1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

تاياۋ مەزگىلدەگى جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ قىزمەت جاعدايى جونىندەگى مالىمەتتى تىڭدادى

日期:2023年02月18日
来源:新疆日报
【字体:

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى

  تاياۋ مەزگىلدەگى جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ قىزمەت جاعدايى جونىندەگى مالىمەتتى تىڭدادى

  جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 2 - ايدىڭ 16 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 2 - ايدىڭ 16 - كۇنى ءماجىلىس اشىپ، تاياۋ مەزگىلدەگى جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ قىزمەت جاعدايى جونىندەگى مالىمەتتى تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.

  ءماجىلىس مىنالاردى اتاپ كورسەتتى: 3 جىلدان استام ۋاقىتتان بەرى، ەلىمىزدىڭ ىندەتكە قارسى اتتانۋدا، ىندەتتەن ساقتانۋدا باسىپ وتكەن جولى وتە ەرەكشە بولدى. شي جينپيڭ جولداستى ۇيتقى ەتكەن پارتيا ورتالىق كوميتەتى باستان - اياق حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ءبىر نيەتپەن ىندەتكە قارسى اتتانىپ، كۇشتى تاريحي جاۋاپكەرشىلىك ارقالاپ جانە كۇشتى ستراتەگيالىق تاباندىلىق كورسەتىپ، ۋاقىتقا، جاعدايعا قاراي ساقتانۋ - تىزگىندەۋ ساياسات - شارالارىن ساپالىلاندىرىپ، رەتتەپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ءونىمدى ءبىر تۇتاس جوسپارلاپ، اۋرۋ تۋدىرعىشتىعى ءبىرشاما كۇشتى، ولىمگە دۋشار ەتۋى ءبىرشاما جوعارى ۆيرۋس شتامىنىڭ كەڭىنەن تارالۋىنان ءساتتى ساقتانىپ، حالىق بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن ءونىمدى قورعاپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋگە قىمباتتى ۋاقىت ۇتتى. 2022 - جىلى 11 - ايدان بەرى، ءبىز ”سالاماتتىقتى قامتاماسىز ەتىپ، سالماقتى اۋرۋدان ساقتانۋدى“ ارقاۋ ەتە وتىرىپ، ساقتانۋ - تىزگىندەۋ شارالارىن ۇزدىكسىز ساپالىلاندىرىپ، رەتتەپ، ىندەتتەن ساقتانۋ - تىزگىندەۋدىڭ ورنىقتى تۇردە جاڭا كەزەڭگە ءوتۋىن ءبىرشاما قىسقا ۋاقىت ىشىندە جۇزەگە اسىرىپ، 200 ميلليوننان استام ادام ەمدەلىپ، 800 مىڭعا جۋىق سالماقتى ناۋقاس ءونىمدى قۇتقارىلىپ، ەمدەلدى، جاڭا تيپتى ايدارشا ۆيرۋستان ءولۋ مولشەرى دۇنيە ءجۇزى بويىنشا ەڭ تومەن دەڭگەيدى ساقتاپ، ىندەتتەن ساقتانۋ - تىزگىندەۋدە كەلەلى شەشۋشى سيپاتتى جەڭىسكە قول جەتكىزىپ، ادامزات وركەنيەتى تاريحىندا حالىق سانى كوپ ءىرى ەلدىڭ ىندەت جاپپاي تارالعان جاعدايدان ءساتتى وتكەن كەرەمەتتى جاراتتى. اماليات پارتيا ورتالىق كوميتەتىنىڭ ىندەت جاعدايى جونىندەگى كەلەلى تۇجىرىمدارى، ساقتانۋ - تىزگىندەۋ قىزمەتى جونىندەگى كەلەلى شەشىمدەرى، ساقتانۋ - تىزگىندەۋ تاكتيكاسىنا جۇرگىزگەن ماڭىزدى رەتتەۋلەرى بۇكىلدەي دۇرىس ەكەندىگىن، شارالاردىڭ ءونىمدى، بۇقارا مويىنداعان، ونىمدىلىگى وراسان زور ەكەندىگىن دالەلدەدى.

  ءماجىلىس مىنالاردى باسا دارىپتەدى: قازىر بۇكىل ەلدىڭ ىندەتتەن ساقتانۋ - تىزگىندەۋ جاعدايى جالپى جاقتان جاقسى، ”B تۇردەگى B باسقارۋ“ ۇدايىلانعان ساقتانۋ - تىزگىندەۋ كەزەڭىنە ورنىقتى ءوتتى، الايدا بۇكىل جەر شارىندا ىندەت ءالى دە تارالۋدا، ۆيرۋس ءالى دە ۇزدىكسىز وزگەرۋدە. وڭىرلەر، تاراۋلار ءاردايىم قام جەپ تۇراتىن جاۋاپكەرشىلىك سەزىمدە بولا وتىرىپ، 3 جىلدان استام ۋاقىتتان بەرگى، وتە - موتە، جاقىنعى ءبىر مەزگىلدەگى تاجىريبەلەر مەن ادىستەردى ىشكەرىلەي قورىتىندىلاپ، قاتىستى مەحانيزمدەر مەن شارالاردى كەمەلدەندىرىپ، جاڭا كەزەڭدەگى ىندەتتەن ساقتانۋ - تىزگىندەۋ قىزمەتتەرىن ناقتى، ەگجەي - تەگجەيلى يگەرىپ، دەنساۋلىق ساقتاۋ، سالاماتتىق قىزمەت وتەۋ جۇيەسىن نىعايتىپ، قول جەتۋ وڭايعا تۇسپەگەن كەلەلى تابىستاردى باتىل بەكەمدەۋ كەرەك.

  ءماجىلىس مىنالاردى تالاپ ەتتى: پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، ”ءتورت جاقتىڭ جاۋاپكەرشىلىگىن“ قاتايتىپ، شەشۋشى بۋىنداردى ءجىتى قاداعالاپ، حاۋىپ - قاتەرى بار ادامداردى باسقارۋدى، مەڭگەرۋدى ويداعىداي ىستەپ، ىستەلگەن قىزمەتتەر نەگىزىندە قايتالاي ىلگەرىلەتىپ، قايتالاي تياناقتاندىرۋ كەرەك. ىندەت جاعدايىن باقىلاۋ - قاداعالاۋدى جانە ۇدايىلانعان الدىن الا ساقتاندىرۋ قۋاتى قۇرىلىسىن كۇشەيتىپ، ىندەت جاعدايىن باقىلاۋ - قاداعالاۋ جۇيەسىن جانە ينفورماتسيا مالىمدەۋ ءتۇزىمىن اقاۋسىزداندىرىپ، دەر كەزىندە، دالمە - ءدال الدىن الا ساقتاندىرۋ، سونداي - اق قاجەتتى شۇعىل ساقتانۋ - تىزگىندەۋ شارالارىن قولدانۋ كەرەك. ۆيرۋستىڭ وزگەرۋى جانە ۆاكسينانىڭ قورعاۋ جاعدايىنا نەگىزدەلىپ، كەلەسى كەزەڭدەگى ۆاكسينا ەگۋ قىزمەتىن عىلمي جوسپارلاپ، قارتتاردىڭ ەكتىرۋ سالىستىرماسىنىڭ ۇزدىكسىز جوعارىلاۋىن جەبەۋ كەرەك. ۇدايىلانعان دارەجەگە، ساتىعا، تارماققا بولىنگەن ەمدەۋ - دەنساۋلىق ساقتاۋ جۇيەسى قۇرىلىسىن مىقتى يگەرىپ، بايلىقتى ورنالاستىرۋدى ۇزدىكسىز ساپالىلاندىرىپ، الەۋمەتتىك ەمدەۋ قۇرىلىمدارىن نەگىزگى تۇلعا ەتكەن 3 دارەجەلى ەمدەۋ - دەنساۋلىق ساقتاۋ قىزمەت وتەۋ تورىن نىعايتۋ كەرەك. ەمدەۋ زاتتىق ماتەريالدارىن وندىرۋگە، قامداۋعا كەپىلدىك ەتۋدى كۇشەيتىپ، زاپاس ساقتاۋ ءتۇزىمىن جانە ءتىزىمىن كەمەلدەندىرىپ، قىزمەتكەرلەردى، زاتتىق ماتەريالداردى ءبىر تۇتاس جوسپارلاپ ورنالاستىرۋ مەحانيزمىن بەكەمدەپ، كەمەلدەندىرىپ، نەگىزگى ساتى الدىڭعى شەبىنىڭ قابىلەت، ءدارى - دارمەك، جابدىق سياقتى جاقتارداعى ولقىلىقتارىن، ءالسىز تۇستارىن شىن مانىندە ويداعىداي شەشۋ كەرەك. ەمدەۋ - دەنساۋلىق ساقتاۋ سالاسىندا عىلىم - تەحنيكادان قامال الۋدى ءبىر تۇتاس جوسپارلاپ ىلگەرىلەتىپ، ءار جاقتىڭ كۇشىن توپتاپ، تىرشىلىك، سالاماتتىق عىلىم - تەحنيكاسى دەڭگەيىن جوعارىلاتۋ كەرەك. ىندەتكە قارسى اتتانۋ كۇرەسىندە قول جەتكىزگەن ەلەۋلى تابىستاردى بارىنشا قاستەرلەپ، جۇڭگونىڭ ىندەتكە قارسى اتتانۋ حيكاياسىن ويداعىداي بايانداپ، بۇكىل پارتيانى، بۇكىل ەلدەگى ءار ۇلت حالقىن، ءسوز جوق، جەڭىسكە جەتەتىن سەنىمدى بەكەمدەۋگە، جاڭا داۋىردەگى جاڭا جورىقتا توسقاۋىلداردى تالقانداپ، ەكپىندەي العا ىلگەرىلەۋگە جىگەرلەندىرۋ كەرەك.

  ءماجىلىس باسقا دا ىستەردى اقىلداستى.