مەملەكەت ءتوراعاسى شي جينپيڭ 5 - ايدىڭ 14 - كۇنى حالىق سارايىندا گرەتسيانىڭ پرەزيدەنتى پاۆلوپۋلوسپەن كەڭەس وتكىزدى.
شي جينپيڭ بىلاي دەدى: پرەزيدەنت پاۆلوپۋلوستىڭ جۇڭگوعا كەلىپ مەملەكەتتىك ساپاردا بولۋىن جانە ازيا وركەنيەتتەر سۇحپات جينالىسىنا قاتىناسۋىن قارسى الامىز. گرەتسيا − ەۆروپاداعى بايىرعى وركەنيەتتى ەل، ءسىزدىڭ كەلۋىڭىز ازيا - ەۆروپا وركەنيەتىنىڭ اۋىس - كۇيىسىن، ءوزارا ۇلگى الۋىن جانە دۇنيەدەگى تۇرلىشە وركەنيەتتەردىڭ سۇحپاتىن جەبەۋدە ماڭىزدى مانگە يە.
شي جينپيڭ بىلاي دەپ اتاپ كورسەتتى: جۇڭحۋا ۇلتى − اقيقات جولىنان جازبايتىن جاسامپاز ۇلت. جۇڭحۋا وركەنيەتىنىڭ ۇلاسۋى قازىرگە دەيىن ءۇزىلىپ كورگەن جوق، وندا ەجەلدەن قاقپايلاۋشىلىق بولعان ەمەس، قايتا سيىسىمدى بولۋ بارىسىندا ۇزدىكسىز دامىپ كەلەدى. بايىرعى جىبەك جولىنداعى اۋىس - كۇيىس ارقىلى بايىرعى گرەتسيا وركەنيەتى، بايىرعى ريم وركەنيەتى، جەر ورتا تەڭىزى وركەنيەتى، سونداي - اق بۇددا ءدىنى، ءىسلام ءدىنى، حريستان ءدىنى جۇڭگوعا ىركەس - تىركەس تارالىپ، جۇڭحۋا وركەنيەتىمەن توعىسىپ ورتاق ءومىر ءسۇرىپ، بەيىمدەلىپ ءسىڭىپ كەتتى، وركەنيەت قاقتىعىسى مەن ءدىني سوعىس ەجەلدەن بولعان ەمەس. جۇڭحۋا ۇلتتارىندا سىرتقا شاپقىنشىلىق جاساۋ ءداستۇرى جوق. 600 نەشە جىلدىڭ الدىندا جىڭ حى باتىس ەلدەرىنە ساپار شەگىپ، سول كەزدە دۇنيە ءجۇزى بويىنشا ەڭ ءىرى كەمە كەرۋەنىن باستاپ بارعان كەزدە جىبەك، شاي جانە فارفور بۇيىمداردى الا باردى، سوعىس ءۇشىن بارعان جوق، جول بويىندا ءبىر ەلدىڭ ءبىر سۇيەم جەرىنە سۇعاناقتىق جاساعان جوق.
