11 - ايدىڭ 20 - كۇنى مەملەكەت ءتوراعاسى شي جينپيڭ 2024 - جىلعى دۇنيە جۇزىلىك ينتەرنەت جينالىسى ۋجىن باسشىلار ءماجىلىسىنىڭ اشىلعاندىعىن بەينە ەكراندا قۇتتىقتادى.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 11 ـ ايدىڭ 20 ـ كۇنى بەيجيڭنەن بەرگەن حابارى. 11 ـ ايدىڭ 20 ـ كۇنى مەملەكەت ٴتوراعاسى شي جينپيڭ 2024 ـ جىلعى دۇنيە جۇزىلىك ينتەرنەت جينالىسى ۋجىن باسشىلار ٴماجىلىسىنىڭ اشىلعاندىعىن بەينە ەكراندا قۇتتىقتادى.
شي جينپيڭ بىلاي دەپ اتاپ كورسەتتى: كەزەكتە جاڭا كەزەكتى عىلىم ـ تەحنيكا توڭكەرىسى مەن كاسىپ سالاسى وزگەرىسى قارىشتاپ دامۋدا، جاساندى زەردە سياقتى جاڭا تەحنيكالار ۇزدىكسىز قانات جايىپ، ادامزاتتىڭ دۇنيە ٴجۇزىن تانۋى مەن دۇنيە ٴجۇزىن وزگەرتۋ قابىلەتىن بارىنشا جوعارىلاتتى، سونىمەن بىرگە الدىن الا بولجاۋ قيىن ٴبىر قىدىرۋ حاۋىپ ـ قاتەرلەر مەن سىن ـ سايىستاردى دا اكەلدى. سيفرلانۋ، توراپتانۋ، زەردەلىلەنۋ سىندى دامۋ اۋقىمىن يگەرىپ، جاڭالىق اشۋدى ٴبىرىنشى قوزعاۋشى كۇش، حاۋىپسىزدىكتى تومەنگى شەك تالابى، جالپىعا ٴتيىمدى بولۋدى قۇن تالپىنىسى ەتىپ، ينتەرنەت كەڭىستىگىنىڭ جاڭالىق اشا دامۋىن، حاۋىپسىز دامۋىن، جالپىعا ٴتيىمدى دامۋىن جەدەل ىلگەرىلەتىپ، اناعۇرلىم كوركەم ”سيفرلى بولاشاققا“ قول ۇستاسا قادام تاستاۋىمىز كەرەك. جۇڭگو دۇنيە جۇزىندەگى ٴارقايسى ەلمەن بىرگە ينفورماتسيا توڭكەرىسى دامۋىنىڭ تاريحي ىرىقتىلىعىن يگەرىپ، توراپ كەڭىستىگى تاعدىرلاس ورتاق تۇلعاسىن قول ۇستاسا قۇرىپ، ينتەرنەتتىڭ ادامزاتتى ٴتىپتى جاقسى باقىتقا كەنەلتۋىنە، دۇنيە ٴجۇزىن ٴتىپتى جاقسى باقىتقا كەنەلتۋىنە مۇمكىندىك جاساۋدى قالايدى.
2024 ـ جىلعى دۇنيە جۇزىلىك ينتەرنەت جينالىسى ۋجىن باسشىلار ٴماجىلىسى سول كۇنى جىجياڭ ولكەسى تۇڭشياڭ قالاسىنىڭ ۋجىن قالاشىعىندا اشىلدى، نەگىزگى تاقىرىبى ”ادامدى نەگىز ەتكەن، زەردەلىلەنگەن ىزگىلىككە تالپىنعان سيفرلى بولاشاققا قۇشاق جايۋ _ توراپ كەڭىستىگى تاعدىرلاس ورتاق تۇلعاسىن قول ۇستاسا قۇرۋ“. باسشىلار ٴماجىلىسىن دۇنيە جۇزىلىك ينتەرنەت جينالىسى ۇيىمداستىرىپ وتكىزدى، جىجياڭ ولكەلىك حالىق ۇكىمەتى جاۋاپتى بولىپ وتكىزدى.
