اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ءماجىلىسى اشىلدى

چىن چۋانگو، سىمايىل تىلەۋالدى، شوكىرات زاكىر، شاۋكەت يمىن، سۇن جينلۇڭ، جۋ حايلۇن، لي پىڭشين ماجىلىسكە قاتىناسىپ قۇتتىقتادىنۇرلان ءابىلماجىن ۇلى اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ قىزمەتىنەن بايانداما جاسادىچىڭ جىنشان باسقاردى، ماعاۋ سەيتقامزا ۇلى ۇسىنىس جوبا قىزمەتىنەن بايانداما جاسادى

اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ءماجىلىسى 1 - ايدىڭ 13 - كۇنى شينجياڭ حالىق سارايىندا اشىلدى. سۋرەتتە: ءماجىلىس ناق مايدانى. سۋرەتتى ءتىلشىمىز لي رۇي تۇسىرگەن

تىلشىلەرىمىز ياۋ تۇڭ، لي ياڭ 1 - ايدىڭ 13 - كۇنى ۇرىمجىدەن حابارلايدى. 1 - ايدىڭ 13 - كۇنى تۇستەن بۇرىن اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ءماجىلىسى شينجياڭ حالىق سارايىندا اشىلدى.

ءماجىلىس زالى دۋماندى، سالتاناتتى بەينەگە شومىپ، جۇڭگو حالىق ساياسي ءماسليحات كەڭەسى گەربى ءتوراعالار مىنبەسىنىڭ تورىنە ءىلىنىپ، ونىڭ ەكى جاعىنا بەستەن نارت قىزىل تۋ قويىلدى.

چىن چۋانگو، سىمايىل تىلەۋالدى، شوكىرات زاكىر، شاۋكەت يمىن، سۇن جينلۇڭ، جۋ حايلۇن، لي پىڭشين، ليۋ ۋانلۇڭ، لي ۋي، شۇي حايرۇڭ، ەركىن تۇنياز، جي جىڭ، سارقىت اقان ۇلى، جاڭ چۇنلين، پىڭ جيارۇي ءتوراعالار مىنبەسىنەن ورىن الىپ، ءماجىلىستىڭ اشىلعاندىعىن قۇتتىقتادى.

اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى، ورىنباسار ءتوراعالارى چىڭ جىنشان، ءجۇرات يمىن، ماعاۋ سەيتقامزا ۇلى، جاڭ بو، ءمۇتالىپ وبۇل، كۇڭ شيڭلۇڭ، ياڭ يۇڭ، ءيلھام سابىر، ما شيۇڭچىڭ، ابدىرىقىپ ءتومۇرنياز ءتوراعالار مىنبەسىنىڭ الدىڭعى قاتارىنان ورىن الدى.

اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 2 - ماجىلىسىنە قاتىناسۋعا ءتيىستى مۇشە 515 ادام، ناق قاتىناسقانى 463 ادام، بۇل بەلگىلەمەدەگى ادام سانىنا ۇيلەسەدى.

ساعات 10نان 30 مينۋت وتكەندە، چىڭ جىنشان ءماجىلىستىڭ اشىلعاندىعىن جاريالادى، زالداعى بارلىق ادام ورىندارىنان تۇرىپ، مەملەكەت ءانىن اسقاقتاتا شىرقادى.

نۇرلان ءابىلماجىن ۇلى اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتى اتىنان ماجىلىسكە قىزمەتتەن بايانداما جاسادى.

نۇرلان ءابىلماجىن ۇلى وتكەن ءبىر جىلداعى قىزمەتتەردى 5 جاقتان قورىتىندىلادى. ول بىلاي دەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ج ك پ شينجياڭ ۇيعۇر اۆتونوميالى رايوندىق كوميتەتىنىڭ دۇرىس باسشىلىعىندا جانە مەملەكەتتىك ساياسي كەڭەستىڭ دەن قويا جەتەكشىلىك ەتۋىندە، اۆتونوميالى رايونىمىزداعى ءار دارەجەلى ساياسي كەڭەس ۇيىمى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جانە ج ك پ 19 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىنتىماق پەن دەموكراتيا سىندى ەكى ۇلكەن باستى تاقىرىپقا تاباندى بولىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ارناۋلى كەڭەستىك قۇرىلىم رولىن تولىق ساۋلەلەندىرىپ، نەگىزگى زاڭ جانە ۋستاۆ بويىنشا مىندەت وتەپ، كەڭەس جوسپارى بويىنشا ىلگەرىلەتىپ، ەرەكشەلىگى مەن باسىمدىعىنا ساي كۇش شىعارىپ، ۇكىمەت ىستەرىن كەڭەسۋ تابىسىن مولايتىپ، دەموكراتيالىق باقىلاۋ ونىمدىلىگىن ارتتىرىپ، ىنتىماقتى، دوستىقتى ءتىپتى دە تەرەڭدەتىپ، ىنتىماقتى، دەموكراتيالى، شىنايى ىستەپ، ۇمتىلىس جاساعان، قارىشتاپ داميتىن جاڭا جاعدايدى ونان ارى كەڭەيتىپ، باس نىسانانى تياناقتاندىرۋدى ىلگەرىلەتۋ ءۇشىن ماڭىزدى ۇلەس قوستى.

نۇرلان ءابىلماجىن ۇلى مىنالاردى اتاپ كورسەتتى: بيىل − جاڭا جۇڭگو قۇرىلعاندىعىنىڭ 70 جىلدىعى، حالىق ساياسي كەڭەسى قۇرىلعاندىعىنىڭ 70 جىلدىعى، جاپپاي دوڭگەلەك داۋلەتتى قوعام ورناتۋدىڭ شەشۋشى جىلى. تۇتاس اۆتونوميالى رايونىمىزداعى ءار دارەجەلى ساياسي كەڭەس ۇيىمدارى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ج ك پ 19 - قۇرىلتايىنىڭ جانە 19 - كەزەكتى ورتالىق كوميتەتتىڭ ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، تياناقتاندىرىپ، ج ك پ ورتالىق كوميتەتىنىڭ شينجياڭدى جونگە سالۋ جالپى جوباسىن دايەكتىلەندىرىپ، تياناقتاندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن دايەكتىلەندىرىپ، تياناقتاندىرىپ، قىزمەتتىڭ ورنىقتىلىق بارىسىندا ىلگەرىلەۋ جالپى ارناسىنا تاباندى بولىپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدى ارقاۋ ەتىپ، ۇيتقىنى باتىل قورعاپ، وزەككە ىرىقتىلىقپەن قىزمەت وتەپ، جۇرتتىڭ تىلەگىن جاپپاي ۇيىستىرىپ، نازاردى قوعام ورنىقتىلىعى مەن باياندى تىنىشتىق باس نىساناسىنا شوعىرلاندىرىپ، ج ك پ شينجياڭ ۇيعۇر اۆتونوميالى رايوندىق كوميتەتىنىڭ «1 + 3 + 3 + رەفورما جاساۋ، ەسىك اشۋ» قىزمەت ورنالاستىرۋىمەن تىعىز قابىستىرىپ، ارناۋلى كەڭەس قۇرىلىمىنىڭ رولىن تولىق ساۋلەلەندىرىپ، ىشكەرىلەي تەكسەرۋ - زەرتتەۋ جۇرگىزىپ، جان - جاقتى كەڭەسىپ، ناقتى باقىلاۋ جۇرگىزىپ، ۇسىنىس، كەڭەس بەرۋ جانە ورتاق تانىمدى ۇيىستىرۋ سياقتى قوس باعىتتا قۇلشىنىپ، قوعامدىق جالپى جاعدايدىڭ ورنىقتىلىعىنا شىنايى كەپىلدىك ەتۋ، ەكونوميكانىڭ جوعارى ساپالى دامۋىن جەبەۋ ءۇشىن تىڭ دا اناعۇرلىم زور ۇلەس قوسۋ كەرەك.

نۇرلان ءابىلماجىن ۇلى مىنالاردى باسا دارىپتەدى: اۆتونوميالى رايونىمىزداعى ءار دارەجەلى ساياسي كەڭەس ۇيىمى جانە ءار ۇلت، ءار سالاداعى ساياسي كەڭەس مۇشەلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ حالىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىنىڭ اسا مول ىشكى مازمۇنىن، رۋحاني ءمانىن جانە امالياتتىق تالابىن تەرەڭ ءتۇسىنىپ، جۇڭگو كوممۋنيستىك پارتياسىنىڭ باسشىلىعىنا مىزعىماي تاباندى بولىپ، يدەيالىق - ساياسي جاقتان جەتەكشىلىك ەتۋدى تاباندىلىقپەن بۇلجىماي كۇشەيتىپ، ۇكىمەت ىستەرىن كەڭەسۋ ساپاسىن تاباندىلىقپەن جوعارىلاتىپ، جاڭا داۋىردە حالىق ساياسي كەڭەسىنىڭ جاڭا دەڭگەيى مەن جاڭا بورىشىن مىقتى يگەرىپ، ج ك پ ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋ، تياناقتاندىرۋ، ج ك پ شينجياڭ ۇيعۇر اۆتونوميالى رايوندىق كوميتەتىنىڭ تالاپتارىن تياناقتاندىرۋ، تۇتاس اۆتونوميالى رايونداعى ءار ۇلت حالقىنىڭ ج ك پ ورتالىق كوميتەتىنىڭ شينجياڭدى جونگە سالۋ جالپى جوباسىن جۇزەگە اسىرۋداعى اقىل - پاراساتى مەن كۇش - قۋاتىن شوعىرلاندىرۋ ساياسي جاۋاپكەرشىلىگىن شىنايى ارقالاپ، قوعام ورنىقتىلىعى مەن باياندى تىنىشتىق باس نىساناسىن ىسكە اسىرۋعا اناعۇرلىم زور ۇلەس قوسۋى كەرەك.

ماعاۋ سەيىتقامزا ۇلى اۆتونوميالى رايوندىق ساياسي كەڭەس 12 - كەزەكتى كوميتەتى تۇراقتى كوميتەتىنىڭ تاپسىرۋىمەن ماجىلىسكە اۆتونوميالى رايوندىق ساياسي كەڭەس 12 - كەزەكتى كوميتەتىنىڭ 1 - ماجىلىسىنەن بەرگى ۇسىنىس جوبا قىزمەتىنىڭ جاعدايىنان بايانداما جاسادى. ءبىر جىلدان بەرى قالىڭ ساياسي كەڭەس مۇشەلەرى، ساياسي كەڭەسكە قاتىناسۋشى ورىندار جانە ءارقايسى ارناۋلى كوميتەتتەر 795 ۇسىنىس جوبا تاپسىرىپ، تەكسەرۋ ارقىلى ونىڭ 689ى ارحيۆكە الىنىپ، ۇسىنىس جوبالاردىڭ ءبىر جايلى ەتىلىپ، جاۋاپ قايتارىلۋ مولشەرى％100كە جەتتى.

اۆتونوميالى رايوندىق حالىق قۇرىلتايى تۇراقتى كوميتەتىندەگى، ۇكىمەتتەگى، بيڭتۋانداعى باسشى جولداستار، كەزىندە اۆتونوميالى رايوندىق ساياسي كەڭەستىڭ ءتوراعاسى، ورىنباسار ءتوراعاسى بولعان باسشى جولداستار، ت.ب اشىلۋ ماجىلىسىنە قاتىناستى.

كەلۋ قاينارى : شينجياڭ گازەتى