1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك

日期:2022年10月30日
来源:新疆日报
【字体:

شي جينپيڭ شانشيدىڭ يان - انىندا جانە حىناننىڭ ان - ياڭىندا قىزمەت تەكسەرگەندە بىلاي دەپ باسا دارىپتەدى

  اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك

  ديڭ شۋەشياڭ قىزمەت تەكسەرۋدە بىرگە بولدى


  10 - ايدىڭ 26 - كۇنىنەن 28 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شانشي ولكەسىنىڭ يان - ان قالاسىندا، حىنان ولكەسىنىڭ ان - ياڭ قالاسىندا قىزمەت تەكسەردى. سۋرەتتە: 10 - ايدىڭ 26 - كۇنى تۇستەن كەيىن شي جينپيڭ يان - ان قالاسى انساي رايونى گاۋچياۋ قالاشىعى نانگوۋ قىستاعىنداعى الما باقتا اۋىلداستارمەن ىستىق ىقىلاسپەن اڭگىمەلەسۋدە.

  □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن


  10 - ايدىڭ 26 - كۇنىنەن 28 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شانشي ولكەسىنىڭ يان - ان قالاسىندا، حىنان ولكەسىنىڭ ان - ياڭ قالاسىندا قىزمەت تەكسەردى. سۋرەتتە: 10 - ايدىڭ 28 - كۇنى تۇستەن بۇرىن شي جينپيڭ ان - ياڭنىڭ لينجوۋ قالاسىندا حۇڭچي توعانى سۋ ايىرعىشىنىڭ اينالىم جاعدايىن باسى - قاسىندا كورۋدە.

  □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 10 - ايدىڭ 28 - كۇنى شانشي يان - اننان \ حىنان ان - ياڭنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا شانشي ولكەسىنىڭ يان - ان قالاسىندا، حىنان ولكەسىنىڭ ان - ياڭ قالاسىندا قىزمەت تەكسەرگەندە بىلاي دەپ باسا دارىپتەدى: جاپپاي سوتسياليستىك وسىزاماندانعان مەملەكەت قۇرۋدىڭ ەڭ جاپالى، ەڭ اۋىر مىندەتى ءالى دە اۋىل - قىستاقتا. پارتيا 20 - قۇرىلتايىنىڭ رۋحىن جاپپاي ۇيرەنىپ، دايەكتىلەندىرىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، يان - ان رۋحىن جانە حۇڭچي توعانى رۋحىن ساۋلەلەندىرىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جۇزەگە اسىرۋ جولىندا قاجىماي - تالماي كۇرەس جۇرگىزۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ديڭ شۋەشياڭ قىزمەت تەكسەرۋدە بىرگە بولدى.

  10 - ايدىڭ 26 - كۇنىنەن 28 - كۇنىنە دەيىن شي جينپيڭ جەكە - جەكە جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، شانشي ولكەلىك پارتكومنىڭ شۋجيى ليۋ گوجۇڭ مەن ولكە باستىعى جاۋ يدىنىڭ، حىنان ولكەلىك پارتكومنىڭ شۋجيى لوۋ ياڭشىڭ مەن ولكە باستىعى ۋاڭ كايدىڭ سەرىك بولۋىندا، شانشيدىڭ يان - ان قالاسىنىڭ جانە حىناننىڭ ان - ياڭ قالاسىنىڭ اۋىل - قىستاق، مەكتەپ، قىزىل تاربيە بازاسى، مادەني ەسكەرتكىشتەردى قورعاۋ ورىندارى سياقتىلاردى ىشكەرىلەي ارالاپ تەكسەرۋ - زەرتتەۋ جۇرگىزدى.

  يان - ان توڭكەرىستىك بايىرعى رايون، كەزىندە اۋىر كەدەي ءوڭىر بولاتىن. شي جينپيڭ شانبەيدەگى اۋىلداستاردى ەشقاشان ەسىنەن شىعارمادى. 2015 - جىلى 2 - ايدا شي جينپيڭ يان - اندا شانشي - گانسۋ - نيڭشيا توڭكەرىستىك بايىرعى رايونداردىڭ كەدەيلىكتەن ارىلىپ، بايۋى جونىندەگى اڭگىمە ءماجىلىستى باسقارىپ اشتى ءارى ماڭىزدى ءسوز سويلەپ، جەرگىلىكتى ورىننىڭ كەدەيلىكتەن ارىلتۋدان قامال الۋدى ىلگەرىلەتۋىنە ايقىن بەتالىس كورسەتتى. پارتيانىڭ 20 - قۇرىلتايى جابىلعاننان كەيىن، شي جينپيڭ العاش رەتكى سىرتقا شىعىپ قىزمەت تەكسەرۋدە يان - انعا كەلىپ، اۋىلداستاردىڭ كەدەيلىكتەن ارىلعاننان كەيىنگى تۇرمىسىنىڭ قالاي ەكەندىگىن، تاعى قانداي قيىنشىلىقتارى بار ەكەندىگىن، اۋىل - قىستاقتى گۇلدەندىرۋ جۇمىسىنىڭ قالاي ىستەلىپ جاتقاندىعىن ۇعىستى.

  10 - ايدىڭ 26 - كۇنى تۇستەن كەيىن شي جينپيڭ پويەزدەن تۇسە سالا اۆتوكولىككە وتىرىپ يان - ان قالاسى انساي رايونى گاۋچياۋ قالاشىعى نانگوۋ قىستاعىنا اتتاندى. ءدال قوڭىر كۇز كەزى، تاۋداعى الما باقتارىندا جەمىستەر ماۋەلەپ، مول ءونىم لەبى ەسەدى. شي جينپيڭ جەمىس باعىنا كىرىپ، سول ارادا جەمىس ءۇزىپ جاتقان باعبانداردان بيىلعى المانىڭ ءتۇسىمىن ۇعىسىپ، اۋىلداستارمەن ىستىق ىقىلاسپەن اڭگىمەلەستى ءارى قىپ - قىزىل ءبىر ۇلكەن المانى ءۇزدى. شي جينپيڭ الما ەگىمشىلىگى تەحنيكاسى، ءۇزۋ ءادىسى، سورت ساپاسى، ساتىلۋ باعاسى، قىستاق تۇرعىندارىنىڭ كىرىسى، سونداي - اق الما ەگىمشىلىگى مەن باسقا دا كاسىپ سالاسىن قالاي دامىتۋ سياقتىلاردى تاپتەشتەي سۇرادى، اۋىلداستار ءبىر - بىرلەپ جاۋاپ بەردى. شي جينپيڭ سۋارۋ جانە سۋدان پايدالانۋ ماسەلەسىنە ەرەكشە كوڭىل ءبولدى، اۋىلداستار باس شۋجيگە وزدەرىنىڭ توسپا جاساۋ، تامشىلاتىپ سۋارۋ جانە ەگجەي - تەگجەيلى باپتاۋ ارقىلى سۋدان پايدالانۋ جانە سۋارۋ ماسەلەسىن ءونىمدى شەشكەندىكتەرىن ايتتى. شي جينپيڭ القاپ: اۋىل شارۋاشىلىعىن وسىزامانداندىرۋ دەگەنىمىز مىنە وسى، سىزدەر كاسىپ سالاسىنىڭ لايىقتى دامۋ بەتالىسىن تاۋىپسىزدار، - دەدى.

  قىستاقتاعى الما جۋۋ - ىلعاۋ سەحىندا، شي جينپيڭ جەرگىلىكتى ورىننىڭ الما كاسىپ سالاسىنىڭ دامۋ جاعدايىن تىڭدادى ءارى ىرىكتەۋ - جاشىككە سالۋ ءوندىرىس جەلىسىن كوردى. سول اراعا جەرگىلىكتى ورىننىڭ ەككەن ءتۇرلى المالارى مەن جىنتىكتەي وڭدەلگەن ونىمدەرى قويىلىپتى، شي جينپيڭ اسا قىزىعۋشىلىقپەن ءبىر - بىردەن قاداعالاي قاراپ، تانىستىرۋدى دەن قويا تىڭداپ، جەرگىلىكتى ورىننىڭ وسى زامانعى اۋىل شارۋاشىلىعى مەن اۋىل - قىستاق ساياحاتىن دامىتۋ، كوللەكتيۆ ەكونوميكانى جەتىلدىرۋ، زورايتۋ، اۋىلداستاردى كىرىستەرىن ارتتىرىپ، بايۋعا باستاۋ ءادىسىن تۇراقتاندىردى.

  سەحتىڭ سىرتىندا اۋىلداستار ءبىر اراعا جينالىپ، اسقاق داۋىسپەن باس شۋجيگە امانداستى. شي جينپيڭ اۋىلداستارمەن اڭگىمە دۇكەنىن قۇرىپ، سول جىلداردا ءوزىنىڭ شانبەيدە زيالى جاس بولعان شاقتارىن ەسكە الدى. شي جينپيڭ اۋىلداستارعا بىلاي دەدى: مەن شانبەيدە 7 جىل تۇرمىس كەشىردىم، سول جىلدارى اۋىلداستاردىڭ تۇرمىسىنىڭ وتە جاپالى ەكەندىگىن كورگەنىمدە، كوپشىلىكتىڭ تۇرمىسىن قايتكەندە جاقسارتۋعا بولادى دەگەندى ىشتەي ويلايتىنمىن. وسى رەت يان - انعا كەلىپ، جەمىس ماۋەلەگەن مول ءونىم كورىنىسىن كوردىم، قاتىناس شارت - جاعدايى بارىنشا جاقسارىپتى، كەرەمەت وزگەرىستەر تۋىلىپتى. بۇرىندارى شانبەيدەگى اۋىلداستار ساتىلى اتىز جاساپ، ەگىن ەگىپ، اتىزدا ۇنەمى بەتىن شاڭ قاۋىپ، ارقاسىن كۇن شالىپ، ەسكى تەسەلەرىن سىلتەپ جۇمىس ىستەپ، كوپ ەكسە دە ءتۇسىمى ماردىمسىز بولىپ، ەرەكشە بەينەت شەگەتىن، بۇگىنگى تاڭدا بەتكەيدەگى ەگىستىك جەردى ورمانعا قايتارىپ الما ەگىپ، اۋىلداستاردىڭ جۇمىسى، تۇراقتى كىرىسى بار بولدى، بالالار جاقسى وقۋ - اعارتۋدان يگىلىكتەندى، قارتتاردىڭ بارىندە ەمدەۋ قامسىزداندىرۋى بار بولدى، تۇرمىس بارعان سايىن جاقساردى. شانبەيدەگى وزگەرىستەردەن جۇڭگونىڭ وزگەرىسىن كورۋگە بولادى. شي جينپيڭ بىلاي دەپ اتاپ كورسەتتى: قازىر ”قوس 100 جىلدىق“ كۇرەس نىساناسىنىڭ ءبىرىنشى 100 جىلدىق نىساناسى جۇزەگە اسىپ، مۇلدەم كەدەيلىك ماسەلەسى شەشىلىپ، اۋىلداستار تاماشا تۇرمىسقا كەنەلدى، الايدا تاعى دا ۇزدىكسىز قۇلشىنىپ العا ۇمتىلىپ، بارعان سايىن تاماشا تۇرمىسقا كەنەلۋ كەرەك. شانبەيدىڭ كىليمات، جارىقتىڭ ءتۇسۋى، ەندىك، تەڭىز دەڭگەيىنەن بيىكتىگى سياقتىلارى الما ەگىمشىلىگىن دامىتۋعا ەرەكشە ۇيلەسەدى، وعان تامشىلاتىپ سۋارۋ، الاسارتىپ ەگۋ تەحنيكاسى، جەمىس ىلعاۋ ءوندىرىس جەلىسى سياقتىلاردىڭ ۇزدىكسىز دامۋىن، سول جەردىڭ وزىندە ساتىپ، ساتۋ جولىنان قام جەمەۋدى قوساتىن بولساق، الما ەگىمشىلىگىن بار كۇشپەن دامىتۋدىڭ ورايلى ءساتى، جەرى شۇرايلى، ەلى تىنىستى دەۋگە بولادى، بۇل ەڭ تاماشا، ەڭ لايىقتى كاسىپ سالاسى، بولاشاعى زور. شي جينپيڭ بىلاي دەپ باسا دارىپتەدى: جۇڭگو كوممۋنيستىك پارتياسى حالىقتىڭ پارتياسى، حالىق ءۇشىن قىزمەت ىستەيتىن پارتيا، كوممۋنيستىك پارتيانىڭ بيلىك جۇرگىزۋى بۇقارا ءۇشىن ءىس ءبىتىرۋ، بۇقارانىڭ ءىسىن ويداعىداي ءبىتىرۋ ءۇشىن. قۇر ءسوز ەلدى توزدىرادى، ىسكەرلىك ەلدى وزدىرادى. پارتيا 20 - قۇرىلتايىنىڭ رۋحىن مۇقيات ۇيرەنىپ، دايەكتىلەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتىپ، حالىقتى بايىتۋ ساياساتىن ءبىر - بىرلەپ ويداعىداي تياناقتاندىرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەل ىلگەرىلەتىپ، اۋىلداستاردىڭ تۇرمىسىن بارعان سايىن جاقسارتا ءتۇسۋ كەرەك. اۋىلداستار شاتىرلاتا شاپالاق سوقتى.

  وسىدان كەيىن، شي جينپيڭ يان - ان ورتا مەكتەبى زاۋيۋان مەكتەپ اۋماعىنا كەلدى. يان - ان ورتا مەكتەبى جۇڭگو كوممۋنيستىك پارتياسى قۇرعان العاشقى ورتا مەكتەپ، اعا بۋىن توڭكەرىسشىلەردىڭ، پەداگوگتاردىڭ، پارتيا مەن مەملەكەتتىڭ باسشى جولداستارىنىڭ ىقىلاستى قامقورلىعى مەن دەن قويا باۋلۋىنىڭ ارقاسىندا تولىسقان، داڭقتى تاريحقا جانە تاڭداۋلى توڭكەرىستىك داستۇرگە يە، توڭكەرىستىك بايىرعى رايوندارعا قىرۋار دارىندىلاردى تاربيەلەگەن. شي جينپيڭ مەكتەپتىڭ وقۋ - اعارتۋ تاريحى سارايىنا كىرىپ، مەكتەپتىڭ جالپى تۇلعالىق مەكتەپ باسقارۋ جاعدايىن ۇعىستى. شي جينپيڭ يان - ان ورتا مەكتەبىنەن يان - ان رۋحىمەن ءبىلىم بەرىپ، ادام تاربيەلەۋگە تاباندى بولىپ، وقۋ - اعارتۋدى حالىق رازى بولاتىنداي جاقسى باسقارىپ، توڭكەرىستىك ءداستۇردى اسقاقتاتىپ، ءداۋىر جاڭا ادامدارىن تاربيەلەۋدى ءۇمىت ەتتى.

  وقۋشىلار اسحاناسىندا، ءتۇرلى - ءتۇستى ءدامدى تاعامدار تولىق دايىندالعان. شي جينپيڭ تاپتەشتەي كورىپ، اسپازداردان تاماقتىڭ باعاسى مەن ءدامىن ۇعىسىپ، ولارعا ساپاعا شىنايى كەپىلدىك ەتىپ، تازالىققا ءمان بەرىپ، وقۋشىلاردىڭ تاماقتى الاڭسىز، جايلى جەۋىنە مۇمكىندىك جاساۋدى تابىستادى.

  وقىتۋ عيماراتىندا، وقۋشىلار ساباق وقىپ جاتقان - دى. شي جينپيڭ تولىق ورتا 1 - جىلدىق (2) كلاسىنا كىرىپ، وقىتۋشى - وقۋشىلارمەن ىقىلاسپەن اڭگىمەلەسىپ، وقۋشىلاردان قانداي مۇراتى بار ەكەندىگىن، ەسەيگەندە نە ىستەگىسى كەلەتىندىگىن سۇرادى. ءبىر وقۋشى بولاشاقتا لي شىجىن سياقتى شيپاگەر بولعىسى كەلەتىندىگىن، تاعى ءبىر وقۋشى داشۋەنىڭ ءدارى - دارمەك كاسىبىندە وقىعىسى كەلەتىندىگىن، ەندى ءبىر وقۋشى شەتەل ءتىلىن ۇيرەنىپ، بولاشاقتا ديپلوماتيا اۋدارماشىسى بولعىسى كەلەتىندىگىن ايتتى. شي جينپيڭ تىڭداپ قاباعات قۋانىپ، ولاردىڭ ءومىر نىساناسى ايقىن، مۇراتى اسقاق ەكەندىگىن القادى. ول وقۋشىلاردى كىشكەنتايىنان باستاپ ۇلى مۇرات ورناتىپ، سوتسياليزمنىڭ قۇرىلىسشىلارى مەن ءىزباسارلارى بولۋدى ماقسات تۇتىپ، قىزىل گەننىڭ ۇرپاقتان - ۇرپاققا جالعاسۋىنا شىنايى كەپىلدىك ەتۋگە ىنتالاندىردى.

  مەكتەپتەن اتتانار كەزدە ءتۇن پەردەسىن جامىلدى. وقۋشىلار كلاستان شىعىپ، باس شۋجيدى شاپالاق سوعىپ اتتاندىرىپ سالدى. شي جينپيڭ كوپشىلىككە قول بۇلعاپ قۇرمەت ءبىلدىردى.

  10 - ايدىڭ 28 - كۇنى تۇستەن بۇرىن، شي جينپيڭ حىنان ان - ياڭ لينجوۋ قالاسى حۇڭچي توعانى ەسكەرتكىش سارايىنا كەلدى. وتكەن عاسىردىڭ 60 - جىلدارى، جەرگىلىكتى حالىق تابيعاتقا تابىنىپ جاڭبىر كۇتەتىن سۇركەيلى تىرشىلىك ورتاسىن وزگەرتۋ ءۇشىن، پارتيا مەن ۇكىمەتتىڭ قولداۋىندا، تايحاڭشان تاۋى قاپتالىنان جوجاڭ وزەنىنىڭ سۋىن لينشيان اۋدانىنا باستاۋ سۋ يگىلىگى قۇرىلىسىن سالعان، ول ”جاساندى قۇس جولى“ دەپ اتالعان. شي جينپيڭ كورمە سارايىنا كىرىپ، ”مىڭ جىلدىق قۋاڭشىلىق اپاتى، ۇرپاقتان - ۇرپاققا جالعاسقان كۇرەس“، ”قىزىل تۋدىڭ جەتەكشىلىگىندە كەرەمەت جاراتۋ“، ”قاھارمان حالىق، تايحاڭداعى وشپەس ەسكەرتكىش“، ”ەلدە زور وزگەرىس بولىپ، ارمان جۇزەگە استى“، ”بۇرىنعىعا مۇراگەرلىك ەتىپ، بولاشاققا جول اشۋ، رۋح ماڭگىلىك“ سياقتى كورمە مازمۇندارىن رەتى بويىنشا كوردى. شي جينپيڭ بىلاي دەپ اتاپ كورسەتتى: حۇڭچي توعانىنىڭ ءوزى ەسكەرتكىش، ول لينشياندىقتاردىڭ تاعدىرعا ءتان بەرمەيتىن، جەڭىلىسكە مويىنسال بولمايتىن، تابيعاتپەن باتىلدىقپەن سايىساتىن قاھارماندىق جىگەرىن ەستەلىككە العان. حۇڭچي توعانى رۋحىمەن حالىقتى، اسىرەسە، قالىڭ جاستار مەن وسپىرىمدەردى تاربيەلەۋ كەرەك، سوتسياليزم سايىسۋمەن كەلگەن، ىستەۋمەن كەلگەن، قۇرباندىق بەرۋمەن كەلگەن، بۇرىندارى وسىلاي عانا ەمەس، جاڭا داۋىردە دە وسىلاي بولادى. اعا بۋىندار جان قيارلىقپەن ىستەمەگەن بولسا، ولار ىستىق قانىن، اۋەلى، ءومىرىن ارناماعان بولسا، بۇگىنگى باقىتتى تۇرمىس بولماس ەدى، ءبىز ولاردى ماڭگى ەستە ساقتاۋىمىز كەرەك. بۇگىنگى تاڭدا ماتەريالدىق تۇرمىس بارىنشا جاقساردى، الايدا يۇيگۇڭنىڭ تاۋ كوشىرۋ، قاجىرلىلىقپەن كۇرەس جاساۋ رۋحىن وزگەرتۋگە بولمايدى. حۇڭچي توعانىنىڭ تاربيەلىك ءمانى وتە زور، كوپشىلىك كەلىپ كورۋگە ءتيىستى. وسىدان سوڭ، شي جينپيڭ حۇڭچي توعانى سۋ ايىرعىشىنىڭ اينالىم جاعدايىن سول جەردىڭ وزىندە كورىپ، سۋ ايىرعىشتىڭ سۋ رەتتەۋ، سۋارۋ، ەكولوگيالىق ورتانى جاقسارتۋ سياقتى جاقتارداعى ماڭىزدى رولىن تاپتەشتەي ۇعىستى.

  حۇڭچي توعانىن سالۋ بارىسىندا 300 جاستان ۇيىمداسقان ەكپىندىلەر اترەتى ءبىر جىل 5 اي ەرلىكپەن شايقاسۋ ارقىلى جەر ءتۇزىلىسى قيىن، تاستاقتى، قاتتى قۇلاما جارتاستى قاشاپ اشقان، بۇل سۋ جەتكىزۋ تۋنەلى جاستار تۋنەلى دەپ اتالعان. شي جينپيڭ باسپالداقپەن ورلەپ شىعىپ، جاستار تۋنەلىنە كەلىپ، جالعىز اياق جولدى بويلاي حۇڭچي توعانىن كوردى. شي جينپيڭ بىلاي دەپ باسا دارىپتەدى: حۇڭچي توعانى رۋحى يان - ان رۋحىمەن تامىرلاس، جۇڭحۋا ۇلتىنىڭ وشپەس تاريحي ەستەمەسى، ادام كوڭىلىن ماڭگى جەلپىندىرەدى. جاس ۇرپاقتار جاپاعا شىدامدى بولۋ، ءوز كۇشىنە سۇيەنىپ ءومىر ءسۇرۋ، قاجىرلىلىقپەن كۇرەس جاساۋ رۋحىنا مۇراگەرلىك ەتىپ جانە ونى ساۋلەلەندىرىپ، داندايسۋشىلىق پەن ەركەلىكتى تاستاپ، ءبىزدىڭ اعا بۋىندارىمىز سياقتى جاستىق جالىندارىن تاريحتىڭ وشپەس ەسكەرتكىشىنە ورنەكتەۋ كەرەك. ەكىنشى 100 جىلدىق كۇرەس نىساناسىن جۇزەگە اسىرۋ، اتاپ ايتقاندا، ءبىر - ەكى ۇرپاقتىڭ ءىسى، ءبىز ءدال وسى شاققا تۋرا كەلدىك، ءۇمىتتى اقتاپ، ءبىز وسى ۇرپاقتىڭ ۇلەسىن قوسۋىمىز كەرەك. حۇڭچي توعانى رۋحى ماڭگى ساقتالادى!

  10 - ايدىڭ 28 - كۇنى تۇستەن كەيىن شي جينپيڭ ان - ياڭ قالاسىنىڭ باتىس سولتۇستىك شەتىندەگى حۋانحى وزەنىنىڭ وڭتۇستىك، سولتۇستىك ەكى جاعالاۋىنا ورنالاسقان يىنشۇي ەسكى جۇرتىندا قىزمەت تەكسەردى. يىنشۇي ەلىمىز تاريحىنداعى تۇڭعىش جازبا دەرەكپەن انىقتاۋعا بولاتىن، ارحەولوگيالىق قازبالار دالەلدەگەن شاڭ ءداۋىرىنىڭ سوڭعى مەزگىلىندەگى قالا ەسكى جۇرتى. شي جينپيڭ يىنشۇي مۇراجايىنا كىرىپ، قولا جابدىقتار، قاس تاسى بۇيىمدارى، ساۋىت - سۇيەك جازۋى سياقتى قازىپ الىنعان مادەني ەسكەرتكىشتەردى زەر سالا كوردى. وسىدان كەيىن شي جينپيڭ اربالار مەن اتتار شۇڭقىرى كورمە زالىنا كەلىپ، شاڭ داۋىرىندەگى كولىك اربالارىنىڭ ناقتى زات ۇلگىسىن جانە جول سوراپتارىن كوردى. ول بىلاي دەپ اتاپ كورسەتتى: يىنشۇيدان قازىپ الىنعان ساۋىت - سۇيەك جازۋى ءبىزدىڭ 3000 جىلدىڭ الدىنداعى جازۋىمىزدى ساقتاپ قالدى، جۇڭگونىڭ ناقتى تاريحىن شامامەن 1000 جىل العا ىلگەرىلەتتى. يىنشۇيدى كورۋدى مەن ۇزاقتان بەرى اڭساپ كەلگەنمىن، بۇل جولى كەلۋىم جۇڭحۋا وركەنيەتىن اناعۇرلىم تەرەڭدەي ۇيرەنىپ، ءتۇسىنىپ، ەرتەدەگىنى بۇگىنگىنىڭ كادەسىنە جاراتىپ، جۇڭحۋا ۇلتىنىڭ وسى زامانعى وركەنيەتىن اناعۇرلىم ويداعىداي قۇرۋعا ۇلگى ازىرلەۋ. جۇڭگونىڭ حانزۋ جازۋى ەرەكشە كەرەمەت، جۇڭحۋا ۇلتىنىڭ قالىپتاسۋى مەن دامۋى حانزۋ جازۋىن جالعاستىرۋدان قول ۇزە المايدى. بۇل جاعىندا ارحەولوگيا ىستەرىنىڭ ەڭبەگى زور. ارحەولوگيا قىزمەتى ۇزدىكسىز ءمان بەرىپ جانە كۇشەيتىپ، جۇڭحۋا وركەنيەتىنىڭ قاينارىن قاراستىرۋ ينجەنەرياسىن ۇزدىكسىز تەرەڭدەتۋ كەرەك. جۇڭحۋا وركەنيەتىنىڭ تاريحى ارىدان باستالىپ، ەجەلدەن ءۇزىلىس جاساماي، ءبىزدىڭ ۇلى ۇلتىمىزدى سومدادى، بۇل ۇلت تاعى ۇلى بولا بەرەدى. مادەني ەسكەرتكىشتەردى قازۋ، زەرتتەۋ، قورعاۋ قىزمەتى ارقىلى تاڭداۋلى ءداستۇرلى مادەنيەتتى اناعۇرلىم ويداعىداي جالعاستىرۋ كەرەك. شي جينپيڭ بىلاي دەپ باسا دارىپتەدى: جۇڭحۋانىڭ تاڭداۋلى ءداستۇرلى مادەنيەتى پارتيامىزدىڭ جاسامپاز نازارياسىنىڭ ”تامىرى“، ءبىزدىڭ ماركسيزمنىڭ جۇڭگوشالانۋىن، زامانالانۋىن ىلگەرىلەتۋىمىزدىڭ ءتۇبىرلى جولى ”ەكىنى ۇشتاستىرۋ“. ءبىز مادەنيەت سەنىمىن بەكەمدەپ، جۇڭگولىق بولۋ سەنىمىمىز بەن ماقتانىش سەزىمىمىزدى كۇشەيتۋىمىز كەرەك.

  چىن شي جانە ورتالىقتىڭ قاتىستى تاراۋلارىنداعى جاۋاپتى جولداستار سەرىك بولىپ جەكە - جەكە جوعارىداعى قاتىستى قيمىلدارعا قاتىناستى.