شي جينپيڭ حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋىن جاپپاي ىلگەرىلەتۋ اڭگىمە ٴماجىلىسىن باسقارىپ اشىپ بىلاي دەپ باسا دارىپتەدى
رەفورمانى ونان ارى جاپپاي تەرەڭدەتۋدى قوزعاۋشى كۇش ەتىپ، حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋىنىڭ جاڭا جاعدايىن اشۋ كەرەك
ساي چي، ديڭ شۋەشياڭ قاتىناستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 9 ـ ايدىڭ 12 ـ كۇنى تۇستەن كەيىن گانسۋ ولكەسىنىڭ لانجوۋ قالاسىندا حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋىن جاپپاي ىلگەرىلەتۋ جونىندەگى اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى.
سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 9 ـ ايدىڭ 12 ـ كۇنى لانجوۋدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ 9 ـ ايدىڭ 12 ـ كۇنى تۇستەن كەيىن گانسۋ ولكەسىنىڭ لانجوۋ قالاسىندا حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋىن جاپپاي ىلگەرىلەتۋ اڭگىمە ٴماجىلىسىن باسقارىپ اشتى ٴارى ماڭىزدى ٴسوز سويلەدى. ول بىلاي دەپ باسا دارىپتەدى: پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ٴۇشىنشى جالپى ٴماجىلىسىنىڭ رۋحىن مۇقيات دايەكتىلەندىرىپ، ماڭىزدى ٴتۇيىن _ قورعاۋ، تەتىك _ جونگە سالۋ ستراتەگيالىق تالابىن مىقتاپ يگەرىپ، رەفورمانى ونان ارى جاپپاي تەرەڭدەتۋدى قوزعاۋشى كۇش ەتىپ، ەكولوگيانى الدىڭعى ورىنعا قويۋعا، جاسىل دامۋعا تاباندى بولىپ، سۋ جاعدايىنا قاراي ٴىس جۇرگىزۋگە، سۋ ۇنەمدەۋدى الدىڭعى ورىنعا قويۋعا تاباندى بولىپ، جەرگىلىكتى جاعدايعا قاراي ىستەۋگە، تۇرلەر بويىنشا شارا قولدانۋعا تاباندى بولىپ، ٴبىر تۇتاس جوسپارلاپ جوبالاۋعا، سايكەستى ىلگەرىلەتۋگە تاباندى بولىپ، جالپى الاپتىڭ ەكولوگياسىن قورعاۋدىڭ تىڭ ساتىعا كوتەرىلۋىن، جاسىل تيپ جاڭالاۋدا تىڭ ىلگەرىلەۋشىلىك بولۋدى، جوعارى ساپالى دامۋدا جاڭا ونىمدىلىككە قول جەتكىزۋدى، حالىق بۇقاراسىنىڭ تۇرمىسىندا تىڭ جاقسارۋ بولۋدى جەبەپ، حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋىنىڭ جاڭا جاعدايىن اشۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ اڭگىمە ماجىلىسىنە قاتىناستى.
اڭگىمە ماجىلىسىندە مەملەكەتتىك دامۋ جانە رەفورما كوميتەتىنىڭ مەڭگەرۋشىسى جىڭ شانجيە، گانسۋ ولكەلىك پارتكومنىڭ شۋجيى حۋ چاڭشىڭ، شانشي ولكەلىك پارتكومنىڭ شۋجيى جاۋ يدى، حىنان ولكەلىك پارتكومنىڭ شۋجيى لوۋ ياڭشىڭ ىلگەرىندى ـ كەيىندى ٴسوز سويلەپ، حۋاڭحى وزەنى الابىنىڭ ەكولوگياسىن قورعاۋ مەن جوعارى ساپالى دامۋىن ىلگەرىلەتۋ جونىندەگى قىزمەت جاعدايىنان مالىمەت بەرىپ، پىكىر ـ ۇسىنىستارىن العا قويدى. اڭگىمە ماجىلىسىنە قاتىناسقان باسقا ولكە، اۆتونوميالى رايوننىڭ نەگىزگى جاۋاپتى جولداستارى جازباشا ٴسوز تاپسىردى.
كوپشىلىكتىڭ ٴسوزىن تىڭداعاننان كەيىن، شي جينپيڭ ماڭىزدى ٴسوز سويلەدى. ول بىلاي دەپ اتاپ كورسەتتى: پارتيا ورتالىق كوميتەتى حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋى جونىندەگى ستراتەگياسىن العا قويعاننان بەرى، حۋاڭحى وزەنى الابىنىڭ ەكولوگيالىق قورشاعان ورتا ساپاسى ورنىقتى جوعارىلاپ، سۋ حاۋىپسىزدىگىن قامتاماسىز ەتۋ قۋاتى ۇزدىكسىز كۇشەيىپ، ەنەرگيا، استىق حاۋىپسىزدىگى نەگىزى ۇزدىكسىز بەكەمدەلىپ، جوعارى ساپالى دامۋدىڭ جارقىن تۇيىندەرى كوبەيىپ، حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋى ٴتىپتى دە جوعارى باستاماعا كوتەرىلدى. سونىمەن بىرگە ىشكەرىلەي شەشۋگە ٴتيىستى ٴالى دە كوپتەگەن قيىن ماسەلەنىڭ بارلىعىن كورە ٴبىلۋىمىز كەرەك.
شي جينپيڭ بىلاي دەپ باسا دارىپتەدى: حۋاڭحى وزەنى الابىنىڭ ەكولوگياسىن جاپپاي قورعاۋ، جاپپاي سايكەسۋ ارناسىن ۇزدىكسىز كەمەلدەندىرىپ، مەملەكەتتىڭ ەكولوگيالىق حاۋىپسىزدىك قالتقىسىن بەرىك ورناتۋ كەرەك. حۋاڭحى وزەنىن باسقارۋدىڭ جۇيەلىك سيپاتىن، جالپى تۇلعالىق سيپاتىن، سايكەسىمدىلىك سيپاتىن ونان ارى كورنەكتىلەندىرىپ، جوعارعى، تومەنگى اعاردا تۇتاستىرىلىپ ٴبىر تۇلعالاندىرىلعان ەكولوگيالىق ورتانى وڭاۋ جۇيەسىن قالىپتاستىرۋدى ىلگەرىلەتىپ، ماڭىزدى ەكولوگيالىق جۇيەنى قورعاۋ جانە قالپىنا كەلتىرۋ كەلەلى ينجەنەرياسىن ىشكەرىلەي اتقارىپ، وزەن الابى ەكولوگيالىق جۇيەسىنىڭ ورنىقتىلىعىن جوعارىلاتۋ كەرەك. ”ٴۇش تەرىستىك“ ينجەنەرياسى بويىنشا بىرلەسىپ قورعانۋدى، بىرلەسىپ وڭاۋدى كۇشەيتىپ، تۇلعالىق ونىمدىلىكتى جوعارىلاتۋ كەرەك. كومىر قازىلعاننان كەيىن شوگىپ كەتكەن وڭىرلەردى كەشەندى وڭاۋدى كۇشەيتىپ، بايلىق سيپاتىندىق وڭىرلەردىڭ تيپ جاڭالاپ دامۋىنىڭ جاڭا جولى جونىندە بەلسەنە ىزدەنىس جاساۋ كەرەك. لاستانۋدان ساقتانۋدان جانە ونى وڭاۋدان قامال الۋ شايقاسىن ۇزدىكسىز ىشكەرىلەي ويداعىداي جۇرگىزىپ، ماڭىزدى تارماق اعارلار مەن ٴتۇيىندى كولدەردى، سۋ قويمالارىن وڭاۋدى كۇشەيتىپ، وزەن، كول جاعالاعان وڭىرلەردىڭ قورشاعان ورتا نەگىزدىك قۇرىلعى قۇرىلىسىن جاقسارتۋ كەرەك. اتموسفەرانىڭ لاستانۋىن كەشەندى وڭاۋدى كۇشەيتىپ، ٴتۇيىندى كاسىپتەردى لاستاۋشى زاتتاردى بارىنشا از شىعاراتىن ەتىپ جاڭالاۋدى تەزدەتىپ، كومىردەن تازا، جوعارى ٴونىمدى پايدالانۋدى بار كۇشپەن ىلگەرىلەتۋ كەرەك. ”بىتىراندى، بىلىققان، لاس زاتتار شىعاراتىن“ كاسىپورىنداردى زاڭ بويىنشا رەتتەپ ـ وڭاپ، حاۋىپ ـ قاتەر قاينارىن ٴونىمدى باسقارۋ ـ تىزگىندەۋ كەرەك. جاسىل، تومەن كومىر قىشقىل گازدى دامۋدى قولدايتىن قازىنا، سالىق، فينانس، قارجى قوسۋ، باعا ساياساتى مەن ولشەم جۇيەسىن اتقارۋ كەرەك. ەكولوگيالىق ونىمدەردىڭ قۇنىن جۇزەگە اسىرۋ مەحانيزمىن اقاۋسىزداندىرۋ كەرەك. جالپى الاپتىق، بازارلانعان، كوپ نەگىزدى ەكولوگيانى قورعاۋ، تولەم بەرۋ مەحانيزمىن ورناتۋ جونىندە ىزدەنىس جاساۋ كەرەك.
شي جينپيڭ بىلاي دەپ اتاپ كورسەتتى: سۋ بايلىعىن قورعاۋدىڭ، ودان پايدالانۋدىڭ ەڭ قاتاڭ ٴتۇزىمىن اتقارىپ، سۋ بايلىعىن ۇنەمدى، شوعىرلى پايدالانۋ دەڭگەيىن جوعارىلاتۋ كەرەك. سۋ بايلىعىن اشۋدىڭ جانە ودان پايدالانۋدىڭ جوعارى شەگىن قاتاڭ ساقتاپ، سۋ جاعدايىنا قاراي قالانى تۇراقتاندىرۋ، سۋ جاعدايىنا قاراي جەردى تۇراقتاندىرۋ، سۋ جاعدايىنا قاراي ادامدى تۇراقتاندىرۋ، سۋ جاعدايىنا قاراي كاسىپ سالاسىن تۇراقتاندىرۋ شاراسىن ەگجەي ـ تەگجەيلىلەندىرىپ، جالپى الاپتى قامتىعان سۋ الۋ، سۋدان پايدالانۋ جالپى مولشەرىن تىزگىندەۋ جۇيەسىن اقاۋسىزداندىرىپ، نەگىزگى جانە تارماق اعارلاردىڭ سۋ بايلىعىن عىلمي ۇلەستىرۋ كەرەك. جەر استى سۋ دەڭگەيىن باسقارۋ ـ تىزگىندەۋدى كۇشەيتىپ، ورتا، تومەنگى اعارلاردا جەر استى سۋىن شەكتەن تىس اشۋدان قالىپتاسقان ۆورونكا رايوندارىن وڭاۋ تەبىنىن ارتتىرۋ كەرەك. اۋىز سۋ قاينارىن قورعاۋدى كۇشەيتۋ كەرەك. ”1987 ـ جىلعى“ سۋ ۇلەستىرۋ جوباسىن بىرتىندەپ ساپالىلاندىرۋ، رەتتەۋ كەرەك. سۋ ۇقىعى ساۋداسىن ىلگەرىلەتۋ جونىندە بەلسەنە ىزدەنىس جاساپ جانە ونى ولشەمدەندىرىپ، سۋ بايلىعى اقىسىن باجىعا وزگەرتۋدى جاپپاي جالپىلاستىرۋ كەرەك. سۋ ۇنەمدەۋ ارەكەتىن اتقارىپ، سۋ ۇنەمدەيتىن قوعام قۇرۋدى جەدەلدەتۋ كەرەك.
شي جينپيڭ بىلاي دەپ باسا دارىپتەدى: اپاتتان ساقتانۋ، اپات شىعىنىن ازايتۋ جۇيەسىن كەمەلدەندىرىپ، حۋاڭحى وزەنىنىڭ تىنىشتىعىن بار كۇشپەن قامتاماسىز ەتۋ كەرەك. سۋ مەن قۇمدى رەتتەۋ مەحانيزمىن اقاۋسىزداندىرىپ، تىرەكتى سۋ قويمالارى سياقتى كەلەلى سۋ يگىلىگى ينجەنەريالارىن نەگىز ەتكەن رەتتەۋ ـ مەڭگەرۋ جۇيەسىن كەمەلدەندىرۋ كەرەك. نەگىزگى جانە تارماق اعارلاردا ٴبىر تۇتاس ساقتانۋعا، ٴبىر تۇتاس وڭاۋعا تاباندى بولىپ، نەگىزگى وزەن اعارىنىڭ ٴتۇيىندى وزەن بولىكتەرىن، قاتەرلى قۇرىلىستاردىڭ قاتەرلى بولىكتەرىن وڭاۋدى ىلگەرىلەتىپ، ماڭىزدى توسپا، سۋ قويمالارى مەن نەگىزدىك قۇرىلعىلاردىڭ حاۋىپسىزدىگىن قامتاماسىز ەتۋ كەرەك. حۋاڭحى وزەنىندەگى سۋ يگىلىگى توراپتىق كەلەلى ينجەنەريالارىن ٴبىر تۇتاس جوسپارلاپ ىلگەرىلەتۋ كەرەك. اپاتتى باقىلاۋ ـ ولشەۋدى جانە الدىن الا ساقتاندىرۋدى كۇشەيتىپ، الدىن الا ساقتاندىرۋ مەن شۇعىل جاعدايعا توتەپ بەرۋ بويىنشا اتتانىسقا كەلىپ بىرلەسىپ ارەكەتتەنۋدى كۇشەيتۋ كەرەك. قاتەردى تەكسەرۋ، قاتەردى جويۋ تەبىنىن ارتتىرىپ، اپاتتان ساقتانۋ، اپات شىعىنىن ازايتۋ ۇگىت ـ تاربيەسى مەن ۇدايىلانعان، ناقتى شايقاس ۇلگىسىندەگى سايكەستى جۇمىلدىرۋ جاتتىعۋىن كۇشەيتۋ كەرەك.
شي جينپيڭ بىلاي دەپ اتاپ كورسەتتى: دامۋ تاسىلىندە جاپپاي جاسىل تيپ جاڭالاۋدى ىلگەرىلەتىپ، ەرەكشە، باسىمدىققا يە وسى زامانعى كاسىپ سالاسى جۇيەسىن قۇرۋ كەرەك. ەش بوساڭسىماي استىق جانە ماڭىزدى اۋىل شارۋاشىلىق ونىمدەرى ٴوندىرىسىن ويداعىداي يگەرىپ، اۋىل شارۋاشىلىعىنىڭ عىلىم ـ تەحنيكالىق جانە جابدىق تىرەگىن كۇشەيتىپ، اۋىل شارۋاشىلىعىندا ۇيلەسىمدى كولەمدەنگەن شارۋاشىلىقتى دامىتىپ، جەرگىلىكتى جاعدايعا قاراي ەرەكشە، باسىمدىققا يە اۋىل شارۋاشىلىعىن دامىتۋ كەرەك. قۋاڭشىلىقتا دا، سۋ باسقاندا دا مول ٴونىم الۋعا بولاتىن جوعارى ولشەمدى ەگىنجاي قۇرىپ، سورتاڭ جەرلەردى كەشەندى وڭاۋدى جانە ودان پايدالانۋدى ويداعىداي يگەرىپ، ەگىستىك جەردىڭ ساپاسىن قۇلشىنا جوعارىلاتۋ كەرەك. كەلەلى نىساندار قۇرىلىسىنىڭ ورنالاسىمىن ساپالىلاندىرىپ، جەر بەتىندەگى اعارلارعا، جەر استى سۋلارىنا جاسايتىن ىقپالىن ەڭ زور دارەجەدە تومەندەتۋ كەرەك. جاسىل، تومەن كومىر قىشقىل گازدى ەكونوميكانى زور كۇشپەن دامىتىپ، كولەمدى جەل ەلەكتر، فوتوۆولت بازالارى مەن ەلەكتردى سىرتقا جەتكىزۋ ارنا جوباسى قۇرىلىسىن تارتىپپەن ىلگەرىلەتىپ، ٴتۇيىندى كاسىپ سالالارىندا تازا ەنەرگيامەن ورنىن باستىرۋدى جەدەلدەتۋ كەرەك. كاسىپ سالاسىنىڭ عىلىم ـ تەحنيكادا جاڭالىق اشۋ قابىلەتىن كۇش سالا جوعارىلاتىپ، ٴتۇيىندى كاسىپ سالالارىن ەنەرگيا ۇنەمدەۋ، كومىر قىشقىل گازىنىڭ شىعارىلۋىن ازايتۋ بويىنشا وزگەرتۋدى جانە جابدىقتارىن جاڭالاۋدى ىلگەرىلەتىپ، ستراتەگيالىق جاڭادان گۇلدەنگەن كاسىپ سالالارىن، وزىق جاساۋ كاسىپ سالاسى شوعىرىن زورايتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك. وڭىردەگى جوعارى مەكتەپتەردى، عىلمي زەرتتەۋ ورىندارىن، ت.ب تەحنيكا ويىستىرۋ جانە كاسىپ سالالانعان قىزمەت وتەۋ مەحانيزمىن ورنالاستىرۋعا ورناتۋعا ىنتالاندىرىپ، كاسىپ سالاسى تىزبەگىنىڭ، جاڭالىق اشۋ تىزبەگىنىڭ سايكەسۋ دەڭگەيىن جوعارىلاتۋ كەرەك.
شي جينپيڭ بىلاي دەپ باسا دارىپتەدى: رەفورمانى جاپپاي تەرەڭدەتىپ، ەسىك اشۋدى كەڭەيتىپ، جوعارى ساپالى دامۋعا قوزعاۋشى كۇش ۇستەۋ كەرەك. مەملەكەتتىڭ ٴبىر تۇتاس ٴىرى بازار قۇرىلىسىنا ىشكەرىلەي ات سالىسىپ، ٴتۇرلى فورماداعى جەرگىلىكتى قورعامپازدىقتى باتىل تالقانداۋ كەرەك. مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، حالىق باسقارۋىنداعى شارۋاشىلىقتىڭ دامۋىن، زورايۋىن جەبەيتىن ساياسات ـ شارالاردى جاپپاي تياناقتاندىرۋ كەرەك. باسىمدىقتارمەن ٴبىرىن ـ ٴبىرى تولىقتايتىن وڭىرلىك ەكونوميكا ورنالاسىمى مەن مەملەكەت جەرى كەڭىستىگى جۇيەسىن ورناتۋ كەرەك، ەرەكشە ٴىرى قالالار ىشكى فاكتورلىق دامۋ جولىمەن ٴجۇرۋى، حۋاڭحى وزەنى جاعالاۋىنداعى قالالار شوعىرى جان سانىن شوعىرلاندىرۋ مەن كاسىپ سالالارىنىڭ سەلبەستىك قابىلەتىن جوعارىلاتۋى كەرەك. قاتىناس، ەنەرگيا، سۋ يگىلىگى سياقتى ولكە، اۆتونوميالى رايون اتتاعان كەلەلى نەگىزدىك قۇرىلعىلار جۇيەسىن كەمەلدەندىرىپ، جاڭاشا نەگىزدىك قۇرىلعىلار قۇرىلىسىن ىلگەرىلەتۋ كەرەك. باسقا وڭىرلەرمەن ستراتەگيالىق ٴتۇيىلىسۋدى كۇشەيتىپ، ەركىن ساۋدا سىناق رايونى قۇرىلىسىنىڭ سايكەستى ىقپالداستىعىن جەبەۋ كەرەك. ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋعا بەلسەنە ات سالىسىپ، جوعارى دەڭگەيدەگى سىرتقا ەسىك اشۋ ارقىلى دامۋ ٴورىسىن كەڭەيتۋ كەرەك.
شي جينپيڭ بىلاي دەپ اتاپ كورسەتتى: جاڭاشا قالا ـ قالاشىقتاندىرۋ مەن اۋىل ـ قىستاقتى گۇلدەندىرۋدى ٴبىر تۇتاس جوسپارلاپ، حالىقتىڭ قۇت ـ ىرىسىن ورنىقتى ارتتىرۋ كەرەك. ٴىرى، ورتاشا، شاعىن قالالار مەن شاعىن قالا ـ قالاشىقتاردىڭ سايكەسە دامۋىنا، شوعىرلى، ىقشام ورنالاسىمىنا جەتەكشىلىك ەتىپ، اۋدان ورتالىقتارىنىڭ كاسىپ سالالارى مەن جان سانىنىڭ كوتەرىمدىلىك قۋاتىن جوعارىلاتىپ، ەكولوگياسى ٴالسىز وڭىرلەردىڭ كوتەرىمدىلىگىنە تۇسكەن قىسىمدى جەڭىلدەتۋ كەرەك. اۋدان ورتالىقتارىنىڭ قالامەن تۇتاسۋ، اۋىل ـ قىستاقتى جەتەكتەۋ رولىن ٴتىپتى دە ويداعىداي ساۋلەلەندىرىپ، اۋدان وڭىرىندە قالا مەن اۋىلدىڭ توعىسا دامۋىن الدىمەن جۇزەگە اسىرۋ كەرەك. قىستاق قۇرىلىسىن تۇرگە ٴبولىپ ىلگەرىلەتىپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل ـ قىستاق قۇرۋ كەرەك. جالپىعا ٴتيىمدى، نەگىزدىك، تۇبەسەلى حالىق تۇرمىسىن قامتاماسىز ەتۋدى كۇشەيتۋ كەرەك. جۇمىستاندىرۋدى كورنەكتى ورىنعا قويىپ، قالا ـ قالاشىقتاردىڭ كاسىپ سالاسىن دامىتۋدا جانە اۋىل ـ قىستاقتىڭ كاسىپ سالاسىن جەتىلدىرۋدە جۇمىستاندىرۋ سيىمدىلىعىن ۇلعايتۋعا ٴمان بەرۋ كەرەك. كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، كولەمدى قايتا كەدەيلەسۋ، كەدەيلەسۋ تۋىلماۋىنا كەپىلدىك ەتۋ كەرەك. جاڭا داۋىردەگى پارتيانىڭ ۇلت قىزمەتى جونىندەگى كەلەلى باعىت ـ ساياساتتارىن جاپپاي دايەكتىلەندىرىپ، ۇلتتار ىنتىماعىندا، العاباسارلىعىندا وزات بولۋ قىزمەتىن تەرەڭدەتىپ، ۇلت، ٴدىن ىستەرىن زاڭ بويىنشا باسقارىپ، جۇڭحۋا ۇلتى ورتاق تۇلعا تانىمىن بەكەمدەۋ كەرەك.
شي جينپيڭ بىلاي دەپ باسا دارىپتەدى: حۋاڭحى وزەنى الابى _ جۇڭحۋا ۇلتى مەن جۇڭحۋا وركەنيەتىنىڭ ماڭىزدى وشاعى، حۋاڭحى مادەنيەتىن قورعاپ، اسقاقتاتىپ، تاريحي مادەنيەت تامىرى مەن ۇلتتىڭ تامىرىن ويداعىداي جالعاستىرۋ كەرەك. مادەنيەت مۇرالارى مەن جاراتىلىستىق مۇرالارعا باعىتتالعان جالپى تۇلعالىق، جۇيەلى قورعاۋدى كۇشەيتىپ، ارحەولوگيا، ت. ب قىزمەتتەردى ىشكەرىلەي ىلگەرىلەتۋ كەرەك. قىزىل مادەنيەت بايلىعىن ويداعىداي قورعاپ، توڭكەرىستىك مادەنيەتتى اسقاقتاتىپ، سوتسياليستىك وزىق مادەنيەتتى دامىتۋ كەرەك. حۋاڭحى مادەنيەتىنىڭ داۋىرلىك قۇنىن ىشكەرىلەي اشىپ، جۇڭحۋا ۇلتىنىڭ تالىقپاي تالپىنعان، قاجىرلى دا قايسار ۇلتتىق قاسيەتى مەن كۇرەسكەرلىك رۋحىن تولىق ايگىلەۋ كەرەك. مادەنيەت پەن ساياحاتتىڭ توعىسا دامۋىن ىلگەرىلەتىپ، حالىقارالىق ىقپالعا يە حۋاڭحى مادەنيەتى ساياحات بەلدەۋىن قۇرۋ كەرەك.
شي جينپيڭ بىلاي دەپ اتاپ كورسەتتى: پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىندا، ورتالىقتىڭ وڭىرلەردىڭ سايكەستى دامۋىنا باسشىلىق ەتۋ گرۋپپاسى ٴبىر تۇتاس جوسپارلاپ سايكەستىرۋدى جانە قۋزاۋ، جەتەكشىلىك ەتۋدى كۇشەيتۋى كەرەك، ورتالىقتىڭ قاتىستى تاراۋلارى ىرىقتىلىقپەن ىسكەرلىك كورسەتىپ، قولداۋ تەبىنىن ارتتىرىپ، حۋاڭحى وزەنى جاعالاۋىنداعى ولكەلىك، اۆتونوميالى رايوندىق پارتكومدار مەن ۇكىمەتتەر نەگىزگى تۇلعالىق جاۋاپكەرشىلىك ارقالاپ، قوعامداعى ٴار جاقتىڭ بەلسەندىلىگىن تولىق جۇمىلدىرىپ، جاڭا ٴداۋىردىڭ ”حۋاڭحى حورىن“ ٴبىر نيەتپەن جاقسى شىرقاپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اناعۇرلىم زور ۇلەس قوسۋى كەرەك.
شي جينپيڭ سوڭىندا بىلاي دەپ باسا دارىپتەدى: جەر ـ جەر، تاراۋلار پارتيا ورتالىق كوميتەتىنىڭ ەكونوميكالىق قىزمەت جونىندەگى ورنالاستىرۋلارى مەن ٴتۇرلى كەلەلى شارالارىن مۇقيات دايەكتىلەندىرىپ، تياناقتاندىرىپ، ٴۇشىنشى ماۋسىمنىڭ سوڭىنداعى جانە ٴتورتىنشى ماۋسىمداعى ەكونوميكالىق قىزمەتتى ويداعىداي يگەرىپ، تۇتاس جىلداعى ەكونوميكالىق، قوعامدىق دامۋ نىسانا ـ مىندەتتەرىن قۇلشىنا ورىنداۋى كەرەك.
ديڭ شۋەشياڭ سوزىندە مىنالاردى ٴبىلدىردى: پارتيا 20 ـ قۇرىلتايىنىڭ، 20 ـ كەزەكتى ورتالىق كوميتەت ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، ەكولوگيانى الدىڭعى ورىنعا قويۋعا، جاسىل دامۋعا تاباندى بولىپ، حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋىنىڭ ۇزدىكسىز تىڭ ساتىعا كوتەرىلۋىن ىلگەرىلەتۋ كەرەك. جاپپاي قورعاۋدى شەشۋشى مىندەت ەتۋگە تاباندى بولىپ، ورتانىڭ لاستانۋىنان ساقتانۋدى جانە ونى وڭاۋدى ىشكەرىلەي ىلگەرىلەتىپ، بەرىك، بەكەم، تىرەگى پارمەندى مەملەكەتتىڭ ەكولوگيالىق حاۋىپسىزدىك قالتقىسىن جەدەل ورناتۋ كەرەك. ”ادام مەن سۋدىڭ قاتىناسى“ سىندى ٴىرى ٴىستى دەن قويا ويداعىداي ىستەپ، ”سۋ جاعدايىنا قاراي قالانى تۇراقتاندىرۋ، سۋ جاعدايىنا قاراي جەردى تۇراقتاندىرۋ، سۋ جاعدايىنا قاراي ادامدى تۇراقتاندىرۋ، سۋ جاعدايىنا قاراي كاسىپ سالاسىن تۇراقتاندىرۋ“ پرينسيبىن جان ـ جاقتى دايەكتىلەندىرىپ، جالپى الاپتىڭ سۋ بايلىعىن عىلمي ۇلەستىرۋ كەرەك. نەگىزگى تۇلعالىق فۋنكتسياسىنا، ورنىنا نەگىزدەلىپ، وزدەرىنىڭ سالىستىرمالى باسىمدىقتارىن ساۋلەلەندىرىپ، كاسىپ سالاسىنىڭ عىلىم ـ تەحنيكادا جاڭالىق اشۋ قابىلەتىن كۇش سالا جوعارىلاتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋ كەرەك. رەفورما جاساۋدى، ەسىك اشۋدى جاپپاي تەرەڭدەتىپ، بۇكىل ەلدىڭ ٴبىر تۇتاس ٴىرى بازار قۇرىلىسىنا ٴتىپتى دە ويداعىداي ات سالىسىپ، ىشكە، سىرتقا ەسىك اشۋدىڭ كەڭدىگى مەن تەرەڭدىگىن ۇلعايتىپ، حۋاڭحى وزەنى الابىنىڭ ەكولوگياسىنىڭ قورعالۋى مەن جوعارى ساپالى دامۋىنا قۇدىرەتتى قوزعاۋشى كۇش جانە ومىرشەڭدىك كۇش ۇستەۋ كەرەك.
حى ليفىڭ، ۋ جىڭلۇڭ، مۋ حۇڭ، جياڭ شينجى اڭگىمە ماجىلىسىنە قاتىناستى، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى ولكە، اۆتونوميالى رايوننىڭ جاۋاپتى جولداستارى اڭگىمە ماجىلىسىنە قاتىناستى.
