماندى شەشۋ قىزمەتىن ويداعىداي ىستەپ، ماركسيزمنىڭ اقيقات جولىن ويداعىداي كورسەتىپ، رەفورما، دامۋ، ورنىقتىلىق ىستەرىن ىلگەرىلەتۋدى جاقسى ۇيرەتىپ، وبيەكتيۆتىك دۇنيە مەن سۋبيەكتيۆتىك دۇنيەدە كەزدەسكەن كۇدىك - كۇماندى ويداعىداي شەشۋ كەرەك.

  شي جينپيڭ بىلاي دەپ اتاپ كورسەتتى: نازاريالىق جەتىلىم − باسشى كادرلاردىڭ جالپىلىق ساپاسىنىڭ وزەگى، نازاريالىق جاقتاعى تولىسۋ ساياسي جاقتا تولىسۋدىڭ نەگىزى، ساياسي جاقتاعى تاباندىلىق نازاريالىق جاقتاعى سەرگەكتىكتەن كەلەدى. باسشى كادرلار جونىنەن ايتقاندا، ماركسيزم سىندى ەرەكشە قابىلەت قانشالىق بەرىك يگەرىلسە، ساياسي دەڭگەي سونشالىق جوعارى بولادى، ساياسي تۇجىرىمداۋ قابىلەتى، ساياسي ءتۇسىنۋ قابىلەتى، ساياسي اتقارۋ قابىلەتى سونشالىق كۇشتى بولادى، اۋقىمدى باقىلاۋدا، دامۋدى جوسپارلاۋدا، حاۋىپ - قاتەردەن ساقتانۋدا جانە ونى جويۋدا سونشالىق ىرىقتى بولۋعا بولادى. پارتيا مەكتەبى ماركسيزم نازارياسى بويىنشا تاربيەلەۋ، باۋلۋدى ونان ارى كۇشەيتىپ، ماركسيزمنىڭ جۇڭگوشالانۋىنىڭ، زامانالانۋىنىڭ ەڭ جاڭا جەتىستىگىمەن يدەيانى بىرلىككە كەلتىرۋدى، ەرىك - جىگەردى بىرلىككە كەلتىرۋدى، ارەكەتتى بىرلىككە كەلتىرۋدى ءتۇيىندى تۇردە ويداعىداي يگەرىپ، جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداۋ كەرەك.

  شي جينپيڭ بىلاي دەپ باسا دارىپتەدى: پارتيا مەكتەبى − باسشى كادرلاردىڭ پارتيالىلىقتى شىڭدايتىن ”دومنا پەش“. ءار دارەجەلى پارتيا مەكتەپتەرى پارتيالىلىق تاربيەسىن وقىتۋدىڭ نەگىزگى مازمۇنى ەتىپ، مۇرات - سەنىم، پارتيانىڭ باس ماقساتى، ”ءتورت تاريح“، توڭكەرىستىك ءداستۇر، جۇڭحۋا ۇلتىنىڭ ءداستۇرلى اسىل ءمورالى، پارتيا ستيلى، پاكتىك قۇرىلىسى سياقتى تاربيەلەردى ىشكەرىلەي ورىستەتىپ، پارتيا ۋستاۆىن جانە پارتيا ەرەجەسىن، پارتيا ءتارتىبىن ۇيرەنۋ تاربيەسىن پارتيالىلىق تاربيەسىنىڭ ماڭىزدى مازمۇنى ەتىپ، باسشى كادرلاردى ساياسي سانالىلىعىن، رۋحاني دەڭگەيىن، ءمورال جەتىلىمىن ۇزدىكسىز جوعارىلاتۋعا، دۇرىس ۇقىق كوزقاراسىن، ناتيجە كوزقاراسىن، ءىس كوزقاراسىن ورناتۋعا، كوممۋنيستەردىڭ ساياسي قاسيەتىن ساقتاۋعا باستاۋ جانە ونى ىلگەرىلەتۋ كەرەك.

  شي جينپيڭ بىلاي دەپ اتاپ كورسەتتى: پارتيا مەن حالىق جۇكتەگەن جاڭا داۋىردەگى قىزمەت جاۋاپكەرشىلىگىن، بورىشىن ويداعىداي اتقارۋ ءۇشىن، باسشى كادرلار، ءسوز جوق، ءار جاقتارداعى قابىلەتىن جاپپاي جوعارىلاتىپ، ءوز قىزمەتىنىڭ مايتالمانى بولۋعا قۇلشىنۋى كەرەك. ءار دارەجەلى پارتيا مەكتەپتەرى پارتيا ورتالىق كوميتەتىنىڭ كەلەلى شەشىمدەرىن، ورنالاستىرۋلارىن تىعىز ارقاۋ ەتىپ، مەملەكەتتىڭ كەلەلى ستراتەگيالىق قاجەتىمەن تىعىز ۇشتاستىرىپ، ناقتى دا جارامدى ماماندانعان قابىلەت باۋلۋىن ۇيىمداستىرىپ ورىستەتىپ، باسشى كادرلاردىڭ جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەردەن ساقتانۋ جانە ونى جويۋ قابىلەتىن ءتۇيىندى تۇردە جوعارىلاتۋى، سونىمەن بىرگە كۇرەسكەرلىك رۋح پەن كۇرەسكەرلىك قابىلەتتى جەتىلدىرۋدى كۇشەيتىپ، حاۋىپ - قاتەردەن ساقتانۋ، قيىندىقتان قامال الۋ، سىن - سايىسقا توتەپ بەرۋ، قىسىمعا قارسىلىق كورسەتۋ قابىلەتىن كۇش سالا كۇشەيتىپ، ماماندانۋ ورەسىن ۇزدىكسىز جوعارىلاتىپ، باسشىلىق قىزمەتتى اناعۇرلىم ويداعىداي ىستەۋى كەرەك.

  شي جينپيڭ بىلاي دەپ باسا دارىپتەدى: پارتيا مەكتەبى پارتيانىڭ يدەيا، نازاريا شەبىنىڭ ماڭىزدى باعىتتىق ارمياسى رەتىندە، پارتيا ءۇشىن اقىل - كەڭەس بەرۋ ماڭىزدى قىزمەت جاۋاپكەرشىلىگىن ارقالاپ وتىر. نازاريانى زەرتتەۋ، ءادىس - شارانى زەرتتەۋ سىندى وسى ءبىر زاڭدىلىققا ىزدەنىس جاسايتىن، مەملەكەت ىستەرىنە پايدالى ۇلكەن ءبىلىمدى جاقسى يگەرىپ، پارتيانىڭ جاسامپاز نازاريالارىن زەرتتەۋ، ءتۇسىندىرۋ، پارتيانىڭ نازاريالىق جاڭالىق اشۋىن ىلگەرىلەتۋ، پارتيا مەن ۇكىمەت ءۇشىن ۇسىنىس قويىپ، اقىل - كەڭەس بەرۋ سياقتى جاقتاردا جوعارى ساپالى ناتيجەلەردى جاراتۋى كەرەك. بۇل دا پارتيا مەكتەبىنىڭ وزگەشە قۇندىلىعى.

  شي جينپيڭ بىلاي دەپ اتاپ كورسەتتى: پارتيا مەكتەبى پارتيانىڭ يدەولوگيا قىزمەتىنىڭ ماڭىزدى الدىڭعى شەبى، ءسوز جوق، پارتياعا ادال، ماركسيزمگە ادال ادامداردىڭ قولىندا بولۋى كەرەك. پارتيا مەكتەبى پارتيانىڭ قۋاتتاماسىن ۇگىتتەپ، قيسىنسىز ءسوز، تەرىس پىكىرلەردى باعىتتامالى تۇردە تويتارىپ، پارتيانىڭ جاسامپاز نازارياسىنىڭ ويداعىداي بەلسەندى ۇگىتشىسى، ماركسيزمنىڭ يدەولوگيا سالاسىنداعى جەتەكشىلىك ورنىنىڭ ويداعىداي باتىل قورعاۋشىسى، پارتيانىڭ يدەولوگياسى ارقىلى قوعامدىق وي اعىمىن باستاۋدىڭ ويداعىداي سەنىمدى باستاماشىسى بولۋى كەرەك.

  شي جينپيڭ بىلاي دەپ باسا دارىپتەدى: پارتيانىڭ اۋەلگى ماقساتىنان جازباۋ ءۇشىن، ءسوز جوق، مەكتەپتى قاتاڭ باسقارۋعا، مەكتەپتى ساپا ارقىلى تۇلعالاۋعا باستان - اياق تاباندى بولىپ، ەڭ قاتاڭ ساياسي ولشەمگە، عىلمي ولشەمگە، وقىتۋ ولشەمىنە، باسقارۋ ولشەمىنە بويسۇنىپ، بۇرىس ستيلدىڭ ”تازارتقىشى“، پارتيالىلىقتى شىڭداۋدىڭ ”دومنا پەشى“، پارتيانى جاپپاي قاتاڭ باسقارۋدىڭ ”باعدارلاۋىشى“ رولىن ساۋلەلەندىرۋ كەرەك. پارتيا مەكتەبىنىڭ داڭقتى ءداستۇرى مەن تاماشا ستيلى تاربيەسىن كۇشەيتىپ، ساياسي ءتارتىپ جانە ساياسي قاعيدا تاربيەسىن كۇشەيتىپ، پارتيا مەكتەبى وقىتۋشىلارىن ءبىلىم قۋۋعا دەن قويۋعا، ىجداعاتتىلىقپەن ىزدەنۋگە، ىقىلاسپەن ادام تاربيەلەۋگە باستاۋ كەرەك. ءار دارەجەلى پارتيا مەكتەپتەرى باتىل يگەرىپ، باتىل باسقارىپ، قاتاڭ يگەرىپ، قاتاڭ باسقارىپ، كۋرسانتتارعا پارتيا مەكتەبىنە كىرە سالىسىمەن ۇيرەنۋ ستيلىن، قاراپايىمدىلىق ستيلىن، پاكتىك ستيلىن سەزىندىرۋ كەرەك. مەكتەپتى ساپا ارقىلى تۇلعالاۋدى وقىتۋ جۇرگىزىپ، مەكتەپ باسقارۋدىڭ تىرشىلىك ينجەنەرياسى ەتىپ، جوعارى ولشەممەن وقىتۋ جۇرگىزۋگە تاباندى بولۋ كەرەك. دارىندىلار قوسىنى سىندى وسى تەتىكتى مىقتى يگەرىپ، دارىندىلار ارقىلى مەكتەپتى قۇدىرەتتەندىرۋ ستراتەگياسىن بار كۇشپەن اتقارۋ كەرەك.

     شي جينپيڭ ەڭ سوڭىندا بىلاي دەپ باسا دارىپتەدى: پارتيانىڭ پارتيا مەكتەبى قىزمەتىنە جاپپاي باسشىلىعىنا تاباندى بولۋ − پارتيامىزدىڭ پارتيا مەكتەبىن قۇرۋىنىڭ ءتۇبىرلى تاجىريبەسى، سونداي - اق پارتيا مەكتەبى ىستەرىنىڭ اقاۋسىز دامۋىن ىلگەرىلەتۋدىڭ ءتۇبىرلى قامتاماسىزدىعى. بۇكىل پارتيا پارتيا مەكتەبىن قۇرۋعا تاباندى بولىپ، ءار دارەجەلى پارتكومدار مەن ۇكىمەتتەر، قاتىستى فۋنكتسيالىق تاراۋلار ءىس جۇزىنىك ارەكەتتەرى ارقىلى پارتيا مەكتەبى ىستەرىنىڭ دامۋىن قولداۋى كەرەك.

     چىن شي ءماجىلىستى باسقارعاندا مىنانى ءبىلدىردى: باس شۋجي شي جينپيڭنىڭ ماڭىزدى ءسوزى ورتالىق كوميتەت پارتيا مەكتەبىنىڭ 90 جىلدىق تاريحي تابىستارى مەن شۇعىلالى ناتيجەلەرىن ەسكە الىپ، قورىتىندىلاپ، ”پارتيا ءۇشىن دارىندى تاربيەلەۋ، پارتيا ءۇشىن اقىل - كەڭەس بەرۋ“ سىندى پارتيا مەكتەبى اۋەلگى ماقساتىنان جازباۋدى ارقاۋ ەتىپ، جاپپاي تەرەڭ بايىمداۋ جاسادى، بۇل جاڭا داۋىردەگى پارتيا مەكتەبى ىستەرىنىڭ دامۋىنا جەتەكشىلىك ەتەتىن تۇعىرنامالىق حۇجات بولىپ تابىلادى. ءار دارەجەلى پارتيا مەكتەپتەرى باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا جورىقتا پارتيا مەكتەبى قىزمەتىنىڭ جاڭا جاعدايىن ۇزدىكسىز اشىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا اقىل - پاراسات جانە كۇش - قۋات قوسۋى كەرەك.

  ءماجىلىس ايبىندى «ينتەرناتسيونال ءانى» ىشىندە اياقتادى.

  لي گانجيە، لي شۋلەي، ليۋ جينگو قاتىناستى.

  ورتالىقتىڭ قاتىستى تاراۋلارىنداعى جاۋاپتى جولداستار، ورتالىق كوميتەت پارتيا مەكتەبىنىڭ (مەملەكەتتىك اكىمشىلىك شۋەيۋانى) جانە جۇڭگو پۋدۇڭ، جيڭگاڭشان، يان - ان كادرلار شۋەيۋانىنىڭ باسشىلىق القاسىنىڭ مۇشەلەرى جانە وقىتۋشى، جۇمىسشى - قىزمەتكەر ۋاكىلدەرى، مەكتەپتەگى كۋرسانتتار، ورتالىق كوميتەت پارتيا مەكتەبىنىڭ (مەملەكەتتىك اكىمشىلىك شۋەيۋانى) بۇرىنعى مەكتەپ (شۋەيۋان) باسشىلارى، دەمالىسقا، زەينەتكە شىققان قارت جولداستاردىڭ ۋاكىلدەرى قاتارلىلار ماجىلىسكە قاتىناستى. ءماجىلىس تەلەۆيزور، تەلەفون ءماجىلىسى فورماسىندا اشىلدى، جۇڭگو پۋدۇڭ، جيڭگاڭشان، يان - ان كادرلار شۋەيۋانىندا بولىمشە ءماجىلىس الاڭى ورنالاستىرىلدى.