شي جينپيڭ شىعىس بولىك سوعىس رايونى ورگانىن كوزدەن كەشىرگەندە بىلاي دەپ باسا دارىپتەدى
ارميا قۇرىلعاندىعىنىڭ 100 جىلدىعى كۇرەس نىساناسىن كوزدەپ، سوعىس رايونى قۇرىلىسىنىڭ جانە سوعىسقا دايىندالۋ، سوعىس جۇرگىزۋ قىزمەتىنىڭ جاڭا جاعدايىن قۇلشىنا اشۋ كەرەك
7 - ايدىڭ 6 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شىعىس بولىك سوعىس رايونى ورگانىن كوزدەن كەشىرىپ، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان شىعىس بولىك سوعىس رايونىنداعى بارلىق وفيتسەر - اسكەرلەردەن شىنايى حال سۇرادى. سۋرەتتە: شي جينپيڭ ماڭىزدى ءسوز سويلەۋدە.
سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 7 - ايدىڭ 6 - كۇنى نانجيڭنەن بەرگەن حابارى (ءتىلشى مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 7 - ايدىڭ 6 - كۇنى شىعىس بولىك سوعىس رايونى ورگانىن كوزدەن كەشىرىپ، پارتيا ورتالىق كوميتەتى جانە ورتالىق اسكەري ىستەر كوميتەتى اتىنان شىعىس بولىك سوعىس رايونىنداعى بارلىق وفيتسەر - اسكەرلەردەن شىنايى حال سۇرادى. ول بىلاي دەپ باسا دارىپتەدى: پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگياسى باعىتىن دايەكتىلەندىرىپ، ارميا قۇرىلعاندىعىنىڭ 100 جىلدىعى كۇرەس نىساناسىن كوزدەپ، سوعىس رايونى قۇرىلىسىنىڭ جانە سوعىسقا دايىندالۋ، سوعىس جۇرگىزۋ قىزمەتىنىڭ جاڭا جاعدايىن قۇلشىنا اشۋ كەرەك.
تۇستەن كەيىن ساعات 3تەن 15 مينۋت شاماسىندا شي جينپيڭ شىعىس بولىك سوعىس رايونى ورگانىنا بارىپ، شاتىرلاعان شاپالاق ءۇنى ىشىندە شىعىس بولىك سوعىس رايونىنداعى وفيتسەر - اسكەرلەردىڭ ۋاكىلدەرىن ىقىلاسپەن قابىلداپ، كوپشىلىكپەن توپتىق ەستەلىك سۋرەتكە ءتۇستى.
شي جينپيڭ شىعىس بولىك سوعىس رايونىنىڭ قۇرىلعاننان بەرى مەملەكەتتىڭ تەرريتورياسىن، يەلىك ۇقىعىن جانە تەڭىز - مۇحيت ۇقىق - مۇددەسىن قورعاۋ، وتاننىڭ تۇتاستىعىن قورعاۋ ءۇشىن قوسقان ماڭىزدى ۇلەسىن تولىق تۇراقتاندىردى.
شي جينپيڭ بىلاي دەپ باسا دارىپتەدى: كەزەكتە دۇنيە ءجۇزى جاڭا اۋمالى - توكپەلى وزگەرىس مەزگىلىنە ءوتتى، ەلىمىزدىڭ حاۋىپسىزدىك جاعدايىندا ورنىقسىزدىق، ايقىنسىزدىق ارتتى. بورىشتى، مىندەتتى قاي - قاشان دا ەستە بەرىك ساقتاپ، ماسەلەنى باعدار ەتۋگە تاباندى بولىپ، تاۋقىمەت تانىمىن كۇشەيتىپ، سوعىس رايونىنىڭ نەگىزگى سوعىستىق فۋنكتسياسىن بار كۇشپەن ويداعىداي اتقارۋ كەرەك. سوعىس جانە سوعىس جۇرگىزۋ جوباسىن تەرەڭدەتىپ، سوعىس رايوندارىنىڭ بىرلەسىپ سوعىس جۇرگىزۋ قولباسشىلىق جۇيەسىن كۇشەيتىپ قۇرىپ، ناقتى سوعىستىق اسكەري ىستەر جاتتىعۋىن بارىنشا يگەرىپ، جەڭىسكە جەتۋ قابىلەتىن جەدەل جوعارىلاتۋ كەرەك. اسكەري ىستەر ماسەلەسىن ساياسي دەڭگەيدەن ويلاۋعا جانە ءبىر جاقتى ەتۋگە تاباندى بولىپ، كۇرەسۋگە باتىل بولىپ، كۇرەسۋگە شەبەر بولىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاۋ كەرەك. پارتيا قۇرىلىسىن جاپپاي كۇشەيتىپ، جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن جانە ”ارميانى قۇدىرەتتەندىرۋ يدەياسىن ۇيرەنۋ، ارميانى قۇدىرەتتەندىرۋ ىستەرىنە ۇلەس قوسۋ“ تاربيەسى امالياتتىق قيمىلىن ويداعىداي يگەرىپ، ستيلدى دۇرىستاۋدى، ءتارتىپتى قاتايتۋدى، شىرىكتەسۋگە قارسى تۇرۋدى تاباندىلىقپەن جالعاستىرىپ، نەگىزگى ساتىنى يگەرۋ، نەگىز قالاۋ قىزمەتىن تىڭعىلىقتى ويداعىداي ىستەپ، سوعىس رايونى پارتكومى باسشىلارىنىڭ سوعىسقا دايىندالۋ، سوعىس جۇرگىزۋ قابىلەتىن جوعارىلاتىپ، پارتيا مەن حالىق جۇكتەگەن ءتۇرلى مىندەتتەردى ويداعىداي ورىنداۋ كەرەك.
جاڭ يوۋشيا قاتارلىلار قيمىلعا قاتىناستى.
