جەرگىلىكتى ۋاقىت 8 - ايدىڭ 24 - كۇنى كەشتە مەملەكەت ءتوراعاسى شي جينپيڭ مەن وڭتۇستىك افريكا زۇڭتۇڭى رامافوسا يوحاننەسبۋرگتە جۇڭگو − افريكا باسشىلارى كەڭەسىن بىرگە باسقاردى.
شي جينپيڭ «وسىزاماندانۋ ىستەرىن قول ۇستاسا ىلگەرىلەتىپ، جۇڭگو مەن افريكانىڭ جارقىن بولاشاعىن بىرگە جاراتايىق» تاقىرىبىندا ارقاۋ ءسوز سويلەدى.
سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
جەرگىلىكتى ۋاقىت 8 - ايدىڭ 24 - كۇنى كەشتە مەملەكەت ءتوراعاسى شي جينپيڭ مەن وڭتۇستىك افريكا زۇڭتۇڭى رامافوسا يوحاننەسبۋرگتە جۇڭگو − افريكا باسشىلارى كەڭەسىن بىرگە باسقاردى.
افريكا وداعىنىڭ كەزەكتى ءتوراعاسى، كومورو زۇڭتۇڭى ازالي، جۇڭگو − افريكا سەلبەستىك تالقى مىنبەرىنە افريكا جاقتان ورتاق ءتوراعا ەل، سەنەگال زۇڭتۇڭى سالل، افريكاداعى قوسالقى وڭىرلىك ۇيىمداردىڭ ۋاكىلى، زامبيا زۇڭتۇڭى حيچيلەما، بۋرۋندي زۇڭتۇڭى ىندايشىمييە، جيبۋتي زۇڭتۇڭى گەللە، كونگو (براززاۆيل) زۇڭتۇڭى ساسوۋ، ناميبيا زۇڭتۇڭى كەينگوب، چاد زۇڭليى كەبزابو، ليۆيا زۇڭتۇڭ كوميتەتىنىڭ ورىنباسار ءتوراعاسى كونەي، نيگەريانىڭ ورىنباسار زۇڭتۇڭى شەتتيما، سونداي - اق افريكا وداعى كوميتەتىنىڭ ۋاكىلى مۇچاڭگا قاتارلىلار قاتىناستى. سۋرەتتە: ءماجىلىس الدىندا توپتىق سۋرەتكە تۇسۋدە.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
شينحۋا اگەنتتىگىنىڭ 8 - ايدىڭ 24 - كۇنى يوحاننەسبۋرگتەن بەرگەن حابارى (تىلشىلەر حان مو، جين جىڭ). جەرگىلىكتى ۋاقىت 8 - ايدىڭ 24 - كۇنى كەشتە مەملەكەت ءتوراعاسى شي جينپيڭ مەن وڭتۇستىك افريكا زۇڭتۇڭى رامافوسا يوحاننەسبۋرگتە جۇڭگو − افريكا باسشىلارى كەڭەسىن بىرگە باسقاردى.
افريكا وداعىنىڭ كەزەكتى ءتوراعاسى، كومورو زۇڭتۇڭى ازالي، جۇڭگو − افريكا سەلبەستىك تالقى مىنبەرىنە افريكا جاقتان ورتاق ءتوراعا ەل، سەنەگال زۇڭتۇڭى سالل، افريكاداعى قوسالقى وڭىرلىك ۇيىمداردىڭ ۋاكىلى، زامبيا زۇڭتۇڭى حيچيلەما، بۋرۋندي زۇڭتۇڭى ىندايشىمييە، جيبۋتي زۇڭتۇڭى گەللە، كونگو (براززاۆيل) زۇڭتۇڭى ساسوۋ، ناميبيا زۇڭتۇڭى كەينگوب، چاد زۇڭليى كەبزابو، ليۆيا زۇڭتۇڭ كوميتەتىنىڭ ورىنباسار ءتوراعاسى كونەي، نيگەريانىڭ ورىنباسار زۇڭتۇڭى شەتتيما، سونداي - اق افريكا وداعى كوميتەتىنىڭ ۋاكىلى مۇچاڭگا قاتارلىلار قاتىناستى.
شي جينپيڭ «وسىزاماندانۋ ىستەرىن قول ۇستاسا ىلگەرىلەتىپ، جۇڭگو مەن افريكانىڭ جارقىن بولاشاعىن بىرگە جاراتايىق» تاقىرىبىندا ارقاۋ ءسوز سويلەدى.
شي جينپيڭ بىلاي دەپ اتاپ كورسەتتى: بۇل مەنىڭ افريكا قۇرلىعىنا 10 - رەت قادام قويۋىم. 2013 - جىلى مەن جۇڭگونىڭ مەملەكەت ءتوراعاسى بولعاننان كەيىن، تۇڭعىش ساپارىمدا افريكاعا كەلىپ، شىنايى، بۇكپەسىز، باۋىرمال، ادال بولۋ سىندى افريكاعا باعىتتالعان ساياسات ۇستانىمىن العا قويدىم. 10 جىلدان بەرى ءبىز وسى ۇستانىمنان جازباي، افريكاداعى دوستارمەن بىرگە جۇڭگو − افريكا دوستىق سەلبەستىك رۋحىنان كۇش - قۋات قابىلداپ، ىنتىماقتاسا سەلبەسۋ جولىندا باتىلدىقپەن العا ىلگەرىلەپ، حالىقارالىق اۋمالى - توكپەلى جاعداي وزگەرىسى بارىسىندا ادامگەرشىلىكتى بەرىك ساقتاپ، جاڭا تيپتى ايدارشا ۆيرۋس ىندەتىنىڭ سوققىسىندا ءوزارا قارايلاسىپ، جۇڭگو − افريكا قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، جوعارى دەڭگەيدەگى جۇڭگو − افريكا تاعدىرلاس ورتاق تۇلعاسىن بىرگە ورناتۋدىڭ جاڭا كەزەڭىنە قادام تاستادىق.
شي جينپيڭ بىلاي دەپ اتاپ كورسەتتى: جۇڭگو جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدە، افريكا بەيبىت، ىنتىماقتى، گۇلدەنگەن، ءوزىن الۋەتتەندىرەتىن جاڭا افريكانى كۇش سالا قۇرۋدا. جۇڭگو − افريكا ەكى جاق تىزە قوسا كۇش سالىپ، وزدەرىنىڭ دامۋ جوباسىن جۇزەگە اسىرۋعا تاماشا ورتا جاراتۋ كەرەك. ءادىل، ۇيلەسىمدى حالىقارالىق ءتارتىپ ورناتۋدى بىرگە ىلگەرىلەتىپ، وتارشىلدىق زاردابى مەن ءتۇرلى وكتەمدىك ارەكەتتەرىنە تۋى ايقىن تۇردە قارسى تۇرىپ، ءبىر - ءبىرىنىڭ وزەكتى مۇددەسىن قورعاۋىن باتىل قولداپ، وركەندەپ كەلە جاتقان ەلدەردىڭ ادىلەتتى دارىپتەمەسىنە تايسالماستان تاباندى بولۋ كەرەك. بەيبىت، حاۋىپسىز الەمدىك ورتانى بىرگە قورعاپ، ورتاق، جان - جاقتى، سەلبەسەتىن، باياندى جاڭا حاۋىپسىزدىك كوزقاراسىن امالياتتا ايگىلەپ، تىلدەسۋ ارقىلى الاۋىزدىقتى جاراستىرۋدى، سەلبەسۋ ارقىلى تالاس - تارتىستى شەشۋدى دارىپتەپ، حالىقارالىق جانە وڭىرلىك قولامتالى ماسەلەلەردى ساياسي جولمەن شەشۋدى ىلگەرىلەتىپ، دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋ، الەمدىك ەكولوگيالىق ورتا حاۋىپسىزدىگىن قورعاۋ كەرەك. اشىق تا سيىسىمدى دۇنيە ءجۇزى ەكونوميكاسىن بىرگە قۇرىپ، اشىق دۇنيە ءجۇزى ەكونوميكاسىن قۇرۋدى ىلگەرىلەتىپ، وركەندەپ كەلە جاتقان ەلدەردىڭ حالىقارالىق جۇمىس بولىسىنە اناعۇرلىم ويداعىداي توعىسۋىنا، ەكونوميكانىڭ جاھاندانۋ جەتىستىگىنەن بىرگە يگىلىكتەنۋىنە مۇمكىندىك جاساۋ كەرەك. وركەنيەت اۋىس - كۇيىسى ارقىلى وركەنيەت كىربەڭدىگىنەن اتتاپ ءوتىپ، وركەنيەتتەردىڭ سيىسىمدىلىعىن، ءوزارا ۇلگى الۋىن جەبەۋ كەرەك.
شي جينپيڭ بىلاي دەپ باسا دارىپتەدى: وسىزاماندانۋعا قادام تاستاۋ جولى ءار الۋان. افريكاعا قانداي دامۋ جولى ەڭ ۇيلەسەتىندىگى جونىندە افريكا حالقىنىڭ ەڭ سويلەۋ ۇقىعى بار. ءبىر تۇلعالاندىرۋدى ىلگەرىلەتۋ − افريكا ەلدەرى مەن حالقى دەربەس تاڭداعان وسىزاماندانۋ جولى، جۇڭگو باستان - اياق باتىل قولدايدى ءارى افريكانىڭ وسىزاماندانۋ جولىنداعى ساپارلاسى بولۋدى قالايدى. بولاشاقتى بەتكە العاندا، جۇڭگو جاق افريكامەن دامۋ ستراتەگياسىن ءتۇيىلىستىرۋدى كۇشەيتىپ، افريكانىڭ حالىقارالىق ىستەردە ءبىز اۋىزدى ءۇن قاتىپ، حالىقارالىق ورنىن ۇزبەي جوعارىلاتۋىن ۇزدىكسىز قولدايدى. جۇڭگو جاق افريكا وداعىنىڭ 20 ەل توبىنىڭ رەسمي مۇشەسى بولۋىن بەلسەنە ىلگەرىلەتەدى، بىرلەسكەن مەملەكەتتەر ۇيىمى حاۋىپسىزدىك القالار كەڭەسى رەفورماسى ماسەلەسىندە افريكانىڭ تىلەك - تالاپتارىن الدىمەن شەشۋ جونىندە ەرەكشە ورنالاستىرۋ جاساۋىن قولدايدى، كوپ جاقتى فينانس قۇرىلىمدارىن افريكا ەلدەرىنىڭ ءسوز سويلەۋ ۇقىعىن جوعارىلاتۋعا ۇندەيدى.
شي جينپيڭ كەلەسى كەزەڭدە جۇڭگو − افريكانىڭ ناقتى ىستەر سەلبەستىگىن كۇشەيتۋ، افريكانىڭ ءبىر تۇلعالانۋ جانە وسىزاماندانۋ ىستەرىنە كۇش ۇستەۋ جونىندە 3 شارانى العا قويدى:
ءبىرىنشى، جۇڭگو جاق ”افريكانىڭ ونەركاسىپتەنۋىن قولداۋ باستاماسىن“ ۇسىنۋدى قالايدى. جۇڭگو جاق جۇڭگونىڭ افريكامەن سەلبەسۋ بايلىقتارى مەن كاسىپورىندارىنىڭ بەلسەندىلىگىن جۇمىلدىرىپ، افريكانىڭ جاساۋ كاسىبىن دامىتىپ، ونەركاسىپتەنۋ مەن ەكونوميكانىڭ كوپ نەگىزدەنۋىن جۇزەگە اسىرۋىن قولدايدى. جۇڭگو − افريكا سەلبەستىك تالقى مىنبەرىندەگى ”9 ءتۇرلى ينجەنەريانى“ تياناقتاندىرۋمەن ۇشتاستىرىپ، كومەك كورسەتۋ، قارجى قوسۋ، قارجى قۇراۋ سياقتى بايلىقتاردىڭ ونەركاسىپتەنۋ نىساندارىنا قاراي بەيىمدەلۋىن ىلگەرىلەتەدى.
ەكىنشى، جۇڭگو جاق ”جۇڭگونىڭ افريكا اۋىل شارۋاشىلىعىنىڭ وسىزاماندانۋىنا كۇش ۇستەۋ جوسپارىن“ اتقارۋدى قالايدى. جۇڭگو جاق افريكانىڭ استىق داقىلدارى ەگىمشىلىگىن كەڭەيتۋىنە كومەكتەسەدى، جۇڭگو كاسىپورىندارىن افريكانىڭ اۋىل شارۋاشىلىعىنا قارجى قوسۋدى ارتتىرۋعا، تۇقىم شارۋاشىلىعى سياقتى اۋىل شارۋاشىلىق عىلىم - تەحنيكا سەلبەستىگىن كۇشەيتۋگە ىنتالاندىرىپ، افريكانىڭ اۋىل شارۋاشىلىعىنىڭ تيبىن وزگەرتىپ، دارەجەسىن جوعارىلاتۋىنا كۇش ۇستەيدى. بيىل 11 - ايدا جۇڭگو جاق حايناندا 2 - كەزەكتى جۇڭگو − افريكا اۋىل شارۋاشىلىق سەلبەستىگى تالقى مىنبەرىن وتكىزەدى ءارى سۇرانىسى بار ءبىر ءبولىم افريكا ەلدەرىنە جاڭا ءبىر توپتاعى شۇعىل استىق جاردەمىن تاعى دا بەرەدى.
ءۇشىنشى، جۇڭگو جاق ”جۇڭگو − افريكا دارىندىلار باۋلۋ سەلبەستىگى جوسپارىن“ اتقارۋدى قالايدى. جۇڭگو جاق ءار جىلى افريكاعا 500 كاسىپتىك مەكتەپ باستىعىن جانە تىرەكتى وقىتۋشى باۋلۋدى، 10 مىڭ ”جۇڭگو ءتىلى + كاسىپتىك شەبەرلىك“ امبەباپ دارىندىلارىن باۋلۋدى، افريكا ەلدەرى ۇكىمەت ءمانساپتىلارى مەن تەحنيكا دارىندىلارىنان 20 مىڭ ادامدى ءبىلىم اسىرۋ، زەرتتەۋ - تالقى قيمىلىنا قاتىناسۋعا ۇسىنىس ەتۋدى جوسپارلاپ وتىر. افريكانىڭ عىلىم - تەحنيكادا، وقۋ - اعارتۋدا جاڭالىق اشۋ قابىلەتىن جوعارىلاتۋىن قولداۋ ءۇشىن جۇڭگو جاق تاعى ”جۇڭگو − افريكا جوعارى مەكتەپتەرىنىڭ 100 مەكتەپ سەلبەستىگى جوسپارىن“ اتقارادى، 10 جۇڭگو − افريكا سەرىكتەستىك زەرتتەۋ ورنى سىناق ءتۇيىنى نىسانىن باستايدى.
شي جينپيڭ بىلاي دەپ اتاپ كورسەتتى: بۇگىنگى دۇنيە جۇزىندە وزگەرىس پەن بىلىقپالىق قاباتتاسىپ، 100 جىلدىق وزگەرىس جەدەل قۇبىلۋدا. دامۋ قىزىل سيفرىن قالاي شەشۋ، حاۋىپسىزدىك قيىن جاعدايىنان قالاي ارىلۋ، وركەنيەتتەردىڭ ءبىر - بىرىنەن ۇلگى الۋىن قالاي كۇشەيتۋ − ءبىز ورتاق ءدوپ كەلىپ وتىرعان داۋىرلىك تاقىرىپ. جۇڭگو مەن افريكا وسىزاماندانۋدىڭ جاندى امالياتىنا بىرگە ىزدەنىس جاساۋ ارقىلى تاريح سۇراۋىنا جاۋاپ بەرىپ، سەلبەسىپ تەڭ يگىلىككە كەنەلۋ، جاراسىمدى بىرگە ءومىر ءسۇرۋ، وركەنيەتتەردى بىرگە گۇلدەندىرۋ سىندى تاريحي ۇلى ءىستى قول ۇستاسا ىلگەرىلەتۋدە.
شي جينپيڭ بىلاي دەپ باسا دارىپتەدى: كەلەر جىلى ءبىز جۇڭگودا كەلەسى كەزەكتى جۇڭگو − افريكا سەلبەستىك تالقى مىنبەرى ءماجىلىسىن وتكىزىپ، بولاشاق دامۋ ۇلى جوسپارىن تاعى ءبىر رەت بىرگە اقىلداسامىز. مەن جۇڭگو − افريكا ەكى جاقتىڭ ءداستۇرلى دوستىقتى اناعۇرلىم اسقاقتاتىپ، ىنتىماقتى، ىستەستىكتى تەرەڭدەتىپ، ءار سالاداعى سەلبەستىكتىڭ قارىشتاپ دامۋىن جەبەيتىندىگىنە سەنەمىن. جۇڭگو − افريكا وسىزاماندانۋ ىستەرىن قول ۇستاسا ىلگەرىلەتسە، ءسوزسىز، ەكى جاق حالقى ءۇشىن اناعۇرلىم جارقىن بولاشاق اشىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە تيپتىك ۇلگى ورناتاتىن بولادى!
افريكا جاقتىڭ باسشىلارى جۇڭگو − وڭتۇستىك افريكا ەكى ەلدىڭ وسى رەتكى جۇڭگو − افريكا باسشىلارى كەڭەسىن بىرگە وتكىزگەندىگىن جوعارى باعالادى، جۇڭگو جاقتىڭ افريكانىڭ ءبىر تۇلعالانۋ قۇرىلىسىن قولداعاندىعىنا ءارى افريكا ەلدەرى قيىنشىلىققا ۇشىراعاندا شۇعىل كومەك كورسەتكەندىگىنە العىس ايتتى. افريكا - جۇڭگو قارىم - قاتىناسى ىنتىماق، دوستىق جانە ءوزارا قۇرمەت ەتۋ نەگىزىندە ورناعان. جۇڭگونىڭ افريكا ەلدەرىنە قارجى قوسۋى مەن سەلبەستىگى افريكانىڭ دامۋىنا كومەكتەسۋدە ماڭىزدى رول اتقاردى، جۇڭگو − افريكانىڭ وسىزاماندانۋدى جۇزەگە اسىرۋىندا كەم بولسا بولمايتىن ماڭىزدى سەلبەستىك سەرىكتەسى. افريكا جاق ءتوراعا شي جينپيڭ العا قويعان افريكانىڭ ونەركاسىپتەنۋىن قولداۋ باستاماسىن، اۋىل شارۋاشىلىعىن وسىزامانداندىرۋ جوسپارىن جانە دارىندىلاردى باۋلۋ سەلبەستىگى جوسپارىن ايرىقشا القايدى ءارى قارسى الادى. وسى 3 ءتۇرلى شارا جۇڭگونىڭ افريكانىڭ اسىققانىنا اسىعاتىن ناعىز دوسى جانە سەرىكتەسى ەكەندىگىن تاعى ءبىر رەت اڭعارتتى. افريكا جاق ءتوراعا شي جينپيڭ ورتاعا قويعان ”ءبىر بەلدەۋ، ءبىر جولدى“ بىرگە قۇرۋدى، الەمدىك دامۋ باستاماسىن، الەمدىك حاۋىپسىزدىك باستاماسىن جانە الەمدىك وركەنيەت باستاماسىن بارىنشا القايدى، بار كۇشپەن قولدايدى، افريكا وداعىنىڭ «2063 - جىلعا دەيىنگى كەڭەستىك ءتارتىبىن»، افريكاداعى ەلدەردىڭ دامۋ ستراتەگياسىن ”ءبىر بەلدەۋ، ءبىر جول“ باستاماسىمەن تىعىز ءتۇيىلىستىرۋدى قالايدى. جۇڭگو − افريكا سەلبەستىك تالقى مىنبەرى − تۇستىك ەلدەر سەلبەستىگىنىڭ جوعارى ءونىمدى تۇعىرى، افريكا جاق جۇڭگو جاقپەن تالقى مىنبەرى مەحانيزمى قۇرىلىسىن ۇزدىكسىز ىلگەرىلەتۋدى قالايدى. افريكا جاق ءبىر جۇڭگو ساياساتىن باتىل اتقارادى، جۇڭگو جاقپەن ءبىر - ءبىرىنىڭ مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قولداپ، حالىقارالىق كوپ جاقتى ىستەستىكتى كۇشەيتىپ، وركەندەپ كەلە جاتقان ەلدەردىڭ ۋاكىلدىك سيپاتى مەن ءسوز سويلەۋ ۇقىعىن كەڭەيتىپ، وركەندەپ كەلە جاتقان ەلدەردىڭ ورتاق ۇقىق - مۇددەسىن قورعاۋدى قالايدى.
ءماجىلىس «جۇڭگو - افريكا باسشىلارى كەڭەسىنىڭ بىرلەسكەن مالىمدەمەسىن» ماقۇلدادى ءارى جاريالادى. جۇڭگو جاق تاعى «افريكا ونەركاسىپتەنۋىن قولداۋ باستاماسىن»، «جۇڭگونىڭ افريكا اۋىل شارۋاشىلىعىنىڭ وسىزاماندانۋىنا كۇش ۇستەۋ جوسپارىن»، «جۇڭگو - افريكا دارىندىلار باۋلۋ سەلبەستىگى جوسپارىن» جاريالادى.
ساي چي، ۋاڭ ي قاتارلىلار كەڭەسكە قاتىناستى.
