ورتالىق اسكەري ىستەر كوميتەتى بەيجيڭدە تۇراتىن اسكەري بولىمدەردەگى ساقا كادرلاردان حال سۇراۋ بايلانىسىمەن كوكتەم مەرەكەسىن قارسى الۋ ادەبيەت ـ كوركەمونەر كونسەرتىن وتكىزدى
شي جينپيڭ بۇكىل ارمياداعى ساقا جولداستاردىڭ كوكتەم مەرەكەسىن قۇتتىقتادى
1 - ايدىڭ 17 - كۇنى تۇستەن كەيىن ورتالىق اسكەري ىستەر كوميتەتىنىڭ بەيجيڭدە تۇراتىن اسكەري بولىمدەردەگى ساقا كادرلاردان حال سۇراۋ بايلانىسىمەن ۇيىمداستىرعان كوكتەم مەرەكەسىن قارسى الۋ ادەبيەت - كوركەمونەر كونسەرتى بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كونسەرتتى تاماشالادى، كونسەرت كورۋگە قاتىناسقان ارمياداعى ساقا جولداستارعا، بۇكىل ارمياداعى دەمالىسقا، زەينەتكە شىققان ساقا كادرلارعا مەرەكەلىك سالەم جولدادى ءارى ولارعا كوكتەم مەرەكەسى بايلانىسىمەن باقىت تىلەدى.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 1 ـ ايدىڭ 18 ـ كۇنى بەيجيڭنەن بەرگەن حابارى (ٴتىلشى مەي چاڭۋي). جۇڭحۋا ۇلتىنىڭ ٴداستۇرلى مەرەكەسى _ كوكتەم مەرەكەسى كەلۋ قارساڭىندا ورتالىق اسكەري ىستەر كوميتەتى 1 ـ ايدىڭ 17 ـ كۇنى بەيجيڭدە بەيجيڭدە تۇراتىن اسكەري بولىمدەردەگى ساقا كادرلاردان حال سۇراۋ بايلانىسىمەن كوكتەم مەرەكەسىن قارسى الۋ ادەبيەت ـ كوركەمونەر كونسەرتىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ كونسەرتتى تاماشالاپ، كونسەرت كورۋگە قاتىناسقان ارمياداعى ساقا جولداستارعا، بۇكىل ارمياداعى دەمالىسقا، زەينەتكە شىققان ساقا كادرلارعا مەرەكەلىك سالەم جولدادى ٴارى ولارعا كوكتەم مەرەكەسى بايلانىسىمەن باقىت تىلەدى.
كوكتەم مەرەكەسى قارساڭىندا، استانا بەيجيڭ شات ـ شادىمان، بەرەكەلى بەينەگە شومدى، جۇڭگو تەاترحاناسىندا شامدار جايناپ، جىلى لەپ ەسىپ، جاڭا جۇڭگونى قۇرۋ، قورعاۋ، كوركەيتۋ ٴۇشىن، مەملەكەت قورعانىسى مەن ارميا قۇرىلىسى ٴۇشىن كورنەكتى ۇلەس قوسقان بەيجيڭدە تۇراتىن اسكەري بولىمدەردەگى ساقا كادرلار شاتتىقپەن باس قوسىپ، كوكتەم مەرەكەسىن بىرگە قارسى الدى.
تۇستەن كەيىن ساعات 4 مولشەرىندە شي جينپيڭ ساقا جولداستاردىڭ اراسىنا كەلگەندە تۇتاس زالدا قىزۋ قول شاپالاق ٴۇنى كوتەرىلدى. شي جينپيڭ كوپشىلىكپەن ىقىلاسپەن قول الىسىپ، ٴوزارا سالەمدەسىپ، ولاردىڭ دەنساۋلىق جانە تۇرمىس جاعدايىن ىقىلاسپەن سۇراپ، وتكەن ٴبىر جىلداعى پارتيا، مەملەكەت جانە ارميا ىستەرىندە باسىپ وتكەن وزگەشە بارىستى، قول جەتكىزگەن كەلەلى تابىستاردى بىرگە ەسكە الدى. ساقا جولداستار ٴبىر اۋىزدان مىنالاردى ٴبىلدىردى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ ارميانى قۇدىرەتتەندىرۋ يدەياسىن ىشكەرىلەي دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، اسكەري ىستەر كوميتەتىنىڭ ٴتوراعاسى جاۋاپتى بولۋ ٴتۇزىمىن دايەكتىلەندىرىپ، داڭقتى ٴداستۇردى ساۋلەلەندىرىپ، ساياسي قاسيەتتى ماڭگى ساقتاپ، سەنىمدى بەكەمدەپ، ىنتىماقتاسا كۇرەس جۇرگىزىپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋدان قامال الۋ شايقاسىن ۇزدىكسىز ويداعىداي جۇرگىزىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن بەلسەندى ۇلەس قوسامىز.
”مەملەكەتتى قۇدىرەتتەندىرۋدىڭ، گۇلدەندىرۋدىڭ اياق الىسى بايتاق دالانى ٴدۇر سىلكىندىردى، ەكپىندەي ىلگەرىلەپ قامال الاتىن قوسىن تۋى اسقاق جەلبىرەدى...“، ويناقى دا جالىندى «مەنىڭ مايدانىم، مەنىڭ جىلىم» ٴان ـ بيىمەن كونسەرتتىڭ شىمىلدىعى اشىلدى. كونسەرت ادەبيەت ـ كوركەمونەر ساڭلاق اترەتىنىڭ اسكەريلەرگە قىزمەت ەتۋى تاسىلىمەن ارميانى قۇدىرەتتەندىرۋدىڭ جالىندى امالياتىن ايگىلەپ، مىزعىماس نيەتپەن پارتياعا ىلەسۋ، كۇش ـ قۋاتتى شوعىرلاندىرىپ قامال الۋدىڭ ىشكى ٴمانىن ساباقتاستىرىپ، جاڭا داۋىردەگى حالىق ارمياسىنىڭ جاڭا ستيلىن، دۇرىس سالتىن كورنەكتى بەينەلەدى. توعىسپالى حور «ىلەسۋ» قالىڭ وفيتسەر ـ اسكەرلەردىڭ جاڭا داۋىردە ارميانى ساياسي جاقتان قۇرۋ جالپى جوباسىن جاپپاي دايەكتىلەندىرىپ، بۇلجىماي پارتيانىڭ سوزىنە قۇلاق اسۋ، پارتياعا ىلەسۋ سىندى ورتاق جۇرەك ٴۇنىن تەرەڭ سۇيىسپەنشىلىكپەن بەينەلەدى. ٴان ـ ٴبيلى اسپاپتىق مۋزيكا كونسەرتى «شايقاسقا ٴارقاشان دايىن تۇرۋ»، «شايقاستا جەڭىسكە جەتۋ داڭقى» ناقتى سوعىس، ناقتى جاتتىعۋ، اسكەر جاتتىقتىرۋ كورىنىستەرىن جاندى بەينەلەپ، وفيتسەر ـ اسكەرلەردىڭ ەر جۇرەك قۇرىش جىگەرى مەن سوعىسقا ساقاداي ساي تۇراتىن، قاي ـ قاشان دا جەڭىستى شايقاس جۇرگىزە الاتىن جاۋىنگەرلىك بەينەسىن ايگىلەدى. ٴبيلى ٴان «شەكارا قاراۋىلىنداعى شايقاس جىرى» شەكارانى قورعايتىن وفيتسەر ـ اسكەرلەردىڭ شەكارا قورعانىسىنىڭ ٴبىرىنشى شەبىنە تامىر تارتىپ، بورىشىن ادالدىقپەن وتەگەن سۇيىسپەنشىلىگىن، جاۋاپكەرشىلىگىن بەينەلەدى. «پارتيا قىزىمىن»، «يمىڭعا ماداقتان» ٴۇزىندى جانە «جاپون شاپقىنشىلارىنا قارسى اسكەري ساياسي داشۋەنىڭ مەكتەپ ٴانى»، «ٴبىز داڭعىل جولدا ٴجۇرىپ كەلەمىز» سياقتى كلاسسيكالىق اندەر ۇلاستىرا شىرقالىپ، داڭقتى جىلداردى قايتالاي ەسكە الىپ، كۇرەس جىگەرىن تاسقىنداتتى. كورىنىستىك ٴان ـ ٴبي «كىر جۋۋ ٴانىن تاعى دا شىرقايمىز» ارميا مەن حالىقتىڭ ەتەنە سۇيىسپەنشىلىگىن، تىزە قوسا شەكارانى نىعايتۋدىڭ، قورعانىستى بەكەمدەۋدىڭ اسەرلى كورىنىسىن بەينەلەدى. قىسقا تەاتر «وزىندىك قاسيەت»، شاعىن حور «مىلتىعىڭدى قولىما الدىم» توڭكەرىستىك اعا بۋىنداردىڭ سوعىس حيكاياسى مەن جاس وفيتسەر ـ اسكەرلەردىڭ ارميانى قۇدىرەتتەندىرۋ حيكاياسىن بايانداپ، حالىق ارمياسىنىڭ قىزىل گەندى جالعاستىرىپ، اۋەلگى ماقساتتى، بورىشتى امالياتتا ايگىلەگەن بەرىك سەنىمىن ايگىلەدى. توعىسپالى حور «داڭقپەن اتتانۋ» اسقاق اۋەنمەن كونسەرتتى جوعارى مارەگە كوتەرىپ، بار كۇشتى جۇمساپ، مىندەتتى ۋاعىندا ورىنداپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋ جولىندا كۇرەس جاساۋ، ارميانى قۇدىرەتتەندىرىپ بىرەگەي ارميا قۇرۋ جولىندا ەكپىندەي ىلگەرىلەۋ بەكىمى مەن سەنىمىن ايگىلەدى. تۇتاس كونسەرت قاراپايىم، اسكەري ٴتۇسى مەن سوعىستىق ٴتۇسى قويۋ بولىپ، قۇدىرەتتى ارميا مادەنيەتىنىڭ سوعىستا جەڭىسكە جەتۋ جىگەرىن شىڭداۋ، تۋراشىلدىقتان اينىماي جاڭالىق اشۋ سىندى ايبىندى بەينەسىن ايگىلەدى.
جاڭ يوۋشيا، حى ۋيدۇڭ، ليۋ جىنلي، جاڭ شىڭمين بىرگە تاماشالادى.
اسكەري ىستەر كوميتەتى ورگانىنىڭ ٴارقايسى تاراۋلارىنداعى، ارميانىڭ بەيجيڭدە تۇراتىن قاتىستى ورىندارىنداعى باسشىلار مەن اسكەري بولىمدەردەگى وفيتسەر ـ اسكەرلەردىڭ ۋاكىلدەرى دە كونسەرتتى تاماشالادى.