اۋەلگى ماقساتتى، بورىشتى ەستە بەرىك ساقتاپ، ىنتىماقتاسۋعا، سەلبەسۋگە تاباندى بولىپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا اناعۇرلىم كوپ ايقىندىلىق جانە وڭ ەنەرگيا ۇستەۋدى باسا دارىپتەدى
7 - ايدىڭ 4 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 23 - رەتكى ماجىلىسىنە بەينە ەكران تاسىلىمەن قاتىناستى ءارى «اۋەلگى ماقساتتى، بورىشتى ەستە بەرىك ساقتاپ، ىنتىماقتاسۋعا، سەلبەسۋگە تاباندى بولىپ، ءتىپتى دە زور دامۋدى ىسكە اسىرايىق» دەگەن تاقىرىپتا ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
7 - ايدىڭ 4 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدە شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 23 - رەتكى ماجىلىسىنە بەينە ەكران تاسىلىمەن قاتىناستى ءارى «اۋەلگى ماقساتتى، بورىشتى ەستە بەرىك ساقتاپ، ىنتىماقتاسۋعا، سەلبەسۋگە تاباندى بولىپ، ءتىپتى دە زور دامۋدى ىسكە اسىرايىق» دەگەن تاقىرىپتا ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن
شينحۋا اگەنتتىگىنىڭ 7 - ايدىڭ 4 - كۇنى بەيجيڭنەن بەرگەن حابارى (ءتىلشى جىڭ ميڭدا). مەملەكەت ءتوراعاسى شي جينپيڭ 7 - ايدىڭ 4 - كۇنى تۇستەن كەيىن بەيجيڭدە شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ 23 - رەتكى ماجىلىسىنە بەينە ەكران تاسىلىمەن قاتىناستى ءارى «اۋەلگى ماقساتتى، بورىشتى ەستە بەرىك ساقتاپ، ىنتىماقتاسۋعا، سەلبەسۋگە تاباندى بولىپ، ءتىپتى دە زور دامۋدى ىسكە اسىرايىق» دەگەن تاقىرىپتا ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: 10 جىلدىڭ الدىندا دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى الدىندا، مەن ادامزات ورتاق ءبىر جەر شارى قىستاعىندا تۇرمىس كەشىرىپ جاتىر، بارعان سايىن ءبىرىن - ءبىرى جاتسىنبايتىن تاعدىرلاس ورتاق تۇلعاعا اينالۋدا دەگەندى العا قويعان ەدىم. 10 جىلدان بەرى ادامزاتتىڭ تاعدىرلاس ورتاق تۇلعاسى ۇستانىمى حالىقارالىق قوعامنىڭ جاپپاي مويىنداۋىنا جانە قولداۋىنا يە بولىپ، بىرتىندەپ ۇستانىمنان ارەكەتكە، ارماننان رەالدىققا اينالۋدا. وسى بارىستا شاڭحاي سەلبەستىك ۇيىمى ءداۋىردىڭ الدىڭعى لەگىندە ءجۇرىپ، ادامزاتتىڭ تاعدىرلاس ورتاق تۇلعاسى ۇستانىمىنا تاباندى بولىپ، ”شاڭحاي رۋحىن“ اسقاقتاتىپ، شاڭحاي سەلبەستىك ۇيىمىنىڭ تاعدىرلاس ورتاق تۇلعاسىن قۇردى. ءبىز ءوزارا قارايلاسىپ، قيىندىقتى بىلەك بىرىكتىرە جەڭەتىن تاڭداۋلى ءداستۇردى جالعاستىرىپ، ءبىر - ءبىرىمىزدىڭ وزەكتى مۇددەمىزدى باتىل قولداپ، قورعاپ، ءوزارا دامۋ، گۇلدەنۋ جولىنداعى سەنىمدى سەرىككە اينالدىق؛ ءبىز ورتاق، كەشەندى، سەلبەسەتىن، باياندى حاۋىپسىزدىك كوزقاراسىن امالياتتا ايگىلەپ، ءار جاقتىڭ حاۋىپسىزدىك جاقتا ءجىتى قاداعالاپ وتىرعان ۇيلەسىمدى ىستەرىنە ءمان بەرىپ، ءتۇرلى ءداستۇرلى حاۋىپسىزدىك پەن ءداستۇرلى ەمەس حاۋىپسىزدىك سىن - سايىستارىنا توتەپ بەرۋدى ءبىر تۇتاس جوسپارلاپ، ءوڭىردىڭ بەيبىتشىلىگى مەن تىنىشتىعىن بىرگە قورعادىق؛ ءبىز جاڭالىق اشۋ، سايكەستى بولۋ، جاسىل بولۋ، اشىق بولۋ، بىرگە يگىلىكتەنۋ سىندى دامۋ ۇستانىمىنا تاباندى بولىپ، ءار ەلدىڭ دامۋ ستراتەگيالارىن جانە وڭىرلىك سەلبەستىك باستامالارىن ءتۇيىلىستىرىپ، ءار ەلدىڭ ەكونوميكاسىنىڭ سايكەسە، بىرلەسە دامۋىن جەبەدىك؛ ءبىز تاتۋ كورشىلىك، دوستىق رۋحىن جالعاستىرىپ، وركەنيەتتەردىڭ تەرەزەسى تەڭ بولۋىنا، ءوزارا ۇلگى الۋىنا، تىلدەسۋىنە، سيىسىمدى بولۋىنا تاباندى بولىپ، تۇرلىشە وركەنيەتتەردىڭ بەيبىت قاتار تۇرۋىن، جاراسىمدى بىرگە ءومىر ءسۇرۋىن دارىپتەدىك؛ ءبىز حالىقارالىق ادىلدىكتى، ادىلەتتىلىكتى قورعاپ، وكتەمدىك، وزبىرلىق، زورەكەرلىك ارەكەتتەرگە قارسى تۇرىپ، پىكىرلەسەتىن، قارسىلاسپايتىن، سەرىكتەسەتىن، وداقتاسپايتىن سەرىكتەستىك قارىم - قاتىناس ورناتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدىڭ العاباسار كۇشتەرىن نىعايتتىق.
شي جينپيڭ بىلاي دەپ باسا دارىپتەدى: بۇگىنگى تاڭداعى دۇنيە جۇزىندە وزگەرىس پەن بىلىقپالىق ارالاسىپ، 100 جىلدىق وزگەرىس جەدەل قۇبىلۋدا، ادامزات قوعامى بۇرىن - سوڭدى بولماعان سىن - سايىسقا ءدوپ كەلىپ وتىر. ىنتىماقتاسۋ كەرەك پە، الدە بولشەكتەنۋ كەرەك پە؟ بەيبىتشىلىك كەرەك پە، الدە قاقتىعىس كەرەك پە؟ سەلبەسۋ كەرەك پە، الدە قارسىلاسۋ كەرەك پە؟ بۇل تاعى دا ءداۋىر سۇراعىنا اينالدى. مەنىڭ جاۋابىم: ءار ەل حالقىنىڭ تاماشا تۇرمىس تالپىنىسى ءبىزدىڭ ۇمتىلىسىمىز، بەيبىتشىلىك، دامۋ، سەلبەسۋ، تەڭ يگىلىكتەنۋ سىندى ءداۋىر اعىمى بوگەۋ بەرمەيدى. ءبىز ءداۋىر جۇكتەگەن اۋىر مىندەتتى ارقالاپ، اۋەلگى ماقساتتى، بورىشتى ەستە بەرىك ساقتاپ، ىنتىماقتاسۋعا، سەلبەسۋگە تاباندى بولىپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا اناعۇرلىم كوپ ايقىندىلىق جانە وڭ ەنەرگيا ۇستەۋىمىز كەرەك.
ءبىرىنشى، دۇرىس بەتالىستى مىقتى يگەرىپ، ىنتىماقتاسۋدى، ءوزارا سەنىم ارتۋدى نىعايتۋ كەرەك. فاكتتەر ءبىزدىڭ كەلەلى جاعدايدى كوكەيگە ءتۇيىپ، جاۋاپكەرشىلىك پەن بورىش ارقالاپ، ءتۇرلى كەدەرگىلەردى الاستاعاندا عانا، مۇشە ەلدەردىڭ حاۋىپسىزدىگى مەن دامۋ مۇددەسىن ويداعىداي قورعاي الاتىندىعىمىزدى، ويداعىداي ىسكە اسىرا الاتىندىعىمىزدى دالەلدەدى. ستراتەگيالىق بايلانىس پەن سەلبەسۋدى نىعايتىپ، تىلدەسۋ ارقىلى الاۋىزدىقتى جويۋدى، سەلبەسۋ ارقىلى باسەكەدەن اتتاپ ءوتۋدى دارىپتەپ، ءبىر - ءبىرىنىڭ وزەكتى مۇددەسى مەن ءجىتى قاداعالاپ وتىرعان كەلەلى ىستەرىنە شىنايى قۇرمەت ەتىپ، ءبىر - ءبىرىنىڭ دامۋدى، گۇلدەنىپ - كوركەيۋدى جۇزەگە اسىرۋىنا باتىل قولداۋ كورسەتۋى كەرەك. ءوڭىردىڭ تۇتاس تۇلعاسى مەن ۇزاق بولاشاقتىق مۇددەسىن نەگىزگە الىپ، دەربەس، وزىنە - ءوزى قوجايىن بولىپ سىرتقى ساياسات بەلگىلەۋ، ءوز ەلىنىڭ دامۋ، العا باسۋ بولاشاق تاعدىرىن ءوز قولىندا مىقتاپ مەڭگەرۋ كەرەك.
ەكىنشى، ءوڭىردىڭ بەيبىتشىلىگىن قورعاپ، ورتاق حاۋىپسىزدىكتى قامتاماسىز ەتۋ كەرەك. جۇڭگو جاق الەمدىك حاۋىپسىزدىك باستاماسىن ءارقايسى جاقپەن بىرگە تياناقتاندىرىپ، مەملەكەتتەر اراسىنداعى الاۋىزدىقتى، قايشىلىقتى تىلدەسۋ، كەڭەسۋ ارقىلى شەشۋگە تاباندى بولىپ، حالىقارالىق جانە وڭىرلىك قولامتالى ماسەلەلەردى ساياسي جولمەن شەشۋدى ىلگەرىلەتىپ، ءوڭىردىڭ حاۋىپسىزدىك قالتقىسىن بەرىك ورناتۋدى قالايدى. وسى ۇيىمنىڭ حاۋىپسىزدىك جاقتاعى سەلبەستىك دەڭگەيىن جوعارىلاتىپ، ”شىعىس تۇركستان“ سياقتى ”ءۇش ءتۇرلى كۇشكە“، ەسىرتكى اتكەزشىلىگىنە، ينتەرنەت جانە مەملەكەت اتتاعان ۇيىمداسقان قىلمىستارعا قاتاڭ سوققى بەرىپ، ساندى مالىمەت حاۋىپسىزدىگى، بيولوگيالىق حاۋىپسىزدىك، سىرتقى عارىش كەڭىستىگى حاۋىپسىزدىگى سياقتى ءداستۇرلى ەمەس حاۋىپسىزدىك سالاسىنداعى سەلبەستىكتەردى كەڭەيتۋ كەرەك. اۋعانستانمەن كورشىلەس ەلدەردىڭ سايكەسۋ، سەلبەسۋ مەحانيزمى سياقتىلاردىڭ تۇعىرلىق رولىن ۇزدىكسىز ساۋلەلەندىرىپ، اۋعانستاننىڭ بەيبىت قايتا قۇرۋ جولىنا ءتۇسۋىن ىلگەرىلەتۋ كەرەك.
ءۇشىنشى، نازاردى ناقتى سەلبەستىككە شوعىرلاندىرىپ، ەكونوميكانىڭ قالپىنا كەلۋىن جەدەلدەتۋ كەرەك. جۇڭگو جاق الەمدىك دامۋ باستاماسىن ءارقايسى جاقپەن بىرگە تياناقتاندىرىپ، ەكونوميكانىڭ جاھاندانۋىنىڭ دۇرىس بەتالىسىنا تاباندى بولىپ، قورعامپازدىققا، سىڭار جاقتىلى جازالاۋعا، مەملەكەت حاۋىپسىزدىگى ۇعىمىن جالپىلاندىرۋعا قارسى تۇرادى، ”داۋال تۇرعىزىپ، بوگەت قويۋعا“، ”الشاقتاپ بايلانىستى ۇزۋگە“ قارسى تۇرىپ، ءوزارا ءتيىمدى سەلبەستىكتىڭ ”بالكۇلشەسىن“ ۇلكەيتۋگە، ءار ەل حالقىن دامۋ جەتىستىكتەرىنەن بارىنشا مول، بارىنشا ءادىل يگىلىكتەندىرۋگە قۇلشىنادى. ءار جاقتىڭ 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناسىپ، دۇنيە ءجۇزىن يگىلىككە بولەيتىن وسى ءبىر باقىت جولىن بىرگە اناعۇرلىم كەڭ سالىپ، اناعۇرلىم الىسقا جەتكىزۋىن قارسى الادى. جۇڭگو جاق وسى ۇيىمداعى مەملەكەتتەردىڭ ءوز اقشاسىمەن ەسەپ جابۋ سوماسىن كوبەيتۋدى، ۇيىمنىڭ وركەندەتۋ بانكەسىن قۇرۋدى ىلگەرىلەتۋدى ۇسىنادى.
ءتورتىنشى، اۋىس - كۇيىس جاساپ، ءوزارا ۇلگى الۋدى كۇشەيتىپ، جۇرت تىلەگىنىڭ توعىسۋىن جەبەۋ كەرەك. جۇڭگو جاق ءارقايسى جاقتىڭ الەمدىك وركەنيەت باستاماسىن بىرگە تياناقتاندىرىپ، تۇرلىشە وركەنيەتتەردىڭ سيىسىمدى، بىرگە ءومىر ءسۇرۋىن ىلگەرىلەتىپ، ءار ەل حالقىنىڭ ءوزارا ءتۇسىنىسۋىن، ەتەنە بولۋىن جەبەۋىن قارسى الادى. وقۋ - اعارتۋ، عىلىم - تەحنيكا، مادەنيەت، دەنساۋلىق ساقتاۋ، دەنە تاربيە، مەديا سياقتى سالالارداعى سەلبەستىكتى ۇزدىكسىز تەرەڭدەتۋ كەرەك. الداعى 3 جىلدا جۇڭگو جاق وسى ۇيىمداعى مەملەكەتتەرگە حالىقارالىق حانزۋ ءتىلى وقىتۋشىسى وقۋ سيلىعى بويىنشا 1000 سان، ”حانزۋ ءتىلى كوپىرى“ جازعى لاگەرى بويىنشا 3000 سان بەرەدى، 100 جاس عالىمدى جۇڭگوعا كەلىپ عىلمي زەرتتەۋ جونىندە اۋىس - كۇيىس جاساۋعا ۇسىنىس ەتەدى.
بەسىنشى، كوپ جاقتىلىقتى امالياتتا ايگىلەپ، الەمدىك باسقارۋدى كەمەلدەندىرۋ كەرەك. بۇكىل ادامزاتقا ورتاق قۇندىلىقتى اسقاقتاتىپ، بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى جانە حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاپ، زورەكەرلىككە جانە وكتەمدىك ساياسيعا قارسى تۇرىپ، الەمدىك باسقارۋدىڭ اناعۇرلىم ءادىل، ۇيلەسىمدى بەتالىسقا قاراي دامۋىن ىلگەرىلەتىپ، ۇقىق - مۇددە ادىلدىگىن، وراي ادىلدىگىن، قاعيدا ادىلدىگىن ۇزدىكسىز جەبەگەن ورتاق قۇلشىنىس بارىسىندا ادامزات قوعامىنىڭ وسىزاماندانۋىن ىلگەرىلەتىپ، بىرگە دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەسكەرى، حالىقارالىق ءتارتىپتىڭ قورعاۋشىسى بولۋ كەرەك.
شي جينپيڭ بىلاي دەپ اتاپ كورسەتتى: قازىرگى تاڭدا جۇڭگو حالقى جۇڭگو كوممۋنيستىك پارتياسىنىڭ باسشىلىعىندا جۇڭگو ۇلگىسىندەگى وسىزامانداندىرۋ قۇرىلىسىن ىلگەرىلەتۋدە. ءبىز جۇڭگو ۇلگىسىندەگى وسىزامانداندىرۋدىڭ تىڭ تابىستارى ارقىلى شاڭحاي سەلبەستىك ۇيىمىنداعى مەملەكەتتەردى قامتىعان دۇنيە جۇزىندەگى ءارقايسى ەلدى جاڭا دامۋ ورايىمەن قامداپ، اناعۇرلىم كورىكتى دۇنيە ءجۇزىن قۇرۋدى ىلگەرىلەتۋدى قالايمىز.
شي جينپيڭ سوڭىندا بىلاي دەپ باسا دارىپتەدى: اقيقات جولىمەن جۇرگەندەر جالعىزدىق كورمەيدى، بارلىق ادام قول ۇستاسا جۇرگەندە الىسقا جەتۋگە بولادى. شاڭحاي سەلبەستىك ۇيىمى بۇگىنگى ءداۋىر اعىمىنا، ادامزاتتىڭ العا باسۋ بەتالىسىنا ۇيلەسەدى، ءسوز جوق، ءبىزدىڭ بىرگە قۇلشىنۋىمىزدىڭ ارقاسىندا ۇزدىكسىز دامىپ، نىعايادى.
ماجىلىسكە قاتىناسقان باسشىلار شاڭحاي سەلبەستىك ۇيىمىنىڭ دامۋدا قول جەتكىزگەن كورنەكتى تابىستارىنا بەلسەندى باعا بەرىپ، يراننىڭ ”شاڭحاي ۇلكەن شاڭىراعىنا“ رەسمي كىرگەندىگىن قارسى الدى، بەلورۋسسيانىڭ شاڭحاي سەلبەستىك ۇيىمىنا مۇشە بولۋ ءتارتىبىن تەز ارادا تامامداۋىن اسىعا كۇتەتىندىكتەرىن ءبىلدىردى. ءارقايسى جاق مىنالاردى ءبىلدىردى: شاڭحاي سەلبەستىك ۇيىمى ۇزدىكسىز زورايىپ، حالىقاراداعى ىقپال كۇشى ۇزدىكسىز جوعارىلاپ، تاتۋ كورشىلىك، دوستىقتى تەرەڭدەتۋگە، مۇشە ەلدەردىڭ ورتاق مۇددەسىن قورعاۋعا، ءوڭىردىڭ جانە دۇنيە ءجۇزىنىڭ باياندى بەيبىتشىلىگى مەن ورنىقتىلىعىن جەبەۋگە، باياندى دامۋدى ىلگەرىلەتۋگە ماڭىزدى ۇلەس قوسىپ، ءوزارا سەنىم ارتۋدىڭ، تەڭ تۇرعىدا تىلدەسۋدىڭ، ءوزارا تيىمدىلىك جاساپ سەلبەسۋدىڭ ۇلگىسىنە اينالدى. ”شاڭحاي رۋحىن“ اناعۇرلىم اسقاقتاتىپ، ءوزارا ءتۇسىنىسۋدى، سەلبەسۋدى نىعايتۋ، وڭىرلىك ەكونوميكالىق سەلبەستىكتى ىلگەرىلەتىپ، يدەولوگيالىق قارسىلاسۋعا قارسى تۇرۋ، بولشەكتەۋشىلىككە جانە كەمسىتۋگە قارسى تۇرۋ كەرەك. وڭىرلەر ارا ۇلاستىرۋدى، تۇتاستىرۋدى جانە ۇلكەن ارنا قۇرىلىسىن كۇشەيتىپ، ”ءبىر بەلدەۋ، ءبىر جول“ باستاماسىن ەۆروپا − ازيا ەكونوميكالىق وداعىنىڭ قۇرىلىسىمەن تۇيىلىستىرۋگە قولداۋ كورسەتىپ، ەكونوميكا - ساۋدا، فينانس، ەنەرگيا، عىلىم - تەحنيكا، قورشاعان ورتانى قورعاۋ، سيفرلى ەكونوميكا، گۋمانيتارلىق ىستەر سياقتى سالالارداعى سەلبەستىكتى تەرەڭدەتىپ، استىق، ەنەرگيا داعدارىسى جانە كليمات وزگەرىسى سياقتى الەمدىك سىن - سايىستارعا قول ۇستاسا توتەپ بەرۋ كەرەك. لاڭكەستىك سياقتى ”ءۇش ءتۇرلى كۇشكە“ بىرگە سوققى بەرىپ، ءوڭىردىڭ حاۋىپسىزدىك قالتقىسىن بەرىك ورناتۋ كەرەك. ناعىز كوپ جاقتىلىقتى ۇستانىپ، بىرلەسكەن مەملەكەتتەر ۇيىمىنىڭ جەتەكشىلىك رولىن ساۋلەلەندىرۋىنە قولداۋ كورسەتىپ، الەمدىك باسقارۋدى كۇشەيتۋ كەرەك.
مۇشە ەلدەردىڭ باسشىلارى «شاڭحاي سەلبەستىك ۇيىمىنا مۇشە ەلدەر مەملەكەت باسشىلارى القالار كەڭەسىنىڭ جاڭا دەلي جارناماسىنا» قول قويدى جانە ونى جاريالادى، ۇشقارىلىققا سوققى بەرۋ سەلبەستىگى جونىندەگى مالىمدەمەنى، سيفرلاندىرۋعا قاراي تيپ جاڭالاعان سالالار سەلبەستىگى جونىندەگى مالىمدەمەنى بىرگە جاريالادى، يرانعا شاڭحاي سەلبەستىك ۇيىمىنىڭ مۇشە ەلى مارتەبەسىن بەرۋ جونىندەگى، بەلورۋسسيانىڭ شاڭحاي سەلبەستىك ۇيىمىنا كىرۋ مىندەتتەمەلەرى جونىندەگى ەسكەرتپە حاتقا قول قويۋ، شاڭحاي سەلبەستىك ۇيىمىنىڭ 2030 - جىلعا دەيىنگى ەكونوميكالىق دامۋ ستراتەگياسى جونىندەگى ءبىر قىدىرۋ قارارلاردى بەكىتتى.
ءماجىلىس قازاقستاننىڭ 2023 - جىلدان 2024 - جىلعا دەيىنگى شاڭحاي سەلبەستىك ۇيىمىنىڭ كەزەكتى ءتوراعا ەلى مىندەتىن وتكىزىپ الۋىن ۇيعاردى.
شاڭحاي سەلبەستىك ۇيىمىنىڭ كەزەكتى ءتوراعا ەلى ءۇندىستاننىڭ زۇڭليى مودي ءماجىلىستى باسقاردى، شاڭحاي سەلبەستىك ۇيىمىنا مۇشە ەلدەردەن قازاقستاننىڭ زۇڭتۇڭى توقايەۆ، قىرعىزستاننىڭ زۇڭتۇڭى جاپاروۆ، پاكيستاننىڭ زۇڭليى شاھباز، رەسەيدىڭ زۇڭتۇڭى پۋتين، تاجىكستاننىڭ زۇڭتۇڭى راحمون، وزبەكستاننىڭ زۇڭتۇڭى مىرزيويەۆ، باقىلاۋشى ەلدەردەن بەلورۋسسيانىڭ زۇڭتۇڭى لۋكاشەنكو، يراننىڭ زۇڭتۇڭى لايشي، موڭعۇليانىڭ زۇڭتۇڭى كۇرۇلسۇك، ءتوراعا ەلدىڭ قوناعى تۇركمەنستان زۇڭتۇڭى بەردىمۇحامەتوۆ جانە بىرلەسكەن مەملەكەتتەر ۇيىمىنىڭ باس حاتشىسى گۋتەرەس، شاڭحاي سەلبەستىك ۇيىمىنىڭ باس حاتشىسى، شاڭحاي سەلبەستىك ۇيىمى وڭىرلىك لاڭكەستىككە قارسى تۇرۋ قۇرىلىمى اتقارۋ كوميتەتىنىڭ مەڭگەرۋشىسى سياقتى حالىقارالىق جانە وڭىرلىك ۇيىمداردىڭ جاۋاپتىلارى ماجىلىسكە قاتىناستى.
ساي چي، ۋاڭ ي قاتارلىلار ماجىلىسكە قاتىناستى.
