شينحۋا اگەنتتىگىنىڭ 12 - ايدىڭ 20 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - ايدىڭ 20 - كۇنى تۇستەن كەيىن ۋادە بويىنشا كوتديۆۋاردىڭ زۇڭتۇڭى ۋاتالامەن تەلەفوندا سويلەستى.
شي جينپيڭ بىلاي دەپ اتاپ كورسەتتى: كوتديۆۋار − جۇڭگونىڭ افريكاداعى ماڭىزدى سەلبەستىك سەرىگى. كەلەر جىلى جۇڭگو مەن كوتديۆۋاردىڭ ديپلوماتيالىق قارىم - قاتىناس ورناتقاندىعىنىڭ 40 جىلدىعى، بۇل ەكى جاقتىڭ بىرگە ەسكە تۇسىرۋىنە تاتيدى. جۇڭگو جاق كوتديۆۋار جاقتىڭ ءبىر جۇڭگو پرينسيبىنە بۇلجىماي تاباندى بولعاندىعىن ايرىقشا القايدى، كوتديۆۋار جاقپەن ءبىر - ءبىرىنىڭ وزەكتى مۇددەسىنە ساياتىن ماسەلەلەردە ۇزدىكسىز ءوزارا قولداۋ كورسەتىپ، جۇڭگو − كوتديۆۋار قارىم - قاتىناسىن بەكەمدەپ جانە تەرەڭدەتىپ، ەكى ەل قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى.
شي جينپيڭ بىلاي دەپ اتاپ كورسەتتى: جۇڭگو − كوتديۆۋار سەلبەستىگىنىڭ جارقىن بولاشاعى بار. جۇڭگو جاق كوتديۆۋار جاقپەن جان - جاقتى سەلبەستىكتى كۇشەيتىپ، اۋىل شارۋاشىلىعى ونىمدەرى ساۋداسىن كەڭەيتىپ، كۇرىش، كاكاۋا سياقتىلاردى ەگۋ جانە مانەرلەۋ سەلبەستىگىن كۇشەيتىپ، كوتديۆۋاردىڭ كاكاۋا كاسىپ سالاسىن زورايتۋىن، كۇشەيتۋىن قولدايدى، جۇڭگو جاق قولداپ، سالىپ بەرگەن قاتىستى نىسانداردىڭ تەز ارادا سالىنىپ ءبىتۋىن ءارى ونىمدىلىگىن ساۋلەلەندىرۋىن ءۇمىت ەتەمىن. جۇڭگو جاق جۇڭگو كاسىپورىندارىن كوتديۆۋارعا بارىپ قارجى قوسىپ، شارۋاشىلىقتى گۇلدەندىرۋگە ۇزدىكسىز شابىتتاندىرىپ، ەكى جاقتىڭ سيفرلى ەكونوميكا، جاڭا ەنەرگيا سياقتى سالالارداعى سەلبەستىگىن كەڭەيتۋدى قالايدى. جۇڭگو جاق كوتديۆۋار جاقتىڭ دامۋ مەن حاۋىپسىزدىككە تەڭ ءمان بەرەتىن بيلىك جۇرگىزۋ ۇستانىمىن القايدى، كوتديۆۋار جاقپەن ساياساتتىق اۋىس - كۇيىستى كۇشەيتىپ، كوتديۆۋار جاقتىڭ قاجەتىنە ساي سەلبەستىك ورىستەتۋدى ءارى قولىنان كەلگەنشە قولداۋ كورسەتۋدى قالايدى. جۇڭگو جاق باستان - اياق شىنايى، بۇكپەسىز، باۋىرمال، ادال بولۋ ۇستانىمى مەن دۇرىس ادىلەت - مۇددە كوزقاراسىنان جازباي، افريكا ەلدەرىمەن ىنتىماقتى، سەلبەستىكتى كۇشەيتىپ، ءىس جۇزىندىك ارەكەتى ارقىلى الەمدىك دامۋ باستاماسى مەن جۇڭگو − افريكا سەلبەستىك تالقى مىنبەرىنىڭ ارەكەت جوسپارىن ۇزدىكسىز تياناقتاندىرىپ، افريكانىڭ دامۋىنا دەم بەرۋدى قالايدى. جۇڭگو جاق كوتديۆۋار قاتارلى افريكا ەلدەرىمەن بىرگە حالىقارالىق ادىلدىكتى، تۋراشىلدىقتى قورعاۋدى، وركەندەپ كەلە جاتقان ەلدەردىڭ ورتاق مۇددەسىن قورعاۋدى قالايدى.
ۋاتالا مىنالاردى ءبىلدىردى: ءتوراعا شي جينپيڭنىڭ جۇڭگو كوممۋنيستىك پارتياسى ورتالىق كوميتەتىنىڭ باس شۋجيى بولىپ سايلانعانىن تاعى ءبىر مارتە قۇتتىقتايمىن. 2018 - جىلعى جۇڭگوداعى مەملەكەتتىك ساپارىم ماعان تەرەڭ اسەر قالدىردى، كوتديۆۋار مەن جۇڭگونىڭ جۋىقتا ديپلوماتيالىق قارىم - قاتىناس ورناتقاندىعىنىڭ 40 جىلدىعىن قارسى الۋىنان زور ءۇمىت كۇتەمىن. جۇڭگو جاق كوتديۆۋاردى قامتىعان وڭىرلەردىڭ جانە دۇنيە ءجۇزىنىڭ بەيبىتشىلىگى مەن حاۋىپسىزدىگىن قورعاۋعا جانە جەبەۋگە، افريكا ەلدەرىنىڭ ەكونوميكالىق، قوعامدىق دامۋىن قولداۋعا قىمباتتى قولداۋ كورسەتىپ، ماڭىزدى ۇلەس قوستى، كوتديۆۋار بۇعان شىن جۇرەكتەن العىس ايتادى. كوتديۆۋار جاقتىڭ جۇڭگو حالقىنا دەگەن تاماشا دوستىق سۇيىسپەنشىلىگى بار. كوتديۆۋار جاق ءبىر جۇڭگو پرينسيبىنە بۇلجىماي تاباندى بولىپ، كوپ جاقتىلىقتى باتىل قولداپ، ”ءبىر بەلدەۋ، ءبىر جول“ باستاماسىن بەلسەنە قولدايدى. اناعۇرلىم كوپ جۇڭگو كاسىپورىندارىنىڭ كوتديۆۋارعا كەلىپ كاكاۋا مانەرلەۋ سياقتى كاسىپ سالالارىنا قارجى قوسىپ، كوتديۆۋاردىڭ ونەركاسىپتەنۋ اياق الىسىنا دەم بەرۋىن قارسى الادى. كوتديۆۋار جاق جۇڭگو جاقپەن جۇڭگو - افريكا سەلبەستىك تالقى مىنبەرى جۇلگەسىندەگى سەلبەستىكتى ۇزدىكسىز كۇشەيتىپ، وڭىرلىك جانە حالىقارالىق ىستەر جونىندە تىعىز بايلانىستى، ىستەستىكتى ساقتاۋدى قالايدى.
شينحۋا اگەنتتىگىنىڭ 12 - ايدىڭ 20 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 12 - ايدىڭ 20 - كۇنى كەشتە ۋادە بويىنشا گەرمانيانىڭ زۇڭتۇڭى شتاينمەيرمەن تەلەفوندا سويلەستى.
شي جينپيڭ بىلاي دەپ اتاپ كورسەتتى: بيىل جۇڭگو مەن گەرمانيانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى، جۇڭگو - گەرمانيا قارىم - قاتىناسىنداعى كەلەلى ماڭىزى بار ءبىر جىل. جۇڭگو مەن گەرمانيانىڭ نەشە ۇرپاق باسشىلارىنىڭ بىرگە قۇلشىنۋىندا، جۇڭگو - گەرمانيا قارىم - قاتىناسى العا ىلگەرىلەۋ، جاقسارۋ سىندى ۇلكەن بەتالىستى جالپى تۇلعالىق جاقتان ساقتاپ، ەكى ەل جان - جاقتى ستراتەگيالىق سەرىكتەرگە اينالدى. جۇڭگو - گەرمانيا قارىم - قاتىناسى دامۋىنىڭ تەرەڭ حالىق رايى نەگىزى، كەڭ كولەمدى ورتاق مۇددەسى جانە باي تابىستى تاجىريبەلەرى بار. تەك ەكى جاق ءبىر - بىرىنە قۇرمەت ەتۋگە، ءوزارا تيىمدىلىك جەتكىزىپ، بىرگە يگىلىككە كەنەلۋگە تاباندى بولسا بولعانى، جۇڭگو - گەرمانيا قارىم - قاتىناسى، ءسوز جوق، دۇرىس جولمەن ءجۇرىپ، ورنىقتى قادام تاستاپ، الىسقا جەتە الادى. جۇڭگو جاق گەرمانيا جاقپەن بىرگە قۇلشىنىپ، جۇڭگو - گەرمانيا قارىم - قاتىناسىنىڭ ۇزىكسىز تىڭ ساتىعا قادام تاستاۋىن ىلگەرىلەتىپ، جۇڭگو - گەرمانيا قارىم - قاتىناسىنىڭ بولاشاقتاعى تابىستى 50 جىلىن باستاۋدى قالايدى.
شي جينپيڭ كەلەسى كەزەڭدەگى جۇڭگو - گەرمانيا قارىم - قاتىناسىنىڭ دامۋى جونىندە 3 پىكىردى العا قويدى:
ءبىرىنشى، ەكى جاق دۇرىس نەگىزگى تانىمعا تاباندى بولۋى كەرەك. جۇڭگو مەن گەرمانيا باستان - اياق تىلدەسەتىن سەرىكتەر، داميتىن سەرىكتەر، سەلبەسەتىن سەرىكتەر، الەمدىك سايىستارعا توتەپ بەرەتىن سەرىكتەر. ەكى جاق ۇزدىكسىز تىلدەسۋ ارقىلى ورتاق تانىمدى ۇيىستىرىپ جانە كەڭەيتىپ، الاۋىزدىقتاردى سىندارلى پوزيتسيامەن مەڭگەرىپ، سەرىكتەستىك قارىم - قاتىناسىنىڭ ءمانىن ۇزدىكسىز مولىقتىرۋى كەرەك.
ەكىنشى، جۇڭگو مەن گەرمانيانىڭ سەلبەستىگى ناقتى، اشىق، بۇل ەكى جاقتى قارىم - قاتىناستا تاباندى بولۋعا ءتيىستى ەڭ ماڭىزدى ەرەكشەلىك. وتكەن 50 جىلدا جۇڭگو مەن گەرمانيانىڭ ساۋدا سوماسى 870 ەسە ارتتى. ەكى جاق وڭايلىقشا كەلمەگەن سەلبەستىك جەتىستىگىن قاستەرلەپ، بازار، كاپيتال، تەحنيكا باسىمدىقتارى ارقىلى ءوزارا تولىقتاۋدى كۇشەيتىپ، اۆتوكولىك، ماشينا، حيميا ونەركاسىبى سياقتى ءداستۇرلى سالالارداعى سەلبەستىكتى زورايتىپ، قىزمەت وتەۋ ساۋداسى، زەردەلى جاساۋ، سيفرلاندىرۋ سياقتى سالالارداعى سەلبەستىك كومەسكى كۇشىن اشۋى ءتيىس. جۇڭگو جاق جۇڭگودا قارجى قوسقان گەرمانيا كاسىپورىندارىنا بىردەي مامىلە جاسايدى، گەرمانيا جاقتىڭ جۇڭگو كاسىپورىندارىنىڭ گەرمانيادا قارجى قوسۋىنا ءادىل، جاريا، كەمسىتپەيتىن شارۋاشىلىق - ساۋدا ورتاسىن ازىرلەۋىن ءۇمىت ەتەدى.
ءۇشىنشى، جۇڭگو - ەۆروپا قارىم - قاتىناسىن اقاۋسىز، ورنىقتى دامۋعا باستاۋ − جۇڭگو مەن گەرمانيا ەكى جاق بىرگە قۇلشىنۋعا ءتيىستى بەتالىس. جۇڭگو جاق ەۆروپا وداعىنىڭ ستراتەگيالىق دەربەستىگىن قولدايدى، ەۆروپا جاقتىڭ جۇڭگو مەن ەۆروپانىڭ ءوزارا ستراتەگيالىق سەرىكتەس ساناۋ سىندى نەگىزگى ورنىنا تاباندى بولىپ، ءوزارا قۇرمەت ەتۋگە، ءوزارا سيىسىمدى بولۋعا، ناقتى سەلبەستىك جاساسۋعا، ءوزارا تيىمدىلىك جەتكىزىپ، بىرگە يگىلىككە كەنەلۋگە تاباندى بولۋىن، جۇڭگو - ەۆروپا قارىم - قاتىناسىنىڭ ءۇشىنشى جاققا باعىتتالماۋىنا، باعىنىشتى بولماۋىنا، تەجەۋىنە دە ۇشىراماۋىنا تاباندى بولۋىن ءۇمىت ەتەدى. گەرمانيا جاقتىڭ بەلسەندى رولىن ۇزدىكسىز ساۋلەلەندىرىپ، جۇڭگو جاقپەن بىرگە جۇڭگو − ەۆروپا قارىم - قاتىناسىنىڭ ورنىقتى قاداممەن الىسقا جەتۋىن ىلگەرىلەتۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: جۇڭگو جاق گەرمانيا جاقپەن بىرگە ىندەتتەن كەيىنگى مەزگىلدەگى ەكونوميكانىڭ قالپىنا كەلۋىنىڭ دارمەنسىزدەنۋى، كليمات وزگەرىسى، استىق داعدارىسى، ەنەرگيا داعدارىسى سياقتى الەمدىك سايىستارعا توتەپ بەرۋ جاعىندا اناعۇرلىم كەڭ كولەمدى، ىشكەرىلەي سەلبەستىك ورىستەتۋدى قالايدى.
شتاينمەير مىنالاردى ءبىلدىردى: جىل سوڭىنا تاياعاندا ءتوراعا شي جينپيڭمەن تەلەفوندا سويلەسكەندىگىمە قاتتى قۋانىشتامىن، 4 جىلدىڭ الدىندا جۇڭگوعا ساپارلاي بارعانداعى كورىنىس كۇنى بۇگىنگە دەيىن ءالى ەسىمدە. بيىل حالىقارالىق جاعداي ايرىقشا وزگەشە الماعايىپ وزگەرىستى باستان كەشىردى ءارى ءدال گەرمانيا مەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىنا تۋرا كەلىپ وتىر. 50 جىلدان بەرى گەرمانيا - جۇڭگو قارىم - قاتىناسى كۇن سايىن قويۋلاپ، مازمۇنى مەن كولەمى باي دا جان - جاقتى بولىپ، سەلبەستىك جەتىستىكتەرى ەرەكشە مولايىپ، ەكى جاقتىڭ حالقىنا قۇت - ىرىس اكەلدى. گەرمانيا جاق ءبىر جۇڭگو ساياساتىن تاباندىلىقپەن اتقارادى. گەرمانيا جاق جۇڭگو جاقپەن بىرگە وتكەندى مۇقيات ەسكە ءتۇسىرىپ، قورىتىندىلاپ، بولاشاقتى جوسپارلاپ، وعان كوز جىبەرىپ، ءبىر - بىرىنە قۇرمەت ەتۋ، اشىق تا سيىسىمدى بولۋ رۋحى بويىنشا، گەرمانيا - جۇڭگو قارىم - قاتىناسىنىڭ ونان ارى دامۋىن ۇزدىكسىز ىلگەرىلەتۋدى قالايدى. مەن كەلەشەكتەگى گەرمانيا − جۇڭگو قارىم - قاتىناسىنىڭ نۇرلى بولاشاعىنا تولىق سەنىمدىمىن. گەرمانيا جاق جۇڭگو جاقپەن بارىس - كەلىستى، بايلانىستى كۇشەيتىپ، لايىقتى ۋاقىتتا جاڭا كەزەكتى ەكى ەل ۇكىمەتى كەڭەسىن وتكىزىپ، ءارقايسى سالالارداعى ناقتى سەلبەستىكتى تەرەڭدەتىپ، وڭىرلىك قولامتالى ماسەلەلەر جونىندە ءجيى كەڭەسۋدى، سايكەسۋدى ساقتاپ، ورگانيزمدەردىڭ الۋان تۇرلىلىگىن قورعاۋ، ەنەرگيا داعدارىسى، استىق داعدارىسى، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قورعاۋ، دۇنيە ءجۇزى ەكونوميكاسىنىڭ قالپىنا كەلۋىن، ارتۋىن جەبەۋ سياقتى ورتاق سايىستارعا اناعۇرلىم ويداعىداي توتەپ بەرۋدى قالايدى. گەرمانيا جاق جۇڭگو جاقتىڭ «ورگانيزمدەردىڭ الۋان تۇرلىلىگى شارتىنىڭ» 15 - رەتكى شارت جاساسۋشى جاقتار جينالىسىنىڭ تابىستى بولۋىنا قوسقان ماڭىزدى ۇلەسىن القايدى، سونداي - اق ەۆروپا − جۇڭگو قارىم - قاتىناسىنىڭ دامۋىن بەلسەنە جەبەۋدى قالايدى.
ەكى جاق تاعى ۋكراينا داعدارىسى جونىندە پىكىر اۋىستىردى. شي جينپيڭ بىلاي دەپ باسا دارىپتەدى: جۇڭگو جاق راقايلاستىرىپ، كەڭەسۋدى جەبەۋگە تاباندى بولادى، قۋاتتايدى، داعدارىستىڭ ۇزاققا سوزىلۋى، كۇردەلىلەنۋى ءارقايسى جاقتاردىڭ مۇددەسىنە ۇيلەسپەيدى دەپ قارايدى. جۇڭگو جاق ەۆروپا جاقتىڭ ستراتەگيالىق دەربەستىگىن ايگىلەپ، بىركەلكى، ءونىمدى، باياندى بولعان ەۆروپا حاۋىپسىزدىگى جۇلگەسىن قۇرۋعا باستاپ، ەۆروپا قۇرلىعىنىڭ ۇزاق ۋاقىتتىق بەيبىتشىلىگى مەن باياندى تىنىشتىعىن جۇزەگە اسىرۋىن قولدايدى.
