جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ءماجىلىسى بەيجيڭدە وتكىزىلدى
ورتالىق كوميتەتتىڭ ساياسي بيۋروسى جالپى ءماجىلىستى باسقاردى، ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى
جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، ورتالىق كوميتەت ساياسي بيۋروسىنىڭ پارتيا ءىشى - سىرتىنان كەڭ كولەمدە پىكىر الۋ، قايتا - قايتا اقىلداسىپ كەڭەسۋ نەگىزىندە العا قويعان 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە كورسەتىلەتىن مەملەكەت قۇرىلىمدارى باسشىلارى كانديداتتارىنىڭ ۇسىنىستىق ەسىمدىگى مەن مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە كورسەتىلەتىن مەملەكەتتىك ساياسي كەڭەس باسشىلارى كانديداتتارىنىڭ ۇسىنىستىق ەسىمدىگىن قاراپ ماقۇلداپ، وسى ەكى ۇسىنىستىق ەسىمدىكتى جەكە - جەكە 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسىنا جانە مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسىنىڭ ءتوراعالار القاسىنا ۇسىنۋدى ۇيعاردى. كەڭ كولەمدە پىكىر الۋ نەگىزىندە العا قويىلعان «پارتيا مەن مەملەكەت قۇرىلىمدارىنىڭ رەفورما جوباسىن» قاراپ ماقۇلدادى. شي جينپيڭ «پارتيا مەن مەملەكەت قۇرىلىمدارىنىڭ رەفورما جوباسى (جوبا نۇسقا)» جونىندە جالپى ماجىلىسكە تۇسىنىك جاسادى. جالپى ءماجىلىس «پارتيا مەن مەملەكەت قۇرىلىمدارىنىڭ رەفورما جوباسىنداعى» ءىشىنارا مازمۇنداردى زاڭدا بەلگىلەنگەن ءتارتىپ بويىنشا 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ قاراۋىنا تاپسىرۋعا قوسىلدى
جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ءماجىلىسى 2023 - جىلى 2 - ايدىڭ 26 - كۇنىنەن 28 - كۇنىنە دەيىن بەيجيڭدە وتكىزىلدى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ءماجىلىسى 2023 - جىلى 2 - ايدىڭ 26 - كۇنىنەن 28 - كۇنىنە دەيىن بەيجيڭدە وتكىزىلدى. ورتالىق كوميتەتتىڭ ساياسي بيۋروسى ءماجىلىستى باسقاردى.
□ سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن
جالپى ءماجىلىس بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيا قۇرۋ ۇلى رۋحىن اسقاقتاتىپ، ”ءۇش ءسوز جوقتى“ ەستە بەرىك ساقتاپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، قايراتتانا العا ۇمتىلىپ، قايسارلىقپەن سايىسىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتىپ، پارتيانىڭ 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋ جولىندا بىرگە كۇرەس جۇرگىزۋگە ۇندەدى
شينحۋا اگەنتتىگىنىڭ 2 - ايدىڭ 28 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى 20 - كەزەكتى ورتالىق كوميتەتى ەكىنشى جالپى ءماجىلىسىنىڭ مازمۇنداماسى
(جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ماجىلىسىندە 2023 - جىلى 2 - ايدىڭ 28 - كۇنى ماقۇلداندى)
جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ەكىنشى جالپى ءماجىلىسى 2023 - جىلى 2 - ايدىڭ 26 - كۇنىنەن 28 - كۇنىنە دەيىن بەيجيڭدە وتكىزىلدى.
وسى جولعى جالپى ماجىلىسكە ورتالىق كوميتەتتىڭ مۇشەلەرىنەن 203 ادام، ورتالىق كوميتەتتىڭ كانديدات مۇشەلەرىنەن 170 ادام قاتىناستى. ورتالىق ءتارتىپ تەكسەرۋ كوميتەتىنىڭ ورىنباسار شۋجيلەرى جانە قاتىستى تاراۋلارداعى جاۋاپتى جولداستار ماجىلىسكە سىرتتاي قاتىناستى.
جالپى ءماجىلىستى ورتالىق كوميتەتتىڭ ساياسي بيۋروسى باسقاردى. ورتالىق كوميتەتتىڭ باس شۋجيى شي جينپيڭ ماڭىزدى ءسوز سويلەدى.
جالپى ءماجىلىس شي جينپيڭنىڭ ورتالىق كوميتەت ساياسي بيۋروسىنىڭ تاپسىرۋىمەن جاساعان قىزمەت بايانداماسىن تىڭدادى جانە تالقىلادى، ورتالىق كوميتەت ساياسي بيۋروسىنىڭ پارتيا ءىشى - سىرتىنان كەڭ كولەمدە پىكىر الۋ، قايتا - قايتا اقىلداسىپ كەڭەسۋ نەگىزىندە العا قويعان 14 - كەزەكتى مەملەكەتتىك حالىق قۇرىلتايىنىڭ 1 - ماجىلىسىنە كورسەتىلەتىن مەملەكەت قۇرىلىمدارى باسشىلارى كانديداتتارىنىڭ ۇسىنىستىق ەسىمدىگى مەن مەملەكەتتىك ساياسي كەڭەس 14 - كەزەكتى كوميتەتىنىڭ 1 - ماجىلىسىنە كورسەتىلەتىن مەملەكەتتىك ساياسي كەڭەس باسشىلارى كانديداتتارىنىڭ ۇسىنىستىق ەسىمدىگىن قاراپ ماقۇلداپ، وسى ەكى ۇسىنىستىق ەسىمدىكتى جەكە - جەكە 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ ءتوراعالار القاسىنا جانە مەملەكەتتىك ساياسي كەڭەس 14 - كەزەكتى كوميتەتى 1 - ءماجىلىسىنىڭ ءتوراعالار القاسىنا ۇسىنۋدى ۇيعاردى. كەڭ كولەمدە پىكىر الۋ نەگىزىندە العا قويىلعان «پارتيا مەن مەملەكەت قۇرىلىمدارىنىڭ رەفورما جوباسىن» قاراپ ماقۇلدادى. شي جينپيڭ «پارتيا مەن مەملەكەت قۇرىلىمدارىنىڭ رەفورما جوباسى (جوبا نۇسقا)» جونىندە جالپى ماجىلىسكە تۇسىنىك جاسادى. جالپى ءماجىلىس «پارتيا مەن مەملەكەت قۇرىلىمدارىنىڭ رەفورما جوباسىنداعى» ءىشىنارا مازمۇنداردى زاڭدا بەلگىلەنگەن ءتارتىپ بويىنشا 14 - كەزەكتى مەملەكەتتىك حالىق قۇرىلتايى 1 - ءماجىلىسىنىڭ قاراۋىنا تاپسىرۋعا قوسىلدى.
جالپى ءماجىلىس پارتيا 20 - كەزەكتى ورتالىق كوميتەتىنىڭ ءبىرىنشى جالپى ماجىلىسىنەن بەرگى ورتالىق كوميتەت ساياسي بيۋروسىنىڭ قىزمەتتەرىن تولىق تۇراقتاندىردى. ءبىر اۋىزدان بىلاي دەپ قارادى: قاتاڭ دا كۇردەلى حالىقارالىق ورتا جانە ەل ىشىندەگى جاپالى دا اۋىر رەفورما، دامۋ، ورنىقتىلىق مىندەتتەرى الدىندا، ورتالىق كوميتەت ساياسي بيۋروسى پارتيا 20 - قۇرىلتايى مەن 20 - كەزەكتى ورتالىق كوميتەت ءبىرىنشى جالپى ءماجىلىسىنىڭ رۋحىن جاپپاي دايەكتىلەندىرىپ، جۇڭگوشا سوتسياليزم ۇلى تۋىن بيىك ۇستاپ، شي جينپيڭ جاڭا ءداۋىر جۇڭگوشا سوتسياليزم يدەياسىن جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ەل ءىشى، حالىقارا سىندى ەكى كەلەلى جاعدايدى اناعۇرلىم ويداعىداي ءبىر تۇتاس جوسپارلاپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، پارتيا 20 - قۇرىلتايىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن كوتەرىپ، جياڭ زىمين جولداسقا دابىرالى تۇردە ازا ءبىلدىرىپ، مەملەكەتتىك حالىق قۇرىلتايىنىڭ، مەملەكەتتىك ساياسي كەڭەستىڭ كەزەك اۋىستىرۋ دايىندىق قىزمەتتەرىن ويداعىداي ىستەپ، جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ شارالارىن يكەمدى ساپالىلاندىرىپ، رەتتەپ، ەكونوميكانىڭ ورنىقتى تۇردە قايتا كوتەرىلۋىن كۇش سالا ىلگەرىلەتىپ، جوعارى ساپالى دامۋدى جەبەپ، سوتسياليستىك دەموكراتيالىق زاڭمەن باسقارۋ قۇرىلىسى مەن ۇگىت، يدەيا، مادەنيەت قىزمەتتەرىن تىڭعىلىقتى ىلگەرىلەتىپ، حالىق تۇرمىسىن شىن مانىندە قامتاماسىزداندىرىپ جانە جاقسارتىپ، مەملەكەتتىڭ حاۋىپسىزدىگى مەن قوعامنىڭ ورنىقتىلىعىن باتىل قورعاپ، جۇڭگوشا ءىرى ەل ديپلوماتياسىنىڭ جاڭا جورىعىن باستاپ، پارتيانى جاپپاي قاتاڭ باسقارۋدى ونان ارى تەرەڭدەتىپ، ءارقايسى قىزمەتتەردە تىڭ قادام تاستادى.
جالپى ءماجىلىس مىنانى باسا دارىپتەدى: 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى مەن مەملەكەتتىك ساياسي كەڭەس 14 - كەزەكتى كوميتەتىنىڭ 1 - ءماجىلىسىن ويداعىداي اشۋ − بۇكىل پارتيانى، بۇكىل ەلدەگى ءار ۇلت حالقىن جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە ونان ارى اتتانىسقا كەلتىرۋ جونىنەن كەلەلى ماڭىزعا يە.
جالپى ءماجىلىس بىلاي دەپ قارادى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيا مەن مەملەكەت قۇرىلىمدارىنىڭ رەفورماسىن تەرەڭدەتۋدى مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدىڭ ماڭىزدى مىندەتى ەتىپ، پارتيانىڭ جاپپاي باسشىلىعىنا تاباندى بولۋ، حالىقتى وزەك ەتۋگە تاباندى بولۋ، ساپالىلاندىرۋعا، سايكەستىرۋگە، جوعارى ءونىمدى بولۋعا تاباندى بولۋ، مەملەكەتتى جاپپاي زاڭمەن باسقارۋعا تاباندى بولۋ پرينسيبى بويىنشا، پارتيا مەن مەملەكەت قۇرىلىمدارىنىڭ رەفورماسىن تەرەڭدەتىپ، پارتيا مەن مەملەكەت قۇرىلىمدارىنىڭ فۋنكتسياسىندا جۇيەلىك، تۇتاس تۇلعالىق قايتا قۇرۋدى جۇزەگە اسىرىپ، پارتيا مەن مەملەكەت ىستەرىندە تاريحي تابىسقا قول جەتكىزۋگە، تاريحي وزگەرىس تۋىلۋعا پارمەندى قامتاماسىزدىق ازىرلەدى ءارى پارتيا مەن مەملەكەت قۇرىلىمدارىنىڭ رەفورماسىن ۇزدىكسىز تەرەڭدەتۋگە قۇندى تاجىريبە توپتادى.
جالپى ءماجىلىس مىنانى اتاپ كورسەتتى: پارتيا 20 - قۇرىلتايى قۇرىلىم رەفورماسىن تەرەڭدەتۋ جونىندە ماڭىزدى ورنالاستىرۋ جاسادى، بۇل جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىنەن كەلەلى ءارى تەرەڭ ماڭىز الادى. ءسوز جوق، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىن ءبىر تۇتاس جەتەكشىلىككە الۋدى كۇشەيتىپ، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدى باعدار ەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتۋ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتۋ تالابىنا ۇيلەسىپ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ قاجەتىنە ۇيلەسىپ، ماسەلەنى باعدار ەتۋگە تاباندى بولىپ، پارتيا ورتالىق كوميتەتى قۇرىلىمىن، مەملەكەتتىك حالىق قۇرىلتايى قۇرىلىمىن، مەملەكەتتىك كەڭەس قۇرىلىمىن، مەملەكەتتىك ساياسي كەڭەس قۇرىلىمىن ءبىر تۇتاس جوسپارلاپ، ورتالىق پەن جەرگىلىكتى ورىندى ءبىر تۇتاس جوسپارلاپ، ءتۇيىندى سالالاردىڭ قۇرىلىم رەفورماسىن تەرەڭدەتىپ، پارتيانىڭ سوتسياليستىك وسىزامانداندىرۋ قۇرىلىسىنا باسشىلىعىنىڭ قۇرىلىم ورنالاستىرۋ جاعىندا اناعۇرلىم عىلمي، قىزمەت فۋنكتسياسىن بەلگىلەۋ جاعىندا اناعۇرلىم ساپالى، ءتۇزىلىس - مەحانيزم جاعىندا اناعۇرلىم كەمەلدى، جۇمىس جۇرگىزۋدى باسقارۋ جاعىندا اناعۇرلىم جوعارى ءونىمدى بولۋىن ىلگەرىلەتۋ كەرەك.
جالپى ءماجىلىس مىنالاردى باسا دارىپتەدى: وڭىرلەر، تاراۋلار پارتيا مەن مەملەكەت ىستەرى دامۋى جالپى جاعدايىنىڭ بيىگىندە تۇرىپ، پارتيا مەن مەملەكەت قۇرىلىمدارى رەفورماسىنىڭ ماڭىزدىلىعى مەن كوكەي تەستىلىگىن تولىق تانىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن سانالىلىقپەن بىرلىككە كەلتىرىپ، پارتيا ورتالىق كوميتەتى شەشىمدەرىنىڭ، ورنالاستىرۋلارىنىڭ قۇزىرلىلىعى مەن قاتاڭدىعىن باتىل قورعاپ، رەفورما سەنىمى مەن بەكىمىن بەكەمدەپ، ۇيىمدىق باسشىلىقتى كۇشەيتىپ، قۇرىلىم رەفورماسى مىندەتىن قاز - قالپىندا ناقتاپ تياناقتاندىرۋى كەرەك.
جالپى ءماجىلىس بىلاي دەپ قارادى: پارتيا 20 - قۇرىلتايىنىڭ رۋحىن ىشكەرىلەي ۇيرەنۋ، ۇگىتتەۋ، دايەكتىلەندىرۋ − قازىرگى ۋاقىتتاعى جانە بۇدان بىلايعى ءبىر مەزگىلدەگى بۇكىل پارتيانىڭ ماڭداي الدى ساياسي مىندەتى، ۇيرەنۋدىڭ، ۇگىتتەۋدىڭ، دايەكتىلەندىرۋدىڭ تەرەڭدەۋىن، ناقتىلانۋىن ىلگەرىلەتۋ كەرەك. دانەكەردى بايىتىپ، تاسىلدە جاڭالىق اشىپ، حالىق بۇقاراسى قۋانا قابىلدايتىن فورمالار ارقىلى پارتيا 20 - قۇرىلتايى رۋحىنىڭ ورگاندارعا ەنۋىن، كاسىپورىن - ءىسورىندارىنا ەنۋىن، قالا، اۋىل الەۋمەتتىك اۋماقتارىنا جەتۋىن، مەكتەپتەرگە ەنۋىن، اسكەري كازارمالارعا ەنۋىن، ءتۇرلى جاڭا ەكونوميكالىق ۇيىمدار مەن جاڭا قوعامدىق ۇيىمدارعا ەنۋىن، سايتتارعا ەنۋىن ىلگەرىلەتىپ، پارتيا 20 - قۇرىلتايىنىڭ رۋحىن شىن مانىندە جۇرت جۇرەگىنە تەرەڭ ۇيالاتۋ كەرەك. باسشى كادرلار جاپپاي ۇيرەنۋ، جالپى بەتتىك يگەرۋ، جان - جاقتىلى تياناقتاندىرۋ جاعىندا ۇزدىكسىز ۇلگى بولىپ، جاڭا ءداۋىردىڭ 10 جىلىنداعى ۇلى وزگەرىستەردىڭ كەلەلى ءمانىن تەرەڭ تانىپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىن، ادىستەمەسىن جانە وعان سىڭىرىلگەن تۇرعىنى، كوزقاراستى، ءادىستى جەتىك يگەرىپ، جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرى دامۋىنىڭ نىسانا - مىندەتتەرىن، ستراتەگيالىق ورنالاستىرۋلارىن، كەلەلى شارالارىن جالپى تۇلعالىق جاقتان يگەرىپ، دايەكتىلەندىرۋدىڭ، تياناقتاندىرۋدىڭ ناقتى جوباسىن، ناقتى شاراسىن ءوز ءوڭىرىنىڭ، ءوز تاراۋىنىڭ ناقتى ءىس جۇزىندىگىمەن تىعىز ۇشتاستىرا وتىرىپ ويداعىداي جاساپ، ويداعىداي اتقارىپ، پارتيا 20 - قۇرىلتايىنىڭ رۋحىن شىن مانىندە تىڭعىلىقتى تياناقتاندىرۋ كەرەك.
جالپى ءماجىلىس مىنالاردى باسا دارىپتەدى: قازىرگى ۋاقىتتا، دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، دۇنيە ءجۇزى جاڭا الاساپىران وزگەرىس مەزگىلىنە ءوتىپ، ەلىمىزدىڭ دامۋى ستراتەگيالىق وراي مەن حاۋىپ - قاتەر، سىن - سايىستار قاتار ءومىر سۇرگەن، ايقىنسىز، مەجەلەۋ قيىن فاكتورلار كوبەيگەن داۋىرگە قادام تاستادى، ءسوز جوق، اساۋ تولقىنداردىڭ، ءتىپتى، داۋىلدى تولقىنداردىڭ اۋىر سىناعىنان وتۋگە ءازىر تۇرۋىمىز كەرەك. ەلىمىزدىڭ رەفورماسى، دامۋى، ورنىقتىلىعى ءالى دە كوپتەگەن تەرەڭ قاتپارلى قايشىلىقتارعا ءدوپ كەلىپ وتىر، سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى ءۇش قابات قىسىم ءالى دە ءبىرشاما زور، ەكونوميكانىڭ قالپىنا كەلۋ نەگىزى ءالى دە بەكەم ەمەس، مەجەدەن اسقان فاكتورلار كەز كەلگەن ۋاقىتتا تۋىلۋى مۇمكىن. بۇكىل پارتياداعى جولداستار، ءسوز جوق، سەنىمدى بەكەمدەپ، ستراتەگيالىق سەرگەكتىكتى ساقتاپ، كۇرەسكەرلىك رۋحتى ساۋلەلەندىرىپ، ”ءۇشتى اناعۇرلىم ويداعىداي ءبىر تۇتاس جوسپارلاۋدى“ ورىنداپ، بيىلعى نىسانا - مىندەتتەردى قۇلشىنا جۇزەگە اسىرۋى كەرەك. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، جاڭا دامۋ ارناسىن جەدەل قالىپتاستىرىپ، جوعارى ساپالى دامۋدى كۇش سالا ىلگەرىلەتۋ كەرەك. پارتيا ورتالىق كوميتەتىنىڭ جاڭا كەزەڭدەگى ىندەتتەن ساقتانۋ - تىزگىندەۋ جونىندەگى شەشىمدەرىن، ورنالاستىرۋلارىن مۇقيات دايەكتىلەندىرىپ، اتقارىپ، ”B تۇردەگى B باسقارۋدىڭ“ شارالارىن ويداعىداي تياناقتاندىرۋ كەرەك. ىشكى سۇرانىستى قۇلشىنا كەڭەيتىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگى مەن حاۋىپسىزدىك دەڭگەيىن شىن مانىندە جوعارىلاتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن ونان ارى ساپالىلاندىرىپ، ەلەۋلى ەكونوميكالىق، فينانستىق حاۋىپ - قاتەرلەردەن ءونىمدى ساقتانىپ جانە ونى جويىپ، جۇيەلىك حاۋىپ - قاتەر تۋىلماۋ تومەنگى شەگىن ساقتاۋ كەرەك. حالىق تۇرمىسىن قامتاماسىزداندىرۋ جانە جاقسارتۋ قىزمەتتەرىن كۇش سالا نىعايتىپ، جۇمىستاندىرۋدى الدىمەن ويلاستىرۋ ساياساتىن ناقتى، ەگجەي - تەگجەيلى تياناقتاندىرىپ، قيىنشىلىعى بار بۇقارانىڭ نەگىزگى تۇرمىسىن ويداعىداي قامتاماسىزداندىرىپ، قوعامدىق قامتاماسىزداندىرۋ تورىن مىقتاپ توقىپ، ەمدەۋدەگى، دەنساۋلىق ساقتاۋداعى، اسىرەسە، قالا، اۋىل نەگىزگى ساتى ەمدەۋ، دەنساۋلىق ساقتاۋ الەۋمەتتىك قىزمەت وتەۋىندەگى ولقىلىقتاردى تولىقتاپ، تۋىتتى قولداۋ ساياسات جۇيەسىن كەمەلدەندىرۋ كەرەك. اۋىل - قىستاقتى گۇلدەندىرۋدى جاپپاي ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، كولەمدى قايتا كەدەيلەسۋدىڭ تۋىلۋىنان ساقتانۋ كەرەك.
جالپى ءماجىلىس مىنالاردى اتاپ كورسەتتى: رەفورما جاساۋدى، ەسىك اشۋدى بۇلجىماي تەرەڭدەتىپ، جاپپاي سوتسياليستىك وسىزاماندانعان مەملەكەت قۇرۋ نىساناسىن تىعىز ارقاۋ ەتىپ، ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى ءبىر قىدىرۋ رەفورما شاراسىن شىعارىپ، رەفورمانىڭ جۇيەلى، شوعىرلى، سايكەستى، جوعارى ءونىمدى بولۋىن كۇشەيتىپ، ماڭىزدى سالالار مەن شەشۋشى بۋىنداردا تىڭ سەرپىلىسكە قول جەتكىزۋ كەرەك. سوتسياليستىك نەگىزگى ەكونوميكالىق تۇزىمگە تاباندى بولىپ جانە ونى كەمەلدەندىرىپ، جۇڭگوشا وسى زامانعى كاسىپورىن ءتۇزىمىن كەمەلدەندىرىپ، وسى زامانعى فينانس باقىلاۋ - باسقارۋىن كۇشەيتىپ جانە ونى كەمەلدەندىرىپ، جوعارى دەڭگەيدە سىرتقا ەسىك اشۋدى ىلگەرىلەتىپ، ءار سالانىڭ رەفورماسىن ءبىر تۇتاس ورنالاستىرىپ ويداعىداي جوسپارلاۋ كەرەك. رەفورمانى تياناقتاندىرۋ مەحانيزمىن كەمەلدەندىرۋگە باسا ءمان بەرىپ، رەفورما شارالارىنىڭ تياناقتانىپ، ونىمدىلىك كورسەتۋىن ىلگەرىلەتىپ، سوتسياليستىك وسىزامانداندىرۋ قۇرىلىسىنىڭ قوزعاۋشى كۇشى مەن ومىرشەڭ كۇشىن تىنباي كۇشەيتىپ، ەلىمىزدىڭ ءتۇزىم ابزالدىلىعىن مەملەكەتتى باسقارۋ ونىمدىلىگىنە اناعۇرلىم ويداعىداي اينالدىرۋ كەرەك.
جالپى ءماجىلىس مىنالاردى باسا دارىپتەدى: پارتيا 20 - قۇرىلتايىنىڭ پارتيا قۇرىلىسى جونىندە جاساعان ستراتەگيالىق ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، ءىرى پارتيادا عانا بولاتىن قيىن ماسەلەلەردى شەشۋ سەرگەكتىگى مەن تاباندىلىعىن قاي - قاشان دا ساقتاپ، پارتيانى جاپپاي قاتاڭ باسقارۋ جۇيەسىن اقاۋسىزداندىرىپ، پارتيانىڭ ساياسي قۇرىلىسىن ءبىر تۇتاس باسشىلىققا الا وتىرىپ، پارتيانىڭ ءار جاقتاعى قۇرىلىسىن تىڭعىلىقتى ىلگەرىلەتىپ، جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىنىڭ تەرەڭدەي دامۋىن ىلگەرىلەتۋ كەرەك. بۇكىل پارتيادا شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتىپ، عىلمي جوسپارلاپ، دەن قويا ۇيىمداستىرىپ، نازاريانى ۇيرەنۋ مەن قولدانۋدى كۇشەيتىپ، ناقتى ونىمدىلىككە قول جەتكىزۋ كەرەك. كەزەك اۋىستىرعاننان كەيىنگى باسشىلىق القاسىنىڭ يدەيا - ساياسي قۇرىلىسىن ويداعىداي يگەرىپ، دەموكراتيالىق ورتالىقتاندىرۋ ءتۇزىمىن قاتاڭ اتقارىپ، ستيلى پاك، سالتى دۇرىس ساياسي ەكولوگيا ازىرلەپ، ىنتىماقتاسا سەلبەسەتىن، باتىلدىقپەن جاۋاپكەرشىلىك ارقالايتىن، شەبەرلىكپەن ىستەپ، ناتيجەلى تىندىراتىن جاندى جاعداي قالىپتاستىرۋ كەرەك. قاتاڭدىق سىندى نەگىزگى ارناعا تاباندى بولۋ ارقىلى ستيلدى دۇرىستاپ، ءتارتىپتى قاتايتۋدى كۇشەيتىپ، ”ءتورت بۇرىس ستيلدى“ تۇزەتۋدى ۇزدىكسىز تەرەڭدەتىپ، تەكسەرۋ - زەرتتەۋ ستيلىن بارىنشا ساۋلەلەندىرىپ، شىندىققا جۇگىنىپ، ناقتى ءىس ىستەۋ، شىنايى يگەرىپ، ناقتى ىستەۋ ستيلىن زور كۇشپەن اسقاقتاتىپ، شىن مانىندە تاريح پەن حالىقتىڭ سىنىنان وتە الاتىن ناقتى ناتيجە شىعارۋ كەرەك. شىرىكتەسۋگە باتىلدىق ەتكىزبەۋدى، شىرىكتەسۋگە مۇمكىندىك بەرمەۋدى، شىرىكتەسۋدى ويىنا الدىرماۋدى ءبىر تۇلعالى ىلگەرىلەتىپ، شىرىكتەسۋگە قارسى تۇرۋ كۇرەسىنىڭ قامال الۋ شايقاسىنىڭ، ۇزاققا سوزىلاتىن شايقاسىنىڭ جەڭىسىنە باتىل قول جەتكىزۋ كەرەك.
جالپى ءماجىلىس بۇكىل پارتيانى، بۇكىل ەلدەگى ءار ۇلت حالقىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيا قۇرۋ ۇلى رۋحىن اسقاقتاتىپ، ”ءۇش ءسوز جوقتى“ ەستە بەرىك ساقتاپ، وزىنە سەنىپ، ءوزىن الۋەتتەندىرىپ، تۋراشىلدىقتان اينىماي، جاڭالىق اشىپ، قايراتتانا العا ۇمتىلىپ، قايسارلىلىقپەن سايىسىپ، جۇڭگو ۇلگىسىندەگى وسىزامانداندىرۋ قۇرىلىسىن تىڭعىلىقتى ىلگەرىلەتىپ، پارتيانىڭ 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋ جولىندا بىرگە كۇرەس جۇرگىزۋگە ۇندەدى.
