ورتالىق اسكەري ىستەر كوميتەتى شاڭجياڭدىق اسكەري شەنگە ءوسىرۋ سالتىن وتكىزدى
شي جينپيڭ بۇيرىق كۋالىگىن بەردى ءارى شەنى وسىرىلگەن وفيتسەرلەردى قۇتتىقتادى
12 - ايدىڭ 12 - كۇنى ورتالىق اسكەري ىستەر كوميتەتىنىڭ شاڭجياڭ اسكەري شەنگە ءوسىرۋ سالتى بەيجيڭدەگى 1 - تامىز عيماراتىندا سالتاناتپەن وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭجياڭ اسكەري شەنگە وسىرىلگەن وفيتسەرلەرگە بۇيرىق كۋالىگىن بەردى. سۋرەتتە: شي جينپيڭ قاتارلى باسشى جولداستار شاڭجياڭ اسكەري شەنگە وسىرىلگەن وفيتسەرلەرمەن سۋرەتكە تۇسۋدە.
ورتالىق اسكەري ىستەر كوميتەتىنىڭ شاڭجياڭدىق اسكەري شەنگە ءوسىرۋ سالتى 12 - ايدىڭ 12 - كۇنى بەيجيڭدەگى 1 - تامىز عيماراتىندا سالتاناتپەن وتكىزىلدى. ورتالىق اسكەري ىستەر كوميتەتىنىڭ ءتوراعاسى شي جينپيڭ شاڭجياڭدىق اسكەري شەنگە وسىرىلگەن وفيتسەرلەرگە بۇيرىق كۋالىگىن بەردى.
تۇستەن كەيىن ساعات 4تەن 50 مينۋت وتكەن شاماسىندا شەن ءوسىرۋ سالتى ايبىندى مەملەكەت انىمەن باستالدى. ورتالىق اسكەري ىستەر كوميتەتىنىڭ ورىنباسار ءتوراعاسى شۇي چيلياڭ ورتالىق اسكەري ىستەر كوميتەتىنىڭ ءتوراعاسى شي جينپيڭ قول قويعان شاڭجياڭدىق اسكەري شەنگە ءوسىرۋ بۇيرىعىن وقىدى. ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا شەن ءوسىرۋ سالتىن باسقاردى.
وسى جولى شاڭجياڭدىق اسكەري شەنگە وسىرىلگەن وفيتسەرلەر: شىعىس بولىك سوعىس رايونىنىڭ سىليڭيۋانى حى ۋيدۇڭ، شىعىس بولىك سوعىس رايونىنىڭ ساياسي كوميسسارى حى پيڭ، وڭتۇستىك بولىك سوعىس رايونىنىڭ ساياسي كوميسسارى ۋاڭ جيان - ۋ، سولتۇستىك بولىك سوعىس رايونىنىڭ سىليڭيۋانى لي چياۋميڭ، راكەتا جۇنىنىڭ سىليڭيۋانى جوۋ يانيڭ، ستراتەگيالىق كومەك ءبولىمىنىڭ سىليڭيۋانى لي فىڭبياۋ، اسكەري ىستەر عىلىم اكادەمياسىنىڭ باستىعى ياڭ شۋەجۇن.
شاڭجياڭدىق اسكەري شەنگە وسىرىلگەن 7 وفيتسەر ايبىندى اسكەري بەينە، كوتەرىڭكى رۋحپەن ءتوراعالار مىنبەسىنىڭ الدىنا كەلدى. شي جينپيڭ ولارعا بۇيرىق كۋالىگىن بەرىپ، ولارمەن ىقىلاسپەن قول الىسىپ، قۇتتىقتادى. شاڭجياڭدىق اسكەري شەنىنىڭ يىق بەلگىسىن تاققان 7 وفيتسەر شي جينپيڭگە قۇرمەت ءبىلدىردى، سالتقا قاتىناسقان بارلىق جولداسقا قۇرمەت ءبىلدىردى، بۇكىل الاڭدا قىزۋ قول شاپالاق ءۇنى كوتەرىلدى.
شەن ءوسىرۋ سالتى اسقاق اسكەري انىمەن اياقتالدى. ونان سوڭ شي جينپيڭ قاتارلى باسشى جولداستار شاڭجياڭدىق اسكەري شەنگە وسىرىلگەن وفيتسەرلەرمەن بىرگە سۋرەتكە ءتۇستى.
ورتالىق اسكەري ىستەر كوميتەتىنىڭ مۇشەلەرى ۋي فىڭحى، لي زوچىڭ، مياۋ حۋا، جاڭ شىڭمين، سونداي - اق اسكەري ىستەر كوميتەتى ورگانى تاراۋلارىنىڭ باسشىلارى، بەيجيڭدە تۇراتىن ۇلكەن ورىنداردىڭ ورىنباسار سوعىس رايون مىندەتىنەن جوعارى باسشىلارى قاتارلىلار شەن ءوسىرۋ سالتىنا قاتىناستى.
