شينحۋا اگەنتتىگىنىڭ تىلشىلەرى
تاۋ، ايباتتى دا اسقاق؛ تەڭىز، ايبىندى دا اساۋ تولقىندى.
25 جىلدىڭ الدىنداعى ءبىر رەتكى قىزمەت تەكسەرۋ دارياعا ارقاسىن سۇيەپ، تەڭىزگە بەتىن بەرگەن فۋجيان مەن تاۋدىڭ تەرەڭ قويناۋىنداعى نيڭشيانىڭ شيحايگۋىن تىعىز بايلانىستىردى.
1997 - جىلى 4 - ايدا فۋجيان ولكەلىك پارتكومنىڭ ورىنباسار شۋجيى بولىپ تۇرعان شي جينپيڭ فۋجيان ولكەلىك نيڭشياعا باعىتتامالى كومەكتەسۋ باسشىلىق گرۋپپاسىنىڭ باستىعى مىندەتىن ارقالاعانىنا ۇزاق بولماي جاتىپ شيحايگۋگە بارىپ كەدەيلەردى سۇيەمەلدەۋ قىزمەتىن تەكسەرىپ، فۋجيان مەن نيڭشيانىڭ تۋىستاسۋىنىڭ، تاۋلى ءوڭىر مەن تەڭىز جاعالاۋى رايونىنىڭ توعىسۋىنىڭ قارقىنىن جەدەلدەتتى.
شىعىس تەڭىزدىڭ جاعاسىنان باتىس سولتۇستىكتىڭ تاۋ تەكشەسىنە دەيىن شي جينپيڭنىڭ 2000 نەشە كيلومەتر قاشىقتىقتى اتتاعان ”تاۋلى ءوڭىر مەن تەڭىز جاعالاۋى رايونىنا سۇيىسپەنشىلىگى“ تەرەڭگە تامىر تارتىپ جالعاستى. 25 جىلدان بەرى شي جينپيڭنىڭ ءوزى جوسپارلاپ، ءوزى ىلگەرىلەتۋىندە فۋجيان − نيڭشيا سەلبەستىگى شىعىس - باتىس بولىكتەر سەلبەستىگىنىڭ جاڭا مەحانيزمىن اشىپ، ”قان قۇيۋدى“ ”قان جاساۋعا“ وزگەرتكەن كەدەيلەردى سۇيەمەلدەۋ جولىن تاۋىپ، كەدەيلىككە قارسى اتتانۋدىڭ، كەدەيلىكتى وڭاۋدىڭ جۇڭگوشا ەرەكشەلىككە يە تابىستى ۇلگىسىن جاراتىپ، ەكى جەر كادرلارىنىڭ، بۇقاراسىنىڭ بىرگە بايۋ جولىندا ۇزدىكسىز كۇرەس جاساۋىن جەبەدى.
قول ۇستاسا كەدەيلىكپەن شايقاستى، ”تاۋلى ءوڭىر مەن تەڭىز جاعالاۋى رايونىنا سۇيىسپەنشىلىگى“ ۋاقىت پەن كەڭىستىكتى اتتاپ ءوتتى
جاز ورتاسى، ميننيڭ قالاشىعى فۋنيڭ قىستاعى. قىستاق تۇرعىنى شيە شيڭچاڭ شانحاي اۋلاسىنداعى تىكە تاراتۋ بولمەسىندە ينتەرنەتتە تىكە تاراتىپ زات ساتۋدى جۇيەلى تۇردە ۇيرەنىپ وتىر.
بۇل اۋلادا تىكە تاراتىلىمدا ساتىلىپ جاتقان نيڭشيانىڭ ەرەكشە ونىمدەرىنەن سىرت، فۋجيان − نيڭشيا سەلبەستىگى جەتىستىكتەرى كورمە سارايى دا بار. بىلتىر 6 - ايدا تەگىن اشىلعاننان بەرى شيە شيڭچاڭ وسىندا 2000عا جۋىق ادامعا ميننيڭ قالاشىعىنىڭ دامۋ حيكايالارىن اڭگىمەلەدى.
”كەدەيلىگىمەن اتى الەمگە ايگىلى“ بولعان شيحايگۋدە وتكەن عاسىردىڭ 80 -، 90 - جىلدارىنا دەيىن ”3 كۇنگە دەيىن وشاقتا وت جانبايتىن، 10 جىلعا دەيىن جاڭا كيىم تىگىپ كيمەيتىن“ جاعداي جەرگىلىكتى بۇقارانىڭ تۇرمىسىنداعى قالىپتى جاعداي بولىپ كەلگەن بولاتىن.
1997 - جىلى 4 - ايدا شي جينپيڭ 1 - رەت شيحايگۋ تاۋلى وڭىرىنە بارىپ، ءۇرتىس نەشە كۇن بويى 5 اۋداندا تەكسەرۋ - زەرتتەۋ جۇرگىزدى. شيحايگۋلىق اۋىلداس فىڭ شيۋحۋانىڭ جەر كەپەسىنە كىرگەندە شي جينپيڭ ەرەكشە كۇيىندى، كەيىن ول ەسكە الىپ بىلاي دەدى: ”ۇيىندە تۇگى جوق دەگەننىڭ نە ەكەنىن سوندا عانا شىنداپ سەزىندىم. ۇيىندە ۇستەل - ورىندىق تا، كورپە - جاستىق تا جوق ەكەن. ۇيدەگى بىردەن - ءبىر ’مۇلكى‘ ءماتشاعا ىلىنگەن ءبىر شوكىم كەمپىرشاش قانا، وسى از عانا كەمپىرشاشتى ساتۋعا سۇيەنىپ شاي - تۇز، ماي ساتىپ الادى ەكەن“.
شيحايگۋگە تەكسەرۋ - زەرتتەۋ جۇرگىزۋ ارقىلى شي جينپيڭ باعىتتامالى كومەكتەسۋ - سۇيەمەلدەۋدى ىلگەرىلەتۋگە بەل بايلادى. يىنچۋاننىڭ قالا ماڭىندا قىزمەت تەكسەرگەندە، شي جينپيڭ شىعىس - باتىس بولىكتەر سەلبەستىك جاساپ كوشىرىلگەندەر قىستاعىن بىرگە قۇرۋ ادىسىنە ايرىقشا قىزىعۋشىلىق تانىتىپ: ”كوشىرىلەتىندەردىڭ كوشە الۋىنا، ورنىعا الۋىنا، بايي الۋىنا مۇمكىندىك جاساۋ كەرەك“ دەپ ورتاعا قويدى.
تەز ارادا شي جينپيڭ يىنچۋاننىڭ باتىس وڭتۇستىگىندەگى يۇيچۋانيىڭ اۋماعىن كوشىرىلگەندەر قىستاعىنىڭ ورنى ەتىپ ءوزى بەلگىلەدى ءارى ”ميننيڭ قىستاعى“ دەپ ات قويدى.
سول كەزدە 42 جاستاعى شيە شيڭچاڭ شيحايگۋدىڭ تاۋ قويناۋىنان ”سىتىلىپ شىعىپ“، قينالا ”شىعار جول ىزدەپ جۇرگەن“ بولاتىن. 1997 - جىلى 7 - ايدىڭ 15 - كۇنى ميننيڭ قىستاعىنىڭ ىرگەسىن قالاۋ سالتىندا شي جينپيڭنىڭ قۇتتىقتاۋ حاتىن ەستىگەن شيە شيڭچاڭ ايرىقشا قۋانىپ، شيجي اۋدانىنا قايتىپ بارىپ، تاۋ قويناۋىنداعى اۋىلداستارىن كوشۋگە جۇمىلدىرادى.
فۋجياندا قىزمەت ىستەگەن كەزىندە، شي جينپيڭ ىلگەرىندى - كەيىندى 5 رەتكى فۋجيان − نيڭشيا كەدەيلەردى باعىتتامالى سۇيەمەلدەۋ سەلبەستىگى بىرلەسكەن ماجىلىسىنە قاتىناسىپ، ءوزى تەكسەرۋ - زەرتتەۋ جۇرگىزىپ، عىلمي جوسپارلاپ، بار كۇشپەن ىلگەرىلەتىپ، ورتاعا قويعان ”باسىمدىقتار ارقىلى ءبىرىن - ءبىرى تولىقتاۋ، ءوزارا پايدا كەلتىرىپ، تيىمدىلىك جەتكىزۋ، ۇزاق ۋاقىت ىستەستىك جاساۋ، بىرگە دامۋ“ جەتەكشى پرينسيبى، سونداي - اق ”بىرلەسىپ ىلگەرىلەتۋ، جۇپ قۇراپ كومەكتەسۋ - سۇيەمەلدەۋ، كاسىپ سالاسى ارقىلى جەتەكتەۋ، ءوزارا ۇيرەنىپ، ءوزارا كومەكتەسۋ، قوعام ات سالىسۋ“ سىندى سەلبەستىك مەحانيزمى فۋجيان − نيڭشيا ىستەستىگىنىڭ مىقتى تىرەگىن ورناتتى.
ورتالىققا قىزمەتكە كەلگەننەن كەيىن، شي جينپيڭ تاعى جەكە - جەكە 2008 - جىلى، 2016 - جىلى، 2020 - جىلى 3 رەت شيحايگۋگە بارىپ جاعداي ۇعىسىپ، شيحايگۋدىڭ كەدەيلىكتەن ارىلۋى مەن دامۋىنا قىرۋار جىگەر - قايراتىن جۇمسادى.
2008 - جىلى 4 - ايدىڭ 8 - كۇنى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىڭ ورىنباسار ءتوراعاسى بولىپ تۇرعان شي جينپيڭ نيڭشيادا قىزمەت تەكسەرگەندە گۋيۋان قالاسى يۋانجوۋ رايونى شىنگوۋ قىستاعىنا بارىپ تەكسەرۋ - زەرتتەۋ جۇرگىزىپ، جەرگىلىكتى ورىندى دامۋ وي جەلىسى مەن تانىمىن ورناتىپ، قىستاق تۇرعىندارىن بايۋعا باستاۋعا شابىتتاندىردى.
بۇل ءسوز سول كەزدە شىنگوۋ قىستاعى پارتيا ياچەيكاسىنىڭ شۋجيى بولىپ تۇرعان ما جىڭگاڭعا تەرەڭ وي سالدى. وسىدان كەيىن ول قىستاق تۇرعىندارىن باستاپ اۋىل شارۋاشىلىق ماشينالارى سەلبەستىك كووپەراتيۆىن قۇرىپ، توڭىرەكتەگى اۋىل، قالاشىقتاردىڭ ەگىنجاي قۇرىلىسى ينجەنەريالارىن كوتەرمەگە الدى. 10 نەشە جىل ءوتتى، قازىر شىنگوۋ قىستاعى كورىكتى شىنگوۋ الەۋمەتتىك اۋماعىنا اينالدى. كەيىن نيڭشيانىڭ كەدەيلىكتەن ارىلتۋدان قامال الۋىندا ماڭىزدى رول اتقارعان قىستاق پارتيا ۇيىمى باستاماشىسى جانە بايۋ باستاماشىسى سىندى ”قوس باستاماشى ينجەنەرياسى“ مىنە وسىدان باستالدى.
2016 - جىلى 7 - ايدىڭ 18 - كۇنىنەن 20 - كۇنىنە دەيىن، باس شۋجي شي جينپيڭ نيڭشياعا تاعى بارىپ، ميننيڭ قالاشىعىندا قىزمەت تەكسەردى. بۇل ارا 19 جىلدىڭ الدىندا ونىڭ ءوزى ورتاعا قويعان فۋجيان مەن نيڭشيا بىرلەسىپ قۇرعان ەكولوگيالىق كوشىرۋ ءتۇيىنى بولاتىن. جاسى الپىستان اسقان شيە شيڭچاڭ باس شۋجي شي جينپيڭدى كورگەندە، باس شۋجيدىڭ قولىنان ۇستاپ تۇرىپ: ”كوممۋنيستىك پارتيانىڭ مەيىرىن 3 كۇن، 3 ءتۇن ايتسام دا تاۋىسا المايمىن“، - دەدى.
”ميننيڭ قالاشىعى داڭعىل جولدى ىزدەنە ءجۇرىپ تاپتى، ءبىز وسى قۇندى تاجىريبەنى بۇكىل ەلگە جالپىلاستىرۋىمىز كەرەك“. ميننيڭ قالاشىعىنىڭ قۋانارلىق وزگەرىستەرىن كورگەن باس شۋجي شي جينپيڭ ايرىقشا ءسۇيىندى.
2020 - جىلى 6 - ايدىڭ 8 - كۇنىنەن 10 - كۇنىنە دەيىن، باس شۋجي شي جينپيڭ نيڭشياعا 4 - رەت باردى. كەدەيلىكتەن ارىلتۋدان قامال الۋ شايقاسى اياقتار الدىندا، ول تاعى دا نيڭشيانىڭ اۋىل - قىستاقتى گۇلدەندىرۋ جاڭا جورىعىن قالاي ويداعىداي باسۋىن جوسپارلادى.
شىجىعان ىستىققا قاراماي، باس شۋجي شي جينپيڭ حۋاڭحى وزەنىنىڭ بويىنداعى كۇرىش - بالىقشىلىق كەڭىستىگى اۋىل - قىستاق ەكولوگياسىن تاماشالاۋ باقشاسىنا بارىپ، اتىز قىرىن بويلاپ كۇرىش اتىزىنىڭ ورتاسىنا بارىپ، اۋىل شارۋاشىلىق سەلبەستىك كووپەراتيۆىنىڭ شارۋالاردىڭ كىرىسىن ارتتىرىپ، بايۋعا جەتەكتەۋ جاعدايىن ۇعىستى.
”شارۋالاردىڭ جەرىن الىپ، دابىرالى ىستەگەندەي بولعانىڭمەن، ول شارۋالارمەن قاتىسسىز بولماۋى كەرەك. بىرگە بايۋ كەرەك“. باس شۋجي شي جينپيڭنىڭ ءسوزى شارۋالاردىڭ جۇرەگىن مەيىرگە بولەدى.
”باس شۋجي قاي - قاشان دا ءبىز شارۋالاردى ەستەن شىعارمايدى“! سول جەردە باس شۋجي شي جينپيڭنىڭ ءسوزىن دەن قويا تىڭداعان قىستاق تۇرعىنى سۇن يۇيجىن كوزىنە ىستىق جاس الدى، ونىڭ ءۇيىنىڭ 13 مۋ جەرى تاماشالاۋ باقشاسىنا اينالىمعا سالۋ بويىنشا بەرىلگەن، وعان قوسا ءوزى تاماشالاۋ باقشاسىندا جۇمىس ىستەپ ەڭبەكاقى الادى، تاپقانى ەگىن ەككەندەگى كىرىسىنەن 3 ەسە كوپ.
وسىدان كەيىن، حىلانشان تاۋىنىڭ ەتەگىندەگى ءجۇزىم باقشاسىندا، باس شۋجي شي جينپيڭ ءجۇزىم ەگۋ، ءجۇزىم شارابىن ساتۋ جانە قىستاق تۇرعىندارىنىڭ كىرىس جاعدايلارىن ەگجەي - تەگجەيلى ۇعىستى، ول بىلاي دەپ اتاپ كورسەتتى: ”نيڭشيا ءجۇزىم شارابى كاسىپ سالاسىن دامىتۋدى حۋاڭحى وزەنى قايراڭ اۋماعىن جونگە سالۋدى كۇشەيتۋمەن، ەكولوگيانى قالپىنا كەلتىرۋدى كۇشەيتۋمەن ۇشتاستىرىپ، تەحنيكالىق دەڭگەيدى جوعارىلاتىپ، مادەنيەت مايەگىن ارتتىرىپ، ۇگىتتەۋدى، تانىستىرۋدى كۇشەيتىپ، ءوزىنىڭ ايگىلى ماركاسىن سومداپ، ۇستەمە قۇن مەن جالپىلىق ونىمدىلىكتى جوعارىلاتۋ كەرەك“.
باس شۋجي شي جينپيڭنىڭ ءسوزى فۋجياندىق ساۋداگەر چىن دىچيگە تەرەڭ اسەر بەردى. ول ءۇرتىس 15 جىل بويى ميننيڭ قالاشىعىنىڭ يەن قايراڭدا ءجۇزىم ەگىپ، شيحايگۋدەن كوشىرىلگەن 3000 نەشە ادامدى جۇمىستاندىردى.
شىعىس - باتىس بولىكتەر ىستەستىگى مەن ءتۇيىندى كومەكتەسۋ - سۇيەمەلدەۋ كەدەيلىكتەن ارىلتۋدان قامال الۋ نىساناسىن ۋاعىندا ورىنداۋدا ماڭىزدى رول اتقاردى.
2016 - جىلى 7 - ايدىڭ 20 - كۇنى شىعىس - باتىس بولىكتەردىڭ كەدەيلەردى سۇيەمەلدەۋ ىستەستىگى اڭگىمە ماجىلىسىندە باس شۋجي شي جينپيڭ ەرەكشە وبرازدى ءبىر مىسال ايتتى: ”بۇل ليۋپانشان تاۋىنىڭ كەزىندە قىزىل ارميانىڭ ۇزاق جورىعىندا اسقان ەڭ سوڭعى بيىك تاۋ بولعانى سياقتى، بۇكىل ەلدەگى قازىرگى 50 ميلليوننان استام كەدەي حالىقتى تۇگەلدەي كەدەيلىكتەن ارىلتۋ ءبىزدىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە جەتۋىمىزدە، ءسوز جوق، اساتىن ەڭ سوڭعى بيىك تاۋ“.
جۇرت تىلەگى بىرىكسە، تايشان تاۋىن كوشىرەر. شي جينپيڭ اشقان فۋجيان − نيڭشيا تاجىريبەسىنىڭ ۇلگى كورسەتۋىندە، شىعىس بولىكتەگى دامىعان وڭىرلەردەن كەلگەن قارجى، تەحنيكا، دارىندى، ۇستانىم باتىس بولىككە تولاسسىز اعىلىپ، كەدەي وڭىرلەردىڭ ”قان جاساۋ“ قابىلەتىن جوعارىلاتۋىن جەبەپ، ءوزارا تيىمدىلىك جەتكىزىپ، تەڭ يگىلىككە كەنەلۋدى، بىرگە دامۋدى جۇزەگە اسىردى. كوپشىلىك كۇش قوسىپ كەدەيلىك تامىرىن قوپارىپ، قول ۇستاسا دوڭگەلەك داۋلەتتىلىككە ۇمتىلىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليزم ءتۇزىمىنىڭ كورنەكتى ابزالدىلىعىن تولىق ايگىلەدى.
25 جىل ءوتتى، 8000نان استام ادامى بار ميننيڭ قىستاعى 60 مىڭنان استام ادامى بار ميننيڭ قالاشىعى بولىپ تولىستى. كەزىندەگى شاڭى اسپانعا شىعىپ جاتاتىن ”قۇرعاق قايراڭ“ جاسىل اعاشى تۇڭكەلى، قۇنارلى اتىزى كەڭ - بايتاق ”التىن قايراڭعا“ اينالىپ، جىلدىق جان باسىندىق قولداعى كىرىسى 500 يۋاننان 16 مىڭ يۋانعا ارتتى.
قازىر نيڭشيا 160تان استام ميننيڭ ۇلگى كورسەتۋ قىستاعىن ىركەس - تىركەس جەتىلدىرىپ، ميننيڭ قالاشىعى، شىشى قالاشىعى، حۇي - ان قىستاعى، نانيۋان قىستاعى، تۋانجيە قىستاعى سياقتى ءبىر توپ ەكولوگيالىق كوشىرۋدەن ۇلگى كورسەتۋ قىستاق، قالاشىقتارىن سالدى.
نيڭشياداعى كادرلار مەن بۇقارا ”تاۋلى ءوڭىر مەن تەڭىز جاعالاۋى رايونىنا سۇيىسپەنشىلىگىن“ تىلگە العاندا، بارلىعى شي جينپيڭ ورتاعا قويعان فۋجيان − نيڭشيا كومەكتەسۋ - سۇيەمەلدەۋ شاراسىنىڭ ءىز اشارلىعىنا، ناقتىلىعىنا، دالمە - دالدىگىنە اسەرلەنبەيتىنى جوق − ءار جىلى كەدەيلەردى باعىتتامالى سۇيەمەلدەۋ ىستەستىگى بىرلەسكەن ءماجىلىسىن اشىپ، قالا، اۋدانداردىڭ ”تۇيىننەن تۇيىنگە“، ”ءبىردىڭ بىرگە“ بويىنشا قالا، اۋدانداردىڭ جۇپ قۇراپ كومەكتەسۋ - سۇيەمەلدەۋ مەحانيزمىن ورناتىپ، فۋجيان مەن نيڭشيا ءبىر - بىرىنە كادرلاردى مىندەت جۇكتەپ شىنىقتىرۋعا جىبەردى...
شاعىن قابات ۇيدە وتىرعان شيە شيڭچاڭنىڭ 5 پەرزەنتى تۇگەلدەي باس قۇرادى. ”سۋرەت كورمەسى مەن ءوزىمنىڭ ءتۇسىندىرۋىم ارقىلى جاس ۇرپاقتىڭ ميننيڭ قالاشىعىنىڭ وتكەنى مەن قازىرگىسىن ءتۇسىنىپ، سۋ ىشكەندە قاينارىن ۇمىتپاۋىنا مۇمكىندىك جاساسام دەيمىن“، - دەدى ول.
باسىمدىقتارىمەن ءبىرىن - ءبىرى تولىقتادى،”تاۋلى ءوڭىر مەن تەڭىز جاعالاۋى رايونىنا سۇيىسپەنشىلىگى“ جۇرت كوڭىلىن جەلپىنتتى
نيڭشيادا ءبىر توپ فۋجياندىق شىن ىقىلاسپەن ”نيڭشيا ساڭىراۋقۇلاق باستاماشىلارى“ دەپ اتالادى. مەملەكەتتىك جۇنساۋ ينجەنەرياسى تەحنيكاسىن زەرتتەۋ ورتالىعىنىڭ جەتەكشى عالىمى لين جانشي سولاردىڭ ءبىرى.
لين جانشي جۇنساۋ تەحنيكاسىن جاراتۋشى. 1997 - جىلى 4 - ايدا شي جينپيڭ لين جانشيدى اتىن اتاپ وتىرىپ ۇجىم باستاپ جانە 6 ساندىق جۇنساۋدى الىپ فۋجياننان شيحايگۋدىڭ پىڭياڭ اۋدانىنا توتە بارۋعا جىبەردى.
”1997 - جىلى 4 - ايدا يىنچۋاندا اشىلعان فۋجيان − نيڭشيا كەدەيلەردى باعىتتامالى سۇيەمەلدەۋ ىستەستىگىنىڭ 2 - رەتكى بىرلەسكەن ماجىلىسىندە، جۇنساۋ تەحنيكاسى فۋجيان − نيڭشيا كەدەيلەردى باعىتتامالى سۇيەمەلدەۋ سەلبەستىگى نىسانىنا ەنگىزىلدى. شي جينپيڭ جولداس بىرلەسكەن ءماجىلىستىڭ ەستەلىگىنە ءوزى قول قويدى“، - دەپ ەسكە الدى لين جانشي.
نيڭشيانىڭ جاراتىلىستىق ورتاسى مەن كليمات شارت - جاعدايى فۋجياننان مۇلدە وزگەشە، فۋجياننان باستاۋ العان جۇنساۋ تەحنيكاسىمەن ”ءشوپتى اعاشتىڭ ورنىنا باستىرىپ“ ازىقتىق ساڭىراۋقۇلاقتى ءوسىرۋدىڭ قيىندىعى ايتپاسا دا تۇسىنىكتى.
لين جانشي قىستاق تۇرعىندارىنا جەتەكشىلىك ەتىپ، جارتىلاي جەر استىنداعى ساڭىراۋقۇلاق قالتقىسىن سالدى، تاستاندى ەتىلگەن جەر كەپەلەردەن پايدالانىپ، ازىقتىق ساڭىراۋقۇلاق ءوسىردى. سول كەزدە ول تۇندە تۇرىپ تەمپەراتۋرا وزگەرىسىن تەكسەرۋ ءۇشىن ۇنەمى ساڭىراۋقۇلاق قالتقىسىنا تۇنەدى.
جارتى جىلدان كەيىن داقىلداردىڭ سابانىنان پايدالانىپ جۇپارقۇلاق، جالپاققۇلاق، قوس سپورالى ساڭىراۋقۇلاق سياقتى ازىقتىق ساڭىراۋقۇلاق ءوسىرۋ تابىستى بولىپ، ازىقتىق ساڭىراۋقۇلاق وندىرىسىنەن ۇلگى كورسەتۋگە قاتىناسقان شارۋا وتباسىلارىنىڭ سول جىلعى كىرىسى ءبىر ەسەدەن استام ارتتى.
ميننيڭ قالاشىعى يۋان - ي قىستاعىنىڭ 54 جاستاعى تۇرعىنى ليۋ چاڭفۋ 20 نەشە جىلدىڭ الدىندا ءوزىنىڭ لين جانشيدىڭ قولما - قول جەتەكشىلىگىندە ءوز اۋلاسىنان ساڭىراۋقۇلاق قالتقىسىن سالعان، جۇنساۋ ەككەن جاعدايدى ەسكە الدى. ”العاشقى جىلى 7000 نەشە يۋان تاپتىم، ول كەزدە وسىنشاما كوپ اقشانى تۋمىسىمىزدا كورمەگەن بولاتىنبىز“!
2000 - جىلى 7 - ايدىڭ 5 - كۇنى، سول كەزدە فۋجيان ولكەسىنىڭ باستىعى مىندەتىن وتەيتىن شي جينپيڭ ولكەلىك ۇكىمەت وتكىزگەن، ارنايى لين جانشيگە سيلىق بەرەتىن سيلىق تاراتۋ جينالىسىنا قاتىناستى. ول بىلاي دەپ اتاپ كورسەتتى: جۇنساۋ تەحنيكاسىنىڭ باسىمدىعى بۇكىل ەلىمىزدە نەداۋىر كورنەكتى، كەدەيلەردى سۇيەمەلدەپ، بايۋ جاعىندا ونىڭ ماڭىزدى رولىن ۇزدىكسىز ساۋلەلەندىرە بەرۋ كەرەك.
2021 - جىلدىڭ سوڭىنا دەيىن نيڭشيانىڭ بۇكىل رايونىندا ازىقتىق ساڭىراۋقۇلاقتىڭ جالپى ءونىم قۇنى 193 ميلليون يۋان بولىپ، ساڭىراۋقۇلاق ەگەتىن شارۋا وتباسىلارىنىڭ ورتاشا جىلدىق كىرىسى ورتا ەسەپپەن 20 نەشە مىڭ يۋاننان مولايىپ وتىردى. جۇنساۋ جەرگىلىكتى بۇقارانىڭ كەدەيلىكتەن ارىلۋداعى ماڭىزدى كاسىپتەرىنىڭ بىرىنە اينالدى.
2016 - جىلى 7 - ايدا باس شۋجي شي جينپيڭ نيڭشيادا قىزمەت تەكسەرگەندە: ”جەر جاعدايىنا قاراي، كاسىپ سالاسىن جەتىلدىرۋدى كەدەيلىكتەن ارىلتۋدان قامال الۋدى ىلگەرىلەتۋدىڭ ءتۇبىرلى شىعار جولى ەتۋ كەرەك“، - دەپ باسا دارىپتەدى.
سوناۋ وتكەن عاسىردىڭ 80 - جىلدارىندا، شي جينپيڭ شيامىندا قىزمەت ىستەگەن كەزىندە فۋجيان مەن نيڭشيانىڭ كاسىپ سالاسى سەلبەستىگىنە ىزدەنىس جاساعان بولاتىن. سول كەزدە شيامىن تۇڭان اۋدانىنىڭ ەكونوميكاسى كەنجە بولعانىمەن، سۋ بايلىعى مول ەدى، جەرگىلىكتى ورىن سىرا زاۆودىن قۇرىپ، ءونىم قۇنىن ارتتىرماق بولدى. شي جينپيڭ بۇدان حابار تاپقاننان كەيىن، نيڭشيانىڭ قۇلماق ءدانىن تۇڭانعا اكەلۋدى ايقىن اتاپ كورسەتتى. سىرا زاۆودى 1988 - جىلى ىسكە قوسىلىپ، جىلىنا 2000 توننا ءونىم ءوندىردى، 2 ميلليون يۋان سالىق تاپسىردى.
”قازىر اۋىل - قىستاق كاسىپ سالاسىن دامىتۋ بۇرىنعى سياقتى بىرنەشە مۋ جەرگە ەگىن سالىپ، بىرنەشە شوشقا باعۋ ەمەس، شارت - جاعدايى بارلار تۇتاس كاسىپ سالاسى تىزبەگى ارقىلى كاسىپ سالاسىنىڭ قۇندى ارتتىرۋ، ونىمدىلىكتى ارتتىرۋ كەڭىستىگىن كەڭەيتىپ، اناعۇرلىم كوپ جۇمىستانۋ، كىرىستى ارتتىرۋ ورايىن جاراتۋ كەرەك“. كەدەيلىكتەن ارىلتۋدان قامال الۋدان تارتىپ، اۋىل - قىستاقتى گۇلدەندىرۋگە دەيىن، باس شۋجي شي جينپيڭ شىعىس پەن باتىس بولىكتىڭ سەلبەسىپ تيپ جاڭالاپ، دەڭگەيىن ءوسىرۋىن ۇزدىكسىز ىلگەرىلەتتى.
ميننيڭ قالاشىعىنداعى فۋجياننان نيڭشياعا كومەككە كەلگەن كادر لي حۇيچين باس شۋجي شي جينپيڭنىڭ ءسوزىن ەسىندە بەرىك ساقتادى. 2021 - جىلى ول ينتەرنەت جەلىسىنەن سىرت اۋىل شارۋاشىلىق ونىمدەرىن مانەرلەۋ كاسىپورىندارىمەن ءبىر - بىردەن سەلبەستىك جاساسۋدى اقىلداسىپ، ينتەرنەت جەلىسىندە تىكە تاراتۋ بولمەسىندە جانتالاسا زات ساتتى، الاقات، ءجۇزىم شارابى، تاڭعىت قويى سياقتى نيڭشيانىڭ اۋىل شارۋاشىلىق ونىمدەرى ونىڭ قولىندا كۇسەت تاۋارعا اينالدى.
”باس شۋجيدىڭ ءسوزى مەنى ايرىقشا شابىتتاندىردى، نيڭشيانىڭ اۋىل شارۋاشىلىق ونىمدەرى فۋجيان مەن نيڭشيا ەكى جەردىڭ اراسىندا ’مەيىر سيلاۋ‘ ۇلگىسىندەگى تۇتىنۋ ارقىلى كەدەيلەردى سۇيەمەلدەۋمەن عانا شەكتەلسە بولمايدى، اناعۇرلىم كەڭ بازارعا بەتتەۋ كەرەك“، - دەدى لي حۇيچين.
قازىر فۋجيان مەن نيڭشيانىڭ سەلبەستىگى قانشا كاسىپ سالاسىن دامىتتى؟ نيڭشيالىقتار مۇنى ابدەن بىلەدى − ءجۇزىم ەگۋ، اشىتۋ، مال شارۋاشىلىعى ونىمدەرىن مانەرلەۋ كاسىبى، ەڭبەككۇشتەردى سىرتقا شىعارۋ، جاڭا ەنەرگيا، ەلەكتروندى ساۋدا... قازىر 6700 نەشە فۋجيان كاسىپورنى نيڭشياعا ىرگە تەپتى، جىلىنا 50 نەشە مىڭ نيڭشيالىق فۋجياندا جۇمىس ىستەيدى، تەرەڭدەي ءوزارا كىرىككەن فۋجيان مەن نيڭشيا كاسىپ سالاسى سەلبەستىگى نيڭشيانىڭ جوعارى ساپالى دامۋىنىڭ قۋاتتى تىرەگىنە اينالدى.
فۋجيان مەن نيڭشيا سەلبەستىگى تەك كاسىپ سالاسى جاعىندا عانا ەمەس، وي جەلىسى جانە رۋحاني جاقتا ءوزارا ۇيرەنۋ، ءوزارا كومەكتەسۋدە دە ايگىلەندى.
باس شۋجي شي جينپيڭنىڭ كەدەيلىكتەن ارىلتۋدان قامال الۋدىڭ زاتتىق جانە رۋحاني ديالەكتيكالىق قارىم - قاتىناسى جونىندە تەرەڭ تولعانىسى بار: ”مەن فۋجياننىڭ نيڭدىسىندا قىزمەت ىستەگەندە ’شابان ۇيرەكتى بۇرىن ۇشىرۋدى‘ ايتاتىنمىن، ياعني، كەدەي وڭىرلەردىڭ، كەدەي بۇقارانىڭ، باستىسى، ’ۇشۋ‘ تانىمى جانە ’الدىمەن ۇشۋ‘ ارەكەتى بولۋ كەرەك“، ”كەدەيلىكتەن ارىلۋدا، باستىسى، زاتتىق جاقتاعى كەدەيلىكتەن ارىلۋ ەمەس، قايتا تانىم مەن وي جاعىنداعى كەدەيلىكتەن ارىلۋ“.
مەيلى كاسىپ سالاسى، ۇستانىم، الدە رۋح بولسىن، فۋجيان مەن نيڭشيا سەلبەستىگى ەجەلدەن ءبىر تاراپتى كومەكتەسۋ عانا بولعان ەمەس. 25 جىلدىڭ الدىندا نيڭشياعا العاش كەلگەندە، شي جينپيڭ ءوزارا ۇيرەنۋ، ءوزارا كومەكتەسۋ جونىندە: ”ءسوزسىز، كوڭىلدى ورنىقتىرۋ، قۇلازۋعا توزە ءبىلۋ، شىعىس بولىكتىڭ تاجىريبەلەرىن اكەلىپ، باتىس بولىكتىڭ رۋحىن اكەتۋ كەرەك“، - دەپ تالاپ قويعان بولاتىن.
”فۋجيان مەن نيڭشيا سەلبەستىگى قورعانى جوق داشۋە“. بۇل فۋجيان، نيڭشيا كادرلارى مەن بۇقاراسىنىڭ ورتاق اسەرى. سوڭعى جىلدارى مەيلى فۋجياننان نيڭشياعا كومەككە كەلگەن قىزمەت اترەتى مىندەتتەلگەن قىزمەتىنە كەلگەندە بولسىن، الدە فۋجيان ۋاكىلدەر ۇيىرمەسى نيڭشيادا قىزمەت تەكسەرگەندە، ۇيرەنگەندە بولسىن، ليۋپانشان قىزىل ارميا ۇزاق جورىق ەسكەرتكىش سارايى قاشاندا ماڭىزدى ءبىر بەكەت بولىپ كەلەدى.
”ماۋجۋشيدىڭ «چيڭپيڭيۋە. ليۋپانشان»دا بەينەلەگەن ’جەتپەسەك ۇلى قورعانعا ەمەسپىز ەر‘ دەگەن توڭكەرىستىك رۋحتى ساۋلەلەندىرىپ، باتىلدىقپەن جاۋاپكەرشىلىك ارقالاپ، ىرىقتىلىقپەن ىسكەرلىك كورسەتۋ، ەرلىكپەن كۇرەس جۇرگىزىپ، كۇرەس جۇرگىزۋگە شەبەر بولۋ كەرەك“، - دەدى 2020 - جىلى 6 - ايدا باس شۋجي شي جينپيڭ نيڭشيادا قىزمەت تەكسەرگەندە ىقىلاسپەن تاپسىرىپ.
”سارى توپىراقتى ءۇستىرتتىڭ جايساڭدىعى ءبىزدى شىڭدادى، شيحايگۋ حالقىنىڭ قاجىرلىلىعى ءبىزدى تاربيەلەدى، نيڭشيادا ’جەتپەسەك ۇلى قورعانعا ەمەسپىز ەر‘ دەگەن توڭكەرىستىك رۋحتىڭ ومىرىمىزدەگى ەڭ قىمباتتى بايلىق ەكەندىگىن تەرەڭ سەزىندىم“، - دەدى فۋجيان ولكەسىنەن 5 - توپتا نيڭشياعا كومەككە كەلگەن قىزمەت اترەتىنىڭ باستىعى جوۋ شيۋگۋاڭ.
ۇزبەي كۇرەس جاسادى، ”تاۋلى ءوڭىر مەن تەڭىز جاعالاۋى رايونىنا سۇيىسپەنشىلىگى“ بولاشاقتى نۇرلاندىردى
”شىعىس - باتىس بولىكتەردىڭ كەدەيلەردى سۇيەمەلدەۋ سەلبەستىگى مەن باعىتتامالى كومەكتەسۋگە، ءسوز جوق، ۇزاق ۋاقىت تاباندى بولۋ كەرەك“.
”مىنا دۇنيەدە تەك ءبىزدىڭ پارتيا مەن مەملەكەت قانا مۇنى ورىنداي الادى، بۇل ءبىزدىڭ ساياسي ابزالدىلىعىمىز بەن تۇزىمدىك ابزالدىلىعىمىزدى تولىق ايگىلەدى“.
2016 - جىلى 7 - ايدا باس شۋجي شي جينپيڭ شىعىس - باتىس بولىكتەردىڭ كەدەيلەردى سۇيەمەلدەۋ سەلبەستىگى اڭگىمە ماجىلسىندە وسىلاي دەپ باسا دارىپتەدى.
تالاپتى تاۋ جىعاتىن، تاباندىلىقپەن ۇلەس قوساتىن بولۋ كەرەك.
ءدال وسى ساياسي ابزالدىلىق پەن ءتۇزىم ابزالدىلىعىنىڭ ارقاسىندا، جۇڭگو تالاي - تالاي ”مۇمكىن ەمەستەردى“ ”مۇمكىندىككە“ اينالدىردى.
2020 - جىلدىڭ سوڭىنا دەيىن، فۋجيان ولكەسى فۋجياننىڭ باعىتتامالى كومەكتەسىپ - سۇيەمەلدەيتىن قالا، اۋداندارى (رايون) جانە قوعامنىڭ ءار سالاسى كومەكتەسۋ - سۇيەمەلدەۋگە جالپى 3 ميلليارد 369 ميلليون يۋان قارجى قوستى، كومەكتەسۋ - سۇيەمەلدەۋ قارجىسىنىڭ ％60تەن استامىن نيڭشيانىڭ اۋىر كەدەي وڭىرلەرىنە جۇمساپ، 4000 نەشە نىساندى كومەكتەسىپ سالدى. 2020 - جىلى 11 - ايدا نيڭشياداعى ەڭ سوڭعى كەدەي اۋدان − شيجي اۋدانى ءدال ۋاعىندا كەدەيلىكتەن ارىلدى.
2021 - جىلى 2 - ايدىڭ 25 - كۇنى، حالىق سارايىندا، كەدەيلىكتەن ارىلتۋدان قامال الۋ جونىندەگى مەملەكەتتىك قورىتىندىلاۋ، ماداقتاۋ - سيلاۋ جينالىسىندا، سول كەزدەگى ميننيڭ قالاشىعى پارتكومىنىڭ شۋجيى جاڭ ۋىن ميننيڭ قالاشىعى داڭقپەن قول جەتكىزگەن ”كەدەيلىكتەن ارىلتۋدان قامال الۋدىڭ مەملەكەتتىك ۇلگىسى“ داڭق سيلىعىن العان كەزدە، باس شۋجي شي جينپيڭ: ”ۇزبەي جالعاستىرىپ، ەلدى جالت قاراتىڭىزدار“، - دەپ تەرەڭ شابىتتاندىردى.
كوپ وتپەي، 2021 - جىلى 4 - ايدىڭ 8 - كۇنى مەملەكەتتىك شىعىس - باتىس بولىكتەردىڭ سەلبەستىگى جانە ورتالىق ورىندارىنىڭ تۇيىندەردە تۇرىپ كومەكتەسۋ - سۇيەمەلدەۋ قىزمەتىن ىلگەرىلەتۋ ءماجىلىسى نيڭشيانىڭ يىنچۋانىندا اشىلدى. ءماجىلىس باس شۋجي شي جينپيڭنىڭ شىعىس - باتىس بولىكتەر سەلبەستىگى جانە تۇيىندەردە تۇرىپ كومەكتەسۋ - سۇيەمەلدەۋ قىزمەتىن تەرەڭدەتۋ جونىندەگى ماڭىزدى نۇسقاۋىن جەتكىزدى، ۇيرەندى. باس شۋجي شي جينپيڭ شىعىس - باتىس بولىكتەر سەلبەستىگىنە اناعۇرلىم ۇزاق بولاشاقتىق جوسپار جاسادى −
”جاعدايدىڭ، مىندەتتىڭ وزگەرىسىنە ۇيلەسىپ، نازاردى كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، كەڭەيتۋگە، اۋىل - قىستاقتىڭ گۇلدەنۋىن جاپپاي ىلگەرىلەتۋگە شوعىرلاندىرۋ كەرەك“؛
”بۇكىل پارتيا كەدەيلىكتەن ارىلتۋدان قامال الۋ رۋحىن اسقاقتاتىپ، قولايلى جاعدايدان ۇتىمدى پايدالانىپ، جالعاستىرا كۇرەس جاساۋ كەرەك“؛
”شىعىس - باتىس بولىكتەردىڭ جۇپ بولىپ كومەكتەسۋ - سۇيەمەلدەۋ قاتىناسىن كەمەلدەندىرىپ، كومەكتەسۋ - سۇيەمەلدەۋ سالالارىن كەڭەيتىپ، كومەكتەسۋ - سۇيەمەلدەۋ مەحانيزمىن اقاۋسىزداندىرىپ، كومەكتەسۋ - سۇيەمەلدەۋ ءتاسىلىن ساپالىلاندىرىپ، كاسىپ سالالارى سەلبەستىگىن، بايلىقتاردىڭ ءوزارا تولىقتاۋىن، ەڭبەككۇشتەردىڭ ۇشتاسۋىن، دارىندىلاردىڭ اۋىس - كۇيىسىن كۇشەيتىپ، تۇتاس قوعامدى ات سالىسۋعا جۇمىلدىرىپ، وڭىرلەر سايكەسە داميتىن، سەلبەسە داميتىن، بىرگە داميتىن تاماشا جاعداي قالىپتاستىرۋ كەرەك“...
2021 - جىلى 5 - ايدا فۋجيان مەن نيڭشيا ميننيڭ سەلبەستىگى 25 - رەتكى بىرلەسكەن ءماجىلىسىن اشىپ، 49 سەلبەستىك نىسانىنا قول قويىپ، «”14 - بەسجىلدىق“ فۋجيان − نيڭشيا سەلبەستىك جوباسىن» بىرگە جاساپ، فۋجيان − نيڭشيا سەلبەستىگىن اناعۇرلىم تەرەڭدەتۋدى، ناقتىلاندىرۋدى ىلگەرىلەتتى.
ميننيڭ قالاشىعىن شىعىس - باتىس بولىكتەردىڭ سەلبەستىگىنەن ۇلگى كورسەتۋ قالاشىعى، قونىس جاڭالاپ بايۋدان ۇلگى كورسەتۋ قالاشىعى، اۋىل - قىستاقتى گۇلدەندىرۋدەن ۇلگى كورسەتۋ قالاشىعى ەتىپ تۇلعالاپ، 10 ميننيڭ كاسىپ سالاسى باقشاسىنىڭ تيبىن جاڭالاپ، دارەجەسىن ءوسىرۋدى، ساپاسىن جوعارىلاتىپ، ونىمدىلىگىن ارتتىرۋدى ىلگەرىلەتىپ، 100دەي ميننيڭ ۇلگى كورسەتۋ قىستاعىن بەكەمدەپ، جوعارىلاتۋ ايقىندالدى، ”14 - بەسجىلدىقتىڭ“ سوڭىندا ميننيڭدىق كاسىپورىن (ساۋداگەرلەر) 10 مىڭ اينالاسىنا جەتەدى...
ۇكىمەت جەتەكشىلىك ەتۋدەن بازاردىڭ تۇلعالىق رولىن ساۋلەلەندىرۋگە قاراي بۇرىلىس جاسادى، ءبىر باعىتتا كومەكتەسۋدەن قوس باعىتتا ءوزارا ىقپالداسۋعا بۇرىلىس جاسادى، كەدەيلەردى سۇيەمەلدەۋ ىستەستىگىنەن جان - جاقتىلى سەلبەستىك جاساۋعا بۇرىلىس جاسادى − «”14 - بەسجىلدىق“ فۋجيان − نيڭشيا سەلبەستىك جوباسى» سايكەسە دامۋ، سەلبەسە دامۋ، بىرگە دامۋ جەتەكشى يدەياسىمەن تىعىز بىرلەستىرە وتىرىپ، فۋجيان − نيڭشيا سەلبەستىگى ”14 - بەسجىلدىق“ مەزگىلىندە، ”شىعىس - باتىس بولىكتەردىڭ سەلبەستىگى قىزمەتىندە جالعاستى الدا ءجۇرۋدى، ۇلگى كورسەتۋدى“ العا قويدى.
تاۋلى ءوڭىر مەن تەڭىز جاعالاۋى رايونىنا بايلانىسى ۇزىلمەدى، تاۋلى ءوڭىر مەن تەڭىز جاعالاۋى رايونىنا سۇيىسپەنشىلىگى ءتىپتى دە تەرەڭدەدى.
باسىپ وتكەن جولعا قايىرىلا قاراپ، بولاشاققا كوز سالساق، ءدال باس شۋجي شي جينپيڭ ايتقانداي:” ءبىز تەك پارتيانىڭ باسشىلىعىنا تاباندى بولىپ، جۇڭگوشا سوتسياليزم جولىمەن بۇلجىماي جۇرسەك، كەدەيلىكتەن ارىلتۋدان قامال الۋ سياقتى ءىرى ءىستى، قيىن ءىستى، ءسوزسىز، ءبىتىرىپ، ۇزدىكسىز تۇردە جەڭىستەن جاڭا جەڭىسكە جەتەمىز“!
