رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسى بەيجيڭدە سالتاناتپەن وتكىزىلدى
شي جينپيڭ ماڭىزدى ءسوز سويلەدى
لي كىچياڭ باسقاردى، لي جانشۋ، ۋاڭ ياڭ، جاۋ لىجي، حان جىڭ، ۋاڭ چيشان قاتىناستى، ۋاڭ حۋنيڭ ماداقتاۋ - سيلاۋ قارارىن وقىدى
رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسى 12 - ايدىڭ 18 - كۇنى بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى.
رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسى 12 - ايدىڭ 18 - كۇنى بەيجيڭدەگى حالىق سارايىندا سالتاناتپەن وتكىزىلدى. شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جينالىسقا قاتىناستى.
شينحۋا اگەنتتىگىنىڭ 12 - ايدىڭ 18 - كۇنى بەيجيڭنەن بەرگەن حابارى. رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسى 12 - ايدىڭ 18 - كۇنى تۇستەن بۇرىن بەيجيڭدەگى حالىق سارايىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى.
شي جينپيڭ مىنالاردى باسا دارىپتەدى: 40 جىلدىڭ امالياتى پارتيا 11 - كەزەكتى ورتالىق كوميتەتىنىڭ ءۇشىنشى جالپى ماجىلىسىنەن بەرى پارتيامىزدىڭ بۇكىل ەلدەگى ءار ۇلت حالقىن ىنتىماقتاستىرىپ جانە باستاپ اشقان جۇڭگوشا سوتسياليزم جولىنىڭ، نازارياسىنىڭ، ءتۇزىمىنىڭ، مادەنيەتىنىڭ بۇكىلدەي دۇرىس ەكەندىگىن، قالىپتاستىرعان پارتيانىڭ نەگىزگى نازارياسىنىڭ، نەگىزگى لۋشيانىنىڭ، نەگىزگى جالپى جوباسىنىڭ بۇكىلدەي دۇرىس ەكەندىگىن تولىق دالەلدەدى.
شي جينپيڭ مىنالاردى باسا دارىپتەدى: 40 جىلدىڭ امالياتى جۇڭگونىڭ دامۋى قالىڭ وركەندەپ كەلە جاتقان ەلدەردىڭ وسىزاماندانۋعا بەتتەۋىنە تابىستى تاجىريبە ازىرلەپ، جارقىن بولاشاق كورسەتكەندىگىن، دۇنيە ءجۇزىنىڭ بەيبىتشىلىگى مەن دامۋىن جەبەگەن قۇدىرەتتى كۇش بولعاندىعىن، جۇڭحۋا ۇلتىنىڭ ادامزات وركەنيەتىنىڭ العا باسۋىنا قوسقان ماڭىزدى ۇلەسى ەكەندىگىن تولىق دالەلدەدى.
شي جينپيڭ مىنالاردى باسا دارىپتەدى: 40 جىلدىڭ امالياتى رەفورما جاساۋدىڭ، ەسىك اشۋدىڭ پارتيا مەن حالىقتىڭ ارشىندى قاداممەن داۋىرمەن قاتار ءجۇرۋىنىڭ ماڭىزدى اسىلى، جۇڭگوشا سوتسياليزمگە تاباندى بولۋدىڭ جانە ونى دامىتۋدىڭ، ءسوزسىز، باسىپ وتۋگە ءتيىستى جولى، جۇڭگونىڭ تاعدىرىن بەلگىلەگەن شەشۋشى شارا، سونداي - اق «قوس 100 جىلدىق» كۇرەس نىساناسىن ىسكە اسىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋداعى شەشۋشى شارا ەكەندىگىن تولىق دالەلدەدى.
لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جينالىسقا قاتىناستى.
حالىق سارايى ايبىنىمەن كوز تارتىپ، 10 مىڭ ادامدىق زالدا شامدار سامالاداي جارقىراپ، دۋماندى بەينەگە شومدى. ءتوراعالار مىنبەسىنىڭ ۇستىنگى جاعىنا «رەفورما جاساۋدىڭ، ەسىك اشۋدىڭ 40 جىلدىعىن قۇتتىقتاۋ جينالىسى» دەگەن جينالىس بەلگىسى ىلىنگەن، ساحنانىڭ ارتىنداعى شىمىلدىققا جۇڭحۋا حالىق رەسپۋبليكاسىنىڭ مەملەكەت گەربى مەن «2018 −1978» دەگەن جازۋ ىلىنگەن، ەكى جاعىنا بەس - بەستەن نارت قىزىل تۋ قويىلعان.
شي جينپيڭ قاتارلى باسشى جولداستار جينالىس زالىنا كىرگەندە، زالداعىلار تۇگەل ورىندارىنان تۇرىپ، شاتىرلاتا شاپالاق سوقتى.
ساعات 10دا لي كىچياڭ قۇتتىقتاۋ جينالىسىنىڭ باستالعاندىعىن جاريالادى. زالداعىلار تۇگەل ورنىنان تۇرىپ، مەملەكەت ءانىن اسقاقتاتا شىرقادى. ۋاڭ حۋنيڭ «ج ك پ ورتالىق كوميتەتىنىڭ، مەملەكەتتىك كەڭەستىڭ رەفورما جاساۋعا، ەسىك اشۋعا كورنەكتى ۇلەس قوسقان ادامداردى ماداقتاۋ - سيلاۋ جونىندەگى قارارىن» وقىدى. قاراردا مىنالار اتاپ كورسەتىلدى: پارتيا ورتالىق كوميتەتى، مەملەكەتتىك كەڭەس يۇي مين قاتارلى 100 جولداسقا رەفورما اتويشىسى اتاعىن بەرىپ، رەفورما اتويشىسى مەدالىن بەرۋدى؛ حالىقارالىق قوعامنىڭ جۇڭگونىڭ رەفورما جاساۋ، ەسىك اشۋ ىستەرىنە كورسەتكەن قولداۋى مەن كومەگىنە العىس ايتۋ ءۇشىن، الاين مەريەۋكس سياقتى 10 حالىقارالىق دوسقا جۇڭگو رەفورما دوستىق مەدالىن بەرۋدى ۇيعاردى. جينالىستا رەفورما اتويشىسى اتاعى، جۇڭگو رەفورما دوستىق مەدالى بەرىلگەن ادامداردىڭ ەسىمدىگى وقىلدى (قاراردىڭ تولىعى ايىرىم بەرىلدى).
«كوكتەمنىڭ حيكاياسى» مۋزيكا ءۇنى ىشىندە شي جينپيڭ قاتارلىلار رەفورما اتويشىسى اتاعى، جۇڭگو رەفورما دوستىق مەدالى بەرىلگەن ادامدارعا سيلىق تابىستادى.
زالداعىلار تۇگەل ورنىنان تۇرىپ، ىستىق ىقىلاسپەن شاپالاق سوعىپ، ماداقتالىپ - سيلانعانداردى شىن جۇرەكتەن قۇتتىقتاپ، ولارعا وسكەلەڭ قۇرمەت ءبىلدىردى. پيونەرلەر ولارعا اسەم گۇل سيلادى.
شاتىرلاعان شاپالاق ءۇنى ىشىندە شي جينپيڭ ماڭىزدى ءسوز سويلەدى. ول مىنالاردى باسا دارىپتەدى: پارتيامىز رەفورما جاساۋ، ەسىك اشۋ جونىندەگى تاريحي شەشىمىن پارتيا مەن مەملەكەتتىڭ بولاشاعىن، تاعدىرىن تەرەڭدەي يگەرۋگە نەگىزدەلە، سوتسياليستىك توڭكەرىس پەن قۇرىلىس امالياتىن تەرەڭدەي قورىتىندىلاۋعا نەگىزدەلە، ءداۋىردىڭ اعىمىنا تەرەڭدەي كوز جەتكىزۋگە نەگىزدەلە، حالىق جۇرتشىلىعىنىڭ تىلەگى مەن قاجەتىن تەرەڭدەي سەزىنۋگە نەگىزدەلە شىعارعان. رەفورما جاساۋ، ەسىك اشۋ − پارتيامىزدىڭ ءبىر رەتكى ۇلى ويانۋى، ءدال وسى ۇلى ويانۋ پارتيامىزدىڭ نازاريادان امالياتقا دەيىنگى ۇلى جاسامپازدىعىن تۋىنداتتى. رەفورما جاساۋ، ەسىك اشۋ − جۇڭگو حالقى مەن جۇڭحۋا ۇلتىنىڭ دامۋ تاريحىنداعى ءبىر رەتكى ۇلى توڭكەرىس، ءدال وسى ۇلى توڭكەرىس جۇڭگوشا سوتسياليزم ىستەرىنىڭ ۇلى شارىقتاۋىن ىلگەرىلەتتى.
شي جينپيڭ مىنالاردى اتاپ كورسەتتى: جۇڭگو كوممۋنيستىك پارتياسىن قۇرۋ، جۇڭحۋا حالىق رەسپۋبليكاسىن قۇرۋ، رەفورما جاساۋدى، ەسىك اشۋدى جانە جۇڭگوشا سوتسياليزم ىستەرىن ىلگەرىلەتۋ − «4 - مامىر» قوزعالىسىنان بەرى ەلىمىزدە بولعان 3 ۇلكەن تاريحي وقيعا، تاياۋ زاماننان بەرى جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىنداعى 3 ۇلكەن ەسكەرتكىش. ماۋ زىدۇڭ جولداستى باستى ۋاكىل ەتكەن جۇڭگو كوممۋنيستەرى جاڭا دەموكراتيالىق توڭكەرىستى ورىنداپ، جۇڭحۋا حالىق رەسپۋبليكاسىن قۇرىپ، قازىرگى جۇڭگونىڭ بارلىق دامۋى مەن العا باسۋىنا ءتۇبىرلى ساياسي العى شارت جانە تۇزىمدىك نەگىز قالادى. دىڭ شياۋپيڭ جولداستى باستى ۋاكىل ەتكەن جۇڭگو كوممۋنيستەرى پارتيا مەن مەملەكەت قىزمەتىنىڭ ءتۇيىنىن ەكونوميكالىق قۇرىلىسقا اۋدارۋ، رەفورما جاساۋدى، ەسىك اشۋدى جولعا قويۋ تۋرالى تاريحي شەشىم جاساپ، جۇڭگوشا سوتسياليزمدى ءساتتى باستادى. جياڭ زىمين جولداستى باستى ۋاكىل ەتكەن جۇڭگو كوممۋنيستەرى سوتسياليستىك بازار شارۋاشىلىعى ءتۇزىلىسىنىڭ رەفورما نىسانالارى مەن نەگىزگى جۇلگەسىن ورناتىپ، جاپپاي رەفورما جاساۋدىڭ، ەسىك اشۋدىڭ جاڭا جاعدايىن اشىپ، جۇڭگوشا سوتسياليزمدى ءساتتى تۇردە 21 - عاسىرعا قاراي ىلگەرىلەتتى. حۋ جينتاۋ جولداستى باستى ۋاكىل ەتكەن جۇڭگو كوممۋنيستەرى ادامدى نەگىز ەتۋگە، جاپپاي، سايكەستى، باياندى دامۋعا تاباندى بولۋدى باسا دارىپتەپ، پارتيانىڭ بيلىك جۇرگىزۋ قابىلەتى قۇرىلىسى مەن العاباسارلىق قۇرىلىسىن ىلگەرىلەتىپ، ءساتتى تۇردە جاڭا تاريحي باستامادا جۇڭگوشا سوتسياليزمگە تاباندى بولدى جانە ونى دامىتتى.
شي جينپيڭ مىنالاردى باسا دارىپتەدى: پارتيانىڭ 18 - قۇرىلتايىنان بەرى، پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، حالىقارالىق جانە ىشكى جاعدايدى جاپپاي بارلاپ، امالياتتى قورىتىندىلاۋ، بولاشاققا كوز تاستاۋ ارقىلى جاڭا داۋىردە قانداي جۇڭگوشا سوتسياليزمگە تاباندى بولۋ جانە ونى دامىتۋ، جۇڭگوشا سوتسياليزمگە قالاي تاباندى بولۋ جانە ونى دامىتۋ دەگەن كەلەلى داۋىرلىك تاقىرىپقا تەرەڭدەي جاۋاپ بەرىپ، جاڭا ءداۋىر جۇڭگوشا سوتسياليزم يدەياسىن قالىپتاستىرىپ، «بەستى ءبىر تۇلعالاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋگە، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋگە تاباندى بولىپ، قىزمەتتىڭ ورنىقتىلىق بارىسىندا ىلگەرىلەۋ سىندى جالپى ارناسىنان جازباي، پارتيا مەن مەملەكەتتىڭ ءتۇرلى قىزمەتى جونىندە ءبىرسىپىرا جاڭا ۇستانىمدى، جاڭا يدەيانى، جاڭا ستراتەگيانى العا قويىپ، پارتيا مەن مەملەكەت ىستەرىندە تاريحي وزگەرىستەر جارىققا شىعىپ، تاريحي جەتىستىكتەرگە قول جەتىپ، جۇڭگوشا سوتسياليزمنىڭ جاڭا داۋىرگە ءوتۋىن ىلگەرىلەتتى.
شي جينپيڭ مىنالاردى اتاپ كورسەتتى: قيىنشىلىق پەن قىسپاق ءبىزدى شىڭدادى، تابىسقا جەتكىزدى. 40 جىلدان بەرى، ءبىز يدەيانى ازات ەتىپ، شىندىقتى ءىس جۇزىنەن ىزدەپ، جۇرەكتىلىكپەن سىناپ، باتىلدىقپەن رەفورمالاپ، تىڭ ءورىس اشتىق. رەفورما جاساعان، ەسىك اشقان 40 جىلدان بەرى، جاڭا ءداۋىر اشقاننان جاڭا عاسىرعا قادام تاستاعانعا دەيىن، جاڭا باستامادان جاڭا داۋىرگە وتكەنگە دەيىن 40 جىل بەينەتتى دە، زەينەتتى دە بىرگە وتكەردىك، 40 جىل تار جول، تايعاق كەشۋدەن بىرگە وتتىك، 40 جىل ۇدەرە العا تارتتىق، پارتيامىز حالىقتى باستاپ ايدىنى شالقار، ايباتى اسقاق تاريحي كارتينا كەستەلەپ، جەر - كوكتى ءدۇر سىلكىندىرگەن، ايبىنى اسقاق كۇرەستىڭ ماداق جىرىن جازدى.
شي جينپيڭ نازاريالىق جاڭالىق، ەكونوميكالىق قۇرىلىس، ساياسي قۇرىلىس، مادەنيەت قۇرىلىسى، قوعامدىق قۇرىلىس، ەكولوگيالىق وركەنيەت قۇرىلىسى، مەملەكەت قورعانىسى مەن ارميا قۇرىلىسى، وتاننىڭ بىرلىككە كەلۋى، ديپلوماتيا قىزمەتى، پارتيا قۇرىلىسى سياقتى جاقتاردان رەفورما جاساۋدىڭ، ەسىك اشۋدىڭ ۇلى جەتىستىكتەرىن قورىتىندىلادى. ول مىنالاردى باسا دارىپتەدى: 40 جىلدان بەرى قول جەتكەن تابىستار اسپاننان تۇسكەن جوق، باسقا بىرەۋلەردىڭ جارىلقاپ بەرگەنى تىپتەن ەمەس، قايتا بۇكىل پارتيانىڭ، بۇكىل ەلدەگى ءار ۇلت حالقىنىڭ ەڭبەكشىلدىگىنىڭ، اقىل - پاراساتىنىڭ، جۇرەكتىلىگىنىڭ جەمىسى. ءبىز دامىعان ەلدەر بىرنەشە ءجۇز جىل جۇرگەن ونەركاسىپتەنۋ ۇدەرىسىن بىرنەشە ون جىلدا باسىپ وتتىك. مۇمكىن ەمەس ىستەر جۇڭگو حالقىنىڭ قولىندا مۇمكىندىككە اينالدى. ءبىز جەر بەتىندە كەرەمەتتەر جاساعان جۇڭگو حالقىن تەڭدەسسىز ماقتان تۇتامىز، تەڭدەسسىز ماقتانىش ەتەمىز.
شي جينپيڭ مىنالاردى اتاپ كورسەتتى: رەفورما جاساعان، ەسىك اشقان 40 جىلدا توپتالعان قۇندى تاجىريبەلەر − پارتيا مەن حالىقتىڭ باعا جەتپەس رۋحاني قازىناسى، جاڭا داۋىردە جۇڭگوشا سوتسياليزمگە تاباندى بولۋدا جانە ونى دامىتۋدا ايرىقشا ماڭىزدى جەتەكشى مانگە يە، ءسوز جوق، بارىنشا قاستەرلەپ، ۇزاق ۋاقىت تاباندى بولۋ، اماليات بارىسىندا ۇزدىكسىز بايىتۋ جانە دامىتۋ كەرەك. ءبىرىنشى، ءسوز جوق، پارتيانىڭ بارلىق قىزمەتكە باسشىلىعىنا تاباندى بولىپ، پارتيانىڭ باسشىلىعىن ۇزدىكسىز كۇشەيتىپ جانە جاقسارتىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، رەفورما جاساۋ، ەسىك اشۋ سىندى كەمەنىڭ دۇرىس باعدارمەن تولقىن جارا العا ىلگەرىلەۋىنە كەپىلدىك ەتۋ كەرەك. ەكىنشى، ءسوز جوق، حالىقتى وزەك ەتۋگە تاباندى بولىپ، حالىقتىڭ تاماشا تۇرمىسقا تالپىنىسىن ۇزدىكسىز ىسكە اسىرىپ، حالىق تىلەگىنە ۇيلەسىپ، حالىق رايىنا قۇرمەت ەتىپ، حالىق جاعدايىنا نازار اۋدارىپ، حالىق تۇرمىسىنا كۇش سالىپ، حالىقتى رەفورما جاساۋدىڭ، ەسىك اشۋدىڭ جەتىستىكتەرىنەن تەڭ يگىلىكتەندىرىپ، حالىقتى رەفورما جاساۋ، ەسىك اشۋ جانە سوتسياليستىك وسىزامانداندىرۋ قۇرىلىسى ىستەرىنە اناعۇرلىم سانالى تۇردە ات سالىسۋعا ىنتالاندىرۋ كەرەك. ءۇشىنشى، ءسوز جوق، ماركسيزمنىڭ جەتەكشى ورنىنا تاباندى بولىپ، اماليات نەگىزىندەگى نازاريالىق جاڭالىقتى ۇزدىكسىز ىلگەرىلەتىپ، ءداۋىردىڭ سۇراۋىنا، حالىقتىڭ ساۋالىنا دەر كەزىندە جاۋاپ بەرىپ، ماركسيزم دامۋىنىڭ جاڭا ءورىسىن ۇزدىكسىز اشۋ كەرەك. ءتورتىنشى، ءسوز جوق، جۇڭگوشا سوتسياليزم جولىمەن اۋىتقىماي ءجۇرىپ، جۇڭگوشا سوتسياليزمگە ۇزدىكسىز تاباندى بولىپ جانە ونى دامىتىپ، رەفورما جاساۋدىڭ، ەسىك اشۋدىڭ العا باسۋ بەتالىسىن مىقتاپ يگەرۋ كەرەك. بەسىنشى، ءسوز جوق، جۇڭگوشا سوتسياليستىك ءتۇزىمدى كەمەلدەندىرۋ مەن دامىتۋعا تاباندى بولىپ، ەلىمىزدىڭ ءتۇزىم ارتىقشىلىعىن ۇزدىكسىز ساۋلەلەندىرىپ جانە ونى نىعايتىپ، جۇڭگوشا سوتسياليستىك ءتۇزىمنىڭ اناعۇرلىم جەتىلۋى مەن اناعۇرلىم قالىپتاسۋىن ىلگەرىلەتۋ كەرەك. التىنشى، ءسوز جوق، دامۋدى ماڭداي الدى مىندەت ەتۋگە تاباندى بولىپ، ەلىمىزدىڭ جالپىلىق مەملەكەت قۋاتىن ۇزدىكسىز نىعايتىپ، ەكونوميكا مەن قوعامنىڭ باياندى، اقاۋسىز دامۋىن ىلگەرىلەتىپ، جۇڭگوشا سوتسياليزمگە تاباندى بولۋ مەن ونى دامىتۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا مىعىم ماتەريالدىق نەگىز قالاۋ كەرەك. جەتىنشى، ءسوز جوق، ەسىك اشۋدى كەڭەيتۋگە تاباندى بولىپ، ادامزاتتىڭ تاعدىرلاس ورتاق تۇلعاسىن بىرگە قۇرۋدى ىلگەرىلەتىپ، بەيبىتشىلىك، دامۋ، سەلبەستىك، تەڭ يگىلىكتەنۋ تۋىن بيىك ۇستاپ، حالىقارالىق ادىلدىك پەن تۋراشىلدىقتى قورعاپ، حالىقارالىق قارىم - قاتىناستىڭ دەموكراتيالانۋىن دارىپتەپ، عالامدىق جونگە سالۋ جۇيەسى رەفورماسى مەن قۇرىلىسىنا بەلسەنە ات سالىسىپ، ساۋدانىڭ، قارجى قوسۋدىڭ ەركىندەنۋى مەن قولايلىلانۋىن جەبەۋ كەرەك. سەگىزىنشى، ءسوز جوق، پارتيانى جاپپاي قاتاڭ جونگە سالۋعا تاباندى بولىپ، پارتيانىڭ جاسامپازدىق قابىلەتىن، ۇيىسۋ قابىلەتىن، جاۋىنگەرلىك قابىلەتىن ۇزدىكسىز جوعارىلاتىپ، پارتيانىڭ ساياسي باسشىلىق قابىلەتىن، يدەيالىق جەتەكشىلىك قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز نىعايتىپ، شىرىكتەسكەندەردى تۇبەگەيلى باتىل الاستاپ، پارتيانىڭ قاي - قاشان دا حالىق بۇقاراسىمەن ەتەنە بايلانىستى ساقتاۋىنا شىنايى كەپىلدىك ەتۋ كەرەك. توعىزىنشى، ءسوز جوق، ديالەكتيكالىق ماتەرياليستىك جانە تاريحي ماتەرياليستىك دۇنيەگە كوزقاراس پەن ادىستەمەگە تاباندى بولىپ، ماسەلەنى باعدار ەتۋدەن جازباي، رەفورمانىڭ، دامۋدىڭ، ورنىقتىلىقتىڭ قاتىناسىن دۇرىس شەشىپ، ءارى جۇرەكتىلىكپەن سىناپ، باتىلدىقپەن ىزدەنىس جاساۋعا ىنتالاندىرىپ، ءارى شىندىقتى ءىس جۇزىنەن ىزدەۋگە، ءىس ىستەۋگە، ناتيجە شىعارۋعا شەبەر بولىپ، رەفورما جاساۋدىڭ، ەسىك اشۋدىڭ نىق قاداممەن ۇزاققا جالعاسۋىنا شىنايى كەپىلدىك ەتۋ كەرەك.
شي جينپيڭ مىنالاردى باسا دارىپتەدى: ءبىز جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن جاپپاي دايەكتىلەندىرىپ، پارتيانىڭ ارمياعا ابسوليۋتتى باسشىلىعىنا تاباندى بولىپ، جۇڭگوشا ارميانى قۇدىرەتتەندىرۋ جولىمەن اۋىتقىماي ءجۇرىپ، مەملەكەت قورعانىسى مەن ارميا رەفورماسىن جاپپاي تەرەڭدەتىپ، پارتيانىڭ قولباسشىلىعىنا بويسۇناتىن، جەڭىستى سوعىس جۇرگىزەتىن، ستيلى تاماشا حالىق ارمياسىن تۇلعالاپ، دۇنيە جۇزىندەگى ماڭداي الدى ارميا قۇرۋعا قۇلشىنىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋعا، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا بەرىك تىرەك ازىرلەۋىمىز كەرەك.
شي جينپيڭ مىنالاردى اتاپ كورسەتتى: ءبىز «ءبىر ەل، ەكى ءتۇزىم»، «شياڭگاڭدى شياڭگاڭدىقتار باسقارۋ»، «اۋمىندى اۋمىندىقتار باسقارۋ»، وسكەلەڭ اۆتونوميا باعىتىن جاپپاي مۇلتىكسىز دايەكتىلەندىرىپ، قاتاڭ تۇردە نەگىزگى زاڭ مەن ءتۇبىرلى زاڭ بويىنشا ءىس جۇرگىزىپ، شياڭگاڭنىڭ، اۋمىننىڭ مەملەكەتتىڭ دامۋ جالپى جاعدايىنا اناعۇرلىم ويداعىداي توعىسۋىن قولداپ جانە ىلگەرىلەتىپ، شياڭگاڭدىق، اۋمىندىق باۋىرلاستاردىڭ ۇلتتى گۇلدەندىرۋدىڭ تاريحي جاۋاپكەرشىلىگىن وتان حالقىمەن تەڭ ارقالايتىن، وتاننىڭ گۇلدەنۋ مەن قۇدىرەتتەنۋ ۇلى داڭقىنان بىرگە يگىلىكتەنەتىن ەتۋىمىز كەرەك. وتاننىڭ بۇكىلدەي بىرلىككە كەلۋىن ىسكە اسىرۋ − بۇكىل جۇڭحۋا ۇلاندارىنىڭ ورتاق ارمانى، جۇڭحۋا ۇلتىنىڭ ءتۇبىرلى مۇددەسى. ءبىز ءبىر جۇڭگو پرينسيبىنە جانە «92 - جىلعى ورتاق تانىمعا» تاباندى بولىپ، ەكى جاعالاۋ قاتىناسىنىڭ بەيبىت دامۋىنىڭ نەگىزىن بەكەمدەپ جانە دامىتىپ، ەكى جاعالاۋدىڭ ەكونوميكا، مادەنيەت اۋىس - كۇيىسى مەن سەلبەستىگىن تەرەڭدەتىپ، ەكى جاعالاۋداعى باۋىرلاستاردى باقىتقا كەنەلتۋىمىز كەرەك.
شي جينپيڭ مىنالاردى باسا دارىپتەدى: ۇلى ارمان كۇتۋمەن، ۇران سالۋمەن كەلمەيدى، قايتا كۇرەسپەن، ىسكەرلىكپەن كەلەدى. ءبىز قازىر اعىس اناعۇرلىم اساۋ تارتىپ، جول اناعۇرلىم قايقاڭعا كەلگەن مەزگىلدە تۇرمىز، قادام سايىن قيىندىق كەزدەسەتىن، قادام سايىن قاتەر جولىعاتىن، الايدا، ىلگەرى باسپاساق كەرى شەگىنەتىن، ىلگەرى باسپاساق بولمايتىن مەزگىلدە تۇرمىز. رەفورما جاساۋ، ەسىك اشۋ سان بەلەستەن، سانسىز وتكەلدەن ءوتتى، دەگەنمەن، ءالى دە تاۋ اسىپ، تاس باسۋعا تۋرا كەلەدى، بۇكىل پارتيانىڭ، بۇكىل ەلدەگى ءار ۇلت حالقىنىڭ الدىندا اناعۇرلىم داڭقتى بورىش، اناعۇرلىم جاپالى مىندەت، اناعۇرلىم اۋىر سايىس، اناعۇرلىم ۇلى قىزمەت تۇر. مىڭداعان جەلكەن كوتەرىلىپ، سانسىز كەمە اعىنمەن ارىپتالاسقان وسى داۋىردە ءبىزدىڭ تيتتەي دە اسقاقتاۋىمىزعا، توقمەيىلسۋىمىزگە، ءوز قادامىمىزدى ءوزىمىز تۇساپ، توماعا - تۇيىق قالۋىمىزعا استە بولمايدى، ەشقانداي ءارى - ءسارى بولۋىمىزعا، شيىرلاۋىمىزعا، اڭتارىلۋىمىزعا دا استە بولمايدى، ءسوز جوق، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، باتىلدىقپەن ءداۋىر لەگىنىڭ الدىندا ءجۇرىپ، ەرلىكپەن كۇرەس جۇرگىزۋىمىز كەرەك.
شي جينپيڭ مىنالاردى اتاپ كورسەتتى: تاياۋ زاماننان بەرگى ۇزاق تاريحي ۇدەرىستە جۇڭگو حالقى وتە كوپ تاۋقىمەتتى باستان وتكەرىپ، وتە كوپ قۇرباندىق بەرىپ، وتە كوپ كۇرەس جۇرگىزدى. قازىر جۇڭگو حالقى مەن جۇڭحۋا ۇلتىنىڭ تاريحي ۇدەرىستە جيناقتاعان قۇدىرەتتى وڭ ەنەرگياسى تولىعىمەن تاسقىنداپ، جۇڭحۋا ۇلتىنىڭ ۇلى گۇلدەنۋىنە بوگەۋ بەرمەس تەلەگەي تەڭىز كۇش ازىرلەدى. بۇكىل پارتيا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، رەفورما جاساۋدى، ەسىك اشۋدى تۇبەگەيلى جۇرگىزىپ، حالىقتىڭ تاماشا تۇرمىسقا تالپىنىسىن ۇزدىكسىز ىسكە اسىرىپ، جاڭا داۋىردە جۇڭحۋا ۇلتىنىڭ جاڭا، اناعۇرلىم زور كەرەمەتتەرىن جاراتۋ، دۇنيە ءجۇزىن تاڭداي قاقتىراتىن جاڭا، اناعۇرلىم زور كەرەمەتتەر جاراتۋ كەرەك.
لي كىچياڭ جينالىستى باسقارعاندا بىلاي دەدى: باس شۋجي شي جينپيڭنىڭ ماڭىزدى سوزىندە رەفورما جاساعان، ەسىك اشقان 40 جىلدان بەرى پارتيا مەن مەملەكەت ىستەرىندە قول جەتكەن ۇلى جەتىستىكتەر مەن قۇندى تاجىريبەلەر تەرەڭدەي قورىتىندىلانىپ، جۇڭگو حالقىنىڭ رەفورما جاساۋ، ەسىك اشۋ ىستەرىنە قوسقان كورنەكتى ۇلەسىنە وسكەلەڭ ماداق ايتىلىپ، رەفورما جاساۋ، ەسىك اشۋ جۇرىلە بەرەدى، توقتاپ قالمايدى، رەفورما جاساۋ، ەسىك اشۋ ماڭگى جالعاسادى، رەفورما جاساۋ، ەسىك اشۋ بۇلجىماستان تۇبەگەيلى جۇرگىزىلەدى دەگەن سەنىم مەن بەكىم سالتاناتپەن ايگىلەنىپ، رەفورمانى بۇلجىماستان جاپپاي تەرەڭدەتۋدىڭ، سىرتقا ەسىك اشۋدى كەڭەيتۋدىڭ، جاڭا داۋىردەگى رەفورما جاساۋدى، ەسىك اشۋدى ۇزدىكسىز العا ىلگەرىلەتۋدىڭ نىسانالارى مەن تالاپتارى ايقىن العا قويىلدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، رەفورما جاساۋدى، ەسىك اشۋدى ۇزدىكسىز ىلگەرىلەتىپ، «قوس 100 جىلدىق» كۇرەس نىساناسىن ىسكە اسىرۋ، باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ، دۇنيە ءجۇزىنىڭ بەيبىتشىلىگىن قورعاپ، بىرگە دامۋىن جەبەپ، ادامزاتتىڭ تاعدىرلاس ورتاق تۇلعاسىنىڭ ورناۋىن ىلگەرىلەتۋ جولىندا قاجىماي - تالماي كۇرەس جۇرگىزەيىك.
قۇتتىقتاۋ جينالىسى اياقتاعاننان كەيىن، شي جينپيڭ قاتارلىلار ماداقتالىپ - سيلانعانداردىڭ جانە ولاردىڭ تۋىس - تۋعاندارىنىڭ ۋاكىلدەرىمەن كەزدەستى ءارى ولارمەن بىرگە ەستەلىك سۋرەتكە ءتۇستى.
بەيجيڭدەگى ج ك پ ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى جانە ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.
ورتالىقتاعى پارتيا، ۇكىمەت، ارميا تاراۋلارىنداعى، بۇقارالىق تاراۋلارداعى جانە بەيجيڭ قالاسىنداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى مەن پارتيادا، توپتا جوق قايراتكەرلەردىڭ ۋاكىلدەرى، ساقا پارتيا مۇشەلەرىنىڭ، ساقا كادرلاردىڭ ۋاكىلدەرى، رەفورما جاساۋعا، ەسىك اشۋعا ەلەۋلى ۇلەس قوسىپ ماداقتالىپ - سيلانعانداردىڭ جانە ولاردىڭ تۋىس - تۋعاندارىنىڭ ۋاكىلدەرى، شياڭگاڭدىق، اۋمىندىق باۋىرلاستاردىڭ، تايۋاندىق باۋىرلاستاردىڭ، شەتەلدەگى چياۋمين باۋىرلاستاردىڭ جانە وتانعا ورالعان چياۋميندەردىڭ، چياۋميندەردىڭ تۋىستارىنىڭ ۋاكىلدەرى، استاناداعى ءار سالا جۇرتشىلىعىنىڭ ۋاكىلدەرى، ازاتتىق ارميا مەن قارۋلى ساقشى بولىمدەرىندەگى كوماندير - جاۋىنگەرلەردىڭ ۋاكىلدەرى، ءار ەلدىڭ جۇڭگودا تۇراتىن ەلشىلەرى، حالىقارالىق ۇيىمداردىڭ جۇڭگودا تۇراتىن ۋاكىلدەرى جانە جۇڭگودا قىزمەت ىستەيتىن شەتەلدىك مامانداردىڭ ۋاكىلدەرى، ت. ب 3000داي ادام جينالىسقا قاتىناستى.
