ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 18 - كۇنى بەيجيڭدە اۋە ارمياسى 13 – رەتكى پارتيا قۇرىلتايىنىڭ بارلىق ۋاكىلىن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان اۋە ارمياسى 13 – رەتكى پارتيا قۇرىلتايىنىڭ اشىلعانىن قىزۋ قۇتتىقتادى، ۋاكىلدەرگە جانە اۋە ارمياسىنىڭ بارلىق كوماندير - جاۋىنگەرىنە شىنايى سالەم جولدادى.
تۇستەن بۇرىن ساعات 11 دەن 20 مينۋت وتكەندە شي جينپيڭ جيڭشي قوناق ۇيىنە كەلگەندە، زالدان دۋ قول شاپالاق ءۇنى كوتەرىلدى. شي جينپيڭ ۋاكىلدەرمەن ىقىلاسپەن قول الىسىپ، ەستەلىك سۋرەتكە ءتۇستى.
پارتيا ورتالىق كوميتەتىنىڭ، ورتالىق اسكەري ىستەر كوميتەتىنىڭ بەكىتۋىمەن اۋە ارمياسىنىڭ 13 – رەتكى پارتيا قۇرىلتايى 6 - ايدىڭ 17 - كۇنى بەيجيڭدە اشىلدى. ءماجىلىستىڭ باستى مىندەتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتى ەكىنشى، ءۇشىنشى جالپى ماجىلىستەرىنىڭ رۋحىن، شي جينپيڭنىڭ ارميانى قۇدىرەتتەندىرۋ يدەياسىن، جاڭا داۋىردەگى اسكەري ستراتەگيالىق باعىتتى ىشكەرىلەي دايەكتىلەندىرىپ، وتكەن 5 جىلداعى اۋە ارمياسىنىڭ پارتيا قۇرىلىسى مەن اسكەري ءبولىم قۇرىلىسىنىڭ جاعدايىن قورىتىندىلاپ، بۇدان بىلايعى 5 جىلداعى باستى قىزمەت مىندەتتەرىن ورنالاستىرىپ، قالىڭ كوماندير - جاۋىنگەردى قۇدىرەتتى وسىزاماندانعان حالىقتىق اۋە ارمياسىن جەدەل قۇرىپ، پارتيا مەن حالىق جۇكتەگەن جاڭا داۋىردەگى بورىش، مىندەتتەردى باتىل ورىنداۋعا جۇمىلدىرىپ، جاڭا جۇڭگو قۇرىلعانىنىڭ 70 جىلدىعىن ۇزدىك ناتيجەلەرمەن قارسى الۋ.
شۇي چيلياڭ، جاڭ يوۋشيا، ۋەي فىڭحى، لي زوچىڭ، مياۋ حۋا، جاڭ شىڭمين كەزدەسۋدە بىرگە بولدى.
