شينحۋا اگەنتتىگىنىڭ 1 - ايدىڭ 14 - كۇنى بەيجيڭنەن بەرگەن حابارى. 1 - ايدىڭ 14 - كۇنى جۇڭگو - ۆيەتنام ەكى ەل حالىقتارىنىڭ ورتاق ءداستۇرلى مەرەكەسى − قويان جىلعى كوكتەم مەرەكەسى كەلۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن ءوزارا كوكتەم مەرەكەسىن قۇتتىقتاۋ حاتىن جولدادى.
شي جينپيڭ قۇتتىقتاۋ حاتىندا جۇڭگو پارتياسى، ۇكىمەتى، حالقى اتىنان رۋان فۋجۇڭعا جانە ۆيەتنام پارتياسىنا، ۇكىمەتىنە، حالقىنا ەڭ شىنايى كوكتەم مەرەكەسىندىك سالەم جانە تىلەك جولدادى.
شي جينپيڭ مىنالاردى ءبىلدىردى: 2022 - جىل − جۇڭگو − ۆيەتنام ەكى پارتيا، ەكى ەل جونىنەن العاندا، ءوز دامۋىندا شەشۋشى مانگە يە ءبىر جىل، سونداي - اق جۇڭگو − ۆيەتنام قارىم - قاتىناسىندا بەلەستىك مانگە يە ءبىر جىل بولدى. جۇڭگو كوممۋنيستىك پارتياسى 20 - قۇرىلتايىن جەڭىسپەن اشىپ، جاڭا داۋىردەگى جاڭا جورىقتاعى جۇڭگو كوممۋنيستىك پارتياسىنىڭ بورىشىن، مىندەتىن العا قويدى. ۆيەتنام حالقى ۆيەتنام كوممۋنيستىك پارتياسى ورتالىق كوميتەتىنىڭ باسشىلىعىندا، ۆيەتنام كوممۋنيستىك پارتياسى 13 - قۇرىلتايىنىڭ رۋحىن جاپپاي دايەكتىلەندىردى، تياناقتاندىردى. باس شۋجي رۋان فۋجۇڭ جولداس جۇڭگو كوممۋنيستىك پارتياسىنىڭ 20 - قۇرىلتايى جابىلىپ كوپ وتپەي جۇڭگودا ءساتتى ساپاردا بولدى، ەكى جاق «جۇڭگو − ۆيەتنام جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىن اناعۇرلىم كۇشەيتۋ جانە تەرەڭدەتۋ جونىندەگى بىرلەسكەن مالىمدەمەنى» جاريالادى. ەكى پارتيانىڭ، ەكى ەلدىڭ قاتىستى تاراۋلارى مەن جەرگىلىكتى ورىندارى ءبىزدىڭ كەلىسكەن كەڭ كولەمدى ورتاق تانىمىمىزدى مىقتاپ يگەرىپ تياناقتاندىرۋدا، مۇنىڭ ەكى جاقتىڭ ساياسي ءوزارا سەنىمدىلىگىن جانە ءداستۇرلى دوستىعىن بەكەمدەپ، ەكى ەل حالقىنىڭ قۇت - ىرىسىن شىنايى ارتتىراتىندىعىنا سەنەمىن.
شي جينپيڭ بىلاي دەپ اتاپ كورسەتتى: جاڭا جىل كەلىپ، بارشا الاپ جاڭا تۇسكە ەندى. 2023 - جىلعا كوز جىبەرسەك، مەن باس شۋجي رۋان فۋجۇڭ جولداسپەن قويۋ بايلانىستى ساقتاپ، جۇڭگو − ۆيەتنام قارىم - قاتىناسىنىڭ ۇزدىكسىز اقاۋسىز، ورنىقتى دامۋىنا جول باستاپ، رول ۇستاۋدى قالايمىن. جۇڭگو جاق ۆيەتنامدى ستراتەگيالىق مانگە يە تاعدىرلاس ورتاق تۇلعا جانە توڭىرەكتىك ديپلوماتياداعى الدىمەن ەسكەرىلەتىن بەتالىس دەپ بىلەدى، ۆيەتنام جاقپەن دامۋ ستراتەگياسىن ۇشتاستىرۋدى كۇشەيتىپ، ءتۇرلى سالالارداعى ناقتى ىستەر سەلبەستىگىن تەرەڭدەتىپ، حالىقارالىق جانە وڭىرلىك ىستەردە بايلانىستى، سايكەسۋدى نىعايتىپ، ادامزاتتىڭ بەيبىتشىلىگى مەن دامۋى سىندى ۇلى ءىستى ىلگەرىلەتۋگە بەلسەندى ۇلەس قوسۋدى قالايدى.
رۋان فۋجۇڭ قۇتتىقتاۋ حاتىندا مىنالاردى ءبىلدىردى: وتكەن ءبىر جىلدا، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ باسشىلىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە جۇڭگو كوممۋنيستىك پارتياسى مەملەكەتتىك 20 - قۇرىلتايىن ءساتتى اشتى، بۇل − جۇڭگو حالقىنىڭ ساياسي ومىرىندەگى ەرەكشە ماڭىزدى كەلەلى ءىس. ءبىز جۇڭگو كوممۋنيستىك پارتياسىنىڭ باسشىلىعىندا، باۋىرلاس جۇڭگو حالقىنىڭ جۇڭگو كوممۋنيستىك پارتياسىنىڭ 20 - قۇرىلتايىندا العا قويىلعان ءتۇرلى نىسانالار مەن جوسپارلاردى، ءسوزسىز، ءساتتى ورىنداپ، جاپپاي سوتسياليستىك وسىزاماندانعان مەملەكەت قۇرىپ، ەكىنشى 100 جىلدىق كۇرەس نىساناسىن جۇزەگە اسىرۋعا شەرۋ تارتاتىندىعىنا سەنەمىز.
رۋان فۋجۇڭ مىنالاردى ءبىلدىردى: ەكى پارتيا باس شۋجيلەرىنىڭ كەلىسكەن جەلىلەس ورتاق تانىمدارىنىڭ جەتەكشىلىگىندە، ۆيەتنام − جۇڭگو قارىم - قاتىناسى بەلسەندى دامۋ ارىنىن ساقتاپ، ماڭىزدى ىلگەرىلەۋشىلىككە قول جەتكىزدى. مەن جانە ۆيەتنام پارتياسى مەن ۇكىمەتىنىڭ جوعارى دارەجەلى ۋاكىلدەر ۇيىرمەسى جۇڭگو كوممۋنيستىك پارتياسىنىڭ 20 - قۇرىلتايى جابىلعان سوڭ جۇڭگودا رەسمي ساپاردا بولدىق ءارى سۇبەلى تابىسقا قول جەتكىزدىك. مەن باس شۋجي شي جينپيڭ جولداسپەن بىرگە ەكى جاقتىڭ ءارقايسى تاراۋلارىنىڭ، جەر - جەرلەرىنىڭ ساپار كەزىندە كەلىسكەن كەلىسىمدەر مەن ورتاق تانىمداردى ويداعىداي دايەكتىلەندىرۋىنە، تياناقتاندىرۋىنا جەتەكشىلىك ەتىپ، ەكى ەلدىڭ وزدەرىنىڭ سوتسياليزم قۇرىلىسى نازارياسى مەن امالياتى جونىندە ستراتەگيالىق بايلانىس جاساپ، ەكى پارتيا، ەكى ەل قارىم - قاتىناسىنىڭ ۇزدىكسىز دامۋىنا ءارى تىڭ ساتىعا قادام تاستاۋىنا العا ىلگەرىلەۋ بەتالىسىن ايقىن كورسەتۋدى، ستراتەگيالىق جوبا جاساۋدى قالايمىن. جۇڭگو كوممۋنيستىك پارتياسىنىڭ ۇزدىكسىز دامىپ زورايۋىن، جۇڭحۋا حالىق رەسپۋبليكاسىنىڭ گۇلدەنىپ - كوركەيۋىن، باۋىرلاس جۇڭگو حالقىنىڭ جاڭا جىلدا باقىتتى، امان بولۋىن تىلەيمىن!
