ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى

ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى

　شي جينپيڭ، لي كىچياڭ ماڭىزدى ءسوز سويلەدى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى

　　12 - ايدىڭ 10 - كۇنىنەن 12 - كۇنىنە دەيىن، ورتالىقتىڭ ەكونوميكالىق قىزمەت ءماجىلىسى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەدى. 

كەلەر جىلى − جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ اياقتالار جىلى، ءبىرىنشى 100 جىلدىق كۇرەس نىساناسىن جۇزەگە اسىرىپ، ”14 - بەسجىلدىق“ دامۋ جانە ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن نەگىز قالاۋدا ەكونوميكالىق قىزمەتتى ويداعىداي ىستەۋ ايرىقشا ماڭىزدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاپپاي دوڭگەلەك داۋلەتتى قوعام ورناتۋ نىسانالارىمەن، مىندەتتەرىمەن تىعىز بايلانىستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى قوزعاۋشى كۇش ەتۋگە تاباندى بولىپ، جوعارى ساپالى دامۋدى ىلگەرىلەتىپ، ءۇش ءىرى قامال الۋ شايقاسىنىڭ جەڭىسىنە باتىل قول جەتكىزىپ، ”التىنى ورنىقتىرۋ“ قىزمەتىن جاپپاي ويداعىداي ىستەپ، ارتۋدى ورنىقتىرۋدى، رەفورمانى جەبەۋدى، قۇرىلىمدى رەتتەۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى، ورنىقتىلىقتى ساقتاۋدى ءبىر تۇتاس جوسپارلاپ ىلگەرىلەتىپ، ەكونوميكالىق اينالىمدى ۇيلەسىمدى ارالىقتا ساقتاپ، جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ تولىق تابىسپەن اياقتالۋىنا شىنايى كەپىلدىك ەتىپ، حالىقتىڭ قۇپتاۋىنا قول جەتكىزۋ، تاريحتىڭ سىنىنان ءوتۋ كەرەك

ورتالىقتىڭ ەكونوميكالىق قىزمەت ءماجىلىسى 12 - ايدىڭ 10 - كۇنىنەن 12 - كۇنىنە دەيىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى.

شي جينپيڭ ماجىلىستە ماڭىزدى ءسوز سويلەپ، 2019 - جىلعى ەكونوميكالىق قىزمەتتى قورىتىندىلاپ، كەزەكتەگى ەكونوميكالىق جاعدايعا تالداۋ جاساپ، 2020 - جىلعى ەكونوميكالىق قىزمەتتى ورنالاستىردى. لي كىچياڭ سوزىندە كەلەر جىلعى ەكونوميكالىق قىزمەت جونىندە ناقتى ورنالاستىرۋ جاسادى ءارى قورىتىندى ءسوز سويلەدى.

ءماجىلىس بىلاي دەپ قارادى: بيىل جىل باسىنان بەرى، ەل ءىشى - سىرتىنداعى حاۋىپ - قاتەر، سىن - سايىستار كورنەكتى ارتقان كۇردەلى جاعداي الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل پارتيا، بۇكىل ەل پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، جوعارى ساپالى دامۋدى ىلگەرىلەتىپ، ”التىنى ورنىقتىرۋ“ قىزمەتىن تىڭعىلىقتى، ويداعىداي ىستەدى، ەكونوميكانىڭ، قوعامنىڭ باياندى، اقاۋسىز دامۋىن ساقتاپ، ءۇش ءىرى قامال الۋ شايقاسىندا شەشۋشى ىلگەرىلەۋشىلىككە قول جەتكىزدى، كەدەيلىكتەن دالمە - ءدال ارىلتۋدىڭ ناتيجەسى كورنەكتى بولدى، فينانس حاۋىپ - قاتەرىنەن ءونىمدى ساقتاندى جانە ونى مەڭگەردى، ەكولوگيالىق ورتانىڭ ساپاسى جالپى جاقتان جاقساردى، رەفورما جاساۋ، ەسىك اشۋ ماڭىزدى قادام تاستادى، قامداۋ جاعىنداعى قۇرىلىمدىق رەفورما ۇزدىكسىز تەرەڭدەدى، عىلىم - تەحنيكالىق جاڭالىق اشۋدا جاڭا تابىسقا قول جەتتى، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى كۇشەيدى، ”13 - بەسجىلدىق“ جوبانىڭ باستى كورسەتكىشتەرىنىڭ اياق الىسى مەجەگە ۇيلەستى، جاپپاي دوڭگەلەك داۋلەتتى قوعام ورناتۋدا ماڭىزدى ىلگەرىلەۋشىلىككە قول جەتكىزدى.

ءماجىلىس مىنالاردى اتاپ كورسەتتى: ناتيجە وڭاي قولعا كەلگەن جوق، ونىڭ ءتۇبىرلى سەبەبى ءبىزدىڭ پارتيانىڭ ورتالىقتانعان ءبىر تۇتاس باسشىلىعىنا تاباندى بولىپ، ستراتەگيالىق تاباندىلىقتى ساقتاپ، ورنىقتىلىق بارىسىندا ىلگەرىلەۋگە تاباندى بولىپ، رەفورما جاساۋدى، ەسىك اشۋدى تەرەڭدەتىپ، ورتالىق پەن جەرگىلىكتى ورىن ەكەۋىنىڭ بەلسەندىلىگىن تولىق ساۋلەلەندىرگەندىگىمىزدە بولدى. قىزمەت بارىسىندا ءبىز كەيبىر ماڭىزدى تانىمدار قالىپتاستىردىق: ءسوز جوق، ماكرولىق ساياساتتى، كەرى پەريودتىق رەتتەۋ سەرپىنىن عىلمي، ورنىقتى يگەرىپ، ميكرو تۇلعالاردىڭ ومىرشەڭدىگىن كۇشەيتىپ، قامداۋ جاعىنداعى قۇرىلىمدىق رەفورمانىڭ نەگىزگى جەلىسىن ماكرولىق رەتتەۋ - مەڭگەرۋدىڭ جالپى بارىسىنا ءسىڭىرۋ؛ ءسوز جوق، جۇيە نازارياسى تۇرعىسىنان ەكونوميكانى جونگە سالۋ ءتاسىلىن ساپالىلاندىرىپ، جالپى جاعداي تانىمىن كۇشەيتىپ، كوپ قاباتتى نىسانالاردان يكەمدى تەپە - تەڭدىك قاراستىرۋ؛ ءسوز جوق، رەفورما ارقىلى دامۋدا ءدوپ كەلگەن تۇزىلىستىك مەحانيزمدىك كەدەرگىلەردى جويۋعا شەبەر بولىپ، جاسىرىن جاتقان دامۋ كومەسكى قۋاتىن قاۋلاتىپ، ءتۇرلى بازار تۇلعالارىنىڭ عىلىم - تەحنيكالىق جاڭالىق اشۋدىڭ جانە ەل ءىشى - حالىقارا بازارىنداعى باسەكەنىڭ ءبىرىنشى شەبىندە قايراتتانا شايقاسۋىنا مۇمكىندىك جاساۋ؛ ءسوز جوق، حاۋىپ - قاتەر تانىمىن كۇشەيتىپ، جۇيەلىك حاۋىپ - قاتەر تۋىلماۋ سىندى تومەنگى شەكتى مىقتاپ ساقتاۋ كەرەك.

ءماجىلىس مىنالاردى باسا دارىپتەدى: ناتيجەنى تولىق تۇراقتاندىرۋمەن بىرگە، ءسوز جوق، مىنانى سەرگەكتىكپەن تاني ءبىلۋ كەرەك: ەلىمىز دامۋ تاسىلىنە بۇرىلىس جاساۋدىڭ، ەكونوميكالىق قۇرىلىمدى ساپالىلاندىرۋدىڭ، ارتۋدىڭ قوزعاۋشى كۇشىن اۋىستىرۋدىڭ قامال الۋ كەزەڭىندە تۇر، قۇرىلىمدىق، تۇزىلىستىك، پەريودتىق ماسەلەلەر ءوزارا كىرىگىپ، ”ءۇش مەزگىلدىڭ قاباتتاسۋ“ ىقپالى ۇزدىكسىز تەرەڭدەپ، ەكونوميكانىڭ باسەڭدەۋ قىسىمى كۇشەيدى. قازىر دۇنيە ءجۇزى ەكونوميكاسىنىڭ ارتۋى ۇزدىكسىز باياۋلاپ، ءالى دە حالىقارالىق فينانس داعدارىسىنان كەيىنگى تەرەڭ رەتتەۋ مەزگىلىندە تۇر، دۇنيە ءجۇزى كەلەلى جاعدايىنىڭ جەدەل وزگەرۋ ەرەكشەلىگى بارعان سايىن ايقىندالىپ، الەمدىك تولقۋ كوزدەرى مەن حاۋىپ - قاتەر تۇيىندەرى كورنەكتى كوبەيدى. ءبىز قىزمەتتەگى دايىندىق جوبالاردى جاقسى ىستەۋىمىز كەرەك.

ءماجىلىس مىنالاردى اتاپ كورسەتتى: ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ سىندى نەگىزگى بەتالىسى وزگەرگەن جوق. بىزدە پارتيانىڭ پارمەندى باسشىلىعىنىڭ جانە جۇڭگوشا سوتسياليزم ءتۇزىمىنىڭ كورنەكتى ابزالدىلىعى بار، رەفورما جاساعان، ەسىك اشقاننان بەرى جيناعان مول زاتتىق، تەحنيكالىق نەگىز بار، اسا ءىرى كولەمدى بازار ابزالدىلىعى جانە ىشكى سۇرانىس كومەسكى كۇشى بار، قىرۋار دارىندى كاپيتالى جانە دارىندى بايلىعى بار، بۇكىل پارتيا، بۇكىل ەل سەنىمدى بەكەمدەپ، ءبىر نيەتتە، ءبىر تىلەكتە بولسا، ءسوز جوق، ءتۇرلى حاۋىپ - قاتەرلەردى، سىن - سايىستاردى جەڭىپ شىعا الادى.

ءماجىلىس مىنالاردى باسا دارىپتەدى: كەلەر جىل − جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ اياقتالار جىلى، ءبىرىنشى 100 جىلدىق كۇرەس نىساناسىن جۇزەگە اسىرىپ، ”14 - بەسجىلدىق“ دامۋ جانە ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن ويداعىداي نەگىز قالاۋدا ەكونوميكالىق قىزمەتتى ويداعىداي ىستەۋ ايرىقشا ماڭىزدى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، جاپپاي دوڭگەلەك داۋلەتتى قوعام ورناتۋ نىسانالارىمەن، مىندەتتەرىمەن تىعىز بايلانىستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋدى، ەسىك اشۋدى قوزعاۋشى كۇش ەتۋگە تاباندى بولىپ، جوعارى ساپالى دامۋدى ىلگەرىلەتىپ، ءۇش ءىرى قامال الۋ شايقاسىنىڭ جەڭىسىنە باتىل قول جەتكىزىپ، ”التىنى ورنىقتىرۋ“ قىزمەتىن جاپپاي ويداعىداي ىستەپ، ارتۋدى ورنىقتىرۋدى، رەفورمانى جەبەۋدى، قۇرىلىمدى رەتتەۋدى، حالىق تۇرمىسىنا تيىمدىلىك جاساۋدى، حاۋىپ - قاتەردەن ساقتانۋدى، ورنىقتىلىقتى ساقتاۋدى ءبىر تۇتاس جوسپارلاپ ىلگەرىلەتىپ، ەكونوميكالىق اينالىمدى ۇيلەسىمدى ارالىقتا ساقتاپ، جاپپاي دوڭگەلەك داۋلەتتى قوعام ورناتۋدىڭ جانە ”13 - بەسجىلدىق“ جوبانىڭ تولىق تابىسپەن اياقتالۋىنا شىنايى كەپىلدىك ەتىپ، حالىقتىڭ قۇپتاۋىنا قول جەتكىزۋ، تاريحتىڭ سىنىنان ءوتۋ كەرەك.

ءماجىلىس مىنالاردى اتاپ كورسەتتى: كەلەر جىلعى مەجەلى نىسانالاردى جۇزەگە اسىرۋدا، ورنىقتىلىقتى ماڭداي الدى ورىنعا قويۋعا تاباندى بولىپ، ماكرولىق ساياساتتاردىڭ تۇراقتىلىعىن ساقتاۋ، ميكرولىق ساياساتتار جاندى بولۋ، قوعامدىق ساياساتتاردى ەڭ تومەنگى شەكتەن تۇسىرمەۋ سىندى ساياساتتىق جۇلگەگە تاباندى بولىپ، ماكرولىق رەتتەۋ - مەڭگەرۋدىڭ بولجامپازدىعىن، باعىتتامالىلىعىن، ونىمدىلىگىن جوعارىلاتۋ كەرەك. بەلسەنە العا ۇمتىلىپ، ماسەلەنى باعدار ەتۋگە، نىسانانى باعدار ەتۋگە، ناتيجەنى باعدار ەتۋگە تاباندى بولىپ، قامداۋ جاعىنداعى قۇرىلىمدىق رەفورمانى تەرەڭدەتۋگە ۇزدىكسىز كۇش جۇمساپ، ەكونوميكانىڭ سان جاقتان لايىقتى ارتۋىنا جانە ساپالىق جاقتان ورنىقتى جوعارىلاۋىنا شىنايى كەپىلدىك ەتۋ كەرەك. ۇزدىكسىز تۇردە ماڭىزدى ءتۇيىندى مىقتى يگەرىپ، ولقىلىقتاردى تولىقتاپ، ءالسىز بۋىنداردى كۇشەيتىپ، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.

ءماجىلىس كەلەر جىلى ويداعىداي يگەرۋگە ءتيىستى مىناداي ءتۇيىندى قىزمەتتەردى تۇراقتاندىردى.

ءبىرىنشى، جاڭا دامۋ ۇستانىمىن تاباندىلىقپەن دايەكتىلەندىرۋ. ۇستانىم − ارەكەتتىڭ جەتەكشىسى. جاڭا داۋىردە دامۋدى يگەرۋدە، ءسوز جوق، دامۋ ۇستانىمىن اناعۇرلىم كورنەكتىلەندىرىپ، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ سىندى جاڭا دامۋ ۇستانىمىن تاباندىلىقپەن دايەكتىلەندىرىپ، جوعارى ساپالى دامۋدى ىلگەرىلەتۋ كەرەك. ءار دارەجەلى پارتكوم مەن ۇكىمەت، ءسوز جوق، ەلىمىز دامۋىنىڭ جاڭا كەزەڭگە ءوتۋىنىڭ، قوعامداعى باستى قايشىلىقتاردا وزگەرىس تۋىلۋدىڭ تابيعي تالابىنا ۇيلەسىپ، جاڭا دامۋ ۇستانىمىن مىقتاپ ۇستاي وتىرىپ دامۋدى ىلگەرىلەتىپ، نازاردى ءتۇرلى بىركەلكى، تولىق بولماۋ ماسەلەلەرىن شەشۋگە شوعىرلاندىرۋ كەرەك. جان - جاقتى، جالپى تۇلعالىق كوزقاراس ورناتىپ، ەكونوميكالىق، قوعامدىق دامۋدىڭ زاڭدىلىعىنا بويسۇنۋ، كەلەلى ساياساتتاردى شىعارۋ مەن رەتتەۋدە جالپىلىق ىقپالىنا ساراپتاۋ جۇرگىزىپ، ساياساتتاردى تياناقتاندىرۋدى شىنايى مىقتى يگەرىپ، ءتۇرلى - ءتۇستى فورماشىلدىقتاردى، تورەشىلدىكتەردى باتىل تيۋ كەرەك. جاڭا دامۋ ۇستانىمىنا تاباندى بولۋدى، دايەكتىلەندىرۋدى ءار دارەجەلى باسشى كادرلاردى سىناۋدىڭ ءبىر ماڭىزدى ولشەمى ەتۋ كەرەك.

ەكىنشى، ءۇش ءىرى قامال الۋ شايقاسىن باتىل، ويداعىداي جۇرگىزۋ. كەدەيلىكتەن ارىلتۋدان قامال الۋ مىندەتىنىڭ ۋاعىندا تولىق ورىندالۋىنا شىنايى كەپىلدىك ەتىپ، كۇشتى شوعىرلاندىرىپ اۋىر كەدەيلىكتى جويۋ شايقاسىن جاقسى جۇرگىزىپ، ساياساتتى، قارجىنى ”3 رايون، 3 وبلىس“ سياقتى اۋىر كەدەي وڭىرلەرگە ءتۇيىندى تۇردە بەيىمدەپ، كاسىپ سالاسى ارقىلى كەدەيلەردى سۇيەمەلدەۋ، باسقا جەرگە كوشىرىپ كەدەيلەردى سۇيەمەلدەۋ سياقتى شارالاردى تياناقتاندىرىپ، كەدەي حالىقتى كەدەيلىك تىزىمىنەن شىعارۋ وتكەلىن مىقتى يگەرىپ، كەدەيلىكتەن ارىلتۋ ناتيجەسىن بەكەمدەۋ كەرەك. مەحانيزم ورناتىپ، قايتا كەدەيلەسكەن حالىقتى جانە جاڭادان تۋىنداعان كەدەي حالىقتى قاداعالاۋدى جانە كومەكتەسۋ - سۇيەمەلدەۋدى دەر كەزىندە ويداعىداي جاقسى ىستەۋ كەرەك. لاستانۋدان ساقتانۋدان جانە ونى جونگە سالۋدان قامال الۋ شايقاسىن ويداعىداي جۇرگىزىپ، بەتالىستى وزگەرتپەۋگە، سەرپىندى كەمەيتپەۋگە تاباندى بولىپ، لاستانۋدى دالمە - ءدال، عىلمي، زاڭ بويىنشا جونگە سالۋدى كورنەكتىلەندىرىپ، ەكولوگيالىق ورتا ساپاسىنىڭ ءۇرتىس جاقسارۋىن ىلگەرىلەتۋ كەرەك. اشىق اسپاندى، تۇنىق سۋدى، تازا توپىراقتى قورعاۋ شايقاسىن ءتۇيىندى تۇردە جاقسى جۇرگىزىپ، قاتىستى جونگە سالۋ مەحانيزمدەرىن كەمەلدەندىرىپ، قاينارىنان ساقتانۋدى جانە مەڭگەرۋدى ويداعىداي يگەرۋ كەرەك. ەلىمىزدىڭ فينانس جۇيەسى جالپى جاقتان اقاۋسىز، ءتۇرلى حاۋىپ - قاتەرلەردى جويۋ قابىلەتىنە يە. ماكرولىق سۇيمەن سالىستىرماسىنىڭ نەگىزىنەن ورنىقتى بولۋىن ساقتاپ، ءار جاقتىڭ جاۋاپكەرشىلىگىن ناقتى تياناقتاندىرۋ كەرەك.

ءۇشىنشى، حالىق تۇرمىسىنىڭ، اسىرەسە، قيىنشىلىعى بار بۇقارانىڭ نەگىزگى تۇرمىسىنىڭ ءونىمدى قامتاماسىزداندىرىلۋىنا جانە جاقسارۋىنا شىنايى كەپىلدىك ەتۋ. ۇكىمەتتىڭ رولىن ساۋلەلەندىرىپ نەگىزگە كەپىلدىك ەتىپ، جالپىعا ءتيىمدى، نەگىزدىك، تومەنگى شەكتىك سيپاتقا ءمان بەرىپ، شەشۋشى ساتتەردەگى، قيىنشىلىعى بار قاۋىمنىڭ نەگىزگى تۇرمىسىن قامتاماسىز ەتۋدى ويداعىداي ىستەۋ كەرەك. جۇمىستاندىرۋدىڭ جالپى مولشەرىن ورنىقتىرىپ، جۇمىستاندىرۋ قۇرىلىمىن جاقسارتىپ، جۇمىستاندىرۋ ساپاسىن جوعارىلاتىپ، ءتۇيىندى قاۋىمدى جۇمىستاندىرۋ قىزمەتىن كورنەكتىلەندىرە وتىرىپ مىقتى ۇستاپ، بىردە - ءبىر ادام جۇمىستانباعان وتباسىلارىندا كەم دەگەندە ءبىر ادامدى يكەمدىلىكپەن جۇمىستاندىرۋعا شىنايى كەپىلدىك ەتۋ كەرەك. حالىق تۇرمىسىنداعى ولقىلىقتاردى جەدەل تولىقتاپ، قالاعا كىرىپ جۇمىس ىستەگەن جۇمىسكەرلەر پەرزەنتتەرىنىڭ وقۋعا ءتۇسۋىنىڭ قيىن بولۋى ماسەلەسىن ءونىمدى شەشۋ كەرەك. نەگىزگى تۇرمىستىڭ تومەنگى شەگىن ساقتاپ، زەينەتاقىنىڭ ۋاعىندا تولىق بەرىلۋىنە شىنايى كەپىلدىك ەتىپ، زەينەتكەرلىك قامسىزداندىرۋىن بۇكىل مەملەكەتتە ءبىر تۇتاس جوسپارلاۋدى جەدەل ىلگەرىلەتۋ كەرەك. بازار قامداۋىنىڭ يكەمدى ارتىقشىلىعىن ساۋلەلەندىرىپ، ەمدەۋ، زەينەتكەرلىك سياقتى حالىق تۇرمىسى بويىنشا قىزمەت وتەۋ سالالارىن بازارلاندىرۋ رەفورماسىن جانە ىشكە - سىرتقا ەسىك اشۋدى تەرەڭدەتىپ، كوپ قاتپارلى، كوپ تۇرلىلەنگەن قامداۋ قابىلەتىن كۇشەيتىپ، قوعامدىق ونىمدىلىك پەن ەكونوميكالىق ونىمدىلىكتىڭ بىرلىگىن اناعۇرلىم ويداعىداي جۇزەگە اسىرۋ كەرەك. قالالارداعى قيىنشىلىعى بار بۇقارانى تۇرعىن ۇيمەن قامتاماسىز ەتۋ قىزمەتىن كۇشەيتىپ، قالانى جاڭالاۋدى جانە ساقتالعان قورداعى تۇرعىن ۇيلەردى جاقسارتۋدى، دەڭگەيىن ءوسىرۋدى كۇشەيتىپ، قالا - قالاشىقتارداعى كونە، ەسكى شاعىن اۋماقتاردى جاڭالاۋدى ويداعىداي ىستەپ، جالدامالى تۇرعىن ۇيلەردى زور كۇشپەن دامىتۋ كەرەك. تۇرعىن ءۇيدىڭ ساۋدالاۋعا ەمەس، تۇرۋعا ارنالعان ورنىنا تاباندى بولىپ، قالالاردىڭ ىڭعايىنا قاراي شارا قولدانۋدىڭ، جەر باعاسىن ورنىقتىرۋدىڭ، ءۇي باعاسىن ورنىقتىرۋدىڭ، مەجەنى ورنىقتىرۋدىڭ ۇزاق ۋاقىتتىق ءونىمدى باسقارۋ - رەتتەۋ مەحانيزمىن جاپپاي تياناقتاندىرىپ، قورا - جاي بازارىنىڭ ورنىقتى، اقاۋسىز دامۋىن جەبەۋ كەرەك.

ءتورتىنشى، بەلسەندى قازىنا ساياساتىن جانە ورنىقتى اقشا ساياساتىن ۇزدىكسىز اتقارۋ. بەلسەندى قازىنا ساياساتىندا ساپانى جوعارىلاتىپ، ونىمدىلىكتى ارتتىرۋعا كۇش سالىپ، قۇرىلىمدىق رەتتەۋگە اناعۇرلىم باسا ءمان بەرىپ، ادەتتەگى شىعىستى باتىل ازايتىپ، ءتۇيىندى سالالاردى قامتاماسىز ەتۋدى ويداعىداي ىستەپ، نەگىزگى ساتىنىڭ ەڭبەكاقىنى قامتاماسىز ەتۋىن، جۇمىس اينالىمىن قامتاماسىز ەتۋىن، نەگىزگى حالىق تۇرمىسىن قامتاماسىز ەتۋىن قولداۋ كەرەك. ورنىقتى اقشا ساياساتىندا يكەمدى، ۇيلەسىمدى بولىپ، جىلجىمالىلىقتىڭ ۇيلەسىمدى، جەتكىلىكتى بولۋىن ساقتاپ، اقشالاي امانات - قارىز، قوعامدىق قارجى قۇراۋ كولەمىنىڭ ارتۋىن ەكونوميكالىق دامۋمەن ءوزارا ۇيلەستىرىپ، قوعامدىق قارجى قۇراۋدىڭ وزىندىك قۇنىن تومەندەتۋ كەرەك. فينانستىڭ قامداۋ جاعىنداعى قۇرىلىمدىق رەفورماسىن تەرەڭدەتىپ، اقشا ساياساتىن جەتكىزۋ مەحانيزمىن ىركىلىسسىزدەندىرىپ، جاساۋ كاسىبىنىڭ ورتا، ۇزاق مەرزىمدىك قارجى قۇراۋىن ارتتىرىپ، حالىق باسقارۋىنداعى جانە ورتا، شاعىن، ۇساق كاسىپورىنداردىڭ قارجى قۇراۋى قيىن، قارجى قۇراۋى قىمبات بولۋ ماسەلەسىن اناعۇرلىم باسەڭدەتۋ كەرەك. قازىنا ساياساتى، اقشا ساياساتى تۇتىنۋ، قارجى قوسۋ، جۇمىستاندىرۋ، كاسىپ سالاسى، ءوڭىر سياقتى ساياساتتارمەن بىرىككەن كۇش قالىپتاستىرىپ، قارجىنىڭ قامداۋ مەن قاجەتسىنۋدە بىردەي يگىلىككە كەنەلەتىن، كوبەيتكىشتىك اسەرگە يە وزىق جاساۋ، حالىق تۇرمىسى قۇرىلىسى، ولقى نەگىزدىك قۇرىلعىلار سياقتى سالالارعا قوسىلۋىنا جەتەكشىلىك ەتىپ، كاسىپ سالاسى مەن تۇتىنۋدىڭ ”قوس ءوسۋ“ىن جەبەۋ كەرەك. ەرەكشە ۇلكەن كولەمدەگى بازاردىڭ ابزالدىلىعىن تولىق ىسكە قوسىپ، تۇتىنۋدىڭ نەگىزدىك رولى مەن قارجى قوسۋدىڭ شەشۋشى رولىن ساۋلەلەندىرۋ كەرەك.

بەسىنشى، جوعارى ساپالى دامۋدى ىلگەرىلەتۋگە كۇش سالۋ. بەكەمدەۋ، ارتتىرۋ، جوعارىلاتۋ، ىركىلىسسىزدەندىرۋ باعىتىنا تاباندى بولىپ، جاڭالىق اشۋ ارقىلى دەم بەرۋدى جانە رەفورما جاساۋدى، ەسىك اشۋدى ەكى تەگەرشىك ەتىپ، ەكونوميكانىڭ تۇتاس تۇلعالىق باسەكەلىك قۋاتىن جاپپاي جوعارىلاتىپ، وسى زامانعى ەكونوميكالىق جۇيە قۇرىلىسىن تەزدەتۋ كەرەك. اۋىل شارۋاشىلىعى وندىرىسىندە قامداۋدى قامتاماسىز ەتۋدى مىقتاپ يگەرىپ، اۋىل شارۋاشىلىعىنىڭ قامداۋ جاعىنداعى قۇرىلىمدىق رەفورماسىن تەزدەتىپ، شارۋالاردىڭ كىرىسىن ارتتىرۋعا جانە اۋىل - قىستاقتى گۇلدەندىرۋگە دەم بەرۋ كەرەك. شوشقا ءوندىرىسىنىڭ قالپىنا كەلۋىن تەزدەتىپ، قامداۋدى قامتاماسىز ەتۋ، باعانى ورنىقتىرۋ كەرەك. عىلىم - تەحنيكا ءتۇزىلىسى رەفورماسىن تەرەڭدەتىپ، عىلىم - تەحنيكا جەتىستىكتەرىن كادەگە جاراتۋدى، قولدانۋدى تەزدەتىپ، كاسىپورىنداردىڭ تەحنيكادا جاڭالىق اشۋ قابىلەتىن جوعارىلاتۋدى تەزدەتىپ، مەملەكەت مەنشىگىندەگى كاسىپورىنداردىڭ تەحنيكادا جاڭالىق اشۋ بارىسىنداعى بەلسەندى رولىن ساۋلەلەندىرىپ، نەگىزدىك زەرتتەۋدى، ءتول جاسامپازدىقتى شابىتتاندىرۋ، قولداۋ ءتۇزىلىس مەحانيزمىن اقاۋسىزداندىرىپ، عىلىم - تەحنيكا دارىندىلارىن بايقاۋ، جەتىلدىرۋ، شابىتتاندىرۋ مەحانيزمىن كەمەلدەندىرۋ كەرەك. ستراتەگيالىق سيپاتتى كاسىپ سالاسىنىڭ دامۋىن قولداپ، جابدىقتاردى جاڭالاۋ جانە تەحنيكاعا رەفورما جاساۋ ۇسىنىلىمىن ارتتىرۋدى قولداپ، ءداستۇرلى جاساۋ كاسىپتەرىن ساپالىلاندىرىپ، دارەجەسىن كوتەرۋدى ىلگەرىلەتۋ كەرەك. باجىنى ازايتۋ، اقىنى تومەندەتۋ ساياساتىن تياناقتاندىرىپ، كاسىپورىنداردىڭ ەلەكتردەن پايدالانۋ، گازدان پايدالانۋ، زات اينالىمى سياقتى وزىندىك قۇنىن تومەندەتىپ، ”تۇرالاعان كاسىپورىندار“دى ءبىر جاقتى ەتۋدى ءتارتىپتى ىلگەرىلەتۋ كەرەك. ءتۇزىلىستى، مەحانيزمدى اقاۋسىزداندىرىپ، حالىقارالىق باسەكەلىك قۋاتقا يە ءبىر توپ وزىق جاساۋ كاسىبى شوعىرىن تۇلعالاپ، كاسىپ سالاسىنىڭ نەگىزدىك قۋاتى مەن كاسىپ سالاسى تىزبەگىنىڭ وسىزاماندانۋ دەڭگەيىن جوعارىلاتۋ كەرەك. سيفرلى ەكونوميكانى زور كۇشپەن دامىتۋ كەرەك. بازار مەحانيزمى مەن وسى زامانعى عىلىم - تەحنيكادا جاڭالىق اشۋعا ءتىپتى دە كوپ سۇيەنۋ ارقىلى قىزمەت وتەۋ كاسىبىنىڭ دامۋىن ىلگەرىلەتىپ، وندىرىستىك قىزمەت وتەۋ كاسىبىنىڭ ارنايىلانۋدىڭ جانە قۇن تىزبەگىنىڭ جوعارى دەڭگەيىنە كەڭەيۋىن ىلگەرىلەتۋ، تۇرمىستىق قىزمەت وتەۋ كاسىبىنىڭ جوعارى ساپاعا جانە الۋان تۇرلىلىككە قاراي كوتەرىلۋىن ىلگەرىلەتۋ كەرەك. ”قارت پەن بالا“ ماسەلەسىن ويداعىداي شەشۋگە باسا ءمان بەرىپ، زەينەتكەرلىك قىزمەت وتەۋ جۇيەسىن قۇرۋدى تەزدەتىپ، قوعامدىق كۇشتەردىڭ جالپىعا ءتيىمدى باعۋ - تاربيەلەۋگە اماناتتاۋ قىزمەت وتەۋىن دامىتۋىنا قولداۋ كورسەتۋ، ساياحات كاسىبىنىڭ جوعارى ساپالى دامۋىن ىلگەرىلەتىپ، دەنە تاربيە، دەنە شىنىقتىرۋ كاسىپ سالاسىنىڭ بازارلانىپ دامۋىن ىلگەرىلەتۋ كەرەك. مەملەكەتتىڭ ۇزاق بولاشاقتىق دامۋىن كوزدەپ، ستراتەگيالىق سيپاتتى، تور ۇلگىسىندەگى نەگىزدىك قۇرىلعى قۇرىلىسىن كۇشەيتىپ، سىچۋان - شيزاڭ تەمىر جولى سياقتى كەلەلى نىساندار قۇرىلىسىن ىلگەرىلەتىپ، حابارلاسۋ تورابى قۇرىلىسىن ورنىقتى ىلگەرىلەتىپ، جاراتىلىستىق اپاتتاردان ساقتانۋ جانە ونى تىزگىندەۋ كەلەلى ينجەنەريالارىن اتقارۋدى تەزدەتىپ، قالا اكىمشىلىگى باسقارۋ تورى، قالالاردا كولىك توقتاتۋ الاڭى، سۋىق تىزبەكتى زات اينالىمى سياقتى قۇرىلىستاردى كۇشەيتىپ، اۋىل - قىستاق تاس جولى، ينفورماتسيا، سۋ يگىلىگى سياقتى قۇرىلعى قۇرىلىستارىن تەزدەتۋ كەرەك. وڭىرلىك دامۋ ستراتەگياسىنىڭ تياناقتانۋىن تەزدەتىپ، وڭىرلىك ساياسات پەن كەڭىستىك ورنالاستىرۋدى كەمەلدەندىرىپ، جەر - جەردىڭ سالىستىرمالى ابزالدىلىعىن ساۋلەلەندىرىپ، بۇكىل مەملەكەت بويىنشا جوعارى ساپالى دامۋدىڭ جاڭا قوزعاۋشى كۇش قاينارىن تۇلعالاپ، بەيجيڭ - تيانجين - حىبەيدىڭ سەلبەسىپ دامۋىن، چاڭجياڭ اتىراۋىنىڭ ءبىر تۇلعالانا دامۋىن، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتىپ، دۇنيە جۇزىلىك دەڭگەيدەگى جاڭالىق اشۋ تۇعىرىن جانە ارتۋ ۇيەگىن قالىپتاستىرۋ كەرەك. شيۇڭ - ان جاڭا رايونى قۇرىلىسىن تىڭعىلىقتى ىلگەرىلەتىپ، چاڭجياڭ ەكونوميكالىق بەلدەۋىن جاپپاي قورعاۋ شاراسىن بىرگە يگەرۋدى تياناقتاندىرىپ، حۋاڭحى وزەنى الابى ەكولوگياسىن قورعاۋدى جانە جوعارى ساپالى دامۋىن ىلگەرىلەتۋ كەرەك. وزەكتى قالالار مەن قالا شوعىرىنىڭ جالپىلىق كوتەرىمدىلىك قۋاتىن جوعارىلاتۋ كەرەك.

التىنشى، ەكونوميكالىق ءتۇزىلىس رەفورماسىن تەرەڭدەتۋ. جوعارى ولشەمدى بازار جۇيەسىن قۇرۋدى تەزدەتۋ كەرەك. مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىن تەزدەتىپ، مەملەكەت مەنشىگىندەگى كاپيتالدىڭ ورنالاسۋىن ساپالىلاندىرۋدى، رەتتەۋدى ىلگەرىلەتۋ كەرەك. مال - مۇلىك ۇقىعى ءتۇزىمىن جانە ماڭىزدى فاكتورلاردىڭ بازارلانا ورنالاسۋىن كەمەلدەندىرىپ، حالىق باسقارۋىنداعى شارۋاشىلىقتىڭ دامۋىن قولدايتىن زاڭمەن جونگە سالۋ ورتاسىن اقاۋسىزداندىرىپ، ورتا، شاعىن كاسىپورىنداردى دامىتۋدىڭ ساياسات جۇيەسىن كەمەلدەندىرۋ كەرەك. جەردى جوسپارلاۋ، باسقارۋ تاسىلىنە رەفورما جاساپ، قازىنا - سالىق ءتۇزىلىسى رەفورماسىن تەرەڭدەتۋ كەرەك. فينانس ءتۇزىلىسى رەفورماسىن تەزدەتىپ، كاپيتال بازارى نەگىزدىك ءتۇزىمىن كەمەلدەندىرىپ، جارناسى بازارعا شىعارىلعان سەرىكتەستىكتەردىڭ ساپاسىن جوعارىلاتىپ، شەگىنىپ شىعۋ مەحانيزمىن اقاۋسىزداندىرىپ، ەكىنشى تاقتا جانە جاڭا ءۇشىنشى تاقتا رەفورماسىن ورنىقتى ىلگەرىلەتىپ، ۇلكەن بانكەلەردىڭ قىزمەت وتەۋ ءتۇيىنىن تومەنگە تۇسىرۋىنە جەتەكشىلىك ەتىپ، ورتا، شاعىن بانكەلەردىڭ نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرۋىن ىلگەرىلەتىپ، اۋىل - قىستاق امانات - قارىز كووپەراتيۆى رەفورماسىن تەرەڭدەتىپ، قامسىزداندىرۋ سەرىكتەستىكتەرىن قامتاماسىز ەتۋ يقۋاتىنا قايتا ورالۋعا جەتەكتەۋ كەرەك. سىرتقا ەسىك اشۋدا اناعۇرلىم زور كولەم، اناعۇرلىم كەڭ سالا، اناعۇرلىم تەرەڭ قابات بەتالىسىنا قاراي ۇزدىكسىز ءجۇرىپ، شەتەل ساۋداگەرلەرىنىڭ قارجى قوسۋىن جەبەۋدى جانە قورعاۋدى كۇشەيتىپ، شەتەل ساۋداگەرلەرىنىڭ قارجى قوسۋ ۇنامسىز ءتىزىمىن ۇزدىكسىز ازايتۋ كەرەك. سىرتقى ساۋدانىڭ ورنىقتىلىق بارىسىندا ساپاسىن جوعارىلاتۋىن ىلگەرىلەتىپ، كاسىپورىنداردى كوپ نەگىزدەنگەن ەكسپورت بازارىن اشۋعا جەتەكتەۋ كەرەك. كەدەن باجىسىنىڭ جالپى دەڭگەيىن تومەندەتۋ كەرەك. ەركىن ساۋدا سىناق رايونىنىڭ رەفورما جاساۋ، ەسىك اشۋ سىناق اتىزىندىق رولىن ويداعىداي ساۋلەلەندىرىپ، حاينان ەركىن ساۋدا پورتىن قۇرۋدى ىلگەرىلەتىپ، ”ءبىر بەلدەۋ، ءبىر جول“ قارجى قوسۋ ساياساتى مەن قىزمەت وتەۋ جۇيەسىن اقاۋسىزداندىرۋ كەرەك. الەمدىك ەكونوميكانى جونگە سالۋ وزگەرىسىنە ىرىقتىلىقپەن ات سالىسىپ، دۇنيە جۇزىلىك ساۋدا ۇيىمى رەفورماسىنا بەلسەنە ات سالىسىپ، كوپ جاقتى، ەكى جاقتى ەركىن ساۋدا كەلىسىمى كەلىسسوزىن تەزدەتۋ كەرەك.

ءماجىلىس مىنالاردى باسا دارىپتەدى: ”التىنى ورنىقتىرۋ“ شاراسىن كەمەلدەندىرىپ جانە كۇشەيتىپ، قازىنا، اقشا، جۇمىستاندىرۋ سياقتى ساياساتتاردى سايكەستىرۋدى جانە جەتكىزۋ، تياناقتاندىرۋ مەحانيزمىن اقاۋسىزداندىرىپ، ەكونوميكالىق اينالىمنىڭ ۇيلەسىمدى ارالىقتا بولۋىنا شىنايى كەپىلدىك ەتۋ كەرەك. باجىنى ازايتۋ، اقىنى تومەندەتۋ ونىمدىلىگىن بەكەمدەپ جانە كەڭەيتىپ، قازىنا شىعىسى قۇرىلىمىن ساپالىلاندىرۋعا بارىنشا كۇش سالىپ، كاسىپورىنداردىڭ قارجى قۇراۋى قيىن بولۋ، قارجى قۇراۋى قىمبات بولۋ ماسەلەسىن اناعۇرلىم باسەڭدەتىپ، كوپ ءتۇرلى شارالاردى قاتار اتقارىپ، جۇمىستانۋ جاعدايىنىڭ ورنىقتىلىعىن ساقتاۋ كەرەك. رەفورماعا سۇيەنىپ، شارۋاشىلىق ساۋدا ورتاسىن ساپالىلاندىرىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋدى، تومەنگە بەرۋ مەن باسقارۋدى ۇشتاستىرۋدى، قىزمەت وتەۋدى ساپالىلاندىرۋدى تەرەڭدەتۋ كەرەك. مەملەكەت مەنشىگىندەگى كاسىپورىندار رەفورماسىنىڭ 3 جىلدىق ارەكەت جوباسىن جاساپ، اتقارىپ، مەملەكەت مەنشىگىندەگى مال - مۇلىك، مەملەكەت مەنشىگىندەگى كاسىپورىندار رەفورماسىنىڭ جالپىلىق ونىمدىلىگىن جوعارىلاتىپ، حالىق باسقارۋىنداعى شارۋاشىلىقتىڭ دامۋ ورتاسىن ساپالىلاندىرۋ كەرەك. ناقتى ەكونوميكانىڭ دامۋىن ىلگەرىلەتىپ، جاساۋ كاسىبىنىڭ دەڭگەيىن جوعارىلاتىپ، جاڭادان گۇلدەنگەن كاسىپ سالاسىن دامىتىپ، كوپ بولىپ شارۋاشىلىق قۇرۋدى، جالپى قاۋىم جاڭالىق اشۋدى جەبەۋ كەرەك. حالىق تۇرمىسىن باعدار ەتۋدى كۇشەيتىپ، تۇتىنۋدىڭ ورنىقتى ارتۋىن ىلگەرىلەتىپ، ءونىمدى قارجى قوسۋدى شىنايى ارتتىرىپ، ەل ءىشى بازارىنىڭ قاجەتسىنۋ كومەسكى كۇشىن جارىققا شىعارۋ كەرەك. كەدەيلىكتەن ارىلتۋدان قامال الۋدى جۇزەگە اسىرۋ نىساناسىنا، كەدەيلىكتەن ارىلتۋ جەتىستىگىن بەكەمدەۋگە شىنايى كەپىلدىك ەتىپ، اۋىل شارۋاشىلىعى ءوندىرىسىن استە بوساڭىسماي ويداعىداي يگەرىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتۋ كەرەك. اناعۇرلىم جوعارى دەڭگەيدە سىرتقا ەسىك اشۋدى ىلگەرىلەتىپ، سىرتقى ساۋدانىڭ ورنىقتى ارتۋىن ساقتاپ، شەتەل قارجىسىنان پايدالانۋدى ورنىقتىرىپ جانە كەڭەيتىپ، ”ءبىر بەلدەۋ، ءبىر جول“دى بىرگە قۇرۋدى تىڭعىلىقتى ىلگەرىلەتۋ كەرەك. لاستانۋدان ساقتانۋ - جونگە سالۋدى جانە ەكولوگيا قۇرىلىسىن كۇشەيتىپ، جاسىل دامۋ ءتاسىلىن قالىپتاستىرۋدى جەدەل ىلگەرىلەتۋ كەرەك. حالىق تۇرمىسىن قامتاماسىز ەتۋ قىزمەتىن تىڭعىلىقتى، ويداعىداي ىستەپ، حالىق تۇرمىسىن ۇزدىكسىز جاقسارتۋ كەرەك.

ءماجىلىس مىنالاردى اتاپ كورسەتتى: جاپپاي دوڭگەلەك داۋلەتتى قوعام ورناتۋ جانە ”13 - بەسجىلدىق“ جوبانىڭ نىسانا مىندەتتەرىن جۇزەگە اسىرۋ − كەلەر جىلعى بۇكىل پارتيا قىزمەتىندەگى ەڭ ماڭىزدى ءتۇيىن. وڭىرلەر، تاراۋلار پارتيا 19 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن جاپپاي دايەكتىلەندىرىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ جاعىنا كوبىرەك كۇش سالىپ، پارتيانىڭ ەكونوميكالىق قىزمەتكە باسشىلىق ەتۋ ءتۇزىم ابزالدىلىعىن جونگە سالۋ ونىمدىلىگىنە شىنايى اينالدىرۋ كەرەك.

ءماجىلىس بۇكىل پارتيانى، بۇكىل ەلدى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر نيەتپەن كۇش بىرىكتىرىپ، ءورىس اشا ىلگەرىلەپ، جاپپاي دوڭگەلەك داۋلەتتى قوعام ورناتۋدىڭ ۇلى جەڭىسىنە باتىل قول جەتكىزۋگە ۇندەدى!

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىندەگى قاتىستى باسشى جولداستار، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستەگى قاتىستى باسشى جولداستارى، سونداي - اق ورتالىق اسكەري ىستەر كوميتەتىنىڭ مۇشەلەرى قاتارلىلار ماجىلىسكە قاتىناستى.

ءارقايسى ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ پارتيا، ۇكىمەت ورىندارىنداعى نەگىزگى جاۋاپتىلار، ورتالىق پەن مەملەكەت ورگاندارىنىڭ قاتىستى تاراۋلارىنداعى نەگىزگى جاۋاپتىلار، ورتالىق باسقاراتىن ءبىر ءبولىم كاسىپورىنداردىڭ جانە فينانس قۇرىلىمدارىنىڭ جاۋاپتىلارى، ارميانىڭ قاتىستى جاۋاپتىلارى ماجىلىسكە قاتىناستى.