مەملەكەت ءتوراعاسى شي جينپيڭ 4 - ايدىڭ 29 - كۇنى حالىق سارايىندا شۆەتساريا فەدەراتسياسىنىڭ ءتوراعاسى ماۋرەرمەن كەڭەس وتكىزدى.
شي جينپيڭ مىنالاردى اتاپ كورسەتتى : بيىل ــ جۇڭحۋا حالىق رەسپۋبليكاسى قۇرىلعانىنىڭ 70 جىلدىعى. شۆەتساريا ــ ەڭ العاش جاڭا جۇڭگونى مويىنداعان ءارى ديپلوماتيالىق قاتىناس ورناتقان باتىس ەلدەرىنىڭ ءبىرى، بۇل شۆەتساريا ۇكىمەتىنىڭ ۇزاق بولاشاقتىق ستراتەگيالىق كوزقاراسىن ايگىلەدى، شۆەتساريا حالقىنىڭ جۇڭگو حالقىنا دەگەن دوستىق سۇيىسپەنشىلىگىن دە قامتىپ وتىر. ديپلوماتيالىق قاتىناس ورناتقان 70 جىلعا تاياۋ ۋاقىتتان بەرى جۇڭگو - شۆەتساريا قاتىناسى باستان - اياق جۇڭگو - ەۆروپا قاتىناسىنىڭ الدىڭعى لەگىندە ءجۇردى. ەكى ەل جاڭاشىل ستراتەگيالىق ارىپتەستىك قاتىناس ورناتتى، بۇل ــ جۇڭگونىڭ تۇڭعىش رەت شەتەلدەرمەن جاڭالىق اشۋدى بەلگى ەتكەن ستراتەگيالىق ارىپتەستىك قاتىناس ورناتۋى. جۇڭگو شۆەتساريامەن بىرگە ستراتەگيالىق سەلبەستىكتى تەرەڭدەتۋدى قالايدى.
