ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 17 - كۇنى بەيجيڭدەگى حالىق سارايىندا شەتەلدە تۇراتىن ەلشىلەر قىزمەتى جونىندەگى 2019 - جىلعى ماجىلىسكە قاتىناسقان بارلىق ەلشىمەن كەزدەسىپ، پارتيا ورتالىق كوميتەتى اتىنان شەتەلدە تۇراتىن ەلشىلەر قىزمەتى ءماجىلىسىنىڭ اشىلعانىن قىزۋ قۇتتىقتادى، ەلشىلەردەن جانە ديپلوماتيا شەبىندە قاجىرلىلىقپەن قىزمەت ىستەپ جاتقان بارلىق جولداستان شىنايى حال سۇرادى.

ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋدە بىرگە بولدى.

تۇستەن كەيىن ساعات 4 تەن 30 مينۋت وتكەندە شي جينپيڭ قاتارلىلار حالىق سارايىنىڭ سولتۇستىك زالىنا كەلدى، زالدان دۋ قول شاپالاق ءۇنى كوتەرىلدى. شي جينپيڭ قاتارلىلار ەلشىلەرمەن ىقىلاسپەن قول الىسىپ، ءالسىن - ءالى اڭگىمەلەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.

مەملەكەتتىك كەڭەستىڭ مۇشەسى، سىرتقى ىستەر مينيسترى ۋاڭ ي كەزدەسۋدە بىرگە بولدى ءارى 2019 - جىلعى شەتەلدە تۇراتىن ەلشىلەر قىزمەتى ماجىلىسىندە ءسوز سويلەدى. ءماجىلىس قازىرگى حالىقارالىق جاعدايعا جانە ەلىمىزدىڭ دامۋىنا ىشكەرىلەي تالداۋ جاساپ، شەتەلدە تۇراتىن بارلىق ەلشىدەن اۋەلگى ماقساتتى ۇمىتپاي، بورىشتى ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ ديپلوماتيالىق يدەياسىن جەتەكشى ەتىپ، پارتيا ورتالىق كوميتەتىنىڭ ديپلوماتيا قىزمەتى جونىندەگى ماڭىزدى ورنالاستىرۋلارىن جاپپاي دايەكتىلەندىرىپ، باتىلدىقپەن ءورىس اشىپ، بەلسەنە العا ۇمتىلىپ، ۇزدىك ناتيجەلەرمەن جاڭا جۇڭگو قۇرىلعانىنىڭ 70 جىلدىعىن قارسى الىپ، «ەكى 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا تىڭ دا اناعۇرلىم زور ۇلەس قوسۋدى تالاپ ەتتى.

ديڭ شۋەشياڭ، ياڭ جيەچى كەزدەسۋدە بىرگە بولدى.