اۋمىن وتان قۇشاعىنا ورالعاندىعىنىڭ 20 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 5 - كەزەكتى ۇكىمەتىنىڭ مىندەتكە وتىرۋ سالتى سالتاناتپەن وتكىزىلدى
شي جينپيڭ قاتىناستى ءارى ماڭىزدى ءسوز سويلەدى
اۋمىن ەرەكشە اكىمشىلىك رايونىنىڭ 5 - رەتكى اكىمى حى يچىڭ، سونداي - اق ەرەكشە اكىمشىلىك رايون ۇكىمەتىنىڭ نەگىزگى ءمانساپتىلارى قاتارلىلار سەرت بەرىپ مىندەتكە وتىردى
شي جينپيڭ بىلاي دەپ اتاپ كورسەتتى: اۋمىن وتان قۇشاعىنا ورالعان 20 جىلدان بەرى، اۋمىن ەرەكشە اكىمشىلىك رايون ۇكىمەتى مەن قوعامنىڭ ءار سالاسىنداعى قايراتكەرلەر ءبىر نيەتپەن سەلبەسىپ، اۋمىن تاريحىنداعى ەڭ جاقسى دامۋ جاعدايىن اشىپ، ”ءبىر ەل، ەكى ءتۇزىم“نىڭ اۋمىندىق ەرەكشەلىككە يە تابىستى امالياتىنىڭ شۇعىلالى تاراۋىن جازدى. اۋمىن ەرەكشە اكىمشىلىك رايونى جاڭا كەزەكتى ۇكىمەتى مەن قوعامنىڭ ءار سالاسىنداعى قايراتكەرلەردەن بيىكتە تۇرىپ الىسقا كوز جىبەرىپ، امان كەزدە حاۋىپ - قاتەردىڭ دە بولاتىندىعىن ويلاپ، تۋراشىلدىقتان اينىماي جاڭالىق اشىپ، ناقتى ءىس تىندىرىپ، ىسكەرلىك كورسەتىپ، قول جەتكەن تابىستار نەگىزىندە اۋمىن ەرەكشە اكىمشىلىك رايونىنىڭ ءتۇرلى قۇرىلىس ىستەرىنىڭ تىڭ ساتىعا كوتەرىلۋىن ىلگەرىلەتۋدى ءۇمىت ەتەمىن
12 - ايدىڭ 20 - كۇنى اۋمىن وتان قۇشاعىنا ورالعاندىعىنىڭ 20 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 5 - كەزەكتى ۇكىمەتىنىڭ مىندەتكە وتىرۋ سالتى اۋمىن شىعىس ازيا سپورت جينالىسى دەنە تاربيە سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى. □ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
12 - ايدىڭ 20 - كۇنى اۋمىن وتان قۇشاعىنا ورالعاندىعىنىڭ 20 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 5 - كەزەكتى ۇكىمەتىنىڭ مىندەتكە وتىرۋ سالتى اۋمىن شىعىس ازيا سپورت جينالىسى دەنە تاربيە سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى. سۋرەتتە: شي جينپيڭ سەرت بەرۋدى باقىلادى، اۋمىن ەرەكشە اكىمشىلىك رايونىنىڭ 5 - رەتكى اكىمى حى يچىڭ سەرت بەرىپ مىندەتكە وتىردى. □ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
اۋمىن وتان قۇشاعىنا ورالعاندىعىنىڭ 20 جىلدىعىن قۇتتىقتاۋ جينالىسى جانە اۋمىن ەرەكشە اكىمشىلىك رايونى 5 - كەزەكتى ۇكىمەتىنىڭ مىندەتكە وتىرۋ سالتى 12 - ايدىڭ 20 - كۇنى تۇستەن بۇرىن اۋمىن شىعىس ازيا سپورت جينالىسى دەنە تاربيە سارايىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ قاتىناستى ءارى ماڭىزدى ءسوز سويلەدى. (ءسوزدىڭ تولىعى 3 - بەتتە) ول بىلاي دەپ اتاپ كورسەتتى: اۋمىن وتان قۇشاعىنا ورالعان 20 جىلدان بەرى، اۋمىن ەرەكشە اكىمشىلىك رايون ۇكىمەتى مەن قوعامنىڭ ءار سالاسىنداعى قايراتكەرلەر ءبىر نيەتپەن سەلبەسىپ، اۋمىن تاريحىنداعى ەڭ جاقسى دامۋ جاعدايىن اشىپ، ”ءبىر ەل، ەكى ءتۇزىم“نىڭ اۋمىندىق ەرەكشەلىككە يە تابىستى امالياتىنىڭ شۇعىلالى تاراۋىن جازدى. ول اۋمىن ەرەكشە اكىمشىلىك رايونى جاڭا كەزەكتى ۇكىمەتى مەن قوعامنىڭ ءار سالاسىنداعى قايراتكەرلەردەن بيىكتە تۇرىپ الىسقا كوز جىبەرىپ، امان كەزدە حاۋىپ - قاتەردىڭ دە بولاتىندىعىن ويلاپ، تۋراشىلدىقتان اينىماي جاڭالىق اشىپ، ناقتى ناتيجە شىعارىپ، قول جەتكەن تابىستار نەگىزىندە اۋمىن ەرەكشە اكىمشىلىك رايونىنىڭ ءتۇرلى قۇرىلىس ىستەرىنىڭ تىڭ ساتىعا كوتەرىلۋىن ىلگەرىلەتۋدى ءۇمىت ەتتى.
جيىن زالىنىڭ بەينەسى سالتاناتتى دا مەرەيلى بولدى. ءتوراعالار مىنبەسىندە جۇڭحۋا حالىق رەسپۋبليكاسىنىڭ مەملەكەت تۋى مەن اۋمىن ەرەكشە اكىمشىلىك رايونىنىڭ رايون تۋى ەرەكشە كوز تارتادى. شي جينپيڭ مەن حانىمى پىڭ لييۋان اۋمىن ەرەكشە اكىمشىلىك رايونىنىڭ 5 - رەتكى اكىمى حى يچىڭ مەن حانىمى جىڭ سۋجىننىڭ سەرىك بولۋىندا جيىن زالىنا كىرگەندە، بۇكىل زالداعىلار ورىندارىنان تۇرىپ، قىزۋ شاپالاق سوقتى.تۇستەن بۇرىن ساعات 10دا قۇتتىقتاۋ جينالىسى جانە مىندەتكە وتىرۋ سالتى باستالدى. بۇكىل الاڭداعىلار ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ءانىن ورىندادى.
شي جينپيڭ ءتوراعالار مىنبەسىنە شىعىپ سەرت بەرۋدى باقىلادى. حى يچىڭ الدىمەن سەرت بەرىپ مىندەتكە وتىردى، ول جۇڭحۋا حالىق رەسپۋبليكاسىنىڭ مەملەكەت تۋى مەن اۋمىن ەرەكشە اكىمشىلىك رايونىنىڭ تۋى الدىندا تۇرىپ، وڭ قولىن كوتەرىپ، اۋمىن ەرەكشە اكىمشىلىك رايونىنىڭ ءتۇبىرلى زاڭىنىڭ بەلگىلەمەسى بويىنشا سالتاناتپەن سەرت بەردى. سەرت بەرۋ اياقتالعاننان كەيىن، شي جينپيڭ حى يچىڭمەن ىقىلاستى قول الىستى.
ىلە - شالا شي جينپيڭنىڭ سەرت بەرۋدى باقىلاۋىندا اۋمىن ەرەكشە اكىمشىلىك رايونى 5 - كەزەكتى ۇكىمەتىنىڭ نەگىزگى ءمانساپتىلارى حى يچىڭنىڭ باستاۋىندا سەرت بەرىپ مىندەتكە وتىردى. سەرت بەرۋ اياقتالعاننان كەيىن، شي جينپيڭ ولارمەن ءبىر - بىرلەپ قول الىسىپ قۇرمەت ءبىلدىردى.
وسىدان كەيىن، حى يچىڭنىڭ سەرت بەرۋدى باقىلاۋىندا اۋمىن ەرەكشە اكىمشىلىك رايونى اكىمشىلىك كەڭەسىنىڭ مۇشەلەرى سەرت بەرىپ مىندەتكە وتىردى.
دۋ قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول الدىمەن ورتالىق ۇكىمەت پەن بۇكىل ەلدەگى ءار ۇلت حالقى اتىنان تۇتاس اۋمىن تۇرعىندارىنا شىنايى سالەم جولدادى؛ جاڭادان مىندەتكە وتىرعان اۋمىن ەرەكشە اكىمشىلىك رايونىنىڭ 5 - رەتكى اكىمى حى يچىڭ مىرزا مەن 5 - كەزەكتى ۇكىمەتتىڭ نەگىزگى ءمانساپتىلارىن، اكىمشىلىك كەڭەسىنىڭ مۇشەلەرىن قىزۋ قۇتتىقتادى؛ اۋمىننىڭ دامۋىنا كوڭىل بولگەن، قولداۋ كورسەتكەن بارلىق ەل ءىشى - سىرتىنداعى باۋىرلاستارعا جانە حالىقاراداعى دوستارعا شىن جۇرەكتەن العىس ايتتى.
شي جينپيڭ مىنالاردى ءبىلدىردى: اۋمىن وتان قۇشاعىنا ورالعان 20 جىلدان بەرى قول جەتكەن تابىستار دۇنيە ءجۇزىن جالت قاراتتى، نەگىزگى زاڭ مەن اۋمىننىڭ ءتۇبىرلى زاڭىن نەگىز ەتكەن نەگىزگى زاڭدىق جۇيە ءتارتىبى بەرىك تۇراقتانىپ، جونگە سالۋ جۇيەسى كۇن سايىن كەمەلدەندى؛ ەكونوميكا قارىشتاپ دامىپ، تۇرعىنداردىڭ تۇرمىسى ۇزدىكسىز جاقساردى؛ قوعام ورنىقتى، جاراسىمدى بولىپ، كوپ نەگىزدى مادەنيەت ءبىرىن - ءبىرى ايشىقتاي ءتۇستى.
شي جينپيڭ بىلاي دەپ اتاپ كورسەتتى: اۋمىننىڭ جەرى شاعىن بولعانىمەن، ”ءبىر ەل، ەكى ءتۇزىم“ امالياتىندا وزگەشە رولى بار. اۋمىننىڭ ”ءبىر ەل، ەكى ءتۇزىم“ تابىستى امالياتىن قورىتىندىلاساق، تومەندەگىدەي 4 ماڭىزدى تاجىريبەگە يە بولامىز:
ءبىرىنشى، ”ءبىر ەل، ەكى ءتۇزىم“ تۇزىمدىك سەنىمى باستان - اياق بەكەمدەلدى. اۋمىن ەرەكشە اكىمشىلىك رايون ۇكىمەتى مەن قوعامنىڭ ءار سالاسى مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋدى اۋمىننىڭ ۇزاق ۋاقىتتىق گۇلدەنۋى مەن ورنىقتىلىعىن قورعاۋمەن بىرلىككە كەلتىرۋگە تاباندى بولىپ، ەرىك - جىگەردى بەكەمدەپ، ءبىر مەزەتتىك بۇراڭدىققا بولا سولقىلداقتىق ىستەمەي، سىرتقى كەدەرگىلەرگە بولا اداسپاي، مەملەكەتتىڭ كەلەلى دامۋ ستراتەگياسى مەن ءبىر قىدىرۋ ساياساتتىق قولداۋدان كەلگەن ورايدى يگەرۋگە شەبەر بولىپ، قاپىسىن تاۋىپ العا ۇمتىلىپ، مەملەكەتتىڭ دامۋ كەلەلى جاعدايىمەن توعىسۋ بارىسىندا ءوزىنىڭ اناعۇرلىم جاقسى دامۋىن جۇزەگە اسىردى. اۋمىننىڭ تابىستى امالياتى بىزگە ”ءبىر ەل، ەكى ءتۇزىم“گە كامىل سەنىپ، قۇلشىنا جۇرگىزگەندە عانا، ”ءبىر ەل، ەكى ءتۇزىم“نىڭ ومىرشەڭدىگى مەن ابزالدىلىعىنىڭ تولىق ايگىلەنەتىندىگىن ۇعىندىردى.
ەكىنشى، ”ءبىر ەل، ەكى ءتۇزىم“ دۇرىس بەتالىسى باستان - اياق دۇرىس يگەرىلدى. قالىڭ اۋمىندىق باۋىرلاستار نەگىزگى زاڭ مەن ءتۇبىرلى زاڭدا بەلگىلەنگەن نەگىزگى زاڭدىق جۇيە ءتارتىبىن ايقىن تۋ ۇستاي وتىرىپ قورعاپ، مەملەكەتتىڭ نەگىزگى تۇلعاسى اتقارىپ وتىرعان سوتسياليستىك تۇزىمگە قۇرمەت ەتىپ، ورتالىق پەن ەرەكشە اكىمشىلىك رايوننىڭ قاتىناسىنا ساياتىن قاتىستى ماسەلەلەردى دۇرىس ءبىر جاقتى ەتتى. ەرەكشە اكىمشىلىك رايوننىڭ اكىمشىلىك، زاڭ شىعارۋ، ءادىليا ورگاندارى ورتالىقتىڭ ەرەكشە اكىمشىلىك رايوندى جاپپاي باسقارۋ، جونگە سالۋ ۇقىعىن قورعاۋ مەن ەرەكشە اكىمشىلىك رايوننىڭ وسكەلەڭ اۆتونوميا ۇقىعىن قامتاماسىز ەتۋدى ورگانيكالى ۇشتاستىرۋعا تاباندى بولىپ، ”ءبىر ەل“ پرينسيپتىك تومەنگى شەگىن ساقتاپ، ورتالىقتىڭ بيلىگى مەن ءتۇبىرلى زاڭنىڭ بەدەلىن سانالى تۇردە قورعادى. اۋمىننىڭ تابىستى امالياتى بىزگە ”ءبىر ەل، ەكى ءتۇزىم“ امالياتىن قۇبىلتپاۋعا، وزگەرتپەۋگە شىنايى كەپىلدىك ەتكەندە عانا، ”ءبىر ەل، ەكى ءتۇزىم“ ءىسىنىڭ ورنىقتى، باياندى جۇرگىزىلۋىن ىلگەرىلەتۋگە بولاتىندىعىن ۇعىندىردى.
ءۇشىنشى، ”ءبىر ەل، ەكى ءتۇزىم“ بورىشىن ارقالاۋ باستان - اياق كۇشەيتىلدى. قالىڭ اۋمىندىق باۋىرلاستار قوجايىندىق تانىممەن ”ءبىر ەل، ەكى ءتۇزىم“دى، ”اۋمىندى اۋمىندىقتار باسقارۋ“دى، وسكەلەڭ اۆتونوميانى ءساتتى تۇردە جۇرگىزۋدى ورتاق بورىش ەتتى. ەرەكشە اكىمشىلىك رايون ۇكىمەتى قوعامنىڭ ءار سالاسىنداعى قايراتكەرلەردى ىنتىماقتاستىرىپ، باستاپ، اۋمىننىڭ ءىس جۇزىندىك جاعدايىنا ۇيلەسەتىن جونگە سالۋ ءتاسىلى مەن دامۋ جولىن بەلسەنە قاراستىرىپ، زەيىن - زەردەنى شوعىرلاندىرا وتىرىپ ەكونوميكانى دامىتىپ، حالىق تۇرمىسىن شىن مانىندە ءونىمدى تۇردە جاقسارتىپ، زاڭمەن جونگە سالۋدى بۇلجىماستان قورعاپ، دەموكراتيانى تارتىپپەن بىرتىندەپ ىلگەرىلەتىپ، سيىسىمدى بولىپ ءوزارا كومەكتەسىپ، جاراسىمدىلىقتى جەبەپ، اۋمىننىڭ قارىشتاپ العا ۇمتىلعان جالىندى ومىرشەڭدىگىن قاۋلاتۋىنا مۇمكىندىك جاسادى. اۋمىننىڭ تابىستى امالياتى بىزگە ءوز - وزىنە قوجايىن بولعان اۋمىندىق باۋىرلاستاردىڭ بۇكىلدەي ءداۋىر جۇكتەگەن اۋىر مىندەتتى ارقالاپ، ەرەكشە اكىمشىلىك رايوندى ويداعىداي باسقارا الاتىندىعىن، گۇلدەندىرە الاتىندىعىن، دامىتا الاتىندىعىن ۇعىندىردى.
ءتورتىنشى، ”ءبىر ەل، ەكى ءتۇزىم“نىڭ قوعامدىق ساياسي نەگىزى باستان - اياق بەكەمدەلدى. قالىڭ اۋمىندىق باۋىرلاستاردا ەجەلدەن وتاندى سۇيەتىن ءداستۇر، مەملەكەتتى شىنايى مويىنداۋ كۇشتى سەزىمى، تاۋەلدىلىك سەزىمى جانە ۇلتتىق ماقتانىش سەزىمى بار، بۇل − ”ءبىر ەل، ەكى ءتۇزىم“نىڭ اۋمىنداعى تابىستى امالياتىنىڭ ەڭ ماڭىزدى سەبەبى. ەرەكشە اكىمشىلىك رايون ۇكىمەتى مەن قوعامنىڭ ءار سالاسى وتانشىلداردى نەگىزگى تۇلعا ەتكەن ”اۋمىندى اۋمىندىقتار باسقارۋ“دى باتىل تياناقتاندىردى، وتاندى سۇيەتىن، اۋمىندى سۇيەتىن كۇشتەر كۇن سايىن دامىپ، زورايىپ، وتاندى ءسۇيۋ، اۋمىندى ءسۇيۋ وزەكتى قۇنى اۋمىن قوعامىندا جەتەكشى ورىندى يەلەدى. اۋمىننىڭ تابىستى امالياتى بىزگە ”ءبىر ەل، ەكى ءتۇزىم“نىڭ امالياتىمەن ۇيلەسەتىن قوعامدىق ساياسي ءتۇزىمدى ۇزدىكسىز بەكەمدەپ جانە دامىتىپ، وتاندى ءسۇيۋ، اۋمىندى ءسۇيۋ تۋى استىندا ەڭ كەڭ كولەمدەگى ىنتىماقتى جۇزەگە اسىرۋدىڭ ”ءبىر ەل، ەكى ءتۇزىم“نىڭ باستان - اياق دۇرىس ارنامەن العا ىلگەرىلەۋىنىڭ ءتۇبىرلى كەپىلى ەكەندىگىن ۇعىندىردى.
شي جينپيڭ اۋمىن ەرەكشە اكىمشىلىك رايونىنىڭ جاڭا كەزەكتى ۇكىمەتىنە مىناداي 4 ءۇمىتتى العا قويدى: ءبىرىنشى، داۋىرمەن بىرگە العا باسۋعا تاباندى بولىپ، ەرەكشە اكىمشىلىك رايون ۇكىمەتىنىڭ جونگە سالۋ دەڭگەيىن اناعۇرلىم جوعارىلاتۋ. ەكىنشى، ءورىس اشا جاڭالىق اشۋعا تاباندى بولىپ، ەكونوميكانىڭ باياندى، اقاۋسىز دامۋىن اناعۇرلىم ىلگەرىلەتۋ. ءۇشىنشى، ادامدى نەگىز ەتۋگە تاباندى بولىپ، حالىق تۇرمىسىن اناعۇرلىم قامتاماسىز ەتۋ جانە جاقسارتۋ. ءتورتىنشى، سيىسىمدى بولۋ، ءوزارا كومەكتەسۋگە تاباندى بولىپ، قوعامنىڭ جاراسىمدى، ورنىقتىلىعىن اناعۇرلىم جەبەۋ.
شي جينپيڭ بىلاي دەپ باسا دارىپتەدى: شياڭگاڭ، اۋمىن وتان قۇشاعىنا ورالعاننان كەيىن، وسى 2 ەرەكشە اكىمشىلىك رايوننىڭ ىستەرىن ءبىر جاقتى ەتۋ بۇكىلدەي جۇڭگونىڭ ىشكى ىسىنە اينالعان، ءارقانداي سىرتقى كۇشتەردىڭ كوسەمسۋىنىڭ قاجەتى جوق. جۇڭگو ۇكىمەتى مەن جۇڭگو حالقىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ەركى مىزعىمايدى، ءارقانداي سىرتقى كۇشتىڭ شياڭگاڭنىڭ، اۋمىننىڭ ىستەرىنە كيلىگۋىنە استە جول بەرمەيمىز.
شي جينپيڭ بىلاي دەپ اتاپ كورسەتتى: ”ءبىر ەل، ەكى ءتۇزىم“ امالياتىندا قول جەتكەن تابىستاردى دۇنيە ءجۇزى جاپپاي مويىندادى، ”ءبىر ەل، ەكى ءتۇزىم“ تۇزىمدىك جۇيەسى دە اماليات بارىسىندا ۇزدىكسىز كەمەلدەنەدى. ءبىز شياڭگاڭدىق، اۋمىندىق باۋىرلاستاردى قامتىعان جۇڭگو حالقىنىڭ ”ءبىر ەل، ەكى ءتۇزىم“ امالياتىن اناعۇرلىم جاقسى دامىتۋعا، ”ءبىر ەل، ەكى ءتۇزىم“ تۇزىمدىك جۇيەسىن اناعۇرلىم جاقسى كەمەلدەندىرۋگە، ەرەكشە اكىمشىلىك رايوندى اناعۇرلىم جاقسى جونگە سالۋعا اقىل - پاراساتىنىڭ، قابىلەتىنىڭ تولىق جەتەتىندىگىنە كامىل سەنەمىز. جۇڭحۋا ۇلتىنىڭ ۇلى گۇلدەنۋىنىڭ العا ىلگەرىلەۋ قادامى بوگەۋ بەرمەيدى، شياڭگاڭنىڭ، اۋمىننىڭ وتاننىڭ ىشكى وڭىرلەرىمەن بىرگە دامۋ، بىرگە گۇلدەنۋ جولى، ءسوز جوق، بارعان سايىن داڭعىلدانا تۇسەدى.
حى يچىڭ ارناۋ سوزىندە بىلاي دەدى: اۋمىن ەرەكشە اكىمشىلىك رايونىنىڭ 5 - رەتكى اكىمى رەتىندە، مەن بورىشتىڭ داڭقتى، جاۋاپكەرشىلىكتىڭ اۋىر ەكەندىگىن تەرەڭ سەزىندىم. ءبىز ”سايكەسە ەكپىندەي ىلگەرىلەۋ، وزگەرىس جاساپ، جاڭالىق اشۋ“دى جاڭا كەزەكتى ۇكىمەتتىڭ بيلىك جۇرگىزۋ ۇستانىمى ەتىپ، يدەيانى ازات ەتىپ، عىلمي شەشىم جاساپ، باتىلدىقپەن ىسكەرلىك كورسەتىپ، ”ءبىر ەل، ەكى ءتۇزىم“ باعىتىن جان - جاقتى، دۇرىس دايەكتىلەندىرىپ، قاتاڭ تۇردە نەگىزگى زاڭ مەن ءتۇبىرلى زاڭ بويىنشا ىستەپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن شىن مانىندە قورعاپ، اناعۇرلىم زور باتىلدىقپەن جانە داۋىرمەن بىرگە ىلگەرىلەيتىن وزگەرىس جاساۋ، جاڭالىق اشۋ قابىلەتىمەن اۋمىننىڭ ەكونوميكالىق، قوعامدىق ىستەرىنىڭ دامۋىن ىلگەرىلەتىپ، تىڭعىلىقتى قىزمەت ناتيجەسىمەن ورتالىق ۇكىمەت پەن اۋمىن ەرەكشە اكىمشىلىك رايونىنداعى قالىڭ تۇرعىننىڭ بىزگە دەگەن سەنىمى مەن قولداۋىن اقتايمىز. ورتالىق ۇكىمەتتىڭ قولداۋى مەن جەتەكشىلىگىندە، اۋمىننىڭ، ءسوز جوق، وتاننىڭ ىشكى وڭىرلەرىمەن بىرگە دامىپ، بىرگە گۇلدەنىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن بىرگە جۇزەگە اسىراتىندىعىنا سەنەمىز.
ديڭ شۋەشياڭ، ۋاڭ چىن، جاڭ يوۋشيا، ۋاڭ ي، ما بياۋ قاتارلىلار قۇتتىقتاۋ جينالىسىنا جانە مىندەتكە وتىرۋ سالتىنا قاتىناستى.
مەملەكەتتىك ساياسي كەڭەستىڭ ورىنباسار ءتوراعاسى حى حوۋحۋا، شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ الدىڭعى رەتكى اكىمى سۇي شى - ان، سونداي - اق اۋمىنداعى ءار سالا ۋاكىلدەرى مەن ەرەكشە ۇسىنىس ەتىلگەن سيلى قوناقتار دا قۇتتىقتاۋ جينالىسىنا جانە مىندەتكە وتىرۋ سالتىنا قاتىناستى.
