ەلىمىزدىڭ ءوزى جاساعان تۇڭعىش اۋياماتكاسى تەڭىز ارمياسىنا تاپسىرىپ بەرىلدى
شي جينپيڭ تاپسىرىپ بەرۋ - تاپسىرىپ الۋ، قوسىنعا قوسىلۋ سالتىنا قاتىناستى
12 - ايدىڭ 17 - كۇنى ەلىمىزدىڭ ءوزى جاساعان تۇڭعىش اۋياماتكاسى − شاندۇڭ كەمەسى حايناننىڭ سان - ياسىنداعى ءمالىم اسكەري كەمەجايىندا تەڭىز ارمياسىنا تاپسىرىپ بەرىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاپسىرىپ بەرۋ -تاپسىرىپ الۋ، قوسىنىعا قوسىلۋ سالتىنا قاتىناستى ءارى كەمەگە شىعىپ كوزدەن كەشىردى. سۋرەتتە: شي جينپيڭ تەڭىز ارمياسىنىڭ اۋياماتكانى تاپسىرىپ العان اسكەري بولىمىنە ارميا تۋىن، ات قويۋ كۋالىگىن بەردى.
12 - ايدىڭ 17 - كۇنى ەلىمىزدىڭ ءوزى جاساعان تۇڭعىش اۋياماتكاسى − شاندۇڭ كەمەسى حايناننىڭ سان - ياسىنداعى ءمالىم اسكەري كەمەجايىندا تەڭىز ارمياسىنا تاپسىرىپ بەرىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاپسىرىپ بەرۋ - تاپسىرىپ الۋ، قوسىنعا قوسىلۋ سالتىنا قاتىناستى ءارى كەمەگە شىعىپ كوزدەن كەشىردى. سۋرەتتە: سالت اياقتالعاننان كەيىن، شي جينپيڭ شاندۇڭ كەمەسىنە شىعىپ، قۇرمەت قاراۋىلىن كوزدەن كەشىردى.
ەلىمىزدىڭ ءوزى جاساعان تۇڭعىش اۋياماتكاسى − شاندۇڭ كەمەسى 12 - ايدىڭ 17 - كۇنى تۇستەن كەيىن حايناننىڭ سان - ياسىنداعى ءمالىم اسكەري كەمەجايدا تەڭىز ارمياسىنا تاپسىرىپ بەرىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاپسىرىپ بەرۋ - تاپسىرىپ الۋ، قوسىنعا قوسىلۋ سالتىنا قاتىناستى.
نانحاي تەڭىزى جاعاسىنداعى سان - يادا كوك تەڭىز كوكجيەككە ۇلاسىپ، كۇن كۇلىمدەپ، باياۋ ەسكەك ەستى. اسكەري كەمەجايدىڭ ىشىندە شاندۇڭ كەمەسى تولقىن ۇستىندە مىزعىماي تۇر، تۋ - جالاۋلار جەلبىرەپ، تەڭىز ارمياسى بولىمدەرىنەن جانە اۋياماتكانى جاساعان ورىنداردان كەلگەن ۋاكىلدەردەن شامامەن 5000 ادام كەمەتۇراقتا بىركەلكى قاز - قاتار تۇرىپ ايبىندى دا جالىندى راي قالىپتاستىردى.
تۇستەن كەيىن ساعات 4 مولشەرىندە، تاپسىرىپ بەرۋ - تاپسىرىپ الۋ، قوسىنعا قوسىلۋ سالتى باستالدى، تۇتاس الاڭداعىلار جۇڭحۋا حالىق رەسپۋبليكاسىنىڭ مەملەكەت ءانىن اسقاقتاتا شىرقادى، بەس جۇلدىزدى قىزىل تۋ باياۋ كوتەرىلدى. قۇرمەت قاراۋىلىنىڭ قورعاۋشى اسكەرلەرى 1 - تامىز ارميا تۋىن، ات قويۋ كۋالىگىن قورعاي كوتەرىپ، ايبىندى دا نىق قاداممەن ءتوراعالار مىنبەسىنىڭ الدىنا كەلدى. شي جينپيڭ 1 - تامىز ارميا تۋىن، ات قويۋ كۋالىگىن جەكە - جەكە شاندۇڭ كەمەسىنىڭ باستىعىنا جانە ساياسي كوميسسارىنا بەردى. شاندۇڭ كەمەسىنىڭ باستىعى، ساياسي كوميسسارى شي جينپيڭگە اسكەري سالەم بەرىپ، شي جينپيڭنىڭ قولىنان 1 - تامىز ارميا تۋىن، ات قويۋ كۋالىگىن تاپسىرىپ الدى. شي جينپيڭ ولارمەن بىرگە سۋرەتكە ءتۇسىپ، ەستەلىك قالدىردى. تاپسىرىپ بەرۋ - تاپسىرىپ الۋ، قوسىنعا قوسىلۋ سالتى جۇڭگو حالىق ازاتتىق ارمياسىنىڭ اسكەري ءانى ىشىندە اياقتادى.
ونان سوڭ شي جينپيڭ شاندۇڭ كەمەسىنە شىعىپ، قۇرمەت قاراۋىلىن كوزدەن كەشىردى. شي جينپيڭ قاتىستى جابدىقتاردى كوزدەن كەشىرىپ، كەمەلىك ۇشاق ۇشقىشتارىنىڭ قىزمەت، تۇرمىس جاعدايلارىن ۇعىستى. شي جينپيڭ جۇرگىزۋ بولمەسىنە بارىپ، كوماندير - جاۋىنگەرلەرمەن ىقىلاسپەن اڭگىمەلەسىپ، تەڭىزدە ءجۇزۋ ەستەلىگىنە سالتاناتپەن قول قويدى.
شي جينپيڭ كەمەتۇراقتا اۋياماتكا اسكەري بولىمدەرىنىڭ كوماندير - جاۋىنگەرلەرىنىڭ ۋاكىلدەرىمەن جانە اۋياماتكانى جاساعان ورىنداردىڭ ۋاكىلدەرىمەن كەزدەستى. شي جينپيڭ ەلىمىزدىڭ اۋياماتكا قۇرىلىسىندا قول جەتكىزگەن ناتيجەلەرىن تۇراقتاندىرىپ، ولاردى كۇش ۇستىنە كۇش قوسىپ، پارتيا مەن حالىق ءۇشىن تاعى دا تىڭ ۇلەس قوسۋعا شابىتتاندىردى.
ديڭ شۋەشياڭ، ليۋ حى، حى ليفىڭ جانە لي زوچىڭ سالتقا قاتىناستى. جاڭ يوۋشيا سالتتى باسقارىپ، ەلىمىزدىڭ ءوزى جاساعان تۇڭعىش اۋياماتكاسىنىڭ تاپسىرىپ بەرىلىپ، قوسىنعا قوسىلعاندىعىن جانە كەمە اتىن، كەمە ءنومىرىن جاريالادى.
جۇڭگو كەمە توبى شەكتى سەرىكتەستىگىنىڭ القا باستىعى لەي فانپەي، تەڭىز ارمياسىنىڭ سىليڭيۋانى شىن جينلۇڭ سالتتا ارت - ارتىنان ءسوز سويلەدى.
ورتالىق اسكەري ىستەر كوميتەتىنىڭ بەكىتۋىمەن ەلىمىزدىڭ ءوزى جاساعان تۇڭعىش اۋياماتكاسى ”جۇڭگو حالىق ازاتتىق ارمياسى تەڭىز ارمياسى شاندۇڭ كەمەسى“ دەپ اتالدى، كەمە ءنومىرى ”17“.
ورتالىق پەن مەملەكەت ورگاندارىنىڭ قاتىستى تاراۋلارىنداعى، اسكەري ىستەر كوميتەتى ورگانىنىڭ قاتىستى تاراۋلارىنداعى، وڭتۇستىك سوعىس رايونىنداعى، تەڭىز ارمياسىنداعى، حاينان ولكەسىندەگى جانە اۋياماتكانى جاساعان ورىندارىنداعى جاۋاپتى جولداستار سالتقا قاتىناستى.
