شي جينپيڭ گانسۋدا قىزمەت تەكسەرگەندە بىلاي دەپ باسا دارىپتەدى
رەفورمانى تەرەڭدەتىپ، باتىلدىقپەن جاڭالىق اشىپ، قاجىرلىلىقپەن ناقتى ىستەپ، حالىقتى بايىتىپ، گانسۋدى گۇلدەندىرىپ، جۇڭگو ۇلگىسىندەگى وسىزامانداندىرۋدىڭ گانسۋ تاراۋىن قۇلشىنا جازۋ كەرەك
ساپار كەزىندە شانشيدىڭ باۋجيىندا قىزمەت تەكسەردى
ساي چي قىزمەت تەكسەرۋدە بىرگە بولدى
9 - ايدىڭ 10 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گانسۋدا قىزمەت تەكسەردى. سۋرەتتە: 9 - ايدىڭ 11 - كۇنى تۇستەن بۇرىن شي جينپيڭ تيانشۇي قالاسى مايجي رايونى نانشان حۋانيۋ الما بازاسىندا قىزمەت تەكسەرگەندە، جەمىس ورمانىنا بارىپ قاتىستى ەگىمشىلىك، تەحنيكا جانە باسقارۋ جاعدايىن ۇعىسۋدا.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
9 - ايدىڭ 10 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گانسۋدا قىزمەت تەكسەردى. سۋرەتتە: 9 - ايدىڭ 11 - كۇنى تۇستەن كەيىن شي جينپيڭ حۋاڭحى وزەنى لانجوۋ جۇڭشان كوپىرى بولىگىندە قىزمەت تەكسەرگەندە، سول ورىنداعى كادرلارمەن، بۇقارامەن ىقىلاستى اڭگىمەلەسۋدە.
□ سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن
شينحۋا اگەنتتىگىنىڭ 9 ـ ايدىڭ 13 ـ كۇنى گانسۋدىڭ لانجوۋىنان، شانشيدىڭ باۋجيىنان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ تاياۋدا گانسۋدا قىزمەت تەكسەرگەندە بىلاي دەپ باسا دارىپتەدى: گانسۋ پارتيا ورتالىق كوميتەتىنىڭ باتىس بولىكتى قاۋىرت اشۋ، حۋاڭحى وزەنى الابىنىڭ ەكولوگياسىن قورعاۋ جانە جوعارى ساپالى دامىتۋ جونىندەگى شەشىمدەرىن، ورنالاستىرۋلارىن ىشكەرىلەي تياناقتاندىرىپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، ورنىقتىلىق بارىسىندا ىلگەرىلەۋ سىندى قىزمەت جالپى ارناسىنان جازباي، ەكولوگيانى قورعاۋدى، قالپىنا كەلتىرۋدى كۇشەيتۋ، جاسىل، تومەن كومىر قىشقىل گازدى تيپ جاڭالاپ دامۋدى جەدەلدەتۋ، رەفورما جاساۋدى، ەسىك اشۋدى ونان ارى جاپپاي تەرەڭدەتۋ، اۋىل ـ قىستاقتى جاپپاي گۇلدەندىرۋدى ىلگەرىلەتۋ، حالىق تۇرمىسىن قامتاماسىز ەتۋدى كۇشەيتۋ، ۇلتتار ىنتىماعىن جەبەۋ سياقتى جاقتارعا قۇلشىنا كۇش سالىپ، باقىتتى، كوركەم جاڭا گانسۋ قۇرۋدى جەدەلدەتىپ، حالىقتى بايىتىپ، گانسۋدى گۇلدەندىرۋدىڭ جاڭا جاعدايىن ۇزدىكسىز اشىپ، جۇڭگو ۇلگىسىندەگى وسىزامانداندىرۋدىڭ گانسۋ تاراۋىن قۇلشىنا جازۋى كەرەك.
9 ـ ايدىڭ 10 ـ كۇنىنەن 13 ـ كۇنىنە دەيىن شي جينپيڭ گانسۋ ولكەلىك پارتكومنىڭ شۋجيى حۋ چاڭشىڭ مەن ولكە باستىعى رىن جىنحىنىڭ سەرىك بولۋىندا ىلگەرىندى ـ كەيىندى تيانشۇي، لانجوۋ سياقتى جەرلەرگە بارىپ قىزمەت تەكسەردى، تەكسەرۋ ـ زەرتتەۋ جۇرگىزدى.
9 ـ ايدىڭ 10 ـ كۇنى تۇستەن كەيىن شي جينپيڭ تيانشۇي قالاسىندا مەملەكەتتىك ٴتۇيىندى قورعالاتىن مادەني ەسكەرتكىش ورنى _ فۋشي بۇتحاناسىندا قىزمەت تەكسەرىپ، مادەنيەت مۇرالارىن قورعاۋ، جالعاستىرۋ سياقتى جاعدايلاردى ۇعىستى. ول بىلاي دەپ اتاپ كورسەتتى: فۋشي بۇتحاناسى اسا جوعارى تاريحي مادەنيەت قۇنىنا يە، وسى باعالى مادەنيەت مۇراسىن ويداعىداي قورعاپ، جالعاستىرىپ، اتا ـ بابالاردىڭ اقىل ـ پاراساتى مەن جاسامپازدىعىنىڭ كەيىنگىلەردى ماڭگى جىگەرلەندىرۋىنە مۇمكىندىك جاساپ، ۇلتتىق ماقتانىش سەزىمى مەن سەنىمىن ۇزدىكسىز كۇشەيتۋ كەرەك.
9 ـ ايدىڭ 11 ـ كۇنى تۇستەن بۇرىن شي جينپيڭ مايجي رايونى نانشان حۋانيۋ الما بازاسىنا بارىپ قىزمەت تەكسەردى. ول كورمە تاقتاسىمەن ۇشتاستىرىپ، تاۋحى وزەنىنە سۋ باستاپ سۋمەن قامداۋ ينجەنەرياسىنىڭ جاعدايىنان بەرىلگەن مالىمەتتى تىڭداپ، 2013 ـ جىلدىڭ باس شەنىندە قۇرىلىس جۇرگىزىلىپ جاتقان ورىنعا كەلىپ قىزمەت تەكسەرگەن، قۇرىلىس جۇرگىزۋدەگى قيىن ماسەلەلەردى شەشۋگە جەتەكشىلىك ەتكەن كەزدەگى جاعدايدى شىنايى ەسكە الدى. 6 ميلليونعا جۋىق بۇقارانىڭ وسىدان باستاپ سور سۋعا قوش ايتقانىن بىلگەننەن كەيىن، شي جينپيڭ ايرىقشا قۋاندى. ول قورعاۋ مەن باسقارۋدى كۇشەيتىپ، وسى ينجەنەريانىڭ جەلى بويىنداعى بۇقارانىڭ ٴوندىرىسى مەن تۇرمىسىندا اناعۇرلىم زور رول اتقارۋىنا مۇمكىندىك جاساۋدى تالاپ ەتتى.
قىپ ـ قىزىل حۋانيۋ الماسى بۇتاقتا سامسىپ، مول ٴونىم كورىنىسىن ايگىلەپ تۇر. شي جينپيڭ جەمىس ورمانىنا كىرىپ، قاتىستى ەگىمشىلىك، تەحنيكا جانە باسقارۋ جاعدايلارىن ۇعىستى. ول بىلاي دەدى: اۋىل ـ قىستاقتى گۇلدەندىرۋدىڭ تەتىگى كاسىپ سالاسىن گۇلدەندىرۋدە. 70 نەشە جىلدىق جەتىلدىرۋ، دامىتۋ ارقىلى حۋانيۋ الما ماركاسى ٴتىپتى دە اسقاقتادى. سورتتى قورعاۋدى جانە جەتىلدىرۋدى كۇشەيتىپ، ەگىمشىلىك ٴتاسىلىن ساپالىلاندىرىپ، ٴوندىرۋ ـ ساتۋ ۇلگىسىندە جاڭالىق اشىپ، وسى ەرەكشە كاسىپ سالاسىن اناعۇرلىم زورايتىپ، ٴتىپتى دە كوپ بۇقارانىڭ كىرىسىن ارتتىرىپ، بايۋىنا جەتەكشىلىك ەتۋ كەرەك. ول اۋىلداستاردىڭ تۇرمىسىنىڭ الماداي ٴتاتتى بولۋىن تىلەدى.
وسىدان كەيىن شي جينپيڭ مايجيشان تاس ۇڭگىرىنە كەلىپ، شارباق جولدى بويلاپ وسىدان 1600 جىلدان استام ۋاقىتتان بۇرىنعى ۇڭگىرلەر مەن مۇسىندەردى، قابىرعا سۋرەتتەردى زەر سالا تەكسەرىپ كورىپ، قورعاۋ، قالپىنا كەلتىرۋ قىزمەتكەرلەرىمەن ىقىلاسپەن اڭگىمەلەستى. شي جينپيڭ بىلاي دەدى: ەلىمىزدەگى 4 ۇلكەن تاس ۇڭگىر _ جۇڭحۋا وركەنيەتىنىڭ جاۋھارى، بارلىعى ماڭىزدى تاريحي قۇنعا، مادەنيەت قۇنىنا يە. ول مادەني ەسكەرتكىش قىزمەتكەرلەرىنىڭ ”موگاۋ رۋحىن“ جالعاستىرىپ، بار ىنتا ـ پەيىلىمەن مەملەكەت ٴۇشىن اسىلدى قورعاپ، جۇڭحۋانىڭ تاڭداۋلى ٴداستۇرلى مادەنيەتىن جالعاستىرۋعا، وندا جاڭالىق اشۋعا، جۇڭحۋا مادەنيەتىنىڭ ىقپالىن كۇشەيتۋگە اناعۇرلىم زور ۇلەس قوسۋىن ٴۇمىت ەتتى.
9 ـ ايدىڭ 11 ـ كۇنى تۇستەن كەيىن شي جينپيڭ لانجوۋ قالاسىنا كەلىپ قىزمەت تەكسەردى. اننيڭ رايونى زاۋلين باتىس الەۋمەتتىك اۋماعى پارتيا مۇشەلەرى مەن بۇقاراعا قىزمەت وتەۋ ورتالىعىندا ول جالپىلىق قىزمەت وتەۋ تۇعىرىن، مادەنيەت، دەنە تاربيە قيمىل ٴۇيىن جانە الەۋمەتتىك اۋماق اسحاناسىن كوزدەن كەشىرىپ، الەۋمەتتىك اۋماق پارتيا ۇيىمىنىڭ رولىن ساۋلەلەندىرۋ، حالىققا قولايلى، حالىققا ٴتيىمدى قىزمەت وتەۋدى ساپالىلاندىرۋ، نەگىزگى ساتىنىڭ اۋىرتپالىعىن جەڭىلدەتۋدى تياناقتاندىرۋ سياقتى جاعدايلاردى ەگجەي ـ تەگجەيلى سۇراپ، زەينەتكەرلەردىڭ حور ايتۋ جاتتىعۋىن ۇستىندە كوردى. ول تاعى سول اراداعى ليۋجياباۋ ساقشى بولىمشەسىنە كەلىپ، ساقشى كۇشتەرىنىڭ تومەنگە ٴتۇسۋ ٴادىسى مەن ونىمدىلىگىن ۇعىستى. شي جينپيڭ بىلاي دەپ باسا دارىپتەدى: تۇرعىنداردىڭ ٴىس جۇزىندىك قاجەتىمەن، اسىرەسە، ”قارتتار مەن بالالار“ سياقتى ماڭىزدى تۇيىندەرمەن تىعىز بايلانىستىرىپ، الەۋمەتتىك اۋماقتىڭ قىزمەت وتەۋ دەڭگەيىن ۇزدىكسىز جوعارىلاتۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، نەگىزگى ساتىنى باسقارۋدى جانە قوعام اماندىعى قىزمەتىن اناعۇرلىم تىڭعىلىقتى ىستەۋ كەرەك. فورماشىلدىقتى ۇزدىكسىز وڭاپ، نەگىزگى ساتىنىڭ اۋىرتپالىعىن جەڭىلدەتىپ، نەگىزگى ساتى كادرلارىنىڭ اناعۇرلىم كوپ ۋاقىتى مەن زەيىن ـ زەردەسىن بۇقاراعا قىزمەت وتەۋگە جۇمساۋىنا مۇمكىندىك جاساۋ كەرەك.
زەينەتكە شىققان ساقا پارتيا مۇشەسى لي زۇڭبياۋدىڭ ۇيىندە شي جينپيڭ وسى وتباسىنداعىلارمەن قورالانا وتىرىپ اڭگىمە دۇكەنىن قۇردى. ٴبىر ۇيدەگى ٴۇش ۇرپاقتىڭ تۇرمىسىنىڭ باقىتتى، شاتتىققا تولى ەكەندىگىن كورگەن ول بۇعان قاتتى ٴسۇيىندى. شي جينپيڭ مىنانى ٴبىلدىردى: حالىق تۇرمىسى بارىنەن دە ماڭىزدى، حالىق تۇرمىسى باستى ورىندا تۇرادى، پارتيا ورتالىق كوميتەتى قارتتاردىڭ باقىتتى، امان ـ ساۋ بولۋىنا ەرەكشە كوڭىل بولەدى، جەر ـ جەر، قاتىستى تاراۋلار زەينەتكەرلىك، ەمدەۋ جانە الەۋمەتتىك اۋماقتىڭ قىزمەت وتەۋى سياقتى جاقتارعا اسا زور كۇش سالدى، تاباندىلىقپەن ىستەي بەرۋ، بارعان سايىن جاقسى ىستەۋ كەرەك.
الەۋمەتتىك اۋماق الاڭىنا تۇرعىندار تۇس ـ تۇستان قاۋمالاي كەلدى. شي جينپيڭ كوپشىلىككە بىلاي دەدى: ٴبىز جاڭا جۇڭگو قۇرىلعاندىعىنىڭ 75 جىلدىعىن قارسى العالى وتىرمىز. 75 جىلدان بەرى ەلىمىزدىڭ دامۋى ۇلى تاريحي تابىستارعا قول جەتكىزدى. قازىر بۇكىل پارتيا، بۇكىل ەل حالقى جۇڭگو ۇلگىسىندەگى وسىزامانداندىرۋدى كۇش سالا ىلگەرىلەتۋدە، ٴبىز اناعۇرلىم ىنتىماقتاسىپ، اناعۇرلىم قۇلشىنىپ، كوپشىلىك بىرگە قايراتتانا ىستەپ، تىڭ دا اناعۇرلىم زور شۇعىلالى ناتيجەلەر جاراتۋىمىز كەرەك. ول كوپشىلىكتى جۇڭچيۋ مەرەكەسىمەن الدىن الا قۇتتىقتادى، بارلىق وتباسىنىڭ امان ـ ەسەن، ساۋ ـ سالامات، كوڭىلدى بولۋىن تىلەدى.
وسىدان كەيىن شي جينپيڭ حۋاڭحى وزەنى لانجوۋ جۇڭشان كوپىرى بولىگىندە قىزمەت تەكسەردى. ول وزەن بويىنداعى جاياۋلار جولىن بويلاي تەكسەرىپ، حۋاڭحى وزەنى ەكولوگياسىنىڭ قورعالۋ جاعدايى جونىندەگى تانىستىرۋدى تىڭدادى. شي جينپيڭ سول ورىنداعى كادرلارعا، بۇقاراعا بىلاي دەدى: حۋاڭحى وزەنى _ جۇڭحۋا ۇلتىنىڭ انا وزەنى، لانجوۋ _ حۋاڭحى وزەنى كەسىپ وتەتىن بىردەن ـ ٴبىر ولكە ورتالىعى قالاسى. كوپشىلىك العىس سەزىمىن كوكەيدە ساقتاپ، بارلىق ادام ات سالىسىپ، بارلىق ادام جاۋاپكەرشىلىگىن ادا ەتىپ، حۋاڭحى وزەنىن بىرگە ويداعىداي قورعاپ، انا وزەننىڭ ۇرپاقتارعا ۇزدىكسىز يگىلىك جەتكىزۋىنە مۇمكىندىك جاساۋى كەرەك.
9 ـ ايدىڭ 13 ـ كۇنى تۇستەن بۇرىن شي جينپيڭ گانسۋ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، گانسۋدىڭ ٴتۇرلى قىزمەتتەردە قول جەتكىزگەن ناتيجەلەرىن تۇراقتاندىردى.
شي جينپيڭ بىلاي دەپ اتاپ كورسەتتى: گانسۋ جاڭاشا ونەركاسىپتەندىرۋدى بەلسەنە ىلگەرىلەتىپ، ٴداستۇرلى كاسىپ سالالارىن جاڭالاۋدى، دەڭگەيىن جوعارىلاتۋدى جەدەلدەتىپ، ەرەكشە، باسىمدىققا يە كاسىپ سالالارىن كۇشەيتىپ، ساپالىلاندىرىپ، ستراتەگيالىق جاڭادان گۇلدەنگەن كاسىپ سالالارىن بەلسەنە دامىتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، بۇكىل ەلدەگى ماڭىزدى جاڭا ەنەرگيا جانە جاڭا ەنەرگيا جابدىقتارىن جاساۋ بازاسىن قۇرۋى كەرەك. سۋىققا، قۋاڭشىلىققا ٴتوزىمدى وسى زامانعى ەرەكشە اۋىل شارۋاشىلىعىن بەلسەنە دامىتىپ، باسەكەلىك قۋاتقا يە ٴبىر توپ اۋىل شارۋاشىلىق ماركاسىن جەتىلدىرۋ كەرەك. تاۋ، سۋ، ورمان، اتىز، كول، جايلىم، قۇمدى ٴبىر تۇلعالاندىرىپ قورعاۋ مەن جۇيەلى باسقارۋدى ٴبىر تۇتاس جوسپارلاپ ىلگەرىلەتىپ، مەملەكەتتىڭ باتىس بولىكتەگى ەكولوگيالىق حاۋىپسىزدىك قالتقىسىن بەكەمدەۋ كەرەك.
شي جينپيڭ بىلاي دەپ باسا دارىپتەدى: اناعۇرلىم زور باتىلدىقپەن جانە بەكىممەن رەفورمانى تەرەڭدەتىپ، ەسىكتى ايقارا اشۋ كەرەك. مەملەكەتتىڭ ٴبىر تۇتاس ٴىرى بازار قۇرىلىسىمەن بەلسەنە توعىسىپ، مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، جالپىلىق مەنشىككە جاتپايتىن شارۋاشىلىقتىڭ دامۋىنا دەم بەرۋ جانە قولداۋ كورسەتۋ كەرەك. ادامدى نەگىز ەتكەن جاڭاشا قالا ـ قالاشىقتاندىرۋ ستراتەگياسىن ويداعىداي اتقارىپ، اۋدان ورتالىقتارىنىڭ جالپىلىق كوتەرىمدىلىك قۋاتىن جوعارىلاتىپ، اۋدان ٴوڭىرى ەكونوميكاسىن زورايتىپ، قالا مەن اۋىلدىڭ توعىسا دامۋىن جەبەۋ كەرەك. وڭىرلىك سايكەستى دامۋ ستراتەگياسىنا ىرىقتىلىقپەن قىزمەت وتەپ جانە ونىمەن ٴتۇيىلىسىپ، ولكە ٴوڭىرىن اتتاعان سەلبەستىكتى كەڭەيتىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋ جانە باتىس بولىك قۇرلىق، تەڭىز جاڭا ارناسى قۇرىلىسىمەن ىشكەرىلەي توعىسۋ كەرەك.
شي جينپيڭ بىلاي دەپ اتاپ كورسەتتى: گانسۋدىڭ تاريحي مادەنيەت مايەگى مىعىم، قىزىل مادەنيەت بايلىعى مول. قىزىل گەندى ويداعىداي جالعاستىرىپ، مادەنيەت مۇرالارىن قورعاۋدى كۇشەيتىپ، دۇنحۋاڭ زەرتتەۋ ورنىنىڭ دۇنيە ٴجۇزىنىڭ مادەنيەت مۇراسىن قورعاۋدىڭ تيپتىك ۇلگىسى مەن دۇنحۋاڭتانۋ زەرتتەۋىنىڭ بيىگىن ورناتۋىنا قولداۋ كورسەتىپ، ۇلى قورعان، ۇزاق جورىق، حۋاڭحى مەملەكەتتىك مادەنيەت باقشاسىن ويداعىداي قۇرىپ، وسىزامانداندىرۋ قۇرىلىسىنا قۇدىرەتتى رۋحاني كۇش ۇستەۋ كەرەك. مادەنيەت پەن ساياحاتتىڭ ىشكەرىلەي توعىسۋىن جەبەپ، مادەنيەت، ساياحات كاسىبىن تىرەكتى كاسىپ سالاسى ەتىپ تۇلعالاۋ كەرەك.
شي جينپيڭ بىلاي دەپ باسا دارىپتەدى: قوعامدىق قۇرىلىس پەن باسقارۋدى كۇشەيتىپ، ٴار ۇلت بۇقاراسىنىڭ بىرگە بايۋ نەگىزىن بەكەمدەۋ كەرەك. كۇشتى شوعىرلاندىرا وتىرىپ بۇقارا جاپپاي قاجەت ەتەتىن، ىستەۋگە بولاتىن حالىق تۇرمىسىنا قاتىستى ناقتى ىستەردى ويداعىداي ىستەپ، بۇقارا سەزىپ، بىلە الاتىن ەتۋ كەرەك. كەدەيلىكتەن ارىلتۋدان قامال الۋ جەتىستىكتەرىن بەكەمدەپ جانە كەڭەيتىپ، اۋىل ـ قىستاق جان سانىنىڭ كولەمدى قايتا كەدەيلەسۋىنەن، كەدەيلەسۋىنەن ساقتانۋ كەرەك. اۋىل ـ قىستاقتاردىڭ ەسكىلىكتى سالتتى تاستاۋىن ىلگەرىلەتىپ، وركەنيەتتى اۋىل سالتىن جەتىلدىرۋ كەرەك. جۇڭحۋا ۇلتى ورتاق تۇلعا تانىمىن ۇزدىكسىز بەكەمدەپ، ٴدىن ىستەرىن باسقارۋدى زاڭ بويىنشا كۇشەيتۋ كەرەك. جيشىشان جەر سىلكىنىسى اپات رايونى سياقتى جەرلەردەگى اپاتقا ۇشىراعان بۇقارانىڭ تۇرمىسىن قامتاماسىزداندىرۋ جانە اپاتتان كەيىنگى قالپىنا كەلتىرۋ، قايتا قۇرۋ قىزمەتىن ويداعىداي ىستەپ، بۇقارانىڭ قىستان حاۋىپسىز، جىلى وتۋىنە شىنايى كەپىلدىك ەتۋ كەرەك. ٴوندىرىس حاۋىپسىزدىگىن شىنايى مىقتى يگەرۋ كەرەك.
شي جينپيڭ بىلاي دەپ اتاپ كورسەتتى: ەش بۇلجىماي پارتيانىڭ باسشىلىعىنا تاباندى بولۋ، پارتيا قۇرىلىسىن كۇشەيتۋ كەرەك. ٴار دارەجەلى كادرلاردىڭ رەفورما جاساۋ، جاڭالىق اشۋ تانىمىن كۇشەيتۋدى ىلگەرىلەتىپ، پارتيا ٴتارتىبىن ۇيرەنۋ تاربيەسىنىڭ ۇدايىلانۋىن، ۇزاق ٴونىمدى بولۋىن ىلگەرىلەتىپ، پارتيا مۇشەلەرىن، كادرلاردى سانالى تۇردە ەرەجەگە، تارتىپكە بويسۇنۋ، پاك، كىرشىكسىز بولۋ العى شارتىندا بەلسەنە جاۋاپكەرشىلىك ارقالاپ، بەل شەشە جۇمىسقا كىرىسىپ، ستيلى پاك، سالتى دۇرىس تاماشا ساياسي ەكولوگيانى بەكەمدەۋگە جەتەكتەۋ كەرەك. نەگىزگى ساتى پارتيا قۇرىلىسىن شىنايى كۇشەيتۋ كەرەك.
9 ـ ايدىڭ 10 ـ كۇنى تۇستەن كەيىن گانسۋعا بارا جاتقان جولىندا شي جينپيڭ شانشي ولكەلىك پارتكومنىڭ شۋجيى جاۋ يدى مەن ولكە باستىعى جاۋ گاڭنىڭ سەرىك بولۋىندا باۋجي قالاسىنا كەلىپ قىزمەت تەكسەردى. شي جينپيڭ باۋجي قولا قۇرالدار مۇراجايىن ەكسكۋرسيالادى. ول بىلاي دەپ اتاپ كورسەتتى: ەلىمىزدىڭ قولا وركەنيەتى ارىدان باستاۋ العان، شۇعىلالى، دۇنيە ٴجۇزى وركەنيەت تاريحىندا ەلدەن ەرەك. قولا قۇرالدارى مادەني ەسكەرتكىشتەرىن قورعاۋدى، زەرتتەۋدى جانە ۇگىتتەۋدى، ٴتۇسىندىرۋدى كۇشەيتىپ، بۇكىل قوعامنىڭ، اسىرەسە، جاستار مەن ورەندەردىڭ ۇلى وتان مەن جۇڭحۋا وركەنيەتى جونىندەگى قىزۋ سۇيىسپەنشىلىگىن اناعۇرلىم ويداعىداي تاسقىنداتۋ كەرەك. شي جينپيڭ تاعى ۋيحى ەكولوگيالىق باقشاسىن تەكسەرىپ كوردى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
9 ـ ايدىڭ 12 ـ كۇنى تۇستەن بۇرىن لانجوۋدا شي جينپيڭ لانجوۋدا تۇراتىن اسكەري بولىمدەردىڭ شاڭشياۋدان جوعارى باسشى كادرلارىن جانە نەگىزگى ساتىداعى وزات ۇلگىلەردىڭ، اكىمشىلىك قىزمەتكەرلەردىڭ ۋاكىلدەرىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان لانجوۋدا تۇراتىن اسكەري بولىمدەردەگى بارلىق وفيتسەر ـ اسكەرلەرگە ىقىلاستى سالەم جولدادى ٴارى كوپشىلىكپەن بىرگە ەستەلىك سۋرەتكە ٴتۇستى. حى ۋيدۇڭ قابىلداۋدا بىرگە بولدى.
