جەرگىلىكتى ۋاقىت 11 - ايدىڭ 20 - كۇنى تۇستەن بۇرىن مەملەكەت ءتوراعاسى شي جينپيڭ برازيليا زۇڭتۇڭ سارايى − الۆورادا سارايىندا برازيليا زۇڭتۇڭى لۋلامەن كەڭەس وتكىزدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 11 ـ ايدىڭ 20 ـ كۇنى برازيليادان بەرگەن حابارى (تىلشىلەر ني سى ـ ي، چىن ۋيحۋا). جەرگىلىكتى ۋاقىت 11 ـ ايدىڭ 20 ـ كۇنى تۇستەن بۇرىن مەملەكەت ٴتوراعاسى شي جينپيڭ برازيليا زۇڭتۇڭ سارايى _ الۆورادا سارايىندا برازيليا زۇڭتۇڭى لۋلامەن كەڭەس وتكىزدى. ەكى ەلدىڭ مەملەكەت باسشىلارى جۇڭگو _ برازيليا قارىم ـ قاتىناسىنىڭ ورنىن قول ۇستاسا اناعۇرلىم ادىلەتتى دۇنيە جانە اناعۇرلىم باياندى پلانەتا قۇراتىن جۇڭگو _ برازيليا تاعدىرلاس ورتاق تۇلعاسى دەڭگەيىنە كوتەرۋدى جاريالادى.
جاز باسىنداعى برازيليادا كۇن شايداي اشىق. الۆورادا سارايىندا كوك شالعىن جايقالىپ، 450 ايباتتى قۇرمەت قاراۋىلى رەتتى قاتار تۇزەپ تۇر. 120 اتتى اسكەردىڭ قورعاۋىندا شي جينپيڭ اۆتوكولىكپەن الۆورادا سارايىنىڭ الدىنداعى الاڭعا جەتتى.
لۋلا زۇڭتۇڭ مەن حانىمى روسانگەلا شي جينپيڭدى ىستىق ىقىلاسپەن قارسى الدى ٴارى شي جينپيڭگە ارناپ سالتاناتتى قارسى الۋ سالتىن وتكىزدى.
اسكەري وركەستر جۇڭگو مەن برازيليا ەكى ەلدىڭ مەملەكەت ٴانىن ورىندادى. ەكى ەلدىڭ مەملەكەت باسشىلارى قۇرمەت قاراۋىلىنىڭ سالتانات قاتارىن بىرگە تاماشالادى. جۇڭگولىق، برازيليالىق بالالار ەكى ەلدىڭ مەملەكەت تۋىن بۇلعاپ، شي جينپيڭدى قىزۋ قارسى الدى. برازيليا كوركەمونەرشىلەرى جۇڭگو تىلىندە «مەنىڭ وتانىم» ٴانىن ورىندادى.
ەكى ەلدىڭ مەملەكەت باسشىلارى قارسى جاقتىڭ سەرىك بولىپ كەلگەن ادامدارىمەن جەكە ـ جەكە قول الىسىپ قۇرمەت ٴبىلدىردى.
قارسى الۋ سالتىنان كەيىن ەكى ەلدىڭ مەملەكەت باسشىلارى كەڭەس وتكىزدى.
شي جينپيڭ بىلاي دەپ اتاپ كورسەتتى: جۇڭگو مەن برازيليا ديپلوماتيالىق قارىم ـ قاتىناس ورناتقاندىعىنىڭ 50 جىلدىعى سىندى ماڭىزدى تاريحي مانگە يە جىلدا برازيلياعا ساپارلاي كەلگەنىمە وتە قۋانىشتىمىن. الگىندە لۋلا زۇڭتۇڭنىڭ ماعان ەڭ جوعارى سي ـ قۇرمەت كورسەتىپ سالتاناتتى قارسى الۋ سالتىن وتكىزىپ، جۇڭگو _ برازيليا قارىم ـ قاتىناسىنا ايرىقشا ٴمان بەرەتىندىگىن، سونداي ـ اق جۇڭگو حالقىنا تەرەڭ سۇيىسپەنشىلىگىن تولىق ايگىلەپ، مەنى تەرەڭ اسەرلەندىردى. جۇڭگو مەن برازيليا _ شىعىس، باتىس جارتى شارداعى وركەندەپ كەلە جاتقان ەكى ٴىرى ەل. وتكەن 50 جىلعا قايىرىلا قاراساق، جۇڭگو _ برازيليا قارىم ـ قاتىناسى تاۋ ـ تەڭىزدەردەن اسىپ، وركەندەپ كەلە جاتقان ٴىرى ەلدەردىڭ ٴوزارا قۇرمەت ەتۋ، ٴوزارا پايدا جەتكىزىپ دوس بولۋ، سەلبەسىپ تەڭ يگىلىككە كەنەلۋ سىندى دۇرىس قارىم ـ قاتىناس جولىن تاپتى. برازيليا _ جۇڭگومەن ستراتەگيالىق سەرىكتەستىك قارىم ـ قاتىناس ورناتقان تۇڭعىش مەملەكەت، جۇڭگومەن جالپى بەتتىك ستراتەگيالىق سەرىكتەستىك قارىم ـ قاتىناس ورناتقان لاتىن امەريكاسىنداعى تۇڭعىش مەملەكەت. سوڭعى جىلدارى لۋلا زۇڭتۇڭ ەكەۋىمىزدىڭ ستراتەگيالىق جەتەكشىلىگىمىزدە ەكى ەل كۇننەن ـ كۇنگە تاعدىرلاس سەنىمدى دوسقا، بەيبىتشىلىكتى بىرگە جەبەۋدىڭ بەلسەندى كۇش ـ قۋاتىنا اينالدى، جۇڭگو _ برازيليا قارىم ـ قاتىناسى تاريحتاعى ەڭ جاقسى مەزگىلدە تۇر، بۇل ەكى ەل حالقىنىڭ قۇت ـ ىرىسىن ارتتىرىپ قانا قويماي، قالىڭ وركەندەپ كەلە جاتقان ەلدەردىڭ ورتاق مۇددەسىن دە قورعاپ، جەر شارىنىڭ وڭتۇستىگىنىڭ كۇشى مەن ٴۇنىن زورايتىپ، دۇنيە ٴجۇزىنىڭ بەيبىتشىلىگى مەن ورنىقتىلىعىنا كورنەكتى ۇلەس قوستى.
شي جينپيڭ بىلاي دەپ باسا دارىپتەدى: بۇگىن ٴبىز جۇڭگو _ برازيليا قارىم ـ قاتىناسىنىڭ ورنىن قول ۇستاسا اناعۇرلىم ادىلەتتى دۇنيە جانە اناعۇرلىم باياندى پلانەتا قۇراتىن جۇڭگو _ برازيليا تاعدىرلاس ورتاق تۇلعاسى دەڭگەيىنە كوتەردىك، سونىمەن بىرگە ”ٴبىر بەلدەۋ، ٴبىر جولدى“ بىرگە قۇرۋ باستاماسىن برازيليانىڭ دامۋ ستراتەگياسىمەن تۇيىلىستىردىك، بۇل جۇڭگو _ برازيليا قارىم ـ قاتىناسىنىڭ دامۋىنداعى تاعى ٴبىر تاريحي ٴسات بولىپ، ەكى ەل قارىم ـ قاتىناسىنىڭ الەمدىك سيپاتىن، ستراتەگيالىق سيپاتىن، ۇزاق بولاشاقتىق سيپاتىن ايگىلەدى، ەكى ەل حالقىنىڭ جالپىلىق تىلەگىنە ۇيلەسەدى، ەكى جاقتىڭ ٴوز ـ ٴوزىنىڭ وسىزاماندانۋىن ىلگەرىلەتۋىنە قوزعاۋشى كۇش تىرەگىن ازىرلەيدى، سونىمەن بىرگە جۇڭگو مەن برازيليانىڭ حالىقارالىق ادىلدىكتى، تۋراشىلدىقتى قول ۇستاسا قورعاۋ، دۇنيە ٴجۇزىنىڭ بىرگە دامۋىن جەبەۋ بەكىمىن دە ايگىلەدى. جۇڭگو جاق برازيليا جاقپەن بىرگە ادامزاتتىڭ بولاشاعىن كوكەيدە ساقتاپ، حالىقتىڭ قۇت ـ ىرىسىن ويلاپ، جاڭا داۋىردەگى جۇڭگو _ برازيليا قارىم ـ قاتىناسىنىڭ ٴمانىن ۇزدىكسىز بايىتىپ، ٴبىرىن ـ ٴبىرى تابىسقا جەتەلەيتىن ”تاماشا سەرىك“ بولىپ، ادامزاتتىڭ تاعدىرلاس ورتاق تۇلعاسىن قۇرۋ، اناعۇرلىم ادىلەتتى دۇنيە جانە اناعۇرلىم باياندى پلانەتا قۇرۋ نىساناسىنا قاراي ۇزدىكسىز قادام تاستاپ، ادامزاتتىڭ بەيبىتشىلىگى مەن العا باسۋ ىستەرىنە اناعۇرلىم زور ۇلەس قوسۋدى قالايدى.
شي جينپيڭ بولاشاقتاعى ەكى ەل قارىم ـ قاتىناسىنىڭ دامۋى جونىندە ٴتورت جاقتان ۇسىنىس بەردى.
ٴبىرىنشى، تاعدىرلاس بولىپ، ستراتەگيالىق ٴوزارا سەنىمدىلىكتى ۇزدىكسىز بەكەمدەۋ كەرەك. يەلىك ۇقىق، حاۋىپسىزدىك، تەرريتوريا تۇتاستىعى سياقتى وزەكتى مۇددەگە ساياتىن ماسەلەلەردە ٴبىر ـ ٴبىرىن باتىل قولداپ، ٴبىر ـ بىرىنە سەنەتىن ستراتەگيالىق سەرىك جانە جەر شارىنىڭ وڭتۇستىگىندەگى ەلدەردىڭ ىنتىماقتاسا سەلبەسۋىنىڭ، ٴوزارا پايدا جەتكىزىپ تەڭ يگىلىككە كەنەلۋىنىڭ، بىرگە دامۋىنىڭ ۇلگىسى بولۋ كەرەك. مادەنيەت، وقۋ ـ اعارتۋ، جاستار سياقتى سالالارداعى گۋمانيتارلىق اۋىس ـ كۇيىستى كۇشەيتىپ، جۇڭگو _ برازيليا تاعدىرلاس ورتاق تۇلعاسىنىڭ حالىق رايى نەگىزىن بەكەمدەۋ كەرەك.
ەكىنشى، دامۋدا بىرگە بولىپ، دامۋ ستراتەگيالارىن ٴتۇيىلىستىرۋدى ۇزدىكسىز تەرەڭدەتۋ كەرەك. ”ٴبىر بەلدەۋ، ٴبىر جولدى“ بىرگە قۇرۋ باستاماسىن برازيليانىڭ دامۋ ستراتەگياسىمەن ٴتۇيىلىستىرۋدىڭ تاريحي ورايىن يگەرىپ، ەكونوميكا ـ ساۋدا، نەگىزدىك قۇرىلعى، فينانس، عىلىم ـ تەحنيكا، قورشاعان ورتانى قورعاۋ سياقتى ٴتۇيىندى سالالارداعى سەلبەستىكتى تەرەڭدەتىپ، عارىش، اۋىل شارۋاشىلىعى عىلىم ـ تەحنيكاسى، تازا ەنەرگيا سياقتى سالالارداعى سەلبەستىكتى كۇشەيتۋ كەرەك. جۇڭگو جاق كەدەيلىكتەن ارىلتۋدان قامال الۋدى ەل باسقارۋدىڭ كورنەكتى ورنىنا قويدى، برازيليا جاقتىڭ ”ٴنول اشارشىلىق“ جوسپارىن قولدايدى، برازيليا جاقپەن كەدەيلىكتى ازايتۋ سەلبەستىگىن ۇزدىكسىز كۇشەيتىپ، ەكى ەل حالقىنىڭ اناعۇرلىم تاماشا تۇرمىس كەشىرۋىنە مۇمكىندىك جاساۋدى قالايدى.
ٴۇشىنشى، جاۋاپكەرشىلىك ارقالاۋدا بىرگە بولىپ، دۇنيە ٴجۇزىنىڭ بەيبىتشىلىگى مەن ادىلدىگىن قورعاۋدا جۇڭگو _ برازيليا كۇشىن ايگىلەۋ كەرەك. ناعىز كوپ جاقتىلىقتى امالياتتا ايگىلەپ، ٴادىل سويلەۋگە، ٴادىل ٴىس ىستەۋگە تاباندى بولىپ، الەمدىك باسقارۋدىڭ اناعۇرلىم ٴادىل، ۇيلەسىمدى بەتالىسقا قاراي دامۋىن ىلگەرىلەتۋ كەرەك. جۇڭگو جاق برازيليانىڭ حالىقارالىق ورنى مەن ىقپال كۇشىنە ايرىقشا ٴمان بەرەدى، برازيليانىڭ حالىقارالىق ساحنادا اناعۇرلىم زور رول اتقارۋىن قولدايدى، برازيليامەن بىرلەسكەن مەملەكەتتەر ۇيىمى جانە بريكس ەلدەرى سياقتى كوپ جاقتى مەحانيزم اياسىندا بايلانىستى، سايكەسۋدى كۇشەيتىپ، برازيليانىڭ كەلەر جىلى بريكس ەلدەرىنىڭ ٴتوراعا ەلى بولۋ قىزمەتىن قولداپ، ”ۇلكەن بريكس سەلبەستىگىنىڭ“ جوعارى ساپالى دامۋىنا دەم بەرىپ، كوپ جاقتىلىققا تاباندى بولۋ، الەمدىك باسقارۋدى كەمەلدەندىرۋ جونىندە اناعۇرلىم اسقاق بريكس ٴۇنىن شىعانداتۋدى قالايدى.
ٴتورتىنشى، بەينەت پەن زەينەتتى بىرگە وتكەرىپ، ادامزاتتىڭ تاعدىرلاس ورتاق تۇلعاسىن قۇرۋعا جۇڭگو _ برازيليا ۇلەسىن قوسۋ كەرەك. جۇڭگو مەن برازيليا وركەندەپ كەلە جاتقان ٴىرى ەلدەر رەتىندە، باستاماشىلدىقپەن بىرگە اقىلداسىپ، بىرگە كەڭەسىپ، ”جەر شارىنداعىلار ٴوزارا قارايلاسىمدى بولۋدى“ ىلگەرىلەتىپ، ادامزاتتىڭ بولاشاعى مەن تاعدىرىنا ساياتىن الەمدىك سىن ـ سايىستارعا تىزە قوسا توتەپ بەرۋى كەرەك. جاسىل تيپ جاڭالاۋ، باياندى دامۋ، كليمات وزگەرىسىنە توتەپ بەرۋ، جاساندى زەردەنى باسقارۋ سياقتى سالالارداعى سەلبەستىكتى كۇشەيتۋ كەرەك. جۇڭگو جاق برازيليانىڭ «بىرلەسكەن مەملەكەتتەر ۇيىمىنىڭ كليمات وزگەرىسى جۇلگەلىك شارتىنىڭ» 30 ـ رەتكى شارت جاساسۋشى جاقتار جينالىسىن ويداعىداي وتكىزۋىن قولداۋدى قالايدى.
شي جينپيڭ بىلاي دەپ اتاپ كورسەتتى: 10 جىلدىڭ الدىندا، مەن برازيليادا لاتىن امەريكاسى جانە كارايب ەلدەرىنىڭ باسشىلارىمەن بىرگە جۇڭگو _ لاتىن امەريكاسى تالقى مىنبەرىنىڭ قۇرىلعانىن جاريالاپ، جۇڭگو _ لاتىن امەريكاسى قارىم ـ قاتىناسىنىڭ تەپە ـ تەڭ، ٴوزارا پايدا جەتكىزەتىن، جاڭالىق اشاتىن، اشىق، حالىققا تيىمدىلىك جەتكىزەتىن جاڭا داۋىرگە ٴوتۋىن ىلگەرىلەتتىك. جۇڭگو جاق برازيليا جاقپەن بىرگە جۇڭگو _ لاتىن امەريكاسى تالقى مىنبەرىن ۇزدىكسىز ويداعىداي وتكىزىپ، ”ٴبىر بەلدەۋ، ٴبىر جولدى“ بىرگە قۇرۋ باستاماسىن لاتىن امەريكاسىنىڭ جانە كارايب ەلدەرى ٴوڭىرىنىڭ دامۋ باسىمدىعىمەن جانە قاجەتىمەن اناعۇرلىم ويداعىداي ٴتۇيىلىستىرىپ، جۇڭگو _ لاتىن امەريكاسى تاعدىرلاس ورتاق تۇلعاسى قۇرىلىسىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتۋدى قالايدى.
لۋلا مىنالاردى ٴبىلدىردى: برازيليا مەن جۇڭگو ٴبىر ـ بىرىنە قۇرمەت ەتەتىن، ٴبىر ـ بىرىنە سۇيەنەتىن جاقسى دوس، جۇڭگو برازيليانىڭ ەڭ ماڭىزدى ستراتەگيالىق سەلبەستىك سەرىگى، جۇڭگو حالقى برازيليا حالقىنىڭ ەڭ سەنىمدى دوسى. بيىل _ برازيليا مەن جۇڭگو ديپلوماتيالىق قارىم ـ قاتىناس ورناتقاندىعىنىڭ 50 جىلدىعى، ٴتوراعا شي جينپيڭنىڭ وسى ماڭىزدى ساتتە برازيليادا تاعى دا مەملەكەتتىك ساپاردا بولعاندىعىن قىزۋ قارسى الامىن. بىلتىر جۇڭگوعا ساپارلاي بارعانىمدا جۇڭگو جاقتىڭ سالتاناتتى قارسى العاندىعىنا العىس ايتۋ ٴارى برازيليا حالقىنىڭ جۇڭگو حالقىنا تەرەڭ سۇيىسپەنشىلىگىن ٴبىلدىرۋ ٴۇشىن، الگىندەگى قارسى الۋ سالتىندا برازيليا كوركەمونەرشىلەرىن جۇڭگو تىلىندەگى «مەنىڭ وتانىم» ايگىلى ٴانىن ورىنداۋعا ارنايى ورنالاستىردىم، وتكەن 50 جىلدا برازيليا مەن جۇڭگونىڭ ٴار سالاداعى سەلبەستىگى سۇبەلى جەتىستىكتەرگە قول جەتكىزدى. برازيليا جاق ٴتوراعا شي جينپيڭنىڭ ساپارىن جاڭا باستاما ەتىپ، ەكى ەل قارىم ـ قاتىناسىندا اناعۇرلىم كوپ ناقتى جاڭا جەتىستىكتەرگە قول جەتكىزىپ، قول ۇستاسا اناعۇرلىم ادىلەتتى دۇنيە جانە اناعۇرلىم باياندى پلانەتا قۇراتىن برازيليا _ جۇڭگو تاعدىرلاس ورتاق تۇلعاسىن جەبەۋدى ٴۇمىت ەتەدى. برازيليا ”جەدەل ارتتىرۋ جوسپارى“، ”جاڭا ونەركاسىپ جوسپارى“، ”وڭتۇستىك امەريكانى ٴبىر تۇلعالاندىرۋ جول جوسپارى“ سياقتى دامۋ ستراتەگيالارىن زور كۇشپەن ىلگەرىلەتۋدە، بۇلار جۇڭگو جاقتىڭ ”ٴبىر بەلدەۋ، ٴبىر جول“ باستاماسىمەن ايرىقشا سايكەسەدى، ەكى جاقتىڭ دامۋ ستراتەگياسىن ٴتۇيىلىستىرۋدى كۇشەيتۋى برازيليانىڭ قايتالاي ونەركاسىپتەنۋ اياق الىسىنا وراسان زور دەم بەرىپ، وڭتۇستىك امەريكانىڭ ٴبىر تۇلعالانۋ قۇرىلىسىن جەبەپ، وركەندەپ كەلە جاتقان ەلدەردىڭ ىنتىماقتاسا سەلبەسۋىنىڭ، ٴوزارا پايدا جەتكىزىپ تەڭ يگىلىككە كەنەلۋىنىڭ ۇلگىسىن ورناتادى. ەكى جاقتىڭ قىزمەت گرۋپپالارى نەگىزدىك قۇرىلعى، فينانس، كاسىپ سالاسى تىزبەگى، عىلىم ـ تەحنيكا، ەكولوگيالىق ورتانى قورعاۋ سياقتى ٴتۇيىندى سالالارداعى سەلبەستىكتى جەدەل تالقىلاۋى جانە ىلگەرىلەتۋى كەرەك. اناعۇرلىم كوپ جۇڭگو كاسىپورنىنىڭ برازيلياعا كەلىپ قارجى قوسۋىن، سەلبەستىك جاساۋىن قارسى الامىز. برازيليا جاق جۇڭگومەن ۇلاستىرۋ ـ تۇتاستىرۋ جانە زات اينالىمى دەڭگەيىن جوعارىلاتىپ، برازيليا مەن جۇڭگونىڭ جانە لاتىن امەريكاسى مەن جۇڭگونىڭ بىرگە دامۋىن، گۇلدەنۋىن جەبەۋدى ٴۇمىت ەتەدى. برازيليا جاق ”جاڭا قىرعي قاباقتىق سوعىسقا“ قارسى تۇرادى، دۇنيە ٴجۇزىنىڭ كوپ ۇيەكتەنۋىن جانە تەڭدىك پەن ٴوزارا قۇرمەت ەتۋ نەگىزىندەگى الەمدىك سەرىكتەستىك قارىم ـ قاتىناستى ىلگەرىلەتۋدى قۋاتتايدى، جۇڭگو جاقپەن بىرلەسكەن مەملەكەتتەر ۇيىمى، بريكس ەلدەرى، 20 ەل توبى سياقتى كوپ جاقتى جۇلگەدەگى بايلانىستى، سەلبەستىكتى ۇزدىكسىز تەرەڭدەتىپ، جەر شارىنىڭ وڭتۇستىگىنىڭ الەمدىك باسقارۋداعى ٴسوز بيلىگى مەن ىقپال كۇشىن جوعارىلاتۋدى قالايدى. سونىمەن بىرگە برازيليا جاق جۇڭگو جاقپەن كوپ جاقتى سەلبەستىكتى ۇزدىكسىز قويۋلاتىپ، ۋكراينا داعدارىسى قاتارلى قولامتالى ماسەلەلەردى بەيبىت جولمەن شەشۋدى ىلگەرىلەتۋگە بەلسەندى ۇلەس قوسۋدى قالايدى. ٴتوراعا شي جينپيڭنىڭ وسى رەتكى ساپارى برازيليا _ جۇڭگو قارىم ـ قاتىناسى تاريحىنداعى جاڭا بەلەسكە اينالىپ، برازيليا مەن جۇڭگونىڭ تاعدىرلاس ورتاق تۇلعا قۇرۋىنىڭ جاڭا پاراعىن اشتى.
كەڭەستەن كەيىن ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى مەن برازيليا فەدەراتسيالىق رەسپۋبليكاسىنىڭ قول ۇستاسا اناعۇرلىم ادىلەتتى دۇنيە جانە اناعۇرلىم باياندى پلانەتا قۇراتىن جۇڭگو _ برازيليا تاعدىرلاس ورتاق تۇلعاسى جونىندەگى بىرلەسكەن مالىمدەمەسىنە» بىرگە قول قويدى.
ەكى ەلدىڭ مەملەكەت باسشىلارى «جۇڭحۋا حالىق رەسپۋبليكاسى ۇكىمەتى مەن برازيليا فەدەراتسيالىق رەسپۋبليكاسى ۇكىمەتىنىڭ ”ٴبىر بەلدەۋ، ٴبىر جولدى“ بىرگە قۇرۋ باستاماسىن ”جەدەل ارتتىرۋ جوسپارىمەن“، ”برازيليانىڭ جاڭا ونەركاسىپ جوسپارىمەن“، ”ەكولوگيالىق تيپ جاڭالاۋ جوسپارىمەن“، ”وڭتۇستىك امەريكانى ٴبىر تۇلعالاندىرۋ جول جوسپارىمەن“ ٴتۇيىلىستىرۋ جونىندەگى سەلبەستىك جوباسىنا» قول قويىلۋىنا بىرگە كۋا بولدى.
ساپار كەزىندە ەكى جاق ەكونوميكا ـ ساۋدا، قارجى قوسۋ، اۋىل شارۋاشىلىعى، سيفرلى ەكونوميكا، باياندى دامۋ، عىلىم ـ تەحنيكا، جاساندى زەردە، الەمدىك دامۋ سەلبەستىگى سياقتى سالالارداعى 30 نەشە ەكى جاقتى سەلبەستىك حۇجاتىنا دا قول قويدى.
ساي چي، ۋاڭ ي قاتارلىلار جوعارىداعى قيمىلدارعا قاتىناستى.
