4 ـ ايدىڭ 14 ـ كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتى تۇرعان ورىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن كەڭەس وتكىزدى.
سۋرەتتى شينحۋا اگەنتتىگىنىڭ ٴتىلشىسى لي شۋەرىن تۇسىرگەن
4 ـ ايدىڭ 14 ـ كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتى تۇرعان ورىندا ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لينمەن كەڭەس وتكىزدى.
شي جينپيڭ بىلاي دەپ اتاپ كورسەتتى: ۆيەتنامدا مەملەكەتتىك ساپاردا بولىپ، باس شۋجي سۋ لينمەن تۇڭعىش رەتكى ٴوزارا ساپاردى جۇزەگە اسىرعانىما ەرەكشە قۋانىشتىمىن. بيىل — ۆيەتنام كوممۋنيستىك پارتياسى قۇرىلعاندىعىنىڭ 95 جىلدىعى، ۆيەتنام مەملەكەتى قۇرىلعاندىعىنىڭ 80 جىلدىعى جانە وڭتۇستىك بولىگى ازات بولعاندىعىنىڭ 50 جىلدىعى، مەن جۇڭگو كوممۋنيستىك پارتياسى مەن جۇڭگو ۇكىمەتى اتىنان ۆيەتنام جاقتى قىزۋ قۇتتىقتايمىن. جۇڭگو جاق ۆيەتنامنىڭ ٴوز ەلىنىڭ مەملەكەت جاعدايىنا ۇيلەسەتىن سوتسياليزم جولىمەن ويداعىداي ٴجۇرۋىن، 2026 ـ جىلى ۆيەتنام كوممۋنيستىك پارتياسىنىڭ 14 ـ قۇرىلتايىن جەڭىسپەن اشۋىن، پارتيا قۇرىلعاندىعىنىڭ، مەملەكەت قۇرىلعاندىعىنىڭ ”ەكى 100 جىلدىق“ كۇرەس نىساناسىنا قاراي ۇزدىكسىز ارشىندى قادام تاستاۋىن اۋەلگىسىندەي قولدايدى.
شي جينپيڭ بىلاي دەپ باسا دارىپتەدى: بيىل — جۇڭگو مەن ۆيەتنام ديپلوماتيالىق قارىم ـ قاتىناس ورناتقاندىعىنىڭ 75 جىلدىعى جانە ”جۇڭگو — ۆيەتنام گۋمانيتارلىق اۋىس ـ كۇيىس جىلى“. 75 جىلدان بەرى، حالىقارالىق جاعدايدا مەيلى قانداي وزگەرىستەر بولسا دا، ەكى جاق مەملەكەتتىڭ تاۋەلسىزدىگىنە جانە ۇلت ازاتتىعىنا قول جەتكىزۋ كۇرەسىندە ٴبىرىن ـ ٴبىرى قولداپ، سوتسياليستىك قۇرىلىس ىستەرىندە قول ۇستاسا بىرگە ىلگەرىلەپ، وزدەرىنىڭ وسىزاماندانۋ ٴۇردىسىن ىلگەرىلەتۋ بارىسىندا قايراتتانا العا ىلگەرىلەپ، سوتسياليستىك ەلدەردىڭ ىنتىماقتاسۋىنىڭ، سەلبەسۋىنىڭ ۇلگىسىنە اينالدى. وزگەرىس پەن بىلىقپالىق قاباتتاسقان حالىقارالىق جاعداي الدىندا، جۇڭگو، ۆيەتنام ەكى ەل بەيبىت دامۋعا تاباندى بولىپ، دوستىق سەلبەستىكتى تەرەڭدەتىپ، دۇنيە جۇزىنە قۇندى ورنىقتىلىق جانە ايقىندىق اكەلدى. جاڭا تاريحي باستامادا ەكى جاق الدىڭعىلاردىڭ ىزىمەن بولاشاققا جول اشىپ، قول ۇستاسا العا ىلگەرىلەپ، ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس“ بولۋ ٴداستۇرلى دوستىعىن جالعاستىرىپ، ساياسي ٴوزارا سەنىمدىلىگى اناعۇرلىم جوعارى، حاۋىپسىزدىك سەلبەستىگى اناعۇرلىم مىعىم، ناقتى ىستەر سەلبەستىگى اناعۇرلىم تەرەڭ، حالىق رايى نەگىزى اناعۇرلىم بەكەم، كوپ جاقتى ىستەستىگى، سايكەسۋى اناعۇرلىم تىعىز، الاۋىزدىقتاردى مەڭگەرۋى، شەشۋى اناعۇرلىم جاقسى بولۋ سىندى ”التى اناعۇرلىم“ باس نىساناسى بويىنشا جالپى بەتتىك ستراتەگيالىق سەلبەستىكتى جوعارى ساپامەن ىلگەرىلەتىپ، جۇڭگو — ۆيەتنام تاعدىرلاس ورتاق تۇلعاسى قۇرىلىسىنىڭ ورنىقتى قاداممەن الىسقا جەتۋىنە شىنايى كەپىلدىك ەتىپ، ادامزاتتىڭ تاعدىرلاس ورتاق تۇلعاسىن قۇرۋعا تىڭ دا اناعۇرلىم زور ۇلەس قوسۋى كەرەك.
شي جينپيڭ بىلاي دەپ اتاپ كورسەتتى: جۇڭگو — ۆيەتنام تاعدىرلاس ورتاق تۇلعاسىن قۇرۋ ماڭىزدى دۇنيە جۇزىلىك مانگە يە. ەكى ەلدىڭ قول ۇستاسا بەيبىت دامۋ جولىمەن ٴجۇرۋى، ٴبىر ميلليارد 500 ميلليوننان استام حالىقتىڭ وسىزاماندانۋعا بىرگە قادام تاستاۋى ٴوڭىردىڭ، ٴتىپتى، دۇنيە ٴجۇزىنىڭ بەيبىتشىلىگىن، ورنىقتىلىعىن پارمەندى قورعاپ، ورتاق دامۋدى جەبەيدى. ەكى ەل بىردەي سىرتقا ەسىك اشۋعا تاباندى بولىپ، ٴوڭىردىڭ كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن، ىركىلىسسىزدىگىن قورعاۋدا، ەكونوميكانىڭ جاھاندانۋىن جەبەۋدە بەلسەندى رول اتقاردى. شاعىن قايىق، جالعىز جەلكەن سۇراپىل تولقىنعا توتەپ بەرە المايدى، قيىندىقتى بىلەك بىرىكتىرە جەڭگەندە عانا ورنىقتى قاداممەن الىسقا جەتۋگە بولادى. جۇڭگو مەن ۆيەتنام ەكەۋى دە ەكونوميكانىڭ جاھاندانۋىنىڭ يگىلىگىن كورۋشىلەر، ستراتەگيالىق تۇراقتىلىقتى كۇشەيتىپ، سىڭار جاقتى زورەكەرلىك ارەكەتتەرىنە بىرگە قارسى تۇرىپ، الەمدىك ەركىن ساۋدا ٴتۇزىلىسىن جانە كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قورعاۋى كەرەك.
شي جينپيڭ جۇڭگو — ۆيەتنام تاعدىرلاس ورتاق تۇلعاسى قۇرىلىسىن تەرەڭدەتۋ جونىندە 6 ٴتۇرلى شارانى العا قويدى.
ٴبىرىنشى، اناعۇرلىم جوعارى دەڭگەيدەگى ستراتەگيالىق ٴوزارا سەنىمدىلىكتى نىعايتۋ. ەكى پارتيا، ەكى ەل باسشىلارى تۋىسىنا بارعانداي ۇنەمى بارىس ـ كەلىس جاساپ، كوبىرەك تىلدەسۋى كەرەك. ەكى جاق پارتيالار، زاڭ شىعارۋ قۇرىلىمدارى، ساياسي كەڭەس ۇيىمدارى سياقتى ارنالاردىڭ رولىن ويداعىداي ساۋلەلەندىرىپ، ەل باسقارۋ تاجىريبەلەرىن اۋىستىرۋدى تەرەڭدەتىپ، پارتيانىڭ مەملەكەتتىڭ وسىزاماندانۋىن ىلگەرىلەتۋدەگى باسشىلىق دەڭگەيىن جوعارىلاتۋى كەرەك.
ەكىنشى، اناعۇرلىم بەرىك حاۋىپسىزدىك قالتقىسىن قۇرۋ. ەكى ەلدىڭ ديپلوماتيا، مەملەكەت قورعانىسى، قوعام حاۋىپسىزدىگى ”3+3“ ستراتەگيالىق تىلدەسۋ مەحانيزمىن مينيستر دارەجەسى دەڭگەيىندە تۇراقتاندىرىپ، ستراتەگيالىق ىستەستىكتى كۇشەيتۋ كەرەك. قورعانىس ىستەرى جانە زاڭ اتقارۋ، حاۋىپسىزدىك سەلبەستىگى مەحانيزمىنىڭ رولىن ويداعىداي ساۋلەلەندىرىپ، ينتەرنەتتە قۇمار ويناۋ، تەلەگراف الدامكوستىگى سياقتى شەكارا اتتاعان قىلمىستارعا باتىل سوققى بەرىپ، ەكى جاقتى جانە كوپ جاقتى، اسىرەسە، لانساڭجياڭ — مەكونگ سەلبەستىگى اياسىنداعى زاڭ اتقارۋ، ٴادىليا سەلبەستىگىن كۇشەيتىپ، حالىق بۇقاراسىنىڭ ٴومىرىنىڭ، مال ـ مۇلكىنىڭ حاۋىپسىزدىگىن جانە ٴوڭىردىڭ حاۋىپسىزدىگىن، ورنىقتىلىعىن قورعاۋ كەرەك.
ٴۇشىنشى، اناعۇرلىم جوعارى ساپالى ٴوزارا پايدا جەتكىزۋ سەلبەستىگىن كەڭەيتۋ. جۇڭگونىڭ جاڭاشا وندىرگىش كۇشتەرىن جانە ۆيەتنامنىڭ جاڭا تيپتى وندىرگىش كۇشتەرىن جەدەل قالىپتاستىرۋ كەلەلى ورايىن يگەرىپ، ەكى ەلدىڭ ناقتى ىستەر سەلبەستىگىنىڭ ساپاسىنىڭ جوعارىلاپ، دارەجەسىنىڭ ٴوسۋىن ىلگەرىلەتۋ كەرەك. ەكى جاقتىڭ ولشەمدى رەليستى تەمىر جول، جوعارى قارقىندى تاس جول، زەردەلى شەكارا وتكەلدەرىنىڭ جاپپاي تۇتاسۋىن ەرتەرەك جۇزەگە اسىرۋ كەرەك. جاساندى زەردە، زات ينتەرنەتى سياقتى جوعارى تەحنولوگيا سەلبەستىگىن ىلگەرىلەتۋ كەرەك. جۇڭگونىڭ ايرىقشا زور كولەمدەگى بازارى قاشاندا ۆيەتنامعا ايقارا اشىق، ۆيەتنامنىڭ ٴتىپتى دە كوپ ساپالى تاۋارلارىنىڭ جۇڭگوعا ەكسپورت ەتىلۋىن قارسى الادى. جۇڭگو جاق جۇڭگو كاسىپورىندارىن ۆيەتنامعا بارىپ قارجى قوسۋعا شابىتتاندىرادى، ۆيەتنام جاقتىڭ اناعۇرلىم ٴادىل، دوستىق رايعا تولى شارۋاشىلىق ـ ساۋدا ورتاسىن قالىپتاستىرۋىن ٴۇمىت ەتەدى.
ٴتورتىنشى، اناعۇرلىم كەڭ حالىق رايى دانەكەرىن بەرىك ورناتۋ. بيىلعى ”جۇڭگو — ۆيەتنام گۋمانيتارلىق اۋىس ـ كۇيىس جىلىن“ وراي ەتىپ، حالىققا جاناسىمدى، حالىقتىڭ قالاۋىنان شىعاتىن ٴتىپتى دە كوپ دوستىق قيمىلدارىن وتكىزىپ، ساياحات ـ مادەنيەت، مەديا، دەنساۋلىق ساقتاۋ سياقتى سالالارداعى سەلبەستىكتى كۇشەيتۋ كەرەك. قىزىل بايلىقتى ۇزدىكسىز تەرەڭ اشىپ، دوستىق حيكاياسىن ويداعىداي بايانداپ، الداعى 3 جىلدا ۆيەتنام جاستارىن جۇڭگوعا بارىپ ”قىزىل زەرتتەۋ، ۇيرەنۋ ساپارىن“ ورىستەتۋگە ۇسىنىس ەتىپ، ەكى ەل حالقىنا، اسىرەسە، جاس بۋىندارعا قىزىل بيلىككە قول جەتكىزۋدىڭ وڭايعا تۇسپەگەنىن، ەكى ەلدىڭ تاتۋ كورشىلىك، دوستىق سەلبەستىگىنىڭ ايرىقشا قۇندى ەكەنىن ۇعىندىرىپ، جۇڭگو — ۆيەتنام قارىم ـ قاتىناسىنىڭ دامۋىنا جانە ٴوز ەلدەرى قۇرىلىسىنا ٴتىپتى دە كوپ جالىندى كۇش جەتىلدىرۋ كەرەك.
بەسىنشى، اناعۇرلىم تىعىز كوپ جاقتى ىستەستىك ورىستەتۋ. دۇنيە جۇزىلىك 2 ـ سوعىس جەڭىسىنىڭ جەتىستىكتەرىن بىرگە قورعاپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ٴتارتىپتى باتىل قورعاپ، تەرەزەسى تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋىن، جالپىعا ٴتيىمدى، سيىسىمدى ەكونوميكانىڭ جاھاندانۋىن ىلگەرىلەتىپ، ٴۇش ۇلكەن الەمدىك باستاما اياسىنداعى سەلبەستىكتى كۇشەيتۋ كەرەك. جۇڭگو تاتۋ، ادال، قايىرىمدى، كەڭ پەيىل بولۋ ۇستانىمىنا جانە كورشىلەرمەن تاتۋ ٴوتۋ، كورشىلەردى سەرىك تۇتۋ باعىتىنا تاباندى بولىپ، توڭىرەكتەگى ەلدەرمەن دوستىق سەلبەستىكتى تەرەڭدەتىپ، جۇڭگو ۇلگىسىندەگى وسىزامانداندىرۋ جەتىستىكتەرى ارقىلى توڭىرەككە ٴتىپتى دە كوپ يگىلىك جاراتادى.
التىنشى، تەڭىزدەگى اناعۇرلىم ٴتيىمدى ىقپالداستىقتى جۇزەگە اسىرۋ. ەكى ەل باسشىلارىنىڭ ورتاق تانىمىن ناقتى تياناقتاندىرىپ، تەڭىزدەگى ماسەلەلەردى ۇيلەسىمدى ٴبىر جاقتى ەتىپ، تەڭىزدەگى سەلبەستىكتى كەڭەيتىپ، بىرگە اشۋدى باستاۋعا بەل بۋىپ، تەز ارادا ”نانحاي تەڭىزى ارەكەت ولشەمىن“ جاساۋدى ىلگەرىلەتۋ كەرەك.
سۋ لين باس شۋجي، مەملەكەت ٴتوراعاسى شي جينپيڭنىڭ ەكى ەلدىڭ ديپلوماتيالىق قارىم ـ قاتىناس ورناتقاندىعىنىڭ 75 جىلدىعى ساتىندە ۆيەتنامدا مەملەكەتتىك ساپاردا بولعانىن قىزۋ قارسى الدى. سۋ لين مىنالاردى ٴبىلدىردى: باس شۋجي شي جينپيڭ — جۇڭگو حالقىنىڭ ۇزدىك كوسەمى، سونداي ـ اق ۆيەتنام حالقىنىڭ ۇلى دوسى. باس شۋجي شي جينپيڭنىڭ بيىلعى تۇڭعىش ساپارىندا ۆيەتنامعا كەلۋى ۆيەتنام — جۇڭگو قارىم ـ قاتىناسىنا ٴمان بەرەتىندىگىن جانە ۆيەتنامدى قولدايتىندىعىن تولىق ايگىلەدى. بۇل رەتكى ساپاردىڭ ەكى پارتيا، ەكى مەملەكەتتىڭ دوستىق بارىس ـ كەلىس تاريحىنىڭ جاڭا بەلەسىنە اينالىپ، ەكى ەلدىڭ ستراتەگيالىق مانگە يە تاعدىرلاس ورتاق تۇلعا قۇرىلىسىنىڭ جاڭا ىلگەرىلەۋشىلىككە قول جەتكىزۋىن جەبەيتىندىگى داۋسىز.
سۋ لين مىنالاردى ٴبىلدىردى: باس شۋجي شي جينپيڭنىڭ پارمەندى باسشىلىعىندا، جۇڭگوشا سوتسياليزم ىستەرىندە تاريحي تابىستارعا قول جەتىپ، جۇڭگو ۇلگىسىندەگى وسىزامانداندىرۋ جاپپاي ىلگەرىلەتىلىپ، جاڭاشا وندىرگىش كۇشتەر جەدەل دامىپ، جۇڭگونىڭ حالىقاراداعى ورنى ۇزدىكسىز جوعارىلادى، ۆيەتنام جاق بۇنى شىن جۇرەكتەن قۇتتىقتايدى، جۇڭگو جاقتىڭ ۇزاق ۋاقىتتان بەرى ۆيەتنامعا بار كۇشپەن قولداۋ كورسەتكەندىگىنە جانە كومەكتەسكەندىگىنە العىس ايتادى.
سۋ لين مىنالاردى ٴبىلدىردى: ۆيەتنام مەن جۇڭگو ەكەۋى دە كوممۋنيستىك پارتيا باسشىلىعىنداعى سوتسياليستىك مەملەكەت، جۇڭگومەن قارىم ـ قاتىناستى دامىتۋ — ۆيەتنامنىڭ وبيەكتيۆ تالابى، ستراتەگيالىق تاڭداۋى جانە ماڭداي الدى ورىندا تۇرادى. ۆيەتنام ٴبىر جۇڭگو ساياساتىن تاباندىلىقپەن اتقارادى، جۇڭگونىڭ بىرلىككە كەلۋ ۇلى ٴىسىن جۇزەگە اسىرۋىن قولدايدى، ٴارقانداي ”تايۋاندى دەربەستەندىرۋ“ بولشەكتەۋ ارەكەتىنە باتىل قارسى تۇرادى. ۆيەتنام مەن جۇڭگو قارىم ـ قاتىناسىنىڭ ۇزدىكسىز دامۋىن ىلگەرىلەتۋ ەكى ەل حالىقتارىنىڭ ٴتۇبىرلى مۇددەسىنە ۇيلەسەدى، ٴداۋىر اعىمىنا ۇيلەسەدى. ۆيەتنام جاق جۇڭگو جاقپەن ەكى پارتيا، ەكى ەل جوعارى جىكتەگىلەرىنىڭ بارىس ـ كەلىسىن جيىلەتىپ، ەل باسقارۋ تاجىريبەلەرىن اۋىستىرۋدى كۇشەيتىپ، ستراتەگيالىق حاۋىپسىزدىك ىستەستىگىن ارتتىرىپ، ساياسي ٴوزارا سەنىمدىلىكتى ۇزدىكىسز بەكەمدەۋدى؛ ەكى جاقتى سەلبەستىك دەڭگەيىن جوعارىلاتىپ، ەكونوميكا ـ ساۋدا، عىلىم ـ تەحنولوگيا، نەگىزدىك قۇرىلعى، قورشاعان ورتانى قورعاۋ سياقتى سالالارداعى سەلبەستىكتىڭ ٴتىپتى كوپ جارقىن تۇيىندەرىن تۇلعالاۋدى؛ گۋمانيتارلىق اۋىس ـ كۇيىستى جەبەپ، جەرگىلىكتى ورىندار، جاستار بارىس ـ كەلىسىن ىلگەرىلەتىپ، ساياحات سەلبەستىگىن كۇشەيتىپ، حالىقتاردىڭ ٴوزارا ٴتۇسىنىسۋىن، ٴوزارا ەتەنە بولۋىن ىلگەرىلەتۋدى ٴۇمىت ەتەدى. ۆيەتنام جاق باس شۋجي شي جينپيڭ العا قويعان ادامزاتتىڭ تاعدىرلاس ورتاق تۇلعاسى ۇستانىمىن جانە ٴۇش ۇلكەن الەمدىك باستامانى قولدايدى، جۇڭگو كوممۋنيستىك پارتياسى ورتالىق كوميتەتىنىڭ توڭىرەكتىك قىزمەت ماجىلىسىندە توڭىرەكتەگى ەلدەرمەن ”بەس ۇلى مەكەن“ قۇرۋ ارمانىن جانە تاتۋ كورشى، تىنىش كورشى، باي كورشى بولۋ باعىتىنا تاباندى بولۋدى بەلگىلەگەندىگىن ايرىقشا القايدى. ۆيەتنام جاق جۇڭگو جاقپەن سايكەسۋدى جانە سەلبەسۋدى كۇشەيتىپ، كوپ جاقتىلىققا تاباندى بولىپ، بەيبىت قاتار تۇرۋ بەس پرينسيبىنە قاتاڭ بويسۇنىپ، حالىقارالىق ساۋدا ەرەجەسىن قورعاپ، ەكى جاق قول قويعان كەلىسىمدەرگە بويسۇنىپ، دۇنيە ٴجۇزىنىڭ بەيبىتشىلىگىن جانە ادامزاتتىڭ العا باسۋىن جەبەۋگە بىرگە اناعۇرلىم زور ۇلەس قوسۋدى قالايدى. ۆيەتنام جاق جۇڭگو جاقپەن تەڭىزدەگى الاۋىزدىقتاردى ۇيلەسىمدى ٴبىر جاقتى ەتىپ، تەڭىزدەگى ورنىقتىلىقتى قورعاۋدى قالايدى.
كەڭەستەن بۇرىن سۋ لين شي جينپيڭدى شاي ىشە وتىرىپ شاعىن كولەمدە اڭگىمەلەسۋگە ۇسىنىس ەتتى. ەكى پارتيانىڭ باس شۋجيلەرى پارتيانى باسقارۋ، ەل باسقارۋ ۇستانىمى جونىندە اڭگىمەلەستى. شي جينپيڭ بىلاي دەپ اتاپ كورسەتتى: پارتيا قۇرىلىسى پارتيا مەن مەملەكەتتىڭ بولاشاعىنا، تاعدىرىنا سايادى، پارتيا ستيلى جۇرتتىڭ قۇپتاۋ ـ قۇپتاماۋىنا سايادى. جۇڭگو كوممۋنيستىك پارتياسى ورتالىق كوميتەتى بيىل بۇكىل پارتيادا ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ورىستەتىپ، رەفورمانى ونان ارى جاپپاي تەرەڭدەتۋگە، جۇڭگو ۇلگىسىندەگى وسىزامانداندىرۋدى ىلگەرىلەتۋگە ستيل قۇرىلىسىنىڭ جاڭا ناتيجەلەرى ارقىلى پارمەندى قامتاماسىزدىق ازىرلەۋدى ۇيعاردى. ەكى پارتيانىڭ باس شۋجيلەرى اۋىس ـ كۇيىستى، ٴوزارا ۇلگى الۋدى كۇشەيتىپ، سوتسياليزم جولىمەن بىرگە ويداعىداي جۇرۋگە ٴبىر اۋىزدان قوسىلدى.
كەڭەستەن كەيىن ەكى پارتيانىڭ باس شۋجيلەرى جۇڭگو، ۆيەتنام ەكى جاق قول قويىسقان 45 ەكى جاقتى سەلبەستىك حۇجاتىنىڭ كورسەتىلۋىنە بىرگە كۋا بولدى، بۇلار ۇلاستىرۋ ـ تۇتاستىرۋ، جاساندى زەردە، كەدەندىك تەكسەرۋ ـ كارانتيندەۋ، اۋىل شارۋاشىلىعى ونىمدەرى ساۋداسى، مادەنيەت جانە دەنە تاربيە، حالىق تۇرمىسى، ادام كۇشى بايلىعىن اشۋ، مەديا سياقتى سالالاردى قامتيدى.
ەكى جاق «جۇڭحۋا حالىق رەسپۋبليكاسى مەن ۆيەتنام سوتسياليستىك رەسپۋبليكاسىنىڭ جالپى بەتتىك ستراتەگيالىق سەلبەستىك سەرىكتەستىك قارىم ـ قاتىناستى ۇزدىكسىز تەرەڭدەتۋ، ستراتەگيالىق مانگە يە جۇڭگو — ۆيەتنام تاعدىرلاس ورتاق تۇلعاسىن جەدەل قۇرۋ جونىندەگى بىرلەسكەن مالىمدەمەسىن» جاريالادى.
سول كۇنى كەشتە ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى سۋ لين، ۆيەتنامنىڭ مەملەكەت ٴتوراعاسى لياڭ چياڭ بىرگە شي جينپيڭگە ارناپ قارسى الۋ قوناعاسىن وتكىزدى. ۆيەتنام كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، شۋجيچۋىنىڭ شۋجيلەرى قاتارلى باسشى جولداستاردىڭ ٴبارى سەرىك بولىپ بىرگە قاتىناستى.
ساي چي، ۋاڭ ي، ۋاڭ شياۋحۇڭ قاتارلىلار جوعارىداعى قيمىلدارعا قاتىناستى.
