شي جينپيڭ ىشكى موڭعۇلدا شەكارانى باسقارۋ - مەڭگەرۋ جانە شەكارا قورعانىسى اسكەري ءبولىم قۇرىلىسى جاعدايىنا تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
اسكەري ءبولىمنىڭ جالپى بەتتىك قۇرىلىسىن كۇشەيتىپ، شەكارا قورعانىسىن باسقارۋ - مەڭگەرۋ قابىلەتىن جوعارىلاتىپ، وتاندى قورعاۋدىڭ، شەكارانى كۇزەتۋدىڭ قۇرىش قورعانىن تۇلعالاۋعا قۇلشىنۋ كەرەك
6 - ايدىڭ 7 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ىشكى موڭعۇلدا شەكارانى باسقارۋ - مەڭگەرۋ جانە شەكارا قورعانىسى اسكەري ءبولىم قۇرىلىسى جاعدايىنا تەكسەرۋ - زەرتتەۋ جۇرگىزىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان ىشكى موڭعۇلدا تۇراتىن شەكارا قورعانىسى اسكەري بولىمدەرىندەگى بارلىق جولداستارعا شىن ىقىلاستى سالەم جولدادى. سۋرەتتە: شي جينپيڭ قاتىستى جاعداي جونىندەگى مالىمەتتى تىڭداعاننان كەيىن ماڭىزدى ءسوز سويلەۋدە.
□ سۋرەتتى شينحۋا اگەنتتىگىنىڭ ءتىلشىسى لي گاڭ تۇسىرگەن
شينحۋا اگەنتتىگىنىڭ 6 - ايدىڭ 9 - كۇنى كوكحوتتان بەرگەن حابارى (ءتىلشى مەي چاڭۋي). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 6 - ايدىڭ 7 - كۇنى ىشكى موڭعۇلدا شەكارانى باسقارۋ - مەڭگەرۋ جانە شەكارا قورعانىسى اسكەري ءبولىم قۇرىلىسى جاعدايىنا تەكسەرۋ - زەرتتەۋ جۇرگىزىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان ىشكى موڭعۇلدا تۇراتىن شەكارا قورعانىسى اسكەري بولىمدەرىندەگى بارلىق جولداستارعا شىن ىقىلاستى سالەم جولدادى. ول بىلاي دەپ باسا دارىپتەدى: جاڭا داۋىردەگى پارتيانىڭ ارميانى قۇدىرەتتەندىرۋ يدەياسىن دايەكتىلەندىرىپ، جاڭا داۋىردەگى اسكەري ىستەر ستراتەگيالىق باعىتىن دايەكتىلەندىرىپ، شەكارا قورعانىسى قىزمەتىنىڭ ەرەكشەلىگىن، زاڭدىلىعىن يگەرىپ، اسكەري ءبولىمنىڭ جالپى بەتتىك قۇرىلىسىن كۇشەيتىپ، شەكارا قورعانىسىن باسقارۋ - مەڭگەرۋ قابىلەتىن جوعارىلاتىپ، وتاندى قورعاۋدىڭ، شەكارانى كۇزەتۋدىڭ قۇرىش قورعانىن تۇلعالاۋعا قۇلشىنىپ، ارميا قۇرىلعاندىعىنىڭ 100 جىلدىعى كۇرەس نىساناسىن جۇزەگە اسىرۋ ءۇشىن اناعۇرلىم زور ۇلەس قوسۋ كەرەك.
6 - ايداعى ىشكى موڭعۇلدىڭ بايتاق دالاسى جاسىل جەلەك جامىلىپ ماساتىداي قۇلپىرىپ تۇر. تۇستەن بۇرىن ساعات 10 مولشەرىندە شي جينپيڭ ىشكى موڭعۇل اسكەري رايونى ورگانىنا كەلىپ، ىلگەرىندى - كەيىندى سولتۇستىك بولىك سوعىس رايونىنىڭ، قۇرلىق ارمياسىنىڭ، ىشكى موڭعۇلدا تۇراتىن شەكارا قورعانىسى لۇيىنىڭ، ىشكى موڭعۇل اسكەري رايونىنىڭ قاتىستى احۋالدارى جونىندەگى مالىمەتتى تىڭدادى. شي جينپيڭ ىشكى موڭعۇلدا تۇراتىن شەكارا قورعانىسى اسكەري ءبولىمىنىڭ ۇزاق ۋاقىتتان بەرى وتاننىڭ سولتۇستىك شەكاراسىنىڭ حاۋىپسىزدىك، ورنىقتىلىق قالتقىسىن بەكەمدەۋدە ساۋلەلەندىرگەن رولىن تولىق تۇراقتاندىردى.
شي جينپيڭ بىلاي دەپ اتاپ كورسەتتى: پارتيا 18 - قۇرىلتايىنان بەرى ەلىمىزدىڭ شەكارا قورعانىسى قىزمەت ءتۇزىلىسى بارعان سايىن كەمەلدەنىپ، كۇشى بارعان سايىن تولىقتانىپ، نەگىزى بارعان سايىن بەكەمدەلىپ، پارتيا، ۇكىمەت، ارميا، ساقشى، حالىق تىزە قوسا شەكارانى نىعايتىپ، قورعانىستى بەكەمدەۋ جاعدايى ۇزدىكسىز نىعايدى. تۇتاس ارمياداعى شەكارا قورعانىسى اسكەري بولىمدەرى پارتيا ورتالىق كوميتەتى مەن ورتالىق اسكەري ىستەر كوميتەتىنىڭ شەشىمدەرىن، نۇسقاۋلارىن اتقارىپ، رەفورما ورنالاستىرۋلارىن تياناقتاندىرىپ، اسكەر جاتتىقتىرىپ، سوعىسقا دايىندالۋدى كۇشەيتىپ، شەكارا قورعانىسىنىڭ حاۋىپسىزدىگى مەن شەكارا ءوڭىردىڭ ورنىقتىلىعىن باتىل قورعاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن پارمەندى قورعادى.
شي جينپيڭ بىلاي دەپ باسا دارىپتەدى: مەملەكەتتى باسقارۋدا، ءسوز جوق، شەكارا ءوڭىردى باسقارۋ كەرەك. شەكارا قورعانىس قىزمەتى − مەملەكەتتى باسقارىپ، ەلدى ورنىقتىرۋداعى كەلەلى ءىس، ول مەملەكەتتىڭ يەلىك ۇقىعى مەن تەرريتوريا تۇتاستىعىنا سايادى، رەفورما، دامۋ، ورنىقتىلىق كەلەلى جاعدايىنا جانە سىرتقا باعىتتالعان قىزمەتتىڭ جالپى جاعدايىنا سايادى، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە سايادى. شەكارا قورعانىسى قىزمەتىن جاقسى ىستەۋدىڭ كەلەلى ءمانىن تولىق جەتە تانىپ، بورىش، جاۋاپكەرشىلىك ارقالاۋدى كۇشەيتىپ، پارتيا مەن حالىق ءۇشىن شەكارانى ويداعىداي قورعاپ، قورعانىستى ويداعىداي بەكەمدەۋ كەرەك.
شي جينپيڭ بىلاي دەپ اتاپ كورسەتتى: اسكەري ءبولىمدى يدەيالىق جاقتان، ساياسي جاقتان قۇرۋعا، اسكەري ءبولىمدى يگەرۋگە ايرىقشا ءمان بەرىپ، پارتيانىڭ جاسامپاز نازارياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداپ، ساياسي ءتارتىپتى، بۇقارالىق ءتارتىپتى، سىرتقى ىستەر ءتارتىبىن جانە ۇلت، ءدىن ساياساتى تاربيەسىن كۇشەيتىپ، اسكەري ءبولىمنىڭ كىرشىكسىزدىگىنە، بەكەمدىگىنە جانە وسكەلەڭ شوعىرلى ءبىر تۇتاستىعىنا شىنايى كەپىلدىك ەتۋ كەرەك. بورىش - مىندەتپەن تىعىز جاناستىرىپ اسكەر جاتتىقتىرىپ، سوعىسقا دايىندالۋدى كۇشەيتىپ، جاۋىنگەرلىك قۋات قۇرىلىسىنىڭ ۇيلەسىمدىلىگى مەن ونىمدىلىگىن كۇشەيتۋ كەرەك. ينفورماتسيالانعان شەكارانى كۇزەتۋ، شەكارانى مەڭگەرۋ قۋاتى قۇرىلىسىنىڭ قادامىن جەدەلدەتىپ، شەكارا قورعانىسىنىڭ كەزەكشىلىك وتەۋ فورماسىندا بۇرىلىس جاساپ، شەكارانى باسقارۋ - مەڭگەرۋ يقۋاتىن جوعارىلاتۋ كەرەك. ارميانى زاڭ بويىنشا باسقارۋ، ارميانى قاتاڭ باسقارۋدى مىقتى يگەرىپ، اسكەري ەرەجە - ءتارتىپتى قاتايتىپ، اسكەري ءبولىمنىڭ تاربيەلەۋ، باسقارۋ ۇلگىسىن جاڭالاپ، ۇنەمىلىك، نەگىزدىك قىزمەتتەردى تياناقتاندىرۋدى ويداعىداي يگەرىپ، اسكەري ءبولىمنىڭ ءتارتىبىنىڭ جۇيەلى، حاۋىپسىز، ورنىقتى بولۋىنا شىنايى كەپىلدىك ەتۋ كەرەك. ءبىرىنشى شەپتە اسكەر باستاۋشى تاربيەلەۋدى كۇشەيتىپ، شەكارا قورعانىسىنىڭ كاسىپتىك دارىندىلار قوسىنى قۇرىلىسىن كۇشەيتۋ كەرەك.
شي جينپيڭ بىلاي دەپ باسا دارىپتەدى: شەكارا قورعانىس وفيتسەر - اسكەرلەرىنىڭ جۇمىسى وتە جاپالى، ءار دارەجەلى ورىندار وفيتسەر - اسكەرلەردىڭ حال - جايىن كوكەيگە ءتۇيىپ، ناقتى قيىنشىلىقتارىن ىرىقتىلىقپەن شەشىپ، ءار جاقتاعى قامتاماسىزدىقتى تولىق ورىنداۋى كەرەك.
شي جينپيڭ سوڭىندا بىلاي دەپ باسا دارىپتەدى: پارتيا، ۇكىمەت، ارميا، ساقشى، حالىق تىزە قوسا شەكارانى نىعايتىپ، قورعانىستى بەكەمدەۋ − ەلىمىزدىڭ شەكارا قورعانىسىنىڭ ايرىقشا باسىمدىعى. اسكەري ءبولىم جەرگىلىكتى ورىنمەن تىلدەسۋدى، سايكەسۋدى ىرىقتىلىقپەن ويداعىداي ىستەۋى، ورتالىق پەن مەملەكەت ورگاندارىنىڭ قاتىستى تاراۋلارى، جەرگىلىكتى ءار دارەجەلى پارتكومدار مەن ۇكىمەتتەر شەكارا قورعانىس اسكەري ءبولىم قۇرىلىسىنا كوڭىل ءبولىپ، قولداۋ كورسەتۋى، مەملەكەتتىك شەكارا، تەڭىز قورعانىس كوميتەتى مەن ءار دارەجەلى شەكارا، تەڭىز قورعانىس كوميتەتتەرى فۋنكتسيالىق رولدارىن ويداعىداي ساۋلەلەندىرىپ، شەكارا قورعانىسى قىزمەتىنىڭ جاڭا جاعدايىن ءبىر نيەتپەن تىزە قوسا اشۋى كەرەك.
حى ۋيدۇڭ قاتارلىلار قيمىلعا قاتىناستى.
