4 - ايدىڭ 24 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگودا تۇراتىن 70 باس ەلشى تاپسىرعان مەملەكەت حاتىن قابىلدادى. سۋرەتتە: مەملەكەت حاتىن تاپسىرۋ سالتى اياقتاعاننان كەيىن، شي جينپيڭ بەيجيڭ زالىندا ەلشىلەرگە توپتىق ءسوز سويلەۋدە.
□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
شينحۋا اگەنتتىگىنىڭ 4 - ايدىڭ 24 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 4 - ايدىڭ 24 - كۇنى تۇستەن كەيىن حالىق سارايىندا جۇڭگودا تۇراتىن 70 باس ەلشىنىڭ تاپسىرعان مەملەكەت حاتىن قابىلدادى.
4 - ايداعى بەيجيڭدە كوكتەم سامالى ەسىپ، كۇللى تىرشىلىك جانداندى. موتوتسيكل اترەتىنىڭ قورعاۋىندا، ەلشىلەر ىركەس - تىركەس حالىق سارايىنىڭ سولتۇستىك قاقپاسىنا جەتتى. قۇرمەت قاراۋىلدارى ەكى جاقتا قاتار تۇزەپ، كەرنايشىلار قوناق قارسى الۋ كەرنايىن تارتتى. ەلشىلەر تۋ قاتارىنان ءوتىپ، اق ءمارمار باسپالداقپەن جوعارىعا كوتەرىلدى.
«تاۋ - وزەن نەتكەن كورىكتى» اتتى ۇلكەن قابىرعا سۋرەت الدىندا شي جينپيڭ ەلشىلەردىڭ تاپسىرعان مەملەكەت حاتىن جەكە - جەكە قابىلدادى، سونداي - اق ولارمەن جەكە - جەكە سۋرەتكە ءتۇستى.
ولار مىنالار: موڭعۇليانىڭ جۇڭگودا تۇراتىن باس ەلشىسى بادرىل، گۆيانانىڭ جۇڭگودا تۇراتىن باس ەلشىسى جوۋ ياشين، باربادوستىڭ جۇڭگودا تۇراتىن باس ەلشىسى حەنري، سالۆادوردىڭ جۇڭگودا تۇراتىن باس ەلشىسى الۆارەز، اۆستريانىڭ جۇڭگودا تۇراتىن باس ەلشىسى ريكىن، يسلانديانىڭ جۇڭگودا تۇراتىن باس ەلشىسى يبسىن، مەكسيكانىڭ جۇڭگودا تۇراتىن باس ەلشىسى سياد، فينلانديانىڭ جۇڭگودا تۇراتىن باس ەلشىسى ميككولا، موناكونىڭ جۇڭگودا تۇراتىن باس ەلشىسى ماسسوڭ، سەيشەلدىڭ جۇڭگودا تۇراتىن باس ەلشىسى لافورتۇني، گانانىڭ جۇڭگودا تۇراتىن باس ەلشىسى حامموند، باحرەيننىڭ جۇڭگودا تۇراتىن باس ەلشىسى شاحۋ، كومورونىڭ جۇڭگودا تۇراتىن باس ەلشىسى ماۋلانا، ترينيداد جانە توباگونىڭ جۇڭگودا تۇراتىن باس ەلشىسى ليۋ نا، مالاۆيدىڭ جۇڭگودا تۇراتىن باس ەلشىسى چينتەدزا، الجيريانىڭ جۇڭگودا تۇراتىن باس ەلشىسى رابحي، سەربيانىڭ جۇڭگودا تۇراتىن باس ەلشىسى ستەفانوۆيچ، وزبەكستاننىڭ جۇڭگودا تۇراتىن باس ەلشىسى الزيەۆ، كونگونىڭ (كينشاسا) جۇڭگودا تۇراتىن باس ەلشىسى بالۋمۋەينا، امەريكانىڭ جۇڭگودا تۇراتىن باس ەلشىسى بۋرنس، ءۇندىستاننىڭ جۇڭگودا تۇراتىن باس ەلشىسى لوگودۇڭ، كيريباتيدىڭ جۇڭگودا تۇراتىن باس ەلشىسى تيابو، يەمەننىڭ جۇڭگودا تۇراتىن باس ەلشىسى مەيتامي، قازاقستاننىڭ جۇڭگودا تۇراتىن باس ەلشىسى نۇرىشەۆ، ۆەنەسۋەلانىڭ جۇڭگودا تۇراتىن باس ەلشىسى يوفرەدا، سيريانىڭ جۇڭگودا تۇراتىن باس ەلشىسى حاساني، نيگەردىڭ جۇڭگودا تۇراتىن باس ەلشىسى سەنە، گەرمانيانىڭ جۇڭگودا تۇراتىن باس ەلشىسى فلور، ساموانىڭ جۇڭگودا تۇراتىن باس ەلشىسى مارينەر، ساۋد ارابياسىنىڭ جۇڭگودا تۇراتىن باس ەلشىسى ءاللابي، كورەيانىڭ جۇڭگودا تۇراتىن باس ەلشىسى جىڭ زايحاۋ، نەپالدىڭ جۇڭگودا تۇراتىن باس ەلشىسى شىرەستتا، سەنەگالدىڭ جۇڭگودا تۇراتىن باس ەلشىسى سيللا، كونگونىڭ (براززاۆيل) جۇڭگودا تۇراتىن باس ەلشىسى نيانگا، برازيليانىڭ جۇڭگودا تۇراتىن باس ەلشىسى گالۆاۋ، ۋگاندانىڭ جۇڭگودا تۇراتىن باس ەلشىسى ونەكا، وڭتۇستىك سۋداننىڭ جۇڭگودا تۇراتىن باس ەلشىسى موندەي، كيپردىڭ جۇڭگودا تۇراتىن باس ەلشىسى ماۆروماتي، لەسوتونىڭ جۇڭگودا تۇراتىن باس ەلشىسى رابالە، شۆەتساريانىڭ جۇڭگودا تۇراتىن باس ەلشىسى بۇرري، باگامنىڭ جۇڭگودا تۇراتىن باس ەلشىسى بەسەل، ەستونيانىڭ جۇڭگودا تۇراتىن باس ەلشىسى حانسو، ەگيپەتتىڭ جۇڭگودا تۇراتىن باس ەلشىسى حانافي، سۋداننىڭ جۇڭگودا تۇراتىن باس ەلشىسى ساديگ، رەسەيدىڭ جۇڭگودا تۇراتىن باس ەلشىسى مورگۋلوۆ، كانادانىڭ جۇڭگودا تۇراتىن باس ەلشىسى مەي چيانلين، پورتۋگاليانىڭ جۇڭگودا تۇراتىن باس ەلشىسى ناسيمەنتو، بوتسۆانانىڭ جۇڭگودا تۇراتىن باس ەلشىسى سەرەما، بانگلادەشتىڭ جۇڭگودا تۇراتىن باس ەلشىسى ۇددين، قىرعىزستاننىڭ جۇڭگودا تۇراتىن باس ەلشىسى مۇسايەۆا، سلوۆاكيانىڭ جۇڭگودا تۇراتىن باس ەلشىسى ليزاك، جاڭا زەلانديانىڭ جۇڭگودا تۇراتىن باس ەلشىسى مورتون، بيرمانىڭ جۇڭگودا تۇراتىن باس ەلشىسى ديڭ ماۋرۇي، گرەتسيانىڭ جۇڭگودا تۇراتىن باس ەلشىسى كالپيريس، جاسىل ءمۇيىس ارالدارىنىڭ جۇڭگودا تۇراتىن باس ەلشىسى دوروساريو، گۆينەيانىڭ جۇڭگودا تۇراتىن باس ەلشىسى كويتا، مارتانىڭ جۇڭگودا تۇراتىن باس ەلشىسى جون بۋسۋتيل، چيليدىڭ جۇڭگودا تۇراتىن باس ەلشىسى حۇرتادو، سۋرينامنىڭ جۇڭگودا تۇراتىن باس ەلشىسى جاڭ بيفىن، فيليپپيننىڭ جۇڭگودا تۇراتىن باس ەلشىسى جايمي، كولۋمبيانىڭ جۇڭگودا تۇراتىن باس ەلشىسى كابرەرا، ەفيوپيانىڭ جۇڭگودا تۇراتىن باس ەلشىسى تەفەرا، فرانسيانىڭ جۇڭگودا تۇراتىن باس ەلشىسى باي يۇيتاڭ، پەرۋدىڭ جۇڭگودا تۇراتىن باس ەلشىسى بالارەزو، تۇركيانىڭ جۇڭگودا تۇراتىن باس ەلشىسى مۇسا، ۆانۋاتۋدىڭ جۇڭگودا تۇراتىن باس ەلشىسى لاي يۋەياڭ، بۋرۋنديدىڭ جۇڭگودا تۇراتىن باس ەلشىسى يرامبونا، چادتىڭ جۇڭگودا تۇراتىن باس ەلشىسى حالينا، سان - مارينونىڭ جۇڭگودا تۇراتىن باس ەلشىسى گالاسسي، ەۆروپا وداعىنىڭ جۇڭگودا تۇراتىن ۋاكىلدەر ۇيىرمەسىنىڭ باستىعى تو ياۋحۇي. شي جينپيڭ تاعى شاڭحاي سەلبەستىك ۇيىمىنىڭ باس حاتشىسى جاڭ ميڭمەن كەزدەستى.
مەملەكەت حاتىن تاپسىرۋ سالتى اياقتاعاننان كەيىن شي جينپيڭ بەيجيڭ زالىندا ەلشىلەرگە توپتىق ءسوز سويلەدى.
شي جينپيڭ ەلشىلەرگە ءوز ەلىنىڭ، ۇيىمىنىڭ باسشىلارىنا جانە حالقىنا دەگەن ىزگى تىلەگىن جەتكىزۋدى تاپسىرىپ، بىلاي دەپ اتاپ كورسەتتى: جۇڭگو جاق تەپە - تەڭ، ءوزارا تيىمدىلىك جەتكىزۋ نەگىزىندە، ءار ەل حالقىمەن دوستىق سۇيىسپەنشىلىكتى تەرەڭدەتۋدى، ءوزارا تيىمدىلىك جەتكىزەتىن سەلبەستىكتى كەڭەيتۋدى، ەكى جاقتى قارىم - قاتىناستىڭ ۇزدىكسىز العا قاراي دامۋىن جەبەۋدى قالايدى. ەلشىلەردىڭ جۇڭگونى جان - جاقتى، ىشكەرىلەي ءتۇسىنۋىن، دوستىقتىڭ ەلشىسى، سەلبەستىكتىڭ دانەكەرى بولۋىن ءۇمىت ەتەمىن. جۇڭگو ۇكىمەتى ەلشىلەردىڭ قىزمەت مىندەتىن اتقارۋىنا قولداۋ كورسەتەدى، قولايلىلىق جاسايدى.
شي جينپيڭ بىلاي دەپ باسا دارىپتەدى: وتكەن 3 جىلدا جۇڭگو حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، ىندەتپەن شايقاسۋدىڭ ايرىقشا وزگەشە بارىسىن باستان كەشىردى. وسى بارىستا جۇڭگو كوپتەگەن مەملەكەتتەردىڭ جانە حالىقتىڭ شىنايى كومەگىنە يە بولدى، ءبىز دە ءىس جۇزىندىك ارەكەتىمىزبەن بۇكىل الەمنىڭ ىندەتكە قارسى اتتانۋىنا بار كۇشپەن قولداۋ كورسەتتىك، ءار ەلمەن بىرگە ادامزاتتىڭ دەنساۋلىق ساقتاۋ، سالاماتتىق ورتاق تۇلعاسى ۇستانىمىن امالياتتا ايگىلەپ، ءوزارا قارايلاسۋدىڭ، تاعدىرلاس بولۋدىڭ دانەكەرىن بەكەمدەدىك. جۇڭگو جاپپاي سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستاپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتەدى. جۇڭگو بەيبىت دامۋ جولىنان جازباي، سىرتقا ەسىك اشۋ سىندى نەگىزگى مەملەكەت ساياساتىنا تاباندى بولىپ، ءوزارا تيىمدىلىك جەتكىزۋ، تەڭ يگىلىكتەنۋ سىندى ەسىك اشۋ ستراتەگياسىن تاباندىلىقپەن اتقارىپ، وزىندىك دامۋ ارقىلى دۇنيە جۇزىنە اناعۇرلىم كوپ وراي جاراتادى. جۇڭگو جاق حالىقارالىق قوعاممەن بىرگە الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن تياناقتاندىرۋدى ىلگەرىلەتىپ، بۇكىل ادامزاتتىڭ ورتاق قۇندىلىعىن دارىپتەپ، ءار ەل حالقىنىڭ ءوزارا ءتۇسىنىسۋىن، دوستاسۋىن جەبەپ، الەمدىك ءتۇرلى سايىستارعا بىرگە توتەپ بەرىپ، ادامزاتتىڭ تاعدىرلاس ورتاق تۇلعاسىن قۇرۋ بەتالىسىنا قاراي ۇزدىكسىز ارشىندى قادام تاستاۋدى قالايدى.
ۋاڭ ي، چين گاڭ جوعارىداعى قيمىلعا قاتىناستى.
