مەملەكەت ءتوراعاسى شي جينپيڭ 7 - ايدىڭ 2 - كۇنى حالىق سارايىندا تۇركيانىڭ پرەزيدەنتى ەردوعانمەن كەڭەس وتكىزدى.
شي جينپيڭ مىنالاردى اتاپ كورسەتتى: جۇڭگو دا، تۇركيا دا بازارى − جاڭادان گۇلدەنگەن ماڭىزدى ەلدەر جانە دامۋ ۇستىندەگى ءىرى ەلدەر، ەكى جاقتىڭ ستراتەگيالىق سەلبەستىگىن كۇشەيتۋ كەلەلى مانگە يە. ەكى ەل ساياسي سەنىمدىلىكتى نىعايتىپ، ستراتەگيالىق تىلدەسۋدى كۇشەيتىپ، ءبىر - ءبىرىنىڭ يەلىك ۇقىعىنا، تاۋەلسىزدىگىنە جانە تەرريتوريا تۇتاستىعىنا ساياتىن ماسەلەلەردەگى وزەكتى مۇددەسى مەن كوڭىل ءبولىپ وتىرعان كەلەلى ىستەرىنە ءوزارا قۇرمەت ەتىپ، جۇڭگو مەن تۇركيانىڭ ستراتەگيالىق سەلبەستىك قاتىناسىن دامىتۋدىڭ ساياسي نەگىزىن بەكەمدەپ، ەكى جاق قاتىناسىنىڭ باستان - اياق اقاۋسىز، ورنىقتى ارنادا جۇرگىزىلۋىنە كەپىلدىك ەتۋى كەرەك. شىنايى ارەكەت قولدانىپ، لاڭكەستىككە قارسى تۇرۋ حاۋىپسىزدىگى سەلبەستىگىن ىلگەرىلەتۋ كەرەك. جۇڭگو پرەزيدەنت مىرزانىڭ تۇركيادا جۇڭگوعا قارسى بولشەكتەۋ قيمىلىمەن شۇعىلدانۋعا جول بەرىلمەيتىنىن تالاي رەت دارىپتەگەنىن القايدى، تۇركيانىڭ جۇڭگونىڭ لاڭكەستىككە سوققى بەرۋىنە قولداۋ كورسەتەتىنىن تالاي رەت دارىپتەگەنىنە ءمان بەرەدى، تۇركيامەن لاڭكەستىككە قارسى تۇرۋ سالاسىنداعى سەلبەستىكتى كۇشەيتۋدى قالايدى. دامۋ ستراتەگياسىن ۇشتاستىرۋدى كۇشەيتىپ، ناقتى سەلبەستىكتى كەڭەيتۋ كەرەك. تۇركيا − «ءبىر بەلدەۋ، ءبىر جولدى» بىرگە قۇرۋداعى ماڭىزدى سەرىك، جۇڭگو تۇركيامەن بىرگە «ءبىر بەلدەۋ، ءبىر جولدى» بىرگە قۇرۋ دارىپتەمەسى مەن «ارالىق ءدالىز» جوسپارىنىڭ ۇشتاسۋىن جەدەلدەتىپ، ساۋدا، قارجى قوسۋ، عىلىم - تەحنيكا، ەنەرگيا، نەگىزدىك قۇرىلعى جانە كەلەلى نىساندار سەلبەستىگىن ورنىقتى ىلگەرىلەتۋدى، سونىمەن بىرگە، ورتا، شاعىن، حالىققا تيىمدىلىك جاساۋ نىساندارى سەلبەستىگىن بەلسەنە ورىستەتىپ، اناعۇرلىم كوپ كاسىپورىن مەن بۇقارانىڭ جۇڭگو مەن تۇركيانىڭ سەلبەستىگىندە ناقتى يگىلىككە قول جەتكىزۋىنە مۇمكىندىك جاساۋدى قالايدى. گۋمانيتارلىق اۋىس - كۇيىس پەن ساياحات سەلبەستىگىن ۇزدىكسىز كەڭەيتىپ، ەكى ەل حالىقتارىنىڭ ءوزارا ءتۇسىنىسۋىن كۇشەيتىپ، جۇڭگو مەن تۇركيا دوستىعىنىڭ حالىق رايى نەگىزىن بەكەمدەۋ كەرەك.
