جول سەنىمىن، نازاريا سەنىمىن، ٴتۇزىم سەنىمىن، مادەنيەت سەنىمىن بەكەمدەپ، حالىق قۇرىلتايى تۇزىمىنە ۇزدىكسىز ويداعىداي تاباندى بولۋ، ونى ويداعىداي كەمەلدەندىرۋ، ويداعىداي اتقارۋ كەرەك

شي جينپيڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىندا ماڭىزدى ٴسوز سويلەپ، بىلاي دەپ باسا دارىپتەدى

جول سەنىمىن، نازاريا سەنىمىن، ٴتۇزىم سەنىمىن، مادەنيەت سەنىمىن بەكەمدەپ، حالىق قۇرىلتايى تۇزىمىنە ۇزدىكسىز ويداعىداي تاباندى بولۋ، ونى ويداعىداي كەمەلدەندىرۋ، ويداعىداي اتقارۋ كەرەك

لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتىناستى جاۋ لىجي باسقاردى

　　9 - ايدىڭ 14 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى بەيجيڭ حالىق سارايىندا مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىن سالتاناتپەن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى.

　　□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　9 - ايدىڭ 14 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى بەيجيڭ حالىق سارايىندا مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىن سالتاناتپەن وتكىزدى. شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار جينالىسقا قاتىناستى.

　　　　□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　شينحۋا اگەنتتىگىنىڭ 9 ـ ايدىڭ 14 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى 9 ـ ايدىڭ 14 ـ كۇنى تۇستەن بۇرىن حالىق سارايىندا مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىن سالتاناتپەن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جينالىسقا قاتىناستى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: جول سەنىمىن، نازاريا سەنىمىن، ٴتۇزىم سەنىمىن، مادەنيەت سەنىمىن ونان ارى بەكەمدەپ، جالپى بارىستىق حالىق دەموكراتياسىن دامىتىپ، حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي اتقارىپ، جاڭا داۋىردەگى جاڭا جورىقتا پارتيا مەن حالىقتىڭ كۇرەس نىساناسىن جۇزەگە اسىرۋعا بەرىك ٴتۇزىم قامتاماسىزدىعىن ازىرلەۋ كەرەك.

　　جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، ۋاڭ حۋنيڭ، ساي چي، ديڭ شۋەشياڭ، لي شي، مەملەكەتتىڭ ورىنباسار ٴتوراعاسى حان جىڭ قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي جينالىستى باسقاردى.

　　جينالىس ايبىندى مەملەكەت انىمەن باستالدى. شي جينپيڭ ماڭىزدى ٴسوز سويلەدى. ول بىلاي دەپ اتاپ كورسەتتى: حالىق قۇرىلتايى ٴتۇزىمى _ جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ قاجىرلىلىقپەن ىزدەنىس جاساپ، ۇزاق ۋاقىت كۇرەس جۇرگىزۋىنىڭ جەمىسى، جۇڭگو توپىراعىندا ٴوسىپ ـ ونگەن شىت جاڭا ساياسي ٴتۇزىم، ادامزاتتىڭ ساياسي ٴتۇزىم تاريحىنداعى ۇلى جاسامپازدىق. حالىق قۇرىلتايى ٴتۇزىمىنىڭ ورناتىلۋى جۇڭگو ساياسيىنىڭ از ساندىلار بيلىكتى ۋىسىندا ۇستاۋدان، باسىم كوپ ساندىلار ەزىلۋدەن، قانالۋدان جۇڭگو كوممۋنيستىك پارتياسى باسشىلىق ەتكەن، حالىق وزىنە ـ ٴوزى قوجايىن بولۋعا دەيىنگى ۇلى قارىشتاۋدى تۇبىرىنەن جۇزەگە اسىرعاندىعىن، جۇڭگو ساياسي تۇزىمىندە ۇلى وزگەرىس جۇزەگە اسقاندىعىن كورسەتەدى.

　　شي جينپيڭ بىلاي دەپ باسا دارىپتەدى: 70 جىلدان بەرى پارتيانىڭ باسشىلىعىندا حالىق قۇرىلتايى ٴتۇزىمى ەلىمىزدىڭ باستان ـ اياق سوتسياليزم جولىن بويلاپ العا ىلگەرىلەۋىنە ٴونىمدى كەپىلدىك ەتتى، پارتيانىڭ حالىققا باسشىلىق ەتىپ مەملەكەتتى زاڭمەن ٴونىمدى باسقارۋىنا كەپىلدىك ەتۋ، حالىقتىڭ وزىنە ـ ٴوزى قوجايىن بولۋىن قامتاماسىز ەتۋ، مەملەكەتتىڭ ساياسي ٴومىرىنىڭ ٴارى ومىرشەڭدىك كۇشكە تولى بولۋىنا، ٴارى تىنىش، ٴتارتىپتى بولۋىنا كەپىلدىك ەتۋ، مەملەكەتتىڭ ٴار جاقتاعى قىزمەتىنىڭ زاڭمەن باسقارىلۋىن جۇزەگە اسىرۋ، مەملەكەتتىڭ باياندى تىنىشتىعىن قامتاماسىز ەتۋ سياقتى جاقتاردا كورنەكتى ساياسي ابزالدىلىعىن ايگىلەپ، ەكونوميكانىڭ جىلدام دامۋى جانە قوعامنىڭ ۇزاق ۋاقىت ورنىقتىلىعى سىندى ەكى ۇلكەن كەرەمەتتى جاراتۋعا ماڭىزدى تۇزىمدىك قامتاماسىزدىق ازىرلەدى. اماليات حالىق قۇرىلتايى ٴتۇزىمىنىڭ ەلىمىزدىڭ مەملەكەت جاعدايى مەن ٴىس جۇزىندىگىنە ۇيلەسەتىن، سوتسياليستىك مەملەكەت سيپاتىن بەينەلەيتىن جاقسى ٴتۇزىم ەكەندىگىن، بۇكىل حالىقتىڭ كۇشىن ٴونىمدى ۇيىستىرىپ، جۇڭگو ۇلگىسىندەگى وسىزامانداندىرۋدى بىرگە ىلگەرىلەتە الاتىن جاقسى ٴتۇزىم ەكەندىگىن دالەلدەدى.

　　شي جينپيڭ بىلاي دەپ اتاپ كورسەتتى: پارتيا 18 ـ قۇرىلتايىنان بەرى پارتيامىز جاڭا تاريحي ورىندى تياناق ەتىپ، ەلىمىز قوعامىنداعى باستى قايشىلىقتىڭ جاڭا وزگەرىسىن تەرەڭ يگەرىپ، حالىق بۇقاراسىنىڭ دەموكراتيا، زاڭمەن باسقارۋ جونىندەگى جاڭا تالابىنا، جاڭا تىلەگىنە بەلسەنە جاۋاپ بەرىپ، حالىق قۇرىلتايىنىڭ ۇيىمدىق ٴتۇزىمى مەن قىزمەت ٴتۇزىمىن اقاۋسىزداندىرىپ، حالىق قۇرىلتايى قىزمەتىن ىلگەرىلەتۋدە تاريحي تابىسقا قول جەتكىزدى. ٴبىز ماركسيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىگىمەن ٴوزارا ۇشتاستىرۋعا، جۇڭحۋانىڭ تاڭداۋلى ٴداستۇرلى مادەنيەتىمەن ٴوزارا ۇشتاستىرۋعا تاباندى بولىپ، سوتسياليستىك دەموكراتيالى ساياسيدىڭ دامۋ زاڭدىلىعىن تەرەڭ يگەرىپ، حالىق قۇرىلتايى ٴتۇزىمىنىڭ نازاريالىق جانە امالياتتىق جاسامپازدىعىن ۇزدىكسىز ىلگەرىلەتتىك. حالىق قۇرىلتايى ٴتۇزىمىنىڭ ەلىمىزدىڭ جالپى بارىستىق حالىق دەموكراتياسىن جۇزەگە اسىرۋداعى ماڭىزدى تۇزىمدىك دانەكەرى ەكەندىگىن، ٴسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولۋ، ٴسوز جوق، حالىقتىڭ وزىنە ـ ٴوزى قوجايىن بولۋىن ٴتۇزىم جۇيەسىمەن قامتاماسىز ەتۋگە تاباندى بولۋ، ٴسوز جوق، مەملەكەتتى جاپپاي زاڭمەن باسقارۋعا تاباندى بولۋ، ٴسوز جوق، دەموكراتيالىق ورتالىقتاندىرۋ تۇزىمىنە تاباندى بولۋ، ٴسوز جوق، جۇڭگوشا سوتسياليستىك ساياسي دامۋ جولىمەن جۇرۋگە تاباندى بولۋ، ٴسوز جوق، مەملەكەتتى باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋگە تاباندى بولۋ، ٴسوز جوق، حالىق قۇرىلتايى ۋاكىلدەرىنىڭ رولىن تولىق ساۋلەلەندىرۋگە تاباندى بولۋ، ٴسوز جوق، ”ٴتورت ورگان“ تالابىنا ساي ٴار دارەجەلى حالىق قۇرىلتايى قۇرىلىسىن كۇشەيتۋگە تاباندى بولۋ كەرەك ەكەندىگىن دارىپتەدىك. وسى ٴبىر قىدىرۋ جاڭا ۇستانىم، جاڭا يدەيا، جاڭا تالاپتار پارتيانىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن قالىپتاستىردى، جاڭا داۋىردە حالىق قۇرىلتايى قىزمەتىنىڭ جوعارى ساپالى دامۋىن ىلگەرىلەتۋگە ٴتۇبىرلى بويسۇنۋ ولشەمىن ازىرلەدى.

　　شي جينپيڭ بىلاي دەپ باسا دارىپتەدى: حالىق قۇرىلتايىنىڭ نەگىزگى زاڭدى، زاڭداردى جاپپاي ٴونىمدى اتقارۋداعى ماڭىزدى رولىن تولىق ساۋلەلەندىرۋ كەرەك. ٴار دارەجەلى حالىق قۇرىلتايلارى جانە ونىڭ تۇراقتى كوميتەتتەرى قىزمەت جاۋاپكەرشىلىگىن، رولىن تولىق ساۋلەلەندىرىپ، مەملەكەت زاڭ ـ ٴتۇزىمىنىڭ بىرلىگىن، بەدەلىن، قۇزىرەتتىلىگىن باتىل قورعاپ، نەگىزگى زاڭنىڭ، زاڭداردىڭ ٴونىمدى اتقارىلۋىنا شىنايى كەپىلدىك ەتۋى، ٴارقايسى مەملەكەت ورگاندارىنىڭ تۇگەلدەي نەگىزگى زاڭ، زاڭدار كولەمىندە مىندەت جاۋاپكەرشىلىگىن اتقارۋىنا، قىزمەت ورىستەتۋىنە شىنايى كەپىلدىك ەتۋى كەرەك.

　　شي جينپيڭ بىلاي دەپ اتاپ كورسەتتى: حالىق قۇرىلتايىنىڭ زاڭ شىعارۋ قىزمەتىندەگى جەتەكشىلىك رولىن تولىق ساۋلەلەندىرۋ كەرەك. پارتكوم باسشىلىق ەتەتىن، حالىق قۇرىلتايى جەتەكشىلىك ەتەتىن، ۇكىمەت سۇيەنىش بولاتىن، ٴار جاق ات سالىساتىن زاڭ شىعارۋ قىزمەت ارناسىنا تاباندى بولىپ جانە ونى كەمەلدەندىرىپ، ٴتۇيىندى سالالاردا، جاڭادان گۇلدەنگەن سالالاردا، شەتەلگە ساياتىن سالالاردا زاڭ شىعارۋدى كۇشەيتىپ، زاڭ شىعارۋ ساپاسىن جوعارىلاتىپ، جۇڭگوشا سوتسياليستىك زاڭ جۇيەسىن ۇزدىكسىز كەمەلدەندىرۋ كەرەك. ۇقىقتىڭ ٴادىل، ورايدىڭ ٴادىل، قاعيدانىڭ ٴادىل ەكەندىگىن ايگىلەيتىن زاڭ ـ ٴتۇزىمدى جەدەل كەمەلدەندىرىپ، ازاماتتاردىڭ ٴتۇرلى ۇقىقتارىنىڭ ٴونىمدى تياناقتانۋىن قامتاماسىز ەتۋ كەرەك.

　　شي جينپيڭ بىلاي دەپ باسا دارىپتەدى: حالىق قۇرىلتايى باقىلاۋىنىڭ پارتيا مەن مەملەكەتتىڭ باقىلاۋ جۇيەسىندەگى ماڭىزدى رولىن تولىق ساۋلەلەندىرۋ كەرەك. حالىق قۇرىلتايىنىڭ ”حالىق ۇكىمەتىن، باقىلاۋ ـ تەكسەرۋ كوميتەتىن، حالىق سوتى مەكەمەسىن، حالىق پروكۋراتۋراسىن“ باقىلاۋ ٴتۇزىمىن اقاۋسىزداندىرىپ، نەگىزگى زاڭنىڭ، زاڭداردىڭ اتقارىلۋ جاعدايىن باقىلاۋدى كۇشەيتىپ، حالىق قۇرىلتايىنىڭ مەجە ەسەپتى، سوڭعى ەسەپتى تەكسەرىپ باقىلاۋىن جانە مەملەكەت مەنشىگىندەگى مال ـ مۇلىكتى باسقارۋدى، ۇكىمەت قارىزىن باسقارۋدى باقىلاۋىن كۇشەيتىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ دايەكتىلەندىرىلۋىن، تياناقتاندىرىلۋىن ىلگەرىلەتىپ، ٴارقايسى مەملەكەت ورگاندارىنىڭ ۇقىقتى زاڭ بويىنشا جۇرگىزۋىنە شىنايى كەپىلدىك ەتۋ، حالىق بۇقاراسىنىڭ زاڭدى ۇقىق ـ مۇددەسىنىڭ قورعالۋىنا جانە جۇزەگە اسىرىلۋىنا شىنايى كەپىلدىك ەتۋ كەرەك. ٴار دارەجەلى اكىمشىلىك ورگاندار، باقىلاۋ ـ تەكسەرۋ ورگاندارى، تەرگەۋ ورگاندارى، پروكۋراتۋرا ورگاندارى حالىق قۇرىلتايىنىڭ باقىلاۋىن سانالى قابىلداپ، ٴوزىنىڭ باقىلاۋ مىندەت جاۋاپكەرشىلىگىن شىن مانىندە ويداعىداي اتقارۋى كەرەك.

　　شي جينپيڭ بىلاي دەپ اتاپ كورسەتتى: حالىق قۇرىلتايىنىڭ حالىق بۇقاراسىمەن بايلانىس جاساۋدى كۇشەيتۋدەگى باستاماشىلدىق رولىن تولىق ساۋلەلەندىرۋ كەرەك. بارلىق مەملەكەت ورگاندارى مەن مەملەكەت قىزمەتكەرلەرى، ٴسوز جوق، حالىق قىزمەتشىسى تانىمىن بەرىك ورناتىپ، حالىقتى كوڭىل تورىنە قويىپ، حالىق بۇقاراسىمەن ٴجيى بايلانىستى ساقتاۋى كەرەك. حالىق قۇرىلتايى ۋاكىلدەرى حالىق جۇكتەگەن داڭقتى مىندەت جاۋاپكەرشىلىگىن ارقالاعان، حالىقتىڭ مۇددەسى مەن ەركىنە ادالدىقپەن ۋاكىلدىك ەتىپ، پارتيا مەن مەملەكەتتىڭ حالىق بۇقاراسىمەن بايلانىس جاساۋداعى جاقسى دانەكەرى بولۋى كەرەك. ٴارقايسى مەملەكەت ورگاندارى حالىق قۇرىلتايى ۋاكىلدەرىنىڭ زاڭ بويىنشا مىندەت وتەۋىن قولداپ جانە قامتاماسىز ەتىپ، ۋاكىلدەرمەن بايلانىس جاساۋ ٴتۇزىم ـ مەحانيزمىن اقاۋسىزداندىرىپ، حالىق قۇرىلتايى ۋاكىلدەرىنىڭ حالىق بۇقاراسىمەن بايلانىس جاساۋ مازمۇنى مەن فورماسىن بايىتۋى كەرەك.

　　شي جينپيڭ بىلاي دەپ باسا دارىپتەدى: ٴار دارەجەلى پارتكومدار حالىق قۇرىلتايى قىزمەتىنە جالپى بەتتىك باسشىلىقتى كۇشەيتىپ، حالىق قۇرىلتايىنىڭ جانە ونىڭ تۇراقتى كوميتەتتەرىنىڭ مىندەت ۇقىعىن زاڭ بويىنشا جۇرگىزۋىن، قىزمەت ورىستەتۋىن قولداۋى كەرەك. ٴار دارەجەلى حالىق قۇرىلتايى تۇراقتى كوميتەتى پارتيا باسشىلىق گرۋپپالارى پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىنا باستان ـ اياق تاباندى بولىپ، پارتيانى جاپپاي قاتاڭ باسقارۋداعى نەگىزگى تۇلعالىق جاۋاپكەرشىلىگىن ويداعىداي تياناقتاندىرىپ، ”ٴتورت ورگان“ تالابى بويىنشا حالىق قۇرىلتايى ورگانىنىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ٴتارتىپ قۇرىلىسىن شىنايى كۇشەيتىپ، ساياسيدا تاباندى، حالىققا قىزمەت وتەيتىن، زاڭمەن باسقارۋعا قۇرمەت ەتەتىن، دەموكراتيانى اسقاقتاتاتىن، جاۋاپكەرشىلىكتى ادا ەتۋگە تالپىناتىن حالىق قۇرىلتايى قىزمەت قوسىنىن تۇلعالاپ، جاڭا داۋىردەگى جاڭا جورىقتا حالىق قۇرىلتايى قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋى كەرەك.

　　جاۋ لىجي جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ حالىق قۇرىلتايى ٴتۇزىمىن ورناتقان، كەمەلدەندىرگەن شۇعىلالى بارىسىنا قايىرىلا قاراپ، حالىق قۇرىلتايى ٴتۇزىمىنىڭ كورنەكتى ساياسي ابزالدىلىعىن تەرەڭ بايىمداپ، جاڭا داۋىردەگى حالىق قۇرىلتايى ٴتۇزىمىنىڭ نازاريالىق جانە امالياتتىق جاسامپازدىعىنىڭ كەلەلى جەتىستىكتەرىن جۇيەلى قورىتىندىلاپ، جاڭا تاريحي باستامادا حالىق قۇرىلتايى تۇزىمىنە ويداعىداي تاباندى بولۋ، ونى ويداعىداي كەمەلدەندىرۋ، ويداعىداي اتقارۋ جونىندە جالپى بەتتىك ورنالاستىرۋ جاسادى، ايقىن تالاپ قويدى. ٴسوزدىڭ ويى ورەلى، ادامدى ەكپىندەي ىلگەرىلەۋگە جەلپىندىرەدى، ول باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن بايىتتى جانە دامىتتى، ول _ ماركسيزم اقيقاتى شۇعىلا شاشقان تۇعىرنامالىق حۇجات، ونى مۇقيات ۇيرەنۋ، ٴتۇسىنۋ، باتىل دايەكتىلەندىرۋ، تياناقتاندىرۋ كەرەك. ٴبىز ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ سانالى ورىنداپ، جۇڭگوشا سوتسياليستىك ساياسي دامۋ جولىمەن بۇلجىماي ٴجۇرىپ، حالىق قۇرىلتايى تۇزىمىنە ويداعىداي تاباندى بولۋىمىز، ونى ويداعىداي كەمەلدەندىرۋىمىز، ويداعىداي اتقارۋىمىز كەرەك.

　　بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ٴىشىنارا ورىنباسار ٴتوراعالارى، كەزىندە مەملەكەتتىك حالىق قۇرىلتايى تۇراقتى كوميتەتىنىڭ باسشىلىق مىندەتىن وتەگەن ساقا جولداستار، سونداي ـ اق ورتالىق اسكەري ىستەر كوميتەتىنىڭ مۇشەلەرى جينالىسقا قاتىناستى.

　　ورتالىقتاعى پارتيا، ۇكىمەت، ارميا، بۇقارالىق ۇيىمداردىڭ ٴارقايسى تاراۋلارىنداعى جانە بەيجيڭ قالاسىنداعى نەگىزگى جاۋاپتى جولداستار، ٴارقايسى دەموكراتيالىق پارتيا ـ توپتاردىڭ ورتالىق كوميتەتتەرىنىڭ، مەملەكەتتىك ساۋدا ـ ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرى، مەملەكەتتىك حالىق قۇرىلتايىنىڭ ٴارقايسى ارناۋلى كوميتەتتەرىنىڭ قۇرامىنداعىلار، ٴارقايسى ولكە، اۆتونوميالى رايون، توتە قاراستى قالالاردىڭ جانە ٴبىر ٴبولىم ورىنباسار ولكە دارەجەلى قالالارداعى حالىق قۇرىلتايى تۇراقتى كوميتەتىنىڭ جاۋاپتى جولداستارى، مەملەكەتتىك حالىق قۇرىلتايىنىڭ ٴىشىنارا ۋاكىلدەرى، استاناداعى ٴار سالا ۋاكىلدەرى، شەتەلدىڭ جۇڭگودا تۇراتىن ەلشىلەرى قاتارلىلاردان شامامەن 3000 ادام جينالىسقا قاتىناستى.