6 - ايدىڭ 21 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ جينشيۋشان يىڭبيڭ سارايىندا چاۋشيان ەڭبەك پارتياسىنىڭ كوميتەت باستىعى، مەملەكەت ىستەرى كوميتەتىنىڭ باستىعى جين جىڭىنمەن كەزدەستى. شي جينپيڭنىڭ حانىمى پىڭ لييۋان جانە جين جىڭىننىڭ حانىمى لي شۋەجۋ كەزدەسۋگە قاتىناستى. كەزدەسۋدەن بۇرىن شي جينپيڭ مەن جين جىڭىن حانىمدارىمەن بىرگە اۋلادا سەيىلدەي ءجۇرىپ اڭگىمەلەستى. سۋرەتتى شينحۋا اگەنتتىگىنىڭ ءتىلشىسى پاڭ شيڭلەي تۇسىرگەن
6 - ايدىڭ 21 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ جينشيۋشان يىڭبين سارايىندا چاۋشيان ەڭبەك پارتياسىنىڭ كوميتەت باستىعى، مەملەكەت ىستەرى كوميتەتىنىڭ باستىعى جين جىڭىنمەن كەزدەستى.
شي جينپيڭ جۇڭگو پارتياسى، ۇكىمەتى، حالقى اتىنان چاۋشيان جاقتىڭ ىستىق ىقىلاستى كۇتىپ الۋى مەن جان - جاقتى ورنالاستىرۋلارىنا شىنايى العىس ايتتى. شي جينپيڭ بىلاي دەپ اتاپ كورسەتتى: بۇل رەتكى چاۋشيانعا ساپار باستان - اياق جۇڭگو - چاۋشيان دوستىعىنىڭ قىزۋ مەرەيىنە شومىپ، جۇڭگو - چاۋشيان ەكى پارتيانىڭ، ەكى ەلدىڭ تەرەڭ دوستىعىن ايگىلەدى. ساپار تولىق تابىستى بولىپ، جۇڭگو مەن چاۋشياننىڭ ءداستۇرلى دوستىعىن بەكەمدەپ، جۇڭگو - چاۋشيان قارىم - قاتىناسىنىڭ جاڭا مەزگىلدەگى دامۋ بەتالىسىن ايقىندادى، سونداي - اق سىرتقى دۇنيەگە جۇڭگو - چاۋشيان ەكى جاقتىڭ تۇبەك ماسەلەسىن ساياسي جولمەن شەشۋ اياق الىسىن ىلگەرىلەتۋدەگى، ءوڭىردىڭ باياندى تىنىشتىعىن جۇزەگە اسىرۋداعى بەرىك ەرىك - جىگەرىن كورسەتتى.
شي جينپيڭ بىلاي دەپ باسا دارىپتەدى: ساپار جۇڭگو - چاۋشيان ەكى پارتيا، ەكى ەل ەڭ جوعارى باسشىلارىنىڭ ديپلوماتيالىق قارىم - قاتىناس ورناتقاندىعىنىڭ 70 جىلدىعى سىندى ماڭىزدى جىلدا تاريحي سيپاتتى ءوزارا ساپاردى جۇزەگە اسىردى، سونداي - اق قىسقا عانا 15 ايدا ەكى پارتيا، ەكى ەل ەڭ جوعارى باسشىلارىنىڭ 5 - رەتكى ءديدارلاسۋىن جۇزەگە اسىردى، بۇلاردىڭ بارلىعى جۇڭگو - چاۋشيان ءداستۇرلى دوستىعىنىڭ ومىرشەڭدىك كۇشىنىڭ جاندى بەينەسى. ەكى جاقتىڭ ورتاق قۇلشىنىپ، وسى رەتكى ساپاردا قول جەتكەن ءتۇرلى ورتاق تانىمداردى ويداعىداي تياناقتاندىرىپ، جاڭا داۋىردەگى جۇڭگو مەن چاۋشيان قارىم - قاتىناسى دامۋىنىڭ جوباسىن ءبىر قادام - ءبىر قادامنان تاماشا رەالدىققا اينالدىرۋىن ءۇمىت ەتەمىن.
شي جينپيڭ بىلاي دەپ باسا دارىپتەدى: مەيلى حالىقارالىق جاعدايدا قانداي وزگەرىس بولسا دا، جۇڭگو جاق تۇگەلدەي چاۋشياننىڭ سوتسياليزم ىستەرىن باتىل قولدايدى، چاۋشيان جاقتىڭ جاڭا ستراتەگيالىق لۋشياندى اتقارۋىن باتىل قولدايدى، چاۋشيان جاقتىڭ تۇبەك ماسەلەسىن ساياسي جولمەن شەشۋدە، تۇبەكتىڭ باياندى تىنىشتىعىن جۇزگە اسىرۋدا جاساعان قۇلشىنىستارىن باتىل قولدايدى.
جين جىڭىن جۇڭگو جاقتىڭ چاۋشيان پارتياسىنىڭ چاۋشيان حالقىن باستاپ سوتسياليزم جولىمەن تاباندىلىقپەن ءجۇرۋىن قولداعاندىعىنا، سونداي - اق قىمباتتى كومەكتەر بەرگەندىگىنە شىن جۇرەكتەن العىس ايتتى. ول بىلاي دەدى: چاۋشيان مەن جۇڭگو دوستىعىنىڭ تاريحى ۇزاق، نەگىزى بەكەم، قازىر چاۋشيان مەن جۇڭگو بەينە ءبىر ءۇيلى جاندارداي تىعىز بارىس - كەلىس جاساپ، دوستىق سەلبەستىك ورىستەتۋدە. مەن اعا بۋىن باسشىلاردىڭ وسكەلەڭ ەركىنە بويسۇنىپ، باس شۋجي جولداسپەن بىرگە، جاڭا تاريحي باستامادا چاۋشيان مەن جۇڭگونىڭ دوستىق قارىم - قاتىناسىنا ۇزدىكسىز مۇراگەرلىك ەتىپ جانە ونى دامىتىپ، چاۋشيان مەن جۇڭگو دوستىعىنىڭ ءتىپتى دە شۇعىلالى كەلەشەگىن جالعاپ جازا بەرۋدى قالايمىن. جين جىڭىن سونىمەن بىرگە، شي جينپيڭنىڭ وسى رەتكى ساپارىنىڭ تولىق تابىستى بولعاندىعىن قۇتتىقتادى.
شي جينپيڭنىڭ حانىمى پىڭ لييۋان جانە جين جىڭىننىڭ حانىمى لي شۋەجۋ كەزدەسۋگە قاتىناستى.
كەزدەسۋدىڭ الدىندا، شي جينپيڭ مەن جين جىڭىن حانىمدارىمەن بىرگە اۋلادا سەيىلدەي ءجۇرىپ اڭگىمەلەستى. كورىنىسى كوركەم جينشيۋشان يىڭبين سارايى كولى بويىندا، شي جينپيڭ مەن جين جىڭىن كوڭىلدى دە دوستىق رايدا سەيىل قۇرا ءجۇرىپ، جۇڭگو مەن چاۋشياننىڭ ءداستۇرلى دوستىعىن كۇشەيتۋ سياقتى ورتاق كوڭىل ءبولىپ وتىرعان تاقىرىپتار جونىندە ىقىلاسپەن پىكىر اۋىستىردى.
كەزدەسۋدەن سوڭ، جين جىڭىن مەن حانىمى شي جينپيڭ مەن حانىمىنا ارناپ تۇسكى قوناعاسى بەردى.
