جۇڭگو ۇلگىسىندەگى وسىزامانداندىرۋدى ىلگەرىلەتۋدە الدا ءجۇرىپ، ۇلگى كورسەتىپ، ”ەكونوميكاسى قۋاتتى، حالقى باي، ورتاسى كورىكتى، قوعامدىق وركەنيەت دەڭگەيى جوعارى“ جاڭا جياڭسۋدىڭ وسىزامانداندىرۋ قۇرىلىسىنىڭ جاڭا تاراۋىن جازۋ كەرەك

شي جينپيڭ جياڭسۋدا قىزمەت تەكسەرگەندە بىلاي دەپ باسا دارىپتەدى

جۇڭگو ۇلگىسىندەگى وسىزامانداندىرۋدى ىلگەرىلەتۋدە الدا ءجۇرىپ، ۇلگى كورسەتىپ، ”ەكونوميكاسى قۋاتتى، حالقى باي، ورتاسى كورىكتى، قوعامدىق وركەنيەت دەڭگەيى جوعارى“ جاڭا جياڭسۋدىڭ وسىزامانداندىرۋ قۇرىلىسىنىڭ جاڭا تاراۋىن جازۋ كەرەك

ساي چي قىزمەت تەكسەرۋدە بىرگە بولدى

　　7 - ايدىڭ 5 - كۇنىنەن 7 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جياڭسۋدا قىزمەت تەكسەردى. سۋرەتتە: 7 - ايدىڭ 6 - كۇنى تۇستەن بۇرىن شي جينپيڭ سۋجوۋداعى پيڭجياڭ تاريحي مادەنيەت كوشە اۋماعىندا جەرگىلىكتى تۇرعىندارمەن جانە ساياحاتشىلارمەن ىقىلاستى اڭگىمەلەسۋدە.

 سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

　　7 - ايدىڭ 5 - كۇنىنەن 7 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جياڭسۋدا قىزمەت تەكسەردى. سۋرەتتە: 7 - ايدىڭ 6 - كۇنى تۇستەن كەيىن شي جينپيڭ نانجيڭ قالاسىنداعى زىجينشان تاجىريبەحاناسىندا قىزمەت تەكسەرۋدە.

 سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

　　شينحۋا اگەنتتىگىنىڭ 7 - ايدىڭ 7 - كۇنى نانجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا جياڭسۋدا قىزمەت تەكسەرگەندە بىلاي دەپ باسا دارىپتەدى: جياڭسۋ − كاسىپ سالاسى نەگىزى مىعىم، عىلىم - تەحنيكا، وقۋ - اعارتۋ بايلىعى مول، شارۋاشىلىق - ساۋدا ورتاسى ساپالى، بازار كولەمى وراسان زور بولۋ سياقتى باسىمدىقتارعا يە، جۇڭگو ۇلگىسىندەگى وسىزامانداندىرۋدى ىلگەرىلەتۋدە الدا جۇرەتىن، ۇلگى كورسەتەتىن قابىلەتى دە، جاۋاپكەرشىلىگى دە بار. جاڭا دامۋ ۇستانىمىن تولىق، دالمە - ءدال، جاپپاي دايەكتىلەندىرىپ، رەفورما جاساپ جاڭالىق اشۋدا، جوعارى ساپالى دامۋدى ىلگەرىلەتۋدە ونەگە كورسەتۋگە ۇزدىكسىز قۇلشىنىپ، بۇكىل ەلدىڭ جاڭا دامۋ ارناسىن قالىپتاستىرۋىنا قىزمەت وتەۋدە ۇلگى بولۋعا تالپىنىپ، سوتسياليستىك وسىزامانداندىرۋدى الدىمەن جۇزەگە اسىرۋدا الدىڭعى لەكتە ءجۇرىپ، جۇڭگو ۇلگىسىندەگى وسىزامانداندىرۋدىڭ جياڭسۋ جاڭا امالياتىن قۇلشىنا ىلگەرىلەتىپ، ”ەكونوميكاسى قۋاتتى، حالقى باي، ورتاسى كورىكتى، قوعامدىق وركەنيەت دەڭگەيى جوعارى“ جاڭا جياڭسۋدىڭ وسىزامانداندىرۋ قۇرىلىسىنىڭ جاڭا تاراۋىن جازۋ كەرەك.

　　7 - ايدىڭ 5 - كۇنىنەن 7 - كۇنىنە دەيىن شي جينپيڭ جياڭسۋ ولكەلىك پارتكومنىڭ شۋجيى شين چاڭشيڭنىڭ جانە ولكە باستىعى شۇي كۇنليننىڭ سەرىك بولۋىندا ىلگەرىندى - كەيىندى سۋجوۋ، نانجيڭ سياقتى جەرلەرگە كەلىپ، ونەركاسىپ باقشا رايونى، كاسىپورىن، تاريحي مادەنيەت كوشە اۋماعى، عىلمي تاجىريبەحانا سياقتىلارعا ىشكەرىلەي بارىپ تەكسەرۋ - زەرتتەۋ جۇرگىزدى.

　　7 - ايدىڭ 5 - كۇنى تۇستەن كەيىن شي جينپيڭ سۋجوۋعا جەتكەن سوڭ، اۆتوكولىكپەن الدىمەن سۋجوۋ ونەركاسىپ باقشا رايونىنا بارىپ قىزمەت تەكسەردى. باقشا رايونىنىڭ كورمە ورتالىعىندا شي جينپيڭ سۋجوۋ قالاسىنىڭ كاسىپ سالاسىنىڭ دامۋى جانە باقشا رايونىنىڭ جالپىلىق جاعدايى جونىندەگى تانىستىرۋدى تىڭدادى، جاڭالىق اشا دامۋ جەتىستىكتەرى كورمەسىن تەكسەرىپ كوردى. شي جينپيڭ بىلاي دەپ باسا دارىپتەدى: جوعارى عىلىم - تەحنيكا باقشا رايونى عىلىم - تەحنيكادا ءوز كۇشىنە سۇيەنىپ، ءوزىن الۋەتتەندىرۋدە ماڭىزدى ءارى داڭقتى تاريحي بورىش ارقالاپ وتىر، عىلىم - تەحنيكادا جاڭالىق اشۋ مەن كاسىپ سالاسىندا جاڭالىق اشۋدى ۇشتاستىرۋدى كۇشەيتىپ، كاسىپورىن جەتەكشى بولعان ءوندىرىس، وقىتۋ، زەرتتەۋدىڭ ىشكەرىلەي توعىسۋىن كۇشەيتىپ، عىلىم - تەحنيكا جەتىستىكتەرىن كادەگە جاراتۋ جانە كاسىپ سالالاندىرۋ دەڭگەيىن جوعارىلاتىپ، ۇزدىكسىز جاڭا تەحنيكا ارقىلى جاڭا كاسىپ سالاسىن جەتىلدىرىپ، كاسىپ سالاسىنىڭ دارەجەسىن جوعارىلاتۋعا باستاماشى بولۋى كەرەك. حالىقارالىق سەلبەستىكتى ۇزدىكسىز كەڭەيتىپ، دۇنيە جۇزىندەگى اشىق، جاسامپاز، بىرەگەي عىلىم - تەحنيكا باقشا رايونىن قۇلشىنا سومداۋ كەرەك.

　　وسىدان سوڭ شي جينپيڭ سۋجوۋ حۋاشيڭ يۋانچۋاڭ عىلىم - تەحنيكا جارنا شەكتى سەرىكتەستىگىنە كەلىپ قىزمەت تەكسەردى. شي جينپيڭ كورمە زالىنا، زەرتتەۋ - اشۋ سەحنا، جارىق ەلەكتر تاجىريبەحاناسىنا كەلىپ، ونىمدەردى زەرتتەۋ - اشۋ، ءوندىرۋ، سىناق بارىسىن تەكسەرىپ كورىپ، كاسىپورىننىڭ جابدىق ونىمدەرىنىڭ قاسيەتى، پايدالانىلاتىن ورنى، بازارى سياقتى جاعدايلاردى سۇرادى. كاسپورىننىڭ زەرتتەۋ - اشۋ قىزمەتكەرلەرىنىڭ بارلىعىنىڭ جاستار ەكەندىگىن كورگەندە، شي جينپيڭ ايرىقشا ءسۇيىندى. ول بىلاي دەدى: مەملەكەتتى وسىزامانداندىرۋ قۇرىلىسى جاستارعا كەڭ ساحنا ازىرلەدى، كوپشىلىك جونىنەن بۇل ءبىر تاماشا وراي، تاريحي ورايدى مىقتى ۇستاپ، بار ونەرلەرىڭىزدى ايگىلەپ، عىلىم - تەحنيكانىڭ بيىك شىڭىنا باتىلدىقپەن شىعۋلارىڭىز كەرەك، بولاشاقتا، ءسوز جوق، وزدەرىڭىزدىڭ ۇلتتىڭ گۇلدەنۋى ءۇشىن قوسقان ۇلەستەرىڭىزبەن ماقتاناتىن بولاسىزدار.

　　سۋجوۋ بايىرعى قالاسىنىڭ شىعىس سولتۇستىك جاعالاۋىنا ورنالاسقان پيڭجياڭ تاريحي مادەنيەت كوشە اۋماعىنىڭ قازىرگە دەيىن 2500 جىلدان استام تاريحى بار. 7 - ايدىڭ 6 - كۇنى تۇستەن بۇرىن شي جينپيڭ وسى اراعا كەلىپ قىزمەت تەكسەرىپ، سۋجوۋدىڭ بايىرعى قالانى قورعاۋ جانە پيڭجياڭ تاريحي مادەنيەت كوشە اۋماعىن قورعاۋ، جوندەۋ، پايدالانۋ احۋالى جونىندەگى مالىمەتتى مۇقيات تىڭدادى، بايىرعى كوشەنىڭ كورىنىسىن جاياۋ ءجۇرىپ تەكسەرىپ كورىپ، سۋجوۋ كەستەسىنىڭ تىگىلۋ بارىسىن كورىپ، جاڭا جىل مەرەكەسى سۋرەتىنىڭ باسىلۋىن سىناپ كوردى. ول بىلاي دەدى: جۇڭحۋانىڭ تاڭداۋلى ءداستۇرلى مادەنيەتىن ۇرپاقتان - ۇرپاققا جالعاستىرۋدا ايگىلەنگەن قاجىرلىلىق، توزىمدىلىك، تاباندىلىق جۇڭحۋا ۇلتى رۋحىنىڭ ءبىر بولىگى سانالادى.

　　كوشە بويىنداعى شاعىن الاڭدا مۋزيكا ءۇنى قالىقتاپ، جەرگىلكتى تۇرعىندار مەن ساياحاتشىلار سۋجوۋدىڭ پيڭتان ويىنىن تاماشالاۋدا. باس شۋجيدىڭ كەلگەنىن كورىپ، كوپشىلىك جاپا - تارماعاي باس شۋجيمەن سالەمدەستى. شي جينپيڭ بار ىقىلاسىمەن كوپشىلىكپەن بىرگە ويىندى تاماشالادى، ول كوپشىلىككە بىلاي دەدى: كەشە ونەركاسىپ باقشا رايونىن كوردىم، بۇگىن ءداستۇرلى مادەنيەت كوشە اۋماعىن ارالادىم، بارلىق جەردەن ەسكى جۇرتتاردى، ايگىلى مۇرالاردى، مادەنيەتتى كوردىم، بۇل جەردە تۇرمىس كەشىرگەندەردىڭ سالىمى بار ەكەن. سۋجوۋ ءداستۇر مەن وسى زاماندى ۇشتاستىرۋدى وتە جاقسى ىستەپتى، تاريحي مادەنيەتتى جالعاستىرىپ قانا قويماي، جوعارى عىلىم - تەحنيكادا جاڭالىق اشىپ جانە جوعارى ساپالى دامىپ، بولاشاقتاعى دامۋ بەتالىسىنا ۋاكىلدىك ەتىپتى. ول جەرگىلىكتى ورىنداعى جاۋاپتى جولداستارعا بىلاي دەدى: پيڭجياڭ تاريحي مادەنيەت كوشە اۋماعى جۇڭحۋانىڭ تاڭداۋلى ءداستۇرلى مادەنيەتىن جالعاستىرۋدىڭ، اسقاقتاتۋدىڭ، سوتسياليستىك رۋحاني وركەنيەت قۇرىلىسىن كۇشەيتۋدىڭ باعالى بايلىعى، ونى ويداعىداي قورعاۋ، ويداعىداي اشۋ، ودان ويداعىداي پايدالانۋ كەرەك، مۇندا ماتەريالدىق فورما جاعىنان ويداعىداي جالعاستىرىپ قانا قالماي، ونان دا ماڭىزدىسى، جۇرەك تۇكپىرىندە اناعۇرلىم ويداعىداي جالعاستىرۋ كەرەك.

　　سول كۇنى تۇستەن كەيىن شي جينپيڭ نانجيڭ قالاسىندا قىزمەت تەكسەردى، تەكسەرۋ - زەرتتەۋ جۇرگىزدى. ول زىجينشان تاجىريبەحاناسىنا كەلىپ، كورمە زالىنا، 6G كەشەندى تاجىريبەحاناسىنا كىرىپ، كەلەلى عىلىم - تەحنيكا مىندەتتەرىنەن قامال الۋدى ىلگەرىلەتۋ سياقتى جاعدايلاردى ەگجەي - تەگجەيلى ۇعىستى. شي جينپيڭ بىلاي دەپ باسا دارىپتەدى: قازىر ينفورماتسيا تەحنيكاسى ۇشقان قۇستاي دامۋدا، توڭكەرىستىك سيپاتقا يە تەحنيكالار كەز كەلگەن ۋاقىتتا جارىققا شىعۋى مۇمكىن، شىندىققا ۇمتىلۋ، تياناقتى جاڭالىق اشۋ جولىمەن ءجۇرىپ، جوعارى دەڭگەيلى عىلىم تەحنيكادا ءوز كۇشىنە سۇيەنۋدە، ءوزىن الۋەتتەندىرۋدە ەڭبەك كورسەتۋ كەرەك.

　　نانرۇي توبى شەكتى سەرىكتەستىگى − مەملەكەتتىك ەلەكتر تورى سەرىكتەستىگىنە قاراستى ەنەرگيا ينتەرنەت سالاسىنداعى جوعارى عىلىم - تەحنيكالىق كاسىپورىن. شي جينپيڭ توپقا كەلىپ قىزمەت تەكسەرىپ، تەكسەرۋ - زەرتتەۋ جۇرگىزىپ، نانجيڭ قالاسىنىڭ زەردەلى ەلەكتر تورى بويىنشا مەملەكەتتىك وزىق جاساۋ كاسىبى شوعىرىن قالىپتاستىرۋ جالپى جاعدايى جونىندەگى تانىستىرۋدى تىڭداپ، كاسىپورىننىڭ دەربەس مەڭگەرۋگە بولاتىن تەحنيكالىق ونىمدەر كورمەسىن تەكسەرىپ كوردى. كاسىپورىننىڭ زەردەلى جاساۋ - ءوندىرۋ اۋماعىندا شي جينپيڭ كاسىپورىننىڭ وزەكتى تەحنيكادان قامال الۋدى ورىستەتۋ، ەلەكتر تورىنىڭ حاۋىپسىزدىگىنە قىزمەت وتەۋ، ەلەكتر قۋاتىمەن قامداۋعا كەپىلدىك ەتۋ جانە ەنەرگيانىڭ تيبىن وزگەرتۋ سياقتى جاعدايلارىن تاپتەشتەي ۇعىستى. ول بىلاي دەپ اتاپ كورسەتتى: ەنەرگيامەن قامتاماسىز ەتۋ جانە ەنەرگيا حاۋىپسىزدىگى مەملەكەت جوسپارىنا، حالىق تۇرمىسىنا سايادى، ول ءبىر ءسات تە ەلەۋسىز قاراۋعا بولمايتىن ”مەملەكەتتىڭ ءىرى ءىسى“. شەشۋشى تەحنيكالاردىڭ، وزەكتى ونىمدەردىڭ جاڭالانىپ، دارەجەسىن كوتەرۋدى جانە جاڭا تەحنيكانىڭ اقىل - پاراساتتىق قابىلەت ۇستەۋىن جەدەل ىلگەرىلەتىپ، مەملەكەتتىڭ ەنەرگيا حاۋىپسىزدىگىن جانە ەنەرگيامەن قامتاماسىز ەتۋ قابىلەتىن جوعارىلاتۋ كەرەك.

　　كاسىپورىننان اتتاناردا شي جينپيڭ جاس زەرتتەۋ - اشۋ قىزمەتكەرلەرىن جىگەرلەندىرە بىلاي دەدى: كوپشىلىك ارىندى، جىگەرلى ەكەن، اسقاق مۇرات ورناتىپ، تىڭعىلىقتى ىستەپ، نىق قاداممەن العا ىلگەرىلەپ، تاباندىلىقپەن تابىسقا جەتەتىن قايسارلىقپەن، ”ءومىر بويى ءبىر ءىستى تىندىرامىن“ دەيتىن قاجىر - قايراتپەن جوعارى، نازىك، وزىق تەحنيكالاردان قامال الىپ، قۇندى ومىرگە قول جەتكىزۋلەرىڭىز كەرەك.

　　7 - ايدىڭ 7 - كۇنى تۇستەن بۇرىن شي جينپيڭ جياڭسۋ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، جياڭسۋدىڭ ءتۇرلى قىزمەتتەردە قول جەتكىزگەن ناتيجەلەرىن تۇراقتاندىرىپ، جياڭسۋدىڭ عىلىم - تەحنيكادا جاڭالىق اشۋدا جاڭا سەرپىلىستەرگە قول جەتكىزۋىن، تىزبەكتى كۇشەيتۋ، تىزبەكتى تولىقتاۋ، تىزبەكتى ۇزارتۋ جاعىندا تىڭ ىسكەرلىك كورسەتۋىن، جۇڭحۋا ۇلتىنىڭ وسى زامانعى وركەنيەتىن كوركەيتۋ جاعىندا جاڭا تاجىريبەلەر قاراستىرۋىن، قوعام اماندىعىن باسقارۋدى وسىزامانداندىرۋدى ىلگەرىلەتۋ جاعىندا تىڭ دەڭگەيگە جەتۋىن ءۇمىت ەتتى.

　　شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋدىڭ تەتىگى عىلىم - تەحنيكانى وسىزامانداندىرۋدا. جياڭسۋ عىلىم - تەحنيكادا جاڭالىق اشۋ جاعىندا الدىمەن تىڭ سەرپىلىستەرگە قول جەتكىزىپ، بۇكىل ەلدەگى ماڭىزدى كاسىپ سالاسى عىلىم - تەحنيكاسىندا جاڭالىق اشۋ بيىگىن قالىپتاستىرىپ، جوعارى ساپالى دامۋدا جاڭالىق اشۋ ارقىلى دەم بەرۋگە اناعۇرلىم كوپ سۇيەنەتىن ماندىك ارتۋعا مۇمكىندىك جاساۋى كەرەك. كاسىپورىنداردىڭ عىلىم - تەحنيكادا جاڭالىق اشۋداعى نەگىزگى تۇلعالىق ورنىن كۇشەيتىپ، جاڭالىق اشۋ فاكتورلارىنىڭ كاسىپورىندارعا شوعىرلانۋىن جەبەپ، عىلىم - تەحنيكا جەتىستىكتەرىن كادەگە جاراتۋ جانە كاسىپ سالالاندىرۋ دەڭگەيىن ۇزدىكسىز جوعارىلاتۋ كەرەك. عىلىم - تەحنيكا ءتۇزىلىسى رەفورماسىن جانە دارىندىلاردى دامىتۋ ءتۇزىلىس - مەحانيزمى رەفورماسىن تەرەڭدەتىپ، جاپپاي جاڭالىق اشۋدى قولدايتىن نەگىزدىك ءتۇزىم قالىپتاستىرىپ، عىلىم - تەحنيكاعا ۇسىنىلىمدى كوپ نەگىزدە ارتتىرىپ، ءبىلىم مەنشىك ۇقىعىن زاڭمەن باسقارۋ ارقىلى قامتاماسىز ەتۋدى كۇشەيتىپ، ءتۇرلى دارىندىلاردىڭ جاڭالىق اشۋ ومىرشەڭدىك كۇشىن تولىق قاۋلاتۋ كەرەك.

　　شي جينپيڭ بىلاي دەپ باسا دارىپتەدى: ناقتى ەكونوميكاعا تاباندى بولۋدى، وسىزاماندانعان كاسىپ سالاسى جۇيەسىن ورناتۋدى ولكەنى قۇدىرەتتەندىرۋدىڭ تەتىگى ەتىپ، ءداستۇرلى كاسىپ سالاسىنىڭ وزىق ورنىن بەكەمدەپ، حالىقارالىق باسەكەلىك قۋاتقا يە ستراتەگيالىق جاڭادان گۇلدەنگەن كاسىپ سالاسى شوعىرىن جەدەل قالىپتاستىرىپ، سيفرلى ەكونوميكا مەن وزىق جاساۋ كاسىبىنىڭ، وسى زامانعى قىزمەت وتەۋ كاسىبىنىڭ تەرەڭدەي توعىسۋىن ىلگەرىلەتىپ، كاسىپ سالاسى نەگىزىن جوعارى دارەجەلەندىرۋ جانە كاسىپ سالاسى تىزبەگىن وسىزامانداندىرۋ دەڭگەيىن جاپپاي جوعارىلاتىپ، وزىق جاساۋ كاسىبىن تىرەك ەتكەن وسىزاماندانعان كاسىپ سالاسى جۇيەسىن قالىپتاستىرۋدى جەدەلدەتۋ كەرەك. ەل ءىشى، حالىقارا سىندى قوس اينالىمدى ىركىلىسسىزدەندىرىپ، بوگەتتەردى بەلسەنە اشىپ، ءۇزىلىس تۇيىندەرىن تۇتاستىرىپ، شەتەل قارجىسىن باۋراۋدىڭ، ەسىكتى ايقارا اشۋدىڭ جاڭا ءتاسىلى مەن جاڭا شارالارىندا ۇزدىكسىز جاڭالىق اشىپ، دۇنيە جۇزىلىك شوعىرلانۋ كۇشىنە يە قوس باعىتتا ەسىك اشۋ تورابىن قۇرىپ، سىرتقى ساۋدانىڭ جاڭالىق اشا دامۋىن ىلگەرىلەتىپ، حالىقارالىق بازاردى ۇزدىكسىز بەكەمدەۋ جانە كەڭەيتۋ كەرەك.

　　شي جينپيڭ بىلاي دەپ اتاپ كورسەتتى: جۇڭحۋا ۇلتىنىڭ وسى زامانعى وركەنيەتىن گۇلدەندىرۋ − جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ قاجەتتى تالابى، سوتسياليستىك رۋحاني وركەنيەت قۇرىلىسىنىڭ ماڭىزدى مازمۇنى. جياڭسۋ تاڭداۋلى ءداستۇرلى مادەنيەتتى قورعاۋدى، جالعاستىرۋ جانە ونى جاڭالىق اشا دامىتۋدى كۇشەيتىپ، چاڭجياڭ جانە ۇلى كانال سىندى ەكى ۇلكەن مەملەكەتتىك مادەنيەت باقشاسىن قۇرۋعا بەلسەنە ات سالىسۋى كەرەك. وسى زامانعى عىلىم - تەحنيكانى، وقۋ - اعارتۋ ىستەرىن زور كۇشپەن دامىتىپ، حالىق بۇقاراسىنىڭ عىلىم، مادەنيەت ساپاسىن جالپى بەتتىك جوعارىلاتۋ كەرەك. مادەنيەت ىستەرى مەن مادەنيەت كاسىپ سالاسىن گۇلدەندىرىپ، دامىتىپ، قالا مەن اۋىلدىڭ الەۋمەتتىك مادەنيەت قىزمەت وتەۋىن ولشەمدەندىرۋدى، بىركەلكىلەندىرۋدى ۇزدىكسىز ىلگەرىلەتىپ، قالا مەن اۋىلدىڭ رۋحاني وركەنيەتتە وزات ورىن قۇرۋىن تىڭعىلىقتى ورىستەتىپ، ازاماتتىق ءمورال قۇرىلىسىن كۇشەيتىپ، كىتاپتى قاستەرلەيتىن قوعامدىق قۇرىلىستى ىلگەرىلەتىپ، قوعامنىڭ وسى زامانعى وركەنيەت دەڭگەيىن جوعارىلاتۋ كەرەك.

　　شي جينپيڭ بىلاي دەپ باسا دارىپتەدى: جياڭسۋ، ءسوز جوق، حالىق تۇرمىسىن قامتاماسىز ەتۋ جانە جاقسارتۋ، قوعامدىق باسقارۋدى وسىزامانداندىرۋدى ىلگەرىلەتۋ جاعىندا الدىڭعى لەكتە ءجۇرۋى كەرەك. قوعامدىق قامتاماسىزداندىرۋ جۇيەسىن جەدەل اقاۋسىزداندىرىپ، جۇمىستانۋدى جەبەۋ مەحانيزمى مەن جۇمىستانۋعا الەۋمەتتىك قىزمەت وتەۋ جۇيەسىن اقاۋسىزداندىرىپ، ءتۇيىندى قاۋىمنىڭ جۇمىستانۋ قىزمەتىن ويداعىداي ىستەۋ كەرەك. جاڭا داۋىردەگى ”فىڭچياۋ تاجىريبەسىنە“، ”پۋجياڭ تاجىريبەسىنە“ تاباندى بولىپ جانە ونى دامىتىپ، قوعامدىق باسقارۋ جۇيەسىن كەمەلدەندىرىپ، قالا، اۋىل نەگىزگى ساتىلارىن باسقارۋ جۇيەسى مەن اۋىل - قىستاقتاردى باسقارۋدى سايكەستى ىلگەرىلەتۋ مەحانيزمىن اقاۋسىزداندىرىپ، قوعامدىق باسقارۋدىڭ سيفرلانۋىن ىلگەرىلەتۋ كەرەك. شۇعىل جاعدايعا توتەپ بەرۋدى باسقارۋ جۇيەسى مەن قابىلەتىن وسىزامانداندىرۋدى ىلگەرىلەتىپ، ءوندىرىس حاۋىپسىزدىگىن ارناۋلى وڭاۋدى ىشكەرىلەي ورىستەتىپ، اۋىر، ەرەكشە اۋىر حاۋىپسىزدىك شىرعالاڭدارىنىڭ تۋىلۋىنان باتىل ساقتانۋ كەرەك.

　　شي جينپيڭ بىلاي دەپ اتاپ كورسەتتى: بۇكىل ەل تاسقىننان ساقتانۋدىڭ قاۋىرت مەزگىلىنە قادام تاستاۋ الدىندا تۇر، وزەن، داريا، كول، سۋ قويمالارى نەگىزگى تاسقىن مەزگىلىندەگى تاسقىن اپاتىنىڭ اۋىر قاتەرىنە ءدوپ كەلەدى. سونىمەن بىرگە، كەيبىر جەرلەردە قۋاڭشىلىق اۋىر بولىپ، ورمان ءورت اپاتىنىڭ قاتەرى ارتا ءتۇستى. جەر - جەر، تاراۋلار اۋىر تاسقىن اپاتىنان ساقتانۋدى، اۋىر قۋاڭشىلىققا قارسى اتتانۋدى، اۋىر ءورت اپاتتان قۇتقارۋدى تياناق ەتىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ءوز جاۋاپكەرشىلىگىن ءبىلىپ، ءوز جاۋاپكەرشىلىگىن ادا ەتىپ، ءوز جاۋاپكەرشىلىگىن ارقالاپ، حالىقتىڭ ءومىرىنىڭ، مال - مۇلكىنىڭ حاۋىپسىزدىگىن قامتاماسىز ەتۋدى شىن مانىندە ماڭداي الدى ورىنعا قويىپ، اپاتتىڭ كومەسكى قاتەرلەرىن شارلاپ تەكسەرۋدى، قاتەردى الاستاۋدى كۇشەيتىپ، شۇعىل جاعدايعا توتەپ بەرۋ دايىندىعىن الدىن الا ويداعىداي ىستەپ، ءتۇرلى زياندى ەڭ تومەنگى شەككە تۇسىرۋگە قۇلشىنۋى كەرەك. قاتىناس - تاسىمال تاراۋلارى ماڭىزدى نەگىزدىك قۇرىلعىلاردىڭ حاۋىپسىزدىگىن قورعاۋدى كۇشەيتۋى، ەنەرگيا جانە ەلەكتر تاراۋلارى، اسىرەسە، ورتالىق كاسىپورىندارى ەنەرگيامەن، ەلەكترمەن قامداۋدى قامتاماسىز ەتۋ قىزمەتىن بار كۇشپەن ويداعىداي ىستەپ، ەكونوميكالىق، قوعامدىق اينالىمنىڭ ۇلكەن ىقپالعا ۇشىراماۋىنا شىنايى كەپىلدىك ەتۋى كەرەك.

　　شي جينپيڭ بىلاي دەپ باسا دارىپتەدى: نەگىزگى تاقىرىپتىق تاربيە ورىستەتىلگەننەن بەرى، جەر - جەر، تاراۋلار، ورىندار ءتۇيىندى شارالاردى جاپپاي، ىشكەرىلەي، ناقتى يگەرىپ، ءبىرشاما جاقسى ونىمدىلىككە قول جەتكىزدى. ءار دارەجەلى پارتيا ۇيىمدارى پارتيا مۇشەلەرىن، كادرلاردى ”امالياتقا ءمان بەرۋ“ تالابىن تياناقتاندىرۋعا تاربيەلەپ، جەتەكتەپ، ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، ىستەۋ بەتالىسىن دۇرىستاپ، ىستەۋ قوزعاۋشى كۇشىن ارتتىرىپ، ىستەۋدىڭ بىرىككەن كۇشىن قالىپتاستىرىپ، ۇيرەنۋ ارقىلى ىستەۋدى جەبەۋ جاعىندا ناقتى ونىمدىلىككە قول جەتكىزۋى كەرەك. ءبىرىنشى، حالىقتى باقىتقا كەنەلدىرۋ ناتيجە كوزقاراسىن بەرىك ورناتىپ، حالىقتى وزەك ەتكەن دامۋ يدەياسىنا تاباندى بولىپ، جوعارى ساپالى دامۋعا تاباندى بولىپ، قولدان كەلمەسكە ۇمتىلماۋ، كوزسىزدىكپەن داڭعويلىق ىستەمەۋ، ەل - جۇرتقا جىلپوستىقپەن جاعىنباۋ؛ ناقتى شارا قولدانىپ، ناقتى ونىمدىلىككە ۇمتىلۋعا تاباندى بولۋ، ءسانى بار دا ءنارى جوق بولماۋ، جىلپوستىق ىستەمەۋ، جالعان ساندى مالىمەت بەرمەۋ؛ نەگىزدى بەكەمدەپ، ۇزاق بولاشاققا پايدا جەتكىزۋگە تاباندى بولىپ، وڭاي ولجا تابۋعا، كوز الداعىنى ويلاۋعا، حالىقتى اۋرە - سارساڭعا سالىپ، اقشانى بوسقا شاشۋعا سالىنباۋ كەرەك. ەكىنشى، ءىس تىندىرىپ، شارۋاشىلىق قۇرۋ جىگەر - قايراتىن تاسقىنداتىپ، قىزمەت مىندەتىن ادا ەتىپ، جاۋاپكەرشىلىك ارقالاپ، ىسكەرلىك كورسەتىپ، قيىندىقتان تايسالماي العا ۇمتىلىپ، باتىلدىقپەن كۇرەس جۇرگىزىپ، جۇمىستىڭ جەڭىلىنە جۇگىرىپ، اۋىرىنان قاشقالاقتاۋ، جاۋاپكەرلىكتەن جالتارىپ، جايبىراقات جاتىپ الۋ، ات ءۇستى قاراۋ، ەپتەپ - سەپتەپ كۇن وتكىزۋ سياقتى كەرەناۋ جايتتەردى قاتاڭ جونگە سالىپ، جاۋاپكەرشىلىك ارقالاپ، ىسكەرلىك كورسەتۋگە شابىتتاندىرۋ جانە قورعاۋ مەحانيزمىن كەمەلدەندىرۋ كەرەك. ءۇشىنشى، تياناقتاندىرۋدى مىقتى يگەرۋدىڭ تاماشا جاعدايىن قالىپتاستىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، بەلسەندىلىكپەن، ىرىقتىلىقپەن تياناقتاندىرۋدى يگەرىپ، كوپتىڭ كۇشىن شوعىرلاندىرا وتىرىپ تياناقتاندىرۋدى يگەرىپ، شەگە قاعۋ رۋحىمەن تياناقتاندىرۋدى يگەرىپ، نازاردى ءىس جۇزىندىك ماسەلەلەرگە شوعىرلاندىرا وتىرىپ تياناقتاندىرۋدى يگەرىپ، تياناقتاندىرۋدى يگەرۋدە جاڭا ناقتى ونىمدىلىككە قول جەتكىزۋ كەرەك.

　　جۇڭگو كوممۋنيستىك پارتياسى ورتالىق كوميتەت ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.

     لي گانجيە، حى ليفىڭ، سونداي - اق ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى، نەگىزگى تاقىرىپتىق تاربيە ورتالىقتىڭ 6 - جەتەكشىلىك ەتۋ گرۋپپاسىنداعى جاۋاپتى جولداستار مالىمەت بەرۋ ماجىلىسىنە قاتىناستى.