مەملەكەت ءتوراعاسى شي جينپيڭ 4 - ايدىڭ 24 - كۇنى حالىق سارايىندا چيليدىڭ زۇڭتۇڭى پينەرامەن كەڭەس وتكىزدى.
شي جينپيڭ مىنانى اتاپ كورسەتتى: چيلي − جاڭا جۇڭگومەن تۇڭعىش ديپلوماتيالىق قارىم - قاتىناس ورناتقان وڭتۇستىك امەريكا ەلى، سونداي - اق جۇڭگونىڭ بۇكىلدەي بازار شارۋاشىلىعى ورنىن مويىنداعان، جۇڭگومەن ەكى جاقتى ەركىن ساۋدا كەلىسىمىن جاساسقان ءارى ونىڭ دارەجەسىن كوتەرگەن تۇڭعىش لاتىن امەريكا ەلى، ”ءبىر بەلدەۋ، ءبىر جول“دى بىرگە قۇرۋداعى ماڭىزدى سەلبەستىك سەرىگى، جۇڭگو - چيلي قارىم - قاتىناسى ۇزاق ۋاقىتتان بەرى جۇڭگو - لاتىن امەريكاسى قارىم - قاتىناسىنىڭ الدىڭعى لەگىندە كەلەدى. ءبىز باسقالارعا ۇلگى بولۋعا باتىلدىق ەتۋ رۋحىن ۇزدىكسىز ساۋلەلەندىرىپ، ”ءبىر بەلدەۋ، ءبىر جول“دى بىرگە قۇرۋدى جاڭا وراي ەتىپ، ساياسي جاقتاعى ءوزارا سەنىمدىلىكتى جانە سىندارلى سەلبەستىكتى تەرەڭدەتىپ، جۇڭگو - چيلي جان - جاقتى ستراتەگيالىق سەرىكتەستىك قارىم - قاتىناسىنىڭ تىڭ ساتىعا قادام تاستاۋىن ىلگەرىلەتۋىمىز كەرەك. ەكى جاق دامۋ ستراتەگياسىن ءتۇيىستىرىپ، ءتۇيىندى سالالار مەن نىسانداردى تۇراقتاندىرىپ، چيلي مەن لاتىن امەريكاسى ءوڭىرىنىڭ ۇلاسۋىن، تۇتاسۋىن جەبەۋ كەرەك. ەكى جاقتى ساۋدا مەن قارجى قوسۋدىڭ ساپاسىن جوعارىلاتىپ، دارەجەسىن جوعارىلاتۋدى ىلگەرىلەتىپ، كەن، تازا ەنەرگيا، ينفورماتسيا - حابارلاسۋ، ەلەكتروندىق ساۋدا، عىلىم - تەحنيكادا جاڭالىق اشۋ، وڭتۇستىك ۇيەكتەگى عىلمي زەرتتەۋ سياقتى سالالارداعى سەلبەستىكتى كۇشەيتۋى كەرەك. كەلەر جىلى ەكى ەل ديپلوماتيالىق قارىم - قاتىناس ورناتقاندىعىنىڭ 50 جىلدىعىنىڭ جەلىلەس قۇتتىقتاۋ قيمىلدارىن ويداعىداي وتكىزىپ، حالىق تىلەگىنىڭ توعىسۋىن جەبەۋى كەرەك. جۇڭگو جاق چيلي جاقتىڭ بيىلعى بىرلەسكەن مەملەكەتتەر ۇيىمىنىڭ كليمات وزگەرىسى جينالىسى جانە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي كەڭەسىن ۇيىمداستىرۋىن قولدايدى، ازيا - تىنىق مۇحيت ەركىن ساۋدا رايونى قۇرىلىسىن بىرگە ىلگەرىلەتەدى، كوپ جاقتىلىق پەن كوپ جاقتى ساۋدا ءتۇزىلىسىن قورعايدى.
شي جينپيڭ مىنانى باسا دارىپتەدى: جۇڭگونىڭ لاتىن امەريكاسى جانە كارايب ەلدەرىمەن سەلبەستىگىنىڭ ءمانى تۇستىك ەلدەر سەلبەستىگى، ەكى جاق ۇزدىكسىز ءوزارا كومەكتەسىپ، ءبىر - ءبىرىن قولداپ، باسىمدىقتارى ارقىلى ءبىر - ءبىرىن تولىقتاپ، ءوزارا تيىمدىلىك جەتكىزىپ، تەڭ يگىلىكتەنىپ، دامۋدى، گۇلدەنۋدى بىرگە جۇزەگە اسىرىپ، جۇڭگو - لاتىن امەريكاسى تاعدىرلاس ورتاق تۇلعاسىن قۇرۋدى بىرگە ىلگەرىلەتۋى كەرەك.
پينەرا بىلاي دەدى: چيلي مەن جۇڭگو ديپلوماتيالىق قارىم - قاتىناس ورناتقان 50 جىلدان بەرى، ەكى ەلدىڭ قارىم - قاتىناسى قارىشتاي دامىدى. چيلي ۇلى جۇڭگونىڭ ۇزاق تا شۇعىلالى تاريحي وركەنيەتىنە سۇيىنەدى، جۇڭحۋا حالىق رەسپۋبليكاسى قۇرىلعان 70 جىلدان بەرى قول جەتكىزگەن كەسەك تابىستارى مەن ادامزاتقا قوسقان كەلەلى ۇلەسىن ايرىقشا جوعارى باعالايدى. ءتوراعا شي جينپيڭ العا قويعان ”ءبىر بەلدەۋ، ءبىر جول“ باستاماسى بايىرعى جىبەك جولىنىڭ شۇعىلالى تاريحىن قايتا ەلەستەتتى، جاڭا داۋىردە دۇنيە ءجۇزى وركەنيەتىنىڭ اۋىس - ءتۇيىسىن جەبەدى. چيلي ”ءبىر بەلدەۋ، ءبىر جول“دى بىرگە قۇرۋدى قولدايدى، وڭىرلەردىڭ ۇلاسۋىن، تۇتاسۋىن جەبەيدى. چيلي جاق جۇڭگونىڭ جاڭالىق اشا دامۋداعى، جاسىل دامۋداعى ءساتتى تاجىريبەلەرىنەن ساباق الىپ، قاتىستى سەلبەستىكتەردى تەرەڭدەتۋدى جانە كەڭەيتۋدى ءۇمىت ەتەدى. چيلي كوپ جاقتىلىق پەن كوپ جاقتى ساۋدا جۇيەسىن قورعاۋعا كۇش سالادى، جۇڭگو جاقپەن وڭىرلىك جانە كوپ جاقتى ىستەردەگى سايكەستىكتى، سەلبەستىكتى نىعايتىپ، لاتىن امەريكاسى - جۇڭگو قارىم - قاتىناسىندا ونەگەلىك رولىن ساۋلەلەندىرە بەرۋدى قالايدى، چيلي جاق ەكى ەل قارىم - قاتىناسىنىڭ بولاشاعىنا زور سەنىم جانە ءۇمىت ارتادى.
كەڭەستەن كەيىن، ەكى ەلدىڭ مەملەكەت باسشىلارى ەكى جاقتى سەلبەستىككە قاتىستى حۇجاتتارعا قول قويۋعا بىرگە كۋا بولدى.
كەڭەستەن ىلگەرى، شي جينپيڭ حالىق سارايىنىڭ سولتۇستىك زالىندا پينەرانى قارسى الۋ سالتىن وتكىزدى. پىڭ لييۋان، ديڭ شۋەشياڭ، ياڭ جيەچى، بايماچىلين، ۋاڭ ي، ليۋ چيباۋ، حى ليفىڭ قاتارلىلار قاتىناستى.
