شينحۋا اگەنتتىگى، 12 - ايدىڭ 26 - كۇنى، بەيجيڭ. وتانشىلدىق دەنساۋلىق ساقتاۋ قوزعالىسى ورىستەتىلگەنىنىڭ 70 جىلدىعى قارساڭىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، بىلاي دەپ اتاپ كورسەتتى: 70 جىلدان بەرى پارتيانىڭ باسشىلىعىندا، وتانشىلدىق دەنساۋلىق ساقتاۋ قوزعالىسى حالىقتىڭ سالاماتتىعىن وزەك ەتۋدە تاباندى بولىپ، ساقتانۋدى نەگىز ەتۋدە تاباندى بولىپ، قالا مەن اۋىلدىڭ ورتا تازالىعى بەت - بەينەسىن وزگەرتۋ، اۋىر جۇقپالى اۋرۋعا، ىندەتكە ءونىمدى توتەپ بەرۋ، قوعامنىڭ سالاماتتىعىن جونگە سالۋ دەڭگەيىن جوعارىلاتۋ ءۇشىن ماڭىزدى رول اتقاردى. بۇكىل ەلدەگى وتانشىلدىق دەنساۋلىق ساقتاۋ شەبىندەگى جولداستاردىڭ اۋەلگى ماقساتتان، بورىشتان باستان - اياق جازباي، تاڭداۋلى داستۇرگە مۇراگەرلىك ەتىپ جانە ونى ساۋلەلەندىرىپ، قىزمەت مازمۇنىن بايىتىپ، قىزمەت ءتاسىلى مەن ادىسىندە جاڭالىق اشىپ، سالاماتتى جۇڭگو قۇرىلىسىن جەدەل ىلگەرىلەتۋگە تىڭ ۇلەس قوسۋىن ءۇمىت ەتەمىن.
شي جينپيڭ بىلاي دەپ دارىپتەدى: قازىر ەلىمىزدىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋى جاڭا جاعدايعا، جاڭا مىندەتكە ءدوپ كەلدى، وتانشىلدىق دەنساۋلىق ساقتاۋ قوزعالىسىن اناعۇرلىم باعىتتامالى تۇردە ورىستەتىپ، وتانشىلدىق دەنساۋلىق ساقتاۋ قوزعالىسىنىڭ ۇيىمدىق ابزالدىعىن جانە بۇقارانى جۇمىلدىرۋ ابزالدىعىن تولىق ساۋلەلەندىرىپ، قالىڭ حالىق بۇقاراسىن سالاماتتىق بىلىمدەرىن ىرىقتىلىقپەن ۇيرەنىپ، سالاماتتىق شەبەرلىگىن يگەرىپ، تاماشا جەكە تازالىق ادەتىن قالىپتاستىرىپ، وركەنيەتتى، اقاۋسىز تۇرمىس ءتاسىلىن امالياتتا ايگىلەۋگە جەتەكتەۋ كەرەك، سان مىڭداعان وركەنيەتتى، اقاۋسىز شاعىن ورتا ارقىلى ىندەتتەن ساقتانۋ - تىزگىندەۋدىڭ قوعامدىق ۇلكەن قورعانىس شەبىن بەكەمدەپ، حالىق بۇقاراسىنىڭ باس اماندىعى مەن دەنساۋلىعىن شىنايى قامتاماسىزداندىرۋ كەرەك.
مەملەكەتتىك كەڭەستىڭ زۇڭليى لي كىچياڭ بەكىتۋ جازىپ بىلاي دەپ اتاپ كورسەتتى: وتانشىلدىق دەنساۋلىق ساقتاۋ قوزعالىسى ورىستەتىلگەن 70 جىلدان بەرى اسا ءونىمدى بۇقارالىق دەنساۋلىق ساقتاۋ قوزعالىسى ورىستەتىلىپ، حالىقتىڭ دەنساۋلىعىن قامتاماسىزداندىرۋدا ماڭىزدى رول اتقاردى، بۇل − حالىققا ءتيىمدى كەلەلى ينجەنەريا. شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرى مەن ورنالاستىرۋلارىن دايەكتىلەندىرىپ، مەحانيزمگە جانە قىزمەت تاسىلىنە جاڭالىق ەنگىزۋدە تاباندى بولىپ، قالا مەن اۋىلدىڭ ورتا تازالىعىن جونگە سالۋدى ىشكەرىلەي ىلگەرىلەتىپ، سالاماتتىق تاربيەسىن جانە ونى جەبەۋدى تىڭعىلىقتى ورىستەتىپ، سالاماتتى جۇڭگو قۇرىلىسىنا تىڭ ۇلەس قوسۋ كەرەك. قازىر جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋدەگى ساپالىلاندىرىلعان، رەتتەلگەن شارالار ءتارتىپتى تياناقتاندىرىلۋدا، ابزالدىقتى ساۋلەلەندىرىپ، ءار جاقتىڭ عىلمي ساقتانۋ - تىزگىندەۋ بەلسەندىلىگىن جۇمىلدىرۋ كەرەك. ءار دارەجەلى ۇكىمەتتەر قىزمەت تەبىنىن اناعۇرلىم ارتتىرىپ، بۇقارانىڭ ەمدەلۋ جانە ىندەتتەن ساقتانۋ بۇيىمدارى قاجەتىن شىنايى قامتاماسىزداندىرىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىن قورعاۋى كەرەك.
وتانشىلدىق دەنساۋلىق ساقتاۋ قوزعالىسى − پارتيامىزدىڭ بۇقارالىق لۋشياندى دەنساۋلىق ساقتاۋ، اۋرۋدان ساقتانۋ قىزمەتىندە قولدانۋىنىڭ تابىستى امالياتى. 70 جىلدان بەرى وتانشىلدىق دەنساۋلىق ساقتاۋ قوزعالىسىندا باستان - اياق پارتكوم باسشىلىق ەتۋدە، ۇكىمەت جەتەكشىلىك ەتۋدە، كوپ تاراۋ سەلبەسۋدە، بۇكىل قوعام ات سالىسۋدا تاباندى بولىنىپ، «ۇلكەن دەنساۋلىق ساقتاۋ، ۇلكەن سالاماتتىق» ۇستانىمىندا تاباندى بولىنىپ، قاينارىنان جونگە سالۋ كورنەكتىلەندىرىلىپ، كورنەكتى ناتيجەگە قول جەتكىزىلدى.
