1. اعىمداعى ورىن:
  2. باس بەت
  3. اعىم جاڭالىقتارى
  4. باس حابار
  5. زاڭ - ەرەجە

جۇڭگو كوممۋنيستىك پارتياسىنىڭ مەملەكەتتىك 20 - قۇرىلتايىنا قاتىناساتىن ۋاكىلدەر تۇگەل سايلانىپ شىقتى

日期:2022年09月26日
来源:新疆日报
【字体:

  شينحۋا اگەنتتىگىنىڭ 9 - ايدىڭ 25 - كۇنى بەيجيڭنەن بەرگەن حابارى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا 20 - قۇرىلتايىنىڭ ۋاكىلدەرىن سايلاۋ قىزمەتى ءساتتى اياقتادى. بۇكىل ەلدەگى ءارقايسى سايلاۋ ورىندارى جەكە - جەكە پارتيا قۇرىلتايىن نەمەسە پارتيا ۋاكىلدەرى ءماجىلىسىن اشىپ، پارتيا 20 - قۇرىلتايىنا قاتىناساتىن 2296 ۋاكىلدى سايلاپ شىقتى.

  پارتيا 20 - قۇرىلتايىنىڭ ۋاكىلدەرى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ۋستاۆىن ءتۇبىرلى بويسۇنۋ ولشەمى ەتۋگە تاباندى بولىپ، پارتيانىڭ سيپاتىنا، نەگىزگى ماقساتىنا تاباندى بولىپ، پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، پارتيا ىشىندەگى دەموكراتيانى تولىق ساۋلەلەندىرىپ، پارتيا ورتالىق كوميتەتىنىڭ ۋاكىلدەردى سايلاۋ قىزمەتىن ويداعىداي ىستەۋ جونىندەگى تالاپتارىنا قاتاڭ نەگىزدەلىپ، تومەننەن جوعارىعا كورسەتۋ، جوعارى مەن تومەن ۇشتاسۋ، قايتا - قايتا اقىلداسۋ، دارەجە بويىنشا سارالاپ تاڭداۋ ءادىسىن قولدانىپ سايلانعان.

  سايلانعان ۋاكىلدەر جالپى جاقتان پارتيا ورتالىق كوميتەتى بەلگىلەگەن شارتقا ۇيلەسەدى، ءبىرشاما جوعارى يدەيالىق ساياسي ساپاعا، تاماشا ستيلگە، مىنەز - قۇلىققا جانە ىستەردى كەڭەسۋدە ءبىرشاما كۇشتى قابىلەتكە يە، ءوز قىزمەت ورىندارىندا كورنەكتى ناتيجەگە قول جەتكىزگەن، كوممۋنيستىك پارتيا مۇشەلەرى اراسىنداعى ۇزدىكتەر؛ ۋاكىلدەردىڭ قۇرىلىمى مەن قامتىمى ءبىرشاما ۇيلەسىمدى، قۇرىلىم سالىستىرماسى تۇگەلدەي پارتيا ورتالىق كوميتەتىنىڭ تالابىنا ۇيلەسەدى، كەڭ ۋاكىلدىك سيپاتقا يە. ولاردىڭ اراسىندا پارتيالى باسشى كادرلار بولۋمەن بىرگە، ءوندىرىس پەن قىزمەتتىڭ ءبىرىنشى شەبىندەگى پارتيا مۇشەلەرى بار، بەلگىلى سانداعى ايەل پارتيا مۇشەلەرى، از ۇلت پارتيا مۇشەلەرى بار، ەكونوميكا، عىلىم - تەحنيكا، مەملەكەت قورعانىسى، ساياسي - زاڭ، وقۋ - اعارتۋ، ۇگىت، مادەنيەت، دەنساۋلىق ساقتاۋ، دەنە تاربيە جانە قوعامدىق باسقارۋ سياقتى ءارقايسى سالاداعى ۋاكىلدەر بار.

  پارتيا 20 - قۇرىلتايىنا قاتىناساتىن ۋاكىلدەردىڭ تولىمدىلىعى كەزىندە تاعى پارتيا 20 - قۇرىلتايىنىڭ ۋاكىلدەردىڭ تولىمدىلىعىن تەكسەرۋ كوميسسياسىنىڭ تۇراقتاندىرۋىنان وتكىزىلەدى.