شينحۋا اگەنتتىگىنىڭ 7 - ايدىڭ 25 - كۇنى بەيجيڭنەن بەرگەن حابارى. 7 - ايدىڭ 25 - كۇنى مەملەكەت ءتوراعاسى شي جينپيڭ 2 - كەزەكتى جۇڭگو − افريكا بەيبىتشىلىك، حاۋىپسىزدىك تالقى مىنبەرىنە قۇتتىقتاۋ حات جولدادى.
شي جينپيڭ بىلاي دەپ باسا دارىپتەدى: جۇڭگو مەن افريكا قيىن - قىستاۋدى بىرگە وتكەرىپ، ءوزارا قارايلاسقان جاقسى دوستار، جاقسى سەرىكتەستەر، جاقسى باۋىرلاستار. قازىر دۇنيە جۇزىندە 100 جىلدا بولماعان زور وزگەرىس جاعدايى جەدەل قۇبىلىپ، جاڭا تيپتى ايدارشا ۆيرۋس وكپە قابىنۋ ىندەتى ءالى دە ءورشىپ، ءتۇرلى حاۋىپسىزدىك سىن - سايىستارى تولاسسىز تۋىلىپ، ادامزات قوعامى بۇرىن بولىپ كورمەگەن سىن - سايىسقا ءدوپ كەلۋدە. باياندى بەيبىتشىلىك پەن جالپى بەتتىك حاۋىپسىزدىكتى جۇزەگە اسىرۋ جۇڭگو مەن افريكا حالىقتارىنىڭ ورتاق تىلەگى. جۇڭگو باستان - اياق دۇرىس ۇجدان - مۇددە كوزقاراسىن جانە شىنايى، جاقىن، ادال ۇستانىم ۇستانىپ افريكامەن قارىم - قاتىناستى دامىتتى، افريكالىق دوستارمەن بىرگە، ورتاق، كەشەندى، سەلبەسەتىن، باياندى حاۋىپسىزدىك كوزقاراسىنا تاباندى بولىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى قورعاپ، حالىقارانىڭ ادىلدىگىن، ادىلەتتىلىگىن قورعاپ، الەمدىك حاۋىپسىزدىك باستاماسىن تياناقتاندىرۋدى ىلگەرىلەتىپ، جاڭا داۋىردەگى جۇڭگو − افريكا تاعدىرلاس ورتاق تۇلعاسىن ورناتۋدى قالايدى.
2 - كەزەكتى جۇڭگو − افريكا بەيبىتشىلىك، حاۋىپسىزدىك تالقى مىنبەرى سول كۇنى بەينە ەكران تاسىلىندە اشىلدى، نەگىزگى تاقىرىبى ”ىنتىماقتى، ىستەستىكتى كۇشەيتىپ، ورتاق حاۋىپسىزدىكتى جۇزەگە اسىرايىق“، مەملەكەت قورعانىس مينيسترلىگى باسقارىپ وتكىزدى.
