مەملەكەت ءتوراعاسى شي جينپيڭ 4 - ايدىڭ 27 – كۇنى حالىق سارايىندا يتاليانىڭ پرەمەر مينيسترى كونتەمەن كەزدەستى.
شي جينپيڭ مىنالاردى اتاپ كورسەتتى: وتكەن ايدا مەن يتاليادا مەملەكەتتىك ساپاردا بولعانىمدا، يتاليا جاق ىستىق ىقىلاسپەن، جان – جاقتى دايىندىقپەن قارسى الدى، مەن بۇعان تاعى دا شىن ىقىلاسپەن العىس ايتامىن. ساپار كەزىندە مەن يتاليانىڭ ءار سالاسىنداعىلاردىڭ جۇڭگومەن سەلبەستىكتى دامىتۋعا دەن قوياتىنىن، سونداي - اق يتاليا حالقىنىڭ جۇڭگو حالقىنا دەگەن شىنايى دوستىعىن تەرەڭ سەزىندىم. يتاليا جاق جۇڭگونىڭ قولدان كەتكەن 700 دەن استام مادەني مۇراسىن قايتارىپ بەرەتىنىن جاريالادى، بۇل جۇڭگو حالقىنىڭ كۇشتى اڭىسىن قوزعادى، قاتىستى كورمە جۇڭگونىڭ مەملەكەتتىك مۇراجايىندا وتكىزىلۋدە. جۇڭگو يتاليانىڭ باتىستاعى ءىرى ەلدەر اراسىندا جۇڭگو جاقپەن «ءبىر بەلدەۋ، ءبىر جولدى» بىرگە قۇرۋ سەلبەستىك ەسكەرتپە حاتىنا الدىڭعى قاتاردا قول قويعانىن القايدى، يتاليامەن بىرگە قۇلشىنىپ، قول ۇستاسا وتىرىپ «ءبىر بەلدەۋ، ءبىر جولدى» بىرگە قۇرۋدى بىرگە ىلگەرىلەتىپ، ساۋدا مەن ءوزارا قارجى قوسۋدى كەڭەيتۋگە، ناقتى سەلبەستىك پەن عىلىم - تەحنيكا، گۋمانيتارلىق اۋىس - كۇيىسىن تەرەڭدەتۋگە، جۇڭگو مەن يتاليا قاتىناسىندا اناعۇرلىم زور تابىسقا قول جەتكىزىپ، ەكى ەل حالىقتارىن دوستىق سەلبەستىگى بارىسىندا اناعۇرلىم كوپ تابىس سەزىمىنە كەنەلتۋگە، جۇڭگو مەن ەۆروپانىڭ «ءبىر بەلدەۋ، ءبىر جولدى» بىرگە قۇرۋىنىڭ ۇلگىسىنە اينالۋعا پەيىلمىز. ەكى جاق تاعى جۇڭگو - يتاليا قاتىناسىنىڭ ستراتەگيالىق ءمانىن مىقتى يگەرىپ، دۇنيە ءجۇزىن جونگە سالۋ جۇيەسىن كەمەلدەندىرۋى، ەركىن ساۋدانى جانە كوپ جاقتىلىقتى قورعاۋ سياقتى جاقتاردا سايكەسۋدى، سەلبەسۋدى كۇشەيتىپ، ءوزارا قۇرمەت ەتەتىن، ءادىل دە ادىلەتتى، سەلبەسىپ تەڭ يگىلىككە كەنەلەتىن جاڭاشا حالىقارالىق قاتىناس ورناتۋى كەرەك. يتاليا جاقتىڭ جۇڭگو - ەۆروپا قاتىناسىنىڭ دامۋىن ىلگەرىلەتۋدە اناعۇرلىم زور رول اتقارۋىن ءۇمىت ەتەمىن.
