شينحۋا اگەنتتىگىنىڭ 2 - ايدىڭ 20 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى قۇراستىرعان «شي جينپيڭنىڭ قالا قىزمەتى جونىندەگى بايىمداۋلارىنان ۇزىندىلەر» اتتى كىتاپ جۋىقتا ورتالىق حۇجاتتار باسپاسى جاعىنان باسپادان شىعارىلىپ، بۇكىل ەلدە تاراتىلدى.
قالا − ەلىمىزدىڭ ەكونوميكا، ساياسات، مادەنيەت، قوعام سياقتى جاقتارداعى قيمىل ورتالىعى، پارتيا مەن مەملەكەت قىزمەتىنىڭ جالپى جاعدايىندا ماڭىزدى ورىنعا يە. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى قالانىڭ ەلىمىزدىڭ ەكونوميكالىق، قوعامدىق دامۋىنداعى، حالىق تۇرمىسىن جاقسارتۋداعى ماڭىزدى رولىن ىشكەرىلەي تانىپ، پارتيانىڭ قالا قىزمەتىنە باسشىلىعىن ۇزدىكسىز كۇشەيتىپ، حالىقتىڭ قالاسىن حالىق ءۇشىن قىزمەت ەتتىرۋگە تاباندى بولىپ، ادامدى وزەك ەتكەن جاڭاشا قالا - قالاشىقتانۋدى ىلگەرىلەتىپ، قالانى دامىتۋدىڭ جۇڭگوشا جولىمەن ءجۇردى. شي جينپيڭ جولداستىڭ قالا قىزمەتىن ارقاۋ ەتىپ جاريالاعان ءبىر قىدىرۋ ماڭىزدى بايىمداۋلارىنىڭ ءمانى زور، مازمۇنى باي، يدەياسى تەرەڭ بولىپ، قالا دامۋىنىڭ قۇن كوزقاراسى مەن ءادىسناماسىن ايقىنداپ، جۇڭگوشا سوتسياليستىك قالا دامۋى قاعيداسىن تەرەڭ ۇعىندىردى، قالا قۇرىلىسىن دامىتۋدا كىمگە سۇيەنۋ كەرەك، كىم ءۇشىن دەگەن ءتۇبىرلى ماسەلەگە، سونداي - اق قانداي قالا قۇرۋ، قالانى قالاي قۇرۋ كەرەك دەگەن كەلەلى تاقىرىپتىق ماسەلەگە تەرەڭ جاۋاپ قايتاردى، ول قالا باسقارۋ جۇيەسى مەن باسقارۋ قابىلەتىن وسىزامانداندىرۋدى ۇزدىكسىز ىلگەرىلەتىپ، جاڭاشا قالا - قالاشىقتانۋ دەڭگەيىن جوعارىلاتىپ، قالانىڭ قورشاعان ورتا ساپاسىن، حالىقتىڭ تۇرمىس ساپاسىن، قالانىڭ باسەكەلىك قۋاتىن جوعارىلاتىپ، جاراسىمدى دا قونىسقا جايلى، ومىرشەڭدىك كۇشكە باي، وزىندىك ەرەكشەلىككە يە وسىزاماندانعان قالا قۇرىپ، حالىق قالاسى قۇرىلىسىنىڭ جاڭا جاعدايىن اشىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جونىنەن توتەنشە ماڭىزدى جەتەكشى مانگە يە.
«بايىمداۋلاردان ۇزىندىلەر» 7 ارناۋلى تاقىرىپقا بولىنگەن، جيىنى 300 بولىك بايىمداۋ بار، شي جينپيڭ جولداستىڭ 2012 - جىلى 11 - ايدان 2022 - جىلى 12 - ايعا دەيىنگى ارالىقتاعى باياندامالارى، سويلەگەن سوزدەرى، قۇتتىقتاۋ حاتتارى، نۇسقاۋلارى سياقتى 120دان استام ماڭىزدى حۇجاتتاردان الىنعان. مۇنداعى ءبىر ءبولىم بايىمداۋلار تۇڭعىش رەت اشىق جاريالانىپ وتىر.
