9 - كەزەكتى مەملەكەتتىك «حالىق رازى بولعان ۇكىمەت قىزمەتكەرلەرىن» جانە «حالىق رازى بولعان ۇكىمەت قىزمەتكەرلەرى كوللەكتيۆىن» ماداقتاۋ جينالىسى 6 - ايدىڭ 25 - كۇنى بەيجيڭدە وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ حالىق سارايىندا ماداقتالعانداردىڭ ۋاكىلدەرىمەن ىقىلاسپەن كەزدەسىپ، ولاردى قىزۋ قۇتتىقتادى، ولاردى اۋەلگى ماقساتتى ۇمىتپاي، بورىشتى ەستە بەرىك ساقتاپ، ءوز قىزمەت ورنىندا ءتىپتى دە ۇزدىك ناتيجە جاراتۋعا شابىتتاندىردى.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋدە بىرگە بولدى.
تۇستەن كەيىن ساعات 4 تەن 30 مينۋت وتكەندە شي جينپيڭ قاتارلىلار حالىق سارايىنىڭ سولتۇستىك زالىنا كەلدى، زالدان دۋ قول شاپالاق ءۇنى كوتەرىلدى. شي جينپيڭ قاتارلىلار ۋاكىلدەرمەن ىقىلاسپەن قول الىسىپ، ءالسىن - ءالى اڭگىمەلەستى ءارى كوپشىلىكپەن بىرگە سۋرەتكە ءتۇسىپ ەستەلىك قالدىردى.
