شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسى بەيجيڭدە اشىلدى، شي جينپيڭ ماڭىزدى ءسوز سويلەپ بىلاي دەپ باسا دارىپتەدى
نەگىزگى تاقىرىپتىق تاربيەنى تىڭعىلىقتى، ويداعىداي يگەرىپ، جاڭا جورىقتا ەكپىندەي ىلگەرىلەۋ ءۇشىن زەيىن - زەردەنى، كۇش - قۋاتتى ۇيىستىرۋ كەرەك
لي چياڭ، جاۋ لىجي، ۋاڭ حۋنيڭ، ديڭ شۋەشياڭ، لي شي، حان جىڭ قاتىناستى، ساي چي ءسوز سويلەدى
4 - ايدىڭ 3 - كۇنى شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى.
□ سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
شينحۋا اگەنتتىگىنىڭ 4 - ايدىڭ 3 - كۇنى بەيجيڭنەن بەرگەن حابارى. شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى قىزمەت ءماجىلىسى 4 - ايدىڭ 3 - كۇنى بەيجيڭدە اشىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماجىلىسكە قاتىناستى ءارى ماڭىزدى ءسوز سويلەدى. ول بىلاي دەپ باسا دارىپتەدى: مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ايبىندى نىساناسى ادامدى جەلپىندىرەدى، ەكپىندەي ىلگەرىلەۋگە جىگەرلەندىرەدى، ءبىز وسى ۇرپاق كوممۋنيستەردىڭ بورىشى داڭقتى، جاۋاپكەرشىلىگى زور. ءبىز وسى رەتكى نەگىزگى تاقىرىپتىق تاربيەنى وراي ەتىپ، پارتيانىڭ جاسامپاز نازارياسىمەن قارۋلانۋدى كۇشەيتىپ، بۇكىل پارتيانىڭ ماركسيزمدىك دەڭگەيىن ۇزدىكسىز جوعارىلاتىپ، پارتيانىڭ بيلىك جۇرگىزۋ قابىلەتى مەن باسشىلىق ورەسىن ۇزدىكسىز جوعارىلاتىپ، جاڭا جورىقتا ەكپىندەي ىلگەرىلەۋ ءۇشىن زەيىن - زەردەنى، كۇش - قۋاتتى ۇيىستىرىپ، جىگەرلەنە ۇمتىلىپ، ەرلىكپەن العا باسىپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ جولىندا ىنتىماقتاسا كۇرەس جاساۋىمىز كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ديڭ شۋەشياڭ، لي شي، مەملەكەتتىڭ ورىنباسار ءتوراعاسى حان جىڭ ماجىلىسىكە قاتىناستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى باسشىلىق گرۋپپاسىنىڭ باستىعى ساي چي قورىتىندى ءسوز سويلەدى.
شي جينپيڭ بىلاي دەپ اتاپ كورسەتتى: اۋدان، باسقارما دارەجەلىدەن جوعارى باسشى كادرلاردى ءتۇيىن ەتىپ بۇكىل پارتيادا جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسىن ىشكەرىلەي ورىستەتۋ − پارتيا 20 - قۇرىلتايىنىڭ رۋحىن دايەكتىلەندىرۋدەگى، تياناقتاندىرۋداعى كەلەلى شارا، بۇكىل پارتيانىڭ يدەياسىن بىرلىككە كەلتىرۋ، پارتيا ىشىندە ورىن تەۋىپ وتىرعان كورنەكتى ماسەلەلەردى شەشۋ، پارتيانىڭ حالىق بۇقاراسىمەن ەتەنە بايلانىسىن باستان - اياق ساقتاۋ، پارتيا مەن مەملەكەت ىستەرىنىڭ دامۋىن ىلگەرىلەتۋ جونىنەن ماڭىزدى مانگە يە. بۇل رەتكى نەگىزگى تاقىرىپتىق تاربيەدە جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى تەرەڭدەتۋدى، ناقتىلاندىرۋدى ىلگەرىلەتۋ جاعىنا كۇش سالىپ، پارتيا مۇشەلەرىن، كادرلاردى يدەيالىق جاقتان توركىنىن تۇزەپ، قاينارىن تازالاپ، وزەكتى بەكەمدەپ، نەگىزدى جەتىلدىرىپ، ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيادا، ساياسيدا، ارەكەتتە باستان - اياق پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ويدى ءبىر اراعا شوعىرلاندىرىپ، كۇشتى ءبىر اراعا جۇمساپ، بىرلىكتە پارتيانى الماس قامالى جوق، قاشاندا جەڭىسكە جەتەتىن بەرىك قۇرىش ەتىپ شىڭداۋعا تاربيەلەۋ، جەتەكتەۋ كەرەك. قالىڭ پارتيا مۇشەلەرىن، كادرلاردى يدەيانى ۇيرەنىپ، ارەكەتتە ايگىلەپ، دۇرىس ۇقىق كوزقاراسىن، ناتيجە كوزقاراسىن، كاسىپ كوزقاراسىن ورناتىپ، جاۋاپكەرشىلىك سەزىم مەن بورىشتىلىق سەزىمدى كۇشەيتىپ، جوعارى ساپالى دامۋدى ىلگەرىلەتۋ قابىلەتىن، بۇقاراعا قىزمەت وتەۋ قابىلەتىن، حاۋىپ - قاتەردەن ساقتانۋ جانە ونى جويۋ قابىلەتىن ۇزدىكسىز جوعارىلاتىپ، كۇرەسكەرلىك رۋح پەن كۇرەسكەرلىك قابىلەت جەتىلدىرۋدى كۇشەيتىپ، قايراتتانا العا ىلگەرىلەيتىن، جاۋاپكەرشىلىك ارقالاپ، ءىس تىندىراتىن قايرات - جىگەرىن ۇشتاۋعا تاربيەلەۋ، جەتەكتەۋ كەرەك. ءار دارەجەلى پارتيا ۇيىمدارى مەن قالىڭ پارتيا مۇشەلەرىن، كادرلاردى ماسەلەنى باعدار ەتۋدى كورنەكتىلەندىرىپ، جەتەرسىزدىكتەردى تەكسەرىپ، پارىقتاردى تاۋىپ، باعداردى ايقىنداپ، ساياسي جاقتان ”دەنساۋلىق تەكسەرۋدى“ قابىلداپ، ساياسي شاڭ - توزاڭدى تازالاپ، ارەكەتتەگى اۋىتقۋشىلىقتى تۇزەتىپ، يدەيا كىرشىكسىز بولماۋ، ۇيىم كىرشىكسىز بولماۋ جاقتارىندا ورىن تەۋىپ وتىرعان كورنەكتى ماسەلەلەردى شەشىپ، پارتيانىڭ ءوزىن - ءوزى كىرشىكسىزدەندىرۋ، ءوزىن - ءوزى كەمەلدەندىرۋ، ءوزىن - ءوزى جاڭارتۋ، ءوز دەڭگەيىن جوعارىلاتۋ قابىلەتىن ۇزدىكسىز كۇشەيتىپ، پارتيامىزدىڭ باستان - اياق جالىندى تىرشىلىك تىنىسى مەن تاسقىنداعان ومىرشەڭدىك كۇشكە تولى بولۋىنا، باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسىنا اينالۋىنا مۇمكىندىك جاساۋعا تاربيەلەۋ، جەتەكتەۋ كەرەك.
شي جينپيڭ بىلاي دەپ باسا دارىپتەدى: وسى رەتكى نەگىزگى تاقىرىپتىق تاربيەدە ”يدەيانى ۇيرەنۋ، پارتيالىلىقتى كۇشەيتۋ، امالياتقا باسا ءمان بەرۋ، جاڭا ۇلەس قوسۋ“ باس تالابىن مىقتاپ يگەرۋ كەرەك. جاڭا ءداۋىر جۇڭگوشا سوتسياليزم يدەياسىن جاپپاي ۇيرەنىپ، ءتۇسىنىپ، وسى يدەيانىڭ نەگىزگى كوزقاراسىن، عىلمي جۇيەسىن جاپپاي، جۇيەلى يگەرىپ، وسى يدەيانىڭ دۇنيەگە كوزقاراسىن، ادىستەمەسىن ويداعىداي يگەرىپ، وعان سىڭىرىلگەن تۇرعىعا، كوزقاراسقا، ادىسكە ويداعىداي تاباندى بولىپ، ودان ويداعىداي پايدالانىپ، پارتيانىڭ جاسامپاز نازارياسىن ساياسي جاقتان شىنايى مويىنداۋدى، يدەيالىق جاقتان شىنايى مويىنداۋدى، نازاريالىق جاقتان شىنايى مويىنداۋدى، سۇيىسپەنشىلىك جاقتان شىنايى مويىنداۋدى ۇزدىكسىز كۇشەيتىپ، ماركسيزمدىك ەرەن قابىلەتتى شىن مانىندە جەتە يگەرىپ، جاڭا ءداۋىر جۇڭگوشا سوتسياليزم يدەياسىمەن سانالى تۇردە ءتۇرلى قىزمەتتەرگە جەتەكشىلىك ەتۋ كەرەك. جاڭا ءداۋىر جۇڭگوشا سوتسياليزم يدەياسىمەن سانالى تۇردە سۋبيەكتيۆ دۇنيەنى وزگەرتىپ، وسى يدەيانىڭ مۇرات - سەنىمدى بەكەمدەۋ، يدەيالىق دەڭگەيدى جوعارىلاتۋ، پارتيالىلىق شىڭدالۋدى كۇشەيتۋ سياقتىلار جونىندەگى ءبىر قىدىرۋ تالاپتارىن تەرەڭ ءتۇسىنىپ، كوممۋنيستەردىڭ ساياسي قاسيەتىن باستان - اياق ساقتاۋ كەرەك. جاڭا ءداۋىر جۇڭگوشا سوتسياليزم يدەياسىن سانالى تۇردە امالياتتا ايگىلەپ، ونى وبيەكتيۆ دۇنيەنى وزگەرتۋگە، ىستەردى دامىتۋدى ىلگەرىلەتۋگە پايدالانىپ، ءداۋىردى باعامداۋعا، ءداۋىردى يگەرۋگە، داۋىرگە جەتەكشىلىك ەتۋگە پايدالانىپ، بەلسەندى تۇردە وزگەرىستى تانىپ، وزگەرىسكە توتەپ بەرىپ، وزگەرىسكە ۇمتىلىپ، ەكونوميكالىق، قوعامدىق دامۋدا جانە پارتيا قۇرىلىسىندا ورىن تەۋىپ وتىرعان ءتۇرلى قايشىلىقتاردى، ماسەلەلەردى شەشىپ، ەلەۋلى حاۋىپ - قاتەرلەردەن ساقتانىپ جانە ونى جويىپ، جۇڭگو ۇلگىسىندەگى وسىزامانداندىرۋدىڭ تىڭ ىلگەرىلەۋشىلىككە، تىڭ ناتيجەگە قول جەتكىزۋىن ىلگەرىلەتۋ كەرەك. جاڭا ءداۋىر جۇڭگوشا سوتسياليزم يدەياسىنان جىگەرلەنە العا ىلگەرىلەيتىن اقىل - پاراسات جانە كۇش - قۋات قابىلداپ، وندا قامتىلعان باسشىلىق ءادىستى، يدەيالىق ءادىستى، قىزمەت ءادىسىن قانىق يگەرىپ، مىندەت وتەپ، جاۋاپكەرشىلىكتى ادا ەتۋ قابىلەتى مەن ورەسىن ۇزدىكسىز جوعارىلاتىپ، زەيىن - زەردە مەن كۇش - قۋاتتى ۇيىستىرا وتىرىپ دامۋدى جەبەپ، دامىل الماي تياناقتاندىرۋدى يگەرىپ، قىزمەت ورنىن تياناق ەتىپ ۇلەس قوسىپ، تاريح پەن حالىقتىڭ سىناعىنان سۇرىنبەي وتەتىن ناقتى ناتيجە جاراتۋعا قۇلشىنۋ كەرەك.
شي جينپيڭ بىلاي دەپ اتاپ كورسەتتى: وسى رەتكى نەگىزگى تاقىرىپتىق تاربيەنى ورىستەتۋدىڭ ءتۇبىرلى مىندەتى − ۇيرەنۋدى، وي جۇگىرتۋدى، قولدانۋدى ساباقتاستىرۋعا، تانىمدى، سەنىمدى، ارەكەتتى بىرلىككە كەلتىرۋگە تاباندى بولىپ، جاڭا ءداۋىر جۇڭگوشا سوتسياليزم يدەياسىن مۇراتتى بەكەمدەۋدىڭ، پارتيالىلىقتى شىڭداۋدىڭ جانە امالياتقا جەتەكشىلىك ەتۋدىڭ، قىزمەتتى ىلگەرىلەتۋدىڭ مىعىم كۇشىنە اينالدىرىپ، بۇكىل پارتيانىڭ ءبىر تۇتاس يدەيانى، بەرىك ەرىك - جىگەردى، سايكەستى ارەكەتتى، قۇدىرەتتى جاۋىنگەرلىك قۋاتتى باستان - اياق ساقتاۋىنا مۇمكىندىك جاساپ، ۇيرەنۋ ارقىلى رۋحتى سومداۋ، ۇيرەنۋ ارقىلى پاراساتتى ارتتىرۋ، ۇيرەنۋ ارقىلى ستيلدى دۇرىستاۋ، ۇيرەنۋ ارقىلى ىستەۋدى جەبەۋ سياقتى جاقتاردا ناقتى تابىسقا قول جەتكىزۋگە قۇلشىنۋ. زەيىن - زەردەنى ۇيىستىرىپ، رۋحتى سومداپ، نەگىزدى بەكەمدەۋ، قالىڭ پارتيا مۇشەلەرىن، كادرلاردى يدەيالىق جاقتان شىڭدالىپ، رۋحاني جاقتان سىننان ءوتىپ، ماركسيزم جونىندەگى نانىمدى، جۇڭگوشا سوتسياليزم جونىندەگى ۇستانىمدى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىندەگى سەنىمدى بەكەمدۋ، پارتيا قۇرۋ ۇلى رۋحىن اسقاقتاتىپ، ءسوز جوق، اۋەلگى ماقساتتى ۇمىتپاي، بورىشتى ەستە بەرىك ساقتاپ، ءسوز جوق، كىشى پەيىل، ۇستامدى بولىپ، قاجىرلىلىقپەن كۇرەس جاساپ، ءسوز جوق، باتىلدىقپەن كۇرەس جۇرگىزىپ، شەبەرلىكپەن كۇرەس جۇرگىزىپ، نانىم نەگىزىن بەكەمدەۋگە، رۋحاني كالتسيدى جەتكىلىكتى تولىقتاۋعا، يدەيالىق تىزگىندى ورنىقتى ۇستاۋعا تاربيەلەۋ، جەتەكتەۋ كەرەك. قاسيەتتى جەتىلدىرىپ، ادالدىقتى كۇشەيتۋ، قالىڭ پارتيا مۇشەلەرىن، كادرلاردى ساياسي قاسيەتتى جەتىلدىرىپ، پارتيانىڭ تۋىن تۋ، پارتيانىڭ ەركىن ەرىك، پارتيانىڭ بورىشىن بورىش ەتىپ، باستان - اياق پارتياعا ادال بولىپ، حالىققا ادال بولىپ، ماركسيزمگە ادال بولىپ، پارتيانى شىن جۇرەكتەن سۇيۋگە، قاي - قاشان دا پارتيانىڭ قامىن ويلاۋعا، پارتيانى باتىل قورعاۋعا، بار كۇشىن سالىپ پارتيانى كوركەيتۋگە تاربيەلەۋ، جەتەكتەۋ كەرەك. ناقتى ىستەپ، جاۋاپكەرشىلىك ارقالاۋ ارقىلى دامۋدى جەبەۋ، قالىڭ پارتيا مۇشەلەرىن، كادرلاردى ”مەملەكەتتىڭ زور ءىسىن“ كوكەيدە ساقتاۋعا، جاڭا ءداۋىردىڭ جاڭا جورىعىنداعى پارتيانىڭ وزەكتى مىندەتىن تىعىز ارقاۋ ەتىپ، شىنايى يگەرىپ، ناقتى ىستەپ، شىندىققا جۇگىنىپ، ناقتى ونىمدىلىككە جەتىپ، نازاردى ماسەلەلەرگە شوعىرلاندىرىپ، قيىندىققا قارسى اتتانىپ، ءاردايىم قام جەپ تۇراتىن جاۋاپكەرشىلىكپەن، بەلسەنە جاۋاپكەرشىلىك ارقالاپ، ىسكەرلىك كورسەتەتىن قايرات - جىگەرمەن پارتيا مەن حالىق ءۇشىن ويداعىداي مىندەت اتقارىپ، جاۋاپكەرشىلىكتى جاقسى ادا ەتىپ، جاڭا بەينە، جاڭا ىسكەرلىك ارقىلى جوعارى ساپالى دامۋدىڭ جاڭا ونىمدىلىكتەرگە قول جەتكىزۋىن ىلگەرىلەتىپ، قاجىرلى كۇرەسكە سۇيەنىپ ىستەردى دامىتۋدىڭ جاڭا ءورىسىن اشۋعا تاربيەلەۋ، جەتەكتەۋ كەرەك. باس ماقساتتى امالياتتا ايگىلەپ، حالىقتى باقىتقا كەنەلتۋ، قالىڭ پارتيا مۇشەلەرىن، كادرلاردى حالىقتى وزەك ەتكەن دامۋ يدەياسىن بەرىك ورناتىپ، بارلىعىن حالىق ءۇشىن ىستەۋگە، بارلىعىندا حالىققا سۇيەنۋگە تاباندى بولىپ، سانالىلىقپەن حالىقتان اقىل سۇراپ، حالىقتىڭ ۇنىنە قۇلاق اسىپ، قاشاندا حالىقپەن تىنىستاس، تاعدىرلاس، تىلەكتەس بولىپ، حالىق بۇقاراسىنىڭ شۇعىل، قيىن، الاڭداعان، ءزارۋ ماسەلەلەرىن كۇش سالا شەشىپ، حالىق تۇرمىسىنا تيىمدىلىك جەتكىزۋ، حالىق جۇرەگىن جىلىتۋ، حالىق قالاۋىنان شىعۋ قىزمەتىن بۇقارانىڭ قالاۋىنان شىعاتىنداي ىستەپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن كۇشەيتۋگە تاربيەلەۋ، جەتەكتەۋ كەرەك. كىرشىكسىز دە كوپشىل بولىپ، جاڭا سالت ورناتۋ، قالىڭ پارتيا مۇشەلەرىن، كادرلاردى ءتارتىپ تانىمىن، قاعيدا تانىمىن كۇشەيتىپ، ”ءتورت بۇرىس ستيلدى“ ۇزدىكسىز تۇزەتىپ، فورماشىلدىقتى، تورەشىلدىكتى تۇزەتۋدى اناعۇرلىم كورنەكتى ورىنعا قويىپ، بيلىكتى ءادىل ىستەتىپ، بيلىكتى زاڭ بويىنشا ىستەتىپ، بيلىكتى حالىق ءۇشىن ىستەتىپ، بيلىكتى پاكتىكپەن ىستەتىپ، كىرشىكسىز جولداستىق قاتىناستى، ءتارتىپتى جوعارى - تومەن قاتىناسىن، ەتەنە، كىرشىكسىز، ءبىر تۇتاس جاڭاشا ۇكىمەت - ساۋداگەرلەر قاتىناسىن قالىپتاستىرۋدى ىلگەرىلەتىپ، تاماشا ساياسي ەكولوگيا مەن قوعامدىق سالتتىڭ جەتەكشىسى، قالىپتاستىرۋشىسى، قورعاۋشىسى بولۋعا تاربيەلەۋ، جەتەكتەۋ كەرەك.
شي جينپيڭ بىلاي دەپ باسا دارىپتەدى: وسى رەتكى نەگىزگى تاقىرىپتىق تاربيە ساتىعا بولىنبەيدى، بۋىنعا بولىنبەيدى، نازاريا ۇيرەنۋدى، تەكسەرۋ - زەرتتەۋدى، دامۋدى ىلگەرىلەتۋدى، قاداعالاۋدى، رەتتەۋ - تۇزەتۋدى ساباقتاستىرىپ، ورگانيكالى توعىستىرىپ، ءبىر تۇلعالاندىرىپ ىلگەرىلەتۋ كەرەك. ءتۇپ نۇسقانى وقۋعا، ءتۇپ نۇسقانى ۇيرەنۋگە، قاعيدانى تۇسىنۋگە تاباندى بولىپ، كوپ تولعانىپ، كوپ وي جۇگىرتۋگە، ىشكەرىلەي ۇيرەنىپ، جەتە تۇسىنۋگە تاباندى بولىپ، جاڭا ءداۋىر جۇڭگوشا سوتسياليزم يدەياسىنىڭ عىلمي جۇيەسىن، مايەكتى ءمانىن، امالياتتىق تالابىن جاپپاي ۇيرەنىپ، ءتۇسىنىپ، جالپى تۇلعالىق جاقتان يگەرۋ، جەتە ۇعىنۋ، تولىق ءتۇسىنۋ كەرەك. پارتيا ورتالىق كوميتەتىنىڭ بۇكىل پارتيادا تەكسەرۋ - زەرتتەۋدى بارىنشا ورىستەتۋ جونىندەگى قىزمەت جوباسى بويىنشا قالىڭ پارتيا مۇشەلەرىن، كادرلاردى، اسىرەسە، ءار دارەجەلى باسشى كادرلاردى تومەنگە ءتۇسىپ، الدىڭعى شەپكە بارىپ، اۋىل - قىستاق، الەۋمەتتىك اۋماق، كاسىپورىن، شيپاحانا، مەكتەپ، ”ەكى جاڭا“ ۇيىم سياقتى نەگىزگى ساتى ورىندارىن ىشكەرىلەي ارالاپ، تامىر ۇستاپ، دياگنوز قويىپ، تيپتىك ماسەلەلەردى تەكسەرىپ - زەرتتەپ، ماسەلەلەردى سالالاپ، قيىن ماسەلەلەردى ءبىر - بىرلەپ تەكسەرىپ، پارتيانىڭ جاسامپاز نازارياسىن قولدانىپ جاڭا جاعدايلاردى زەرتتەۋگە، جاڭا ماسەلەلەردى شەشۋگە ۇيىمداستىرۋ كەرەك. جوعارى ساپالى دامۋ سىندى جاپپاي سوتسياليستىك وسىزاماندانعان مەملەكەت قۇرۋدىڭ ماڭداي الدى مىندەتىن مىقتاپ ارقاۋ ەتىپ، نازاريا ۇيرەنۋدى كۇشەيتۋ ارقىلى دامۋ امالياتىنا جەتەكشىلىك ەتىپ، تەكسەرۋ - زەرتتەۋدى تەرەڭدەتۋ ارقىلى دامۋداعى قيىن ماسەلەلەردى شەشۋدى ىلگەرىلەتىپ، ۇيرەنۋ مەن تەكسەرۋ - زەرتتەۋدى پارتيانىڭ 20 - قۇرىلتايى ورنالاستىرعان ءتۇرلى مىندەتتەردى ورىنداۋ بارىسىندا تياناقتاندىرىپ، جوعارى ساپالى دامۋدى ىلگەرىلەتۋدىڭ جاڭا ناتيجەلەرى ارقىلى نەگىزگى تاقىرىپتىق تاربيەنىڭ جەتىستىكتەرىن سىننان وتكىزۋ كەرەك. ءبىر جاعىنان ۇيرەنىپ، ءبىر جاعىنان سالىستىرىپ، ءبىر جاعىنان قاداعالاپ، ءبىر جاعىنان رەتتەپ - تۇزەتۋگە تاباندى بولىپ، ماسەلەنى رەتتەۋ - تۇزەتۋدى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، حالىق بۇقاراسىنا ماسەلەنى شەشۋدىڭ ءىس جۇزىندىك ونىمدىلىگىن شىنايى سەزىندىرۋ كەرەك. ورتالىق پەن مەملەكەت ورگاندارى نەگىزگى تاقىرىپتىق تاربيە بارىسىندا ورگان مەن جۇيە ىشىندەگى كادرلار قوسىنىن تاربيەلەۋدى، رەتتەۋدى ويداعىداي يگەرۋى كەرەك.
شي جينپيڭ بىلاي دەپ اتاپ كورسەتتى: وسى رەتكى نەگىزگى تاقىرىپتىق تاربيە − جالپى جاعدايعا ساياتىن ءىرى ءىس، ۋاقىت تىعىز، مىندەت اۋىر، تالاپ جوعارى. ءار دارەجەلى پارتكومدار (پارتيا باسشىلىق گرۋپپاسى) تۇلعالىق جاۋاپكەرشىلىكتى ارقالاپ، نەگىزگى تاقىرىپتىق تاربيەنى ويداعىداي جوبالاۋى، ويداعىداي ۇيىمداستىرۋى، ويداعىداي تياناقتاندىرۋى كەرەك. پارتكومداعى (پارتيا باسشىلىق گرۋپپاسى) نەگىزگى جاۋاپتى جولداستار ءبىرىنشى جاۋاپتى ادام مىندەتىن شىنايى اتقارىپ، ءوزى جوسپارلاپ، الدىعا شىعىپ قولباسشىلىق ىستەپ، قۋزاۋ - جەتەكشىلىك ەتۋى كەرەك. ورتالىق جەتەكشىلىك ەتۋ گرۋپپاسىن جىبەرىپ، نەگىزگى تاقىرىپتىق تاربيەنىڭ ورىستەتىلۋ احۋالىنا قۋزاۋشىلىق، جەتەكشىلىك ەتەدى. ولكەلىك، اۆتونوميالى رايوندىق، قالالىق پارتكومدار مەن كاسىپ جۇيەسىن باسقارۋشى تاراۋلاردىڭ پارتيا باسشىلىق گرۋپپالارى (پارتكوم) ارالاپ جەتەكشىلىك ەتۋ گرۋپپاسىن جىبەرىپ، قاراستى وڭىرلەرگە، تاراۋلارعا جانە ورىندارعا قۋزاۋ - جەتەكشىلىك ەتۋدى كۇشەيتەدى. جەر - جەر، تاراۋلار، ورىندار وزەكتى ارقاۋ ەتۋگە، كەلەلى جاعدايعا قىزمەت وتەۋگە تاباندى بولىپ، نەگىزگى تاقىرىپتىق تاربيەنى ورىستەتۋدى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋمەن، تياناقتاندىرۋمەن ۇشتاستىرىپ، ءوز ءوڭىرىنىڭ، ءوز تاراۋىنىڭ، ءوز ورنىنىڭ وزەكتى قىزمەتىن ىلگەرىلەتۋمەن ۇشتاستىرىپ، ەكى جاعىن دا يگەرىپ، ەكى جاعىن دا جەبەپ، پارتيا مۇشەلەرىنىڭ، كادرلاردىڭ تاسقىنداعان ۇيرەنۋ، قىزمەت ىنتاسىن قامال الىپ، قيىندىقتى جەڭۋدىڭ، ءىس تىندىرىپ، ناتيجە شىعارۋدىڭ قۋاتتى قوزعاۋشى كۇشىنە اينالدىرۋدى ىلگەرىلەتۋى كەرەك.
ساي چي قورىتىندى سوزىندە مىنالاردى ءبىلدىردى: باس شۋجي شي جينپيڭنىڭ ماڭىزدى ءسوزى جاڭا ءداۋىردىڭ جاڭا جورىعىنداعى پارتيا مەن مەملەكەت ىستەرى دامۋىنىڭ جالپى جاعدايى ستراتەگيالىق تۇرعىسىنان نەگىزگى تاقىرىپتىق تاربيەنى ورىستەتۋدىڭ كەلەلى ماڭىزى مەن نىسانا - تالاپتارىن تەرەڭ پايىمداپ، نەگىزگى تاقىرىپتىق تاربيەنىڭ ءتۇرلى قىزمەتتەرىنە جاپپاي ورنالاستىرۋ جاساپ، بۇكىل پارتيانىڭ نەگىزگى تاقىرىپتىق تاربيەنى ورىستەتۋىنە ءتۇبىرلى بويسۇنۋ ولشەمىن ازىرلەدى، بۇل − ماركسيزمدىك تۇعىرنامالىق حۇجات. بۇكىل پارتياداعى جولداستار ونى مۇقيات ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى قاز - قالپىندا ويداعىداي يگەرۋى كەرەك. نازاريامەن قارۋلانۋدى جاپپاي كۇشەيتىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن قاجىماي - تالماي زەيىن - زەردەنى ۇيىستىرىپ، رۋحتى سومداپ، قالىڭ پارتيا مۇشەلەرىن، كادرلاردى ”ەكىنى تۇراقتاندىرۋدىڭ“ شەشۋشى ءمانىن اناعۇرلىم تەرەڭ تۇسىنۋگە، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋعا تاربيەلەۋ، جەتەكتەۋ كەرەك. تەكسەرۋ - زەرتتەۋ ستيلىن بارىنشا ساۋلەلەندىرىپ، پارتيانىڭ جاسامپاز نازارياسىنان پايدالانىپ جاڭا جاعدايلاردى زەرتتەۋ، جاڭا ماسەلەلەردى شەشۋ، جاڭا تاجىريبەلەردى قورىتىندىلاۋ كەرەك. ماسەلەنى رەتتەۋ - تۇزەتۋدى نەگىزگى تاقىرىپتىق تاربيەنىڭ تۇتاس بارىسىنا ءسىڭىرىپ، ماسەلەگە بەتپە - بەت كەلىپ، ماسەلەنى بەتكە الىپ ۇيرەنىپ، ماسەلەنى كوزدەي وتىرىپ تۇزەتۋ كەرەك. بىلەك سىبانا شىنايى يگەرىپ، ناقتى ىستەپ، جوعارى ساپالى دامۋدى ىلگەرىلەتۋدە تىڭ تابىستارعا قول جەتكىزۋ كەرەك. جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، اشىق تاربيە جۇرگىزۋگە تاباندى بولىپ، بۇقارانىڭ شۇعىل، قيىن، الاڭداعان، ءزارۋ ماسەلەلەرىن شەشىپ، بۇقارانى ناقتى يگىلىككە كەنەلدىرۋگە كۇش سالۋ كەرەك. باسشىلىق جاۋاپكەرشىلىكتى ناقتىلاندىرىپ، قاتايتىپ، قۋزاۋ - جەتەكشىلىك ەتۋدى كۇشەيتىپ، نەگىزگى تاقىرىپتىق تاربيەنىڭ ءتۇرلى مىندەتتەرىن تابىسپەن ورىنداۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ پارتيالى ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ پارتيالى ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى ماجىلىسكە قاتىناستى.
ءماجىلىس تەلەۆيزور - تەلەفون ءماجىلىسى فورماسىندا اشىلدى، ورتالىق شي جينپيڭ جاڭا ءداۋىر جۇڭگوشا سوتسياليزم يدەياسىن ۇيرەنۋ، دايەكتىلەندىرۋ نەگىزگى تاقىرىپتىق تاربيەسى باسشىلىق گرۋپپاسىنىڭ مۇشەلەرى، ءارقايسى ولكە، اۆتونوميالى رايون، قالالاردىڭ جانە تەتە ولكە دارەجەلى قالالاردىڭ، شينجياڭ ءوندىرىس - قۇرىلىس بيڭتۋانىنىڭ باسشىلىق القالارىنىڭ مۇشەلەرى، ورتالىق پەن مەملەكەت ورگاندارىنىڭ ءارقايسى تاراۋلارىنداعى، ءارقايسى حالىقتىق ۇيىمدارداعى، ورتالىق باسقاراتىن فينانس قۇرىلىمدارىنداعى، ءىشىنارا كاسىپورىندارداعى، جوعارى مەكتەپتەردەگى، ارميانىڭ قاتىستى ورىندارىنداعى نەگىزگى جاۋاپتى جولداستار، نەگىزگى تاقىرىپتىق تاربيە ورتالىق جەتەكشىلىك ەتۋ گرۋپپاسىنىڭ ءارقايسى گرۋپپا باستىقتارى، ورىنباسار گرۋپپا باستىقتارى قاتارلىلار ماجىلىسكە قاتىناستى.
