6 ـ ايدىڭ 7 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارمەن كەلگەن پاكيستان زۇڭليى شاھبازبەن كەزدەستى.
□ سۋرەتتى شينحۋا اگەنتتىگىنىڭ ٴتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 6 ـ ايدىڭ 7 ـ كۇنى بەيجيڭنەن بەرگەن حابارى (ٴتىلشى سۇن ي). 6 ـ ايدىڭ 7 ـ كۇنى تۇستەن كەيىن مەملەكەت ٴتوراعاسى شي جينپيڭ بەيجيڭ حالىق سارايىندا جۇڭگوعا رەسمي ساپارمەن كەلگەن پاكيستان زۇڭليى شاھبازبەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن پاكيستان _ تاۋ ـ سۋى جالعاسقان جاقسى كورشى، سەنىمدى جاقسى دوس، اسىرەسە، ٴوزارا قارايلاساتىن جاقسى سەرىك، تار جول، تايعاق كەشۋلەردى بىرگە وتكەرگەن جاقسى اعا ـ باۋىر. جۇڭگو مەن پاكيستاننىڭ بارلىق جاعدايدا بىردەي ستراتەگيالىق سەلبەستىك سەرىكتەستىك قارىم ـ قاتىناسى ۇزدىكسىز تەرەڭدەپ، بەرىك حالىق رايى نەگىزىنە، كۇشتى ىشكى قوزعاۋشى كۇشكە، كەڭ دامۋ بولاشاعىنا يە بولدى. جۇڭگو جاق پاكيستان جاقپەن ٴوزارا باتىل قولداۋ كورسەتىپ، سەلبەستىك ارقاۋىن بەكەمدەپ، ستراتەگيالىق سايكەستىكتى تەرەڭدەتىپ، جاڭا داۋىردەگى اناعۇرلىم بەرىك جۇڭگو _ پاكيستان تاعدىرلاس ورتاق تۇلعاسىن جەدەل قۇرىپ، ٴوڭىردىڭ بەيبىتشىلىگى، ورنىقتىلىعى، دامۋى، كوركەيىپ ـ گۇلدەنۋى ٴۇشىن اناعۇرلىم زور ۇلەس قوسۋدى قالايدى.
شي جينپيڭ بىلاي دەپ باسا دارىپتەدى: جۇڭگو مەن پاكيستاننىڭ قۇرىشتاي بەرىك دوستىعىنىڭ ۋاقىت وتكەن سايىن بەكەمدەلۋىندەگى تەتىك ەكى جاقتىڭ قاي ـ قاشان دا ٴوزارا ٴتۇسىنىسىپ، ايرىقشا سەنىم ارتىپ، باتىل قولداۋ كورسەتكەندىگىندە. پاكيستان جاقتىڭ جۇڭگونىڭ وزەكتى مۇددەسىنە ساياتىن جانە كەلەلى ٴجىتى قاداعالاپ وتىرعان ماسەلەلەردە ۇزاق ۋاقىتتان بەرى جۇڭگونى تاباندىلىقپەن قولداعاندىعىنا العىس ايتامىن. جۇڭگو جاق تا پاكيستان جاقتىڭ مەملەكەتتىڭ يەلىك ۇقىعى مەن تەرريتوريا تۇتاستىعىن قورعاۋىن ٴباز ـ باياعىسىنداي باتىل قولدايدى، پاكيستان جاقتىڭ ٴوز مەملەكەت جاعدايىنا ۇيلەسەتىن دامۋ جولىمەن ٴجۇرۋىن قولدايدى، پاكيستان جاقتىڭ لاڭكەستىككە باتىل سوققى بەرۋىن قولدايدى. جۇڭگو جاق ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋدى ىلگەرىلەتۋدى پاكيستان جاقتىڭ دامۋ جوباسىمەن ٴتۇيىلىستىرىپ، جاعدايعا قاراي ىستەپ، اۋىل شارۋاشىلىعى، كەن شارۋاشىلىعى، قوعامدىق حالىق تۇرمىسى سياقتى سالالاردا سەلبەستىك ورىستەتىپ، جۇڭگو _ پاكيستان ەكونوميكا ٴدالىزىنىڭ ”دارەجەسى جوعارىلاتىلعان نۇسقاسىن“ تۇلعالاۋدى وزەك ەتە وتىرىپ، ەكونوميكانى ارتتىرۋ، حالىق تۇرمىسى، جاڭالىق اشۋ، جاسىل، اشىق ۇستاۋ سىندى ”بەس ۇلكەن ٴدالىزدى“ بىرگە قۇرىپ، جۇڭگو _ پاكيستان ەكونوميكا ٴدالىزىن جوعارى ساپامەن بىرگە قۇرۋدىڭ تەرەڭدەۋىن، ناقتىلانۋىن ىلگەرىلەتىپ، پاكيستاننىڭ ەكونوميكالىق، قوعامدىق دامۋىنا دەم بەرۋدى قالايدى. پاكيستان جاقتىڭ حاۋىپسىز، ورنىقتى، مەجەلەۋگە بولاتىن شارۋاشىلىق ـ ساۋدا ورتاسىن ۇزدىكسىز جاراتىپ، پاكيستانداعى جۇڭگو جاق ادامدارىنىڭ، نىساندارىنىڭ، قۇرىلىمدارىنىڭ حاۋىپسىزدىگىن شىنايى قامتاماسىز ەتۋىن ٴۇمىت ەتەدى. جۇڭگو جاق پاكيستان جاقپەن بىرلەسكەن مەملەكەتتەر ۇيىمى، شاڭحاي سەلبەستىك ۇيىمى سياقتى كوپ جاقتى مەحانيزم اياسىنداعى سايكەسۋدى، سەلبەسۋدى كۇشەيتىپ، تەپە ـ تەڭ، ٴتارتىپتى دۇنيە ٴجۇزىنىڭ كوپ ۇيەكتەنۋى مەن جالپىعا ٴتيىمدى، سيىسىمدى ەكونوميكانىڭ جاھاندانۋىن بىرگە ىلگەرىلەتىپ، نازاردى دامۋ كەڭەستىك تارتىبىنە شوعىرلاندىرىپ، حاۋىپسىزدىك سىن ـ سايىسىنا توتەپ بەرىپ، الەمدىك باسقارۋدى كەمەلەندىرىپ، وركەندەپ كەلە جاتقان ەلدەردىڭ ورتاق مۇددەسىن جانە حالىقارالىق ادىلدىكتى، تۋراشىلدىقتى قورعاۋدى قالايدى.
شاھباز مىنالاردى ٴبىلدىردى: ٴتوراعا شي جينپيڭنىڭ دانىشپان باسشىلىعىندا، جۇڭگو كەدەيلىكتەن ارىلتۋ، شىرىكتەسۋگە قارسى تۇرۋ جانە دامۋ جاقتارىندا دۇنيە ٴجۇزىن جالت قاراتقان ۇلى تابىستارعا قول جەتكىزدى. ٴتوراعا شي جينپيڭنىڭ كورەگەندىگى مەن كورنەكتى باسشىلىق قابىلەتى پاكيستان حالقى مەن دۇنيە جۇزىندەگى ٴار ەل حالقىنىڭ شىنايى قۇرمەتى مەن وسكەلەڭ باعاسىنا يە بولدى. ٴتوراعا شي جينپيڭ بۇكىل ادامزاتتىڭ قۇت ـ ىرىسىن كوزدە ۇستاپ، دۇنيە ٴجۇزىنىڭ بەيبىتشىلىگىن بەلسەندى جەبەپ، كەڭەسۋدى، قارسىلاسپاۋدى دارىپتەپ، ”ٴبىر بەلدەۋ، ٴبىر جولدى“ بىرگە قۇرۋدى جانە الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن العا قويىپ، قازىرگى دۇنيە ٴجۇزى ٴدوپ كەلىپ وتىرعان ماسەلەلەردى شەشىپ، اناعۇرلىم بەيبىت، تاماشا دۇنيە ٴجۇزىن قۇرۋدى ىلگەرىلەتۋگە ستراتەگيالىق جەتەكشىلىك ازىرلەدى، پاكيستان جاق مۇنى ايرىقشا القايدى جانە بار كۇشپەن قولدايدى. جۇڭگو _ پاكيستان ەكونوميكا ٴدالىزى پاكيستان ەلىنىڭ دامۋىن پارمەندى جەبەپ، پاكيستان حالقىنا ناقتى باقىت اكەلدى. پاكيستان جاق جۇڭگونىڭ ەل باسقارۋ تاجىريبەسىنەن ۇيرەنىپ، ۇلگى الىپ، جۇڭگو جاقپەن ”ٴبىر بەلدەۋ، ٴبىر جولدى“ ۇزدىكسىز جوعارى ساپامەن بىرگە قۇرىپ، ٴار سالاداعى ناقتى سەلبەستىكتى تەرەڭدەتەدى. پاكيستان ۇكىمەتى بيىل 3 ـ ايداعى داسۋ لاڭكەستىك شابۋىل ۋاقيعاسىندا قازا بولعان جۇڭگو جاق ادامدارىنا تاعى دا قايعىلى ازا بىلدىرەدى، دەلوعا ساياتىن لاڭكەستەرگە باتىل سوققى بەرەدى جانە قاتاڭ جازالايدى، شىنايى، ٴونىمدى شارا قولدانىپ، پاكيستانداعى جۇڭگو جاق ادامدارىنىڭ، قۇرىلىمدارىنىڭ حاۋىپسىزدىگىنە شىنايى كەپىلدىك ەتەدى. مەن مىنانى قايتالاي دارىپتەگىم كەلەدى: ٴارقانداي كۇش جۇڭگونىڭ دامۋىنا، زورايۋىنا توسقاۋىل بولا المايدى، ٴارقانداي كۇش پاكيستان مەن جۇڭگونىڭ قۇرىشتاي بەرىك دوستىعىن شايقالتا المايدى. پاكيستان جاق مىزعىماي جۇڭگونىڭ ەڭ سەنىمدى دوسى جانە سەرىگى بولادى. ٴبىر جۇڭگو پرينسيبى _ پاكيستان ۇكىمەتىنىڭ مىزعىماس ۋادەسى، تايۋان _ جۇڭگو تەرريتورياسىنىڭ ايىرىلماس ٴبىر بولىگى. پاكيستان جاق جۇڭگونىڭ تايۋانعا ساياتىن، شيزاڭعا ساياتىن، شينجياڭعا ساياتىن، نانحاي سياقتى بارلىق وزەكتى مۇددە ماسەلەسىندەگى تۇرعىسىن تيتتەي دە ٴارى ـ ٴسارى بولماي ۇزدىكسىز باتىل قولدايدى.
ۋاڭ ي، جاڭ يوۋشيا كەزدەسۋگە قاتىناستى.
